Belçikanın Antverpen şəhərində yaşayış binasında məişət qazının partlaması nəticəsində xəsarət alanların sayı 14 nəfərə çatıb.

APA-nın məlumatına görə, bu barədə Antverpen polisinin Twitter səhifəsində bildirilir.

Hadisə nəticəsində 14 nəfər xəsarət alıb. Onlardan birinin vəziyyəti kritikdir, məlumatda deyilir.

Türkiyə son hadisələrdən sonra Afrinə girmək üçün hazırlanan planı həyata keçirməyə başlayıb.

Dalga tv Ölkə.Az-a istinadən xəbər verir ki, Suriya sərhədində baş verən hadisələrdən sonra Şırnakın Silopi rayonundakı zirehl texnika Qaziantep-Hatay istiqamətinə göndərilib.

15 iyul hərbi çevriliş cəhdindən sonran Çankırıdakı 28-ci mexanikləşdirilmiş piyada ordusuna aid zirehli texnika Silopiyə cəlb edilmişdi. Türkiyə-Suriya sərhədinin Afrin bölgəsində baş verən son hadisələrdən sonra  bir çox boş yük maşını Silopiyə göndərilib. Zirehli texnika boş yük maşınlarına yığılaraq Hatay istiqamətində yola salınıb.

İraqın paytaxtı Bağdadda baş verən partlayış onlarla insanın həyatına son qoyub.

Oxu.Az xəbər verir ki, bu barədə BBC İraq KİV-ə istinadən məlumat yayıb.

Məlumata görə, şəhər mərkəzinin Təyaran meydanında eyni vaxtda iki terrorçu kamikadze özünü partladıb. Hadisə nəticəsində azı 35 nəfər həlak olub, 90-dan çox insan yaralanıb. Bu, son üç gün ərzində İraq paytaxtında baş vermiş sayca ikinci intihar partlayışıdır. Partlayış qurbanlarının çoxunun ərazidə müvəqqəti tikinti işləri axtaran fəhlələr olduğu güman edilir.

Paralel olaraq Bağdadın şimal-şərqində yerləşən Cəmilə rayonunda isə terrorçuların törətdiyi partlayış nəticəsində iki mülki şəxs həyatını itirib, altı nəfər yaralanıb. Terror hücumlarına görə hələlik heç bir qruplaşma məsuliyyəti öz üzərinə götürməsə də, əsas şübhələr İŞİD-ə yönəlib.

İraq ordusunun uğurlu əməliyyatlarından sonra “İŞİD halqası” daraldığından terrorçular qisas olaraq paytaxt Bağdadı tez-tez hədəfə alır. 

Rusiyanın Perm şəhərində məktəbdə baş verən insidentin detalları açıqlanıb.

APA-nın RİA "Novosti"yə istinadən verdiyi məlumata görə, Rusiya İstintaq Komitəsinin regional idarəsindən bildirilib ki, dərs zamanı iki məktəbli arasında başlayan dava bıçaqlanma ilə nəticələnib. Məktəblilərin hər ikisində bıçaq olub.

Müəllimlər və şagirdlər onları ayırmağa çalışan zaman xeyli şəxs bıçaq xəsarətləri alıb.

Ümumilikdə bir qadın müəllim və 14 şagird yaralanıb. Xəsarət alanlar arasında dava edənlər də var. Müəllim və 16 yaşlı şagirdin vəziyyətinin ağır olduğu bildirilir.

Məktəbdən 700 nəfər təxliyə olunub, dərslər dayandırılıb.

Faktla bağlı iki və daha artıq şəxsin həyatına qəsd maddəsi ilə cinayət işi başlanılıb.

Hadisəni törədənlər saxlanılıb.

Qeyd edək ki, ilk olaraq iki maskalı şəxsin məktəbə hücum etdiyi barədə məlumat yayılmışdı.

Liviyada Mitiqa beynəlxalq hava limanına hücum zamanı 11 nəfər ölüb. 
  

APA-nın “Times of Malta” nəşrinə istinadən verdiyi xəbərə görə, bu barədə Tripoli sahə xəstəxanasının direktoru Abdeldayem Al-Rabti məlumat verib. 
 

O bildirib ki, hadisə nəticəsində 38 nəfər xəsarət alıb. 
 

Aeroportun fəaliyyəti müvəqqəti dayandırılıb. Ərazidə olan məktəblərdə dərslər dayandırılıb

ABŞ liderliyindəki İŞİD əleyhinə koalisiya PKK terror təşkilatının tabeliyindəki 30 minlik birliyin Türkiyə və İraq sərhədinə – Fərat çayı sahillərinə yerləşdiriləcəyini açıqlayıb.

Dalga tv Türkiyə mətbuatına istinadla xəbər verir ki, açıqlamada İŞİD əleyhinə koalisiyanın Suriyadakı müttəfiqləri ilə yeni bir sərhəd təhlükəsizlik gücü yaratmağa çalışıldığı deyilir.

Yeni birlikdə 30 min nəfər yer alacaq. “Reuters” xəbər verir ki, koalisiyaya PKK-nın  Suriya qolu və PYD liderlik edəcək.