Türkiyənin paytaxtı Ankarada güclü partlayış baş verib. APA-nın  "Haber Turk"-ə istinadən verdiyi xəbərə görə, insident Çukurambar rayonunda baş verib.

Məlumata görə, partlayış vergi müfəttişliyinin yanında baş verib.

İnsident nəticəsində ölən və yaralananlar barədə məlumat toxdur. Hadisə yerinə polis qüvvələri cəlb edilib.  

Son məlumata görə, qaz sızması nəticəsində baş vermiş güclü partlayış nəticəsində 3 nəfər yüngül xəsarət alıb. Bu barədə Ankara valisi Ercan Topaca bildirib. 

İranda hakimiyyətin 38 ildir qadınlara tətbiq etdiyi geyim qaydalarına etiraz olaraq zərif cinsin nümayəndələri Tehranın müxtəlif yerlərində aksiya keçiriblər.

Oxu.Az BBC-yə istinadən xəbər verir ki, qadınların tənha şəkildə aksiya keçirməsi son aylar ənənə halını alıb.

https://youtu.be/bmjDB_0gGCQ

Qeyd edək ki, 2017-ci il dekabrın 27-də 1,5 yaşlı körpə qız anası, 31 yaşlı Vida Müvəhid Tehranın İnqilab prospektində baş örtüyünü bayrağa çevirərək saçları tökülmüş vəziyyətdə etiraz aksiyası keçirmişdi. İranlı hüquq müdafiəçisi Nəsrin Sütudə polis tərəfindən həmin gün qadının həbs olunduğunu, yanvarın 28-də isə sərbəst buraxdığını bildirib.

Yanvarın 29-da isə Vida Müvəhidin hərəkətini bir neçə qadın təkrarlayıb.

Türkiyənin İraqla sərhəddə yerləşən Hakkari vilayətində hərbi hissə hücuma məruz qalıb.

Oxu.Az-ın Türkiyə KİV-ə istinadən verdiyi xəbərə görə, silahlı hücum nəticəsində bir nəfər həlak olub, beş hərbçi yaralanıb.

Hücumun İraq ərazisindən daxil olmuş PKK yaraqlıları tərəfindən həyata keçirildiyi bildirilir.

Yaralanmış hərbçilər Hakkari vilayətinin hərbi hospitalına çatdırılıb.

Qeyd edək ki,Türkiyə və müstəqil dövlət yaratmağa çalışan Kürd Fəhlə Partiyası (PPK) arasındakı münaqişə 30 ildən çoxdur ki, davam edir. Münaqişədə 40 mindən çox insan həyatını itirib. BMT və Avropa İttifaqı PKK-nı terrorçu qruplaşma hesab edir.  

Qara dənizdə, Krım sahilləri yaxınlığında zədələnmiş "Berq" yük gəmisi Türkiyə gəmiçilik şirkətinə məxsus olub.

Bu barədə "RİA Novosti"yə istinadən xəbər verir.

Zədələnən gəminin ekipaj üzvləri səkkiz Ukrayna vətəndaşı və dörd azərbaycanlıdan ibarətdir. Gəmidə üç min tondan çox yükün daşındığı bildirilir.

Qəza yerinə xilasedici kater göndərilib. Bütün ekipaj üzvlərinin Feodosiyaya təxliyyə edildiyi xəbər verilir.

"Yük gəmisinin zədələnmiş hissəsi artıq təmir olunub", - deyə Rusiya FHN-nin Cənubi Regional Mərkəzinin sədri bildirib.

"Gəminin sahibindən məlumat daxil olub ki, yardıma ehtiyac yoxdur. Korpusda əmələ gələn dəliyi öz gücləri hesabına aradan qaldıracaqlarını bildiriblər. Artıq dəliyi bağlayıblar", - deyə o qeyd edib.

O əlavə edib ki, bərpa-təmir işləri yekunlaşdıqdan sonra gəmi yoluna davam edəcək. Rusiya FHN-nin məlumatına görə, Moldova bayrağı altında üzən yük gəmisi Azov dənizindən Türkiyə istiqamətinə hərəkət edib. Hazırda gəminin Feodosiya sahillərindən 15 kilometr aralıda dayandığı bildirilir. 

"Zeytun budağı"nın 12-ci günündə Afrinin daha bir kəndi PKK, PYD və YPG-li terrorçulardan təmizlənib.

Dalga tv-nin Türkiyə mediasına istinadən xəbərinə görə, azad olunan kənd Afrinin Bak Ubasi kəndidir.

Eyni zamanda, Afrinin Darmık dağındakı terrorçu hədəfləri bombalanır.

Türkiyədə Van-Hakkari avtomagistralında yük maşını ilə mikroavtobus toqquşub.

Dalga tv xəbər verir ki, Van əyalətinin Gürpınar rayonundakı qəzada səkkiz nəfər həyatını itirib, iki nəfər ağır yaralanıb.

Yaralılar təcili tibbi yardım vasitəsilə Van Təlim-Araşdırma Xəstəxanasına aparılıb.

Hadisə yerində polis araşdırma aparır.