Dalga Televiziyasi Dünya
Get Adobe Flash player

Socar Georgia Gas

 

BAKI - TBİLİSİ

Multikulturalizm

Tərəfdaşlar

Ziyarətçi sayğacı

Bu günBu gün1268
DünənDünən3267
Bu həftəBu həftə19551
Bu ayBu ay63019
Bu günə qədərBu günə qədər2690697

Bizi Paylaşın

Video Xəbərlər

 

Təqvim


Çində daşqınlar: 100 mindən çox sakin təxliyyə edilib

Çinin Çuntsin şəhərinin 100 mindən çox sakini daşqınlar səbəbindən təxliyyə edilib.

Bu barədə Sinxua agentliyi məlumat yayıb.

Məlumata görə, Yantszı və Tszyalintszyan çaylarında suyun səviyyəsi çox yüksək həddə çatıb.

Bir neçə gündür davam edən leysanlar səbəbindən çaylarda suyun səviyyəsinin artması regionda 2012-ci ildən bəri ən güclü daşqına gətirib çıxarıb.

Hökumət orqanları suyun səviyyəsini aşağı salmaq və daşqından dəyən zərəri azaltmaq məqsədilə bənd işinin təcili rejimə keçməsi barədə göstəriş verib.

Çuntsinlə yanaşı, Sıçuan əyaləti, eləcə də şimal-qərb əyaləti Qansu güclü yağışlara məruz qalıb. Zərər çəkmiş bölgələrə xilasetmə işlərini yerindəcə əlaqələndirmək məqsədilə xüsusi qruplar göndərilib. Təbii fəlakət kənd təsərrüfatına böyük ziyan vurub.

Sıçuan əyalətinin inzibati mərkəzi Çendu şəhərində arası kəsilməyən yağışlar səbəbindən təyyarə reysləri dayandırılıb.

Yaponiyada leysan yağışları qurbanlarının sayı artır

Yaponiyada leysan yağışlar, torpaq sürüşmələri və daşqınlar nəticəsində  ölənlərin sayı 209 nəfərə çatıb, 20 nəfər itkin düşmüş hesab edilir.

Dalga tv-nin məlumatına görə, ölkənin cənub-qərb və mərkəzi bölgələrində davam edən xilasedici əməliyyatlarda 63 min canlı qüvvə və 80 helikopter iştirak edir. 

Yaponiyada leysan yağışlar ötən həftənin ortalarından "Prapirun" qasırğasının təsiri nəticəsində meydana gəlib. 

Pakistanda terror dalğası: 74 ölü

Pakistanın Mastunq və Bannu şəhərlərində törədilən terror aktları nəticəsində 74 nəfər həlak olub, 152 nəfər yaralanıb.

 "Anadolu"ya istinadla xəbər verir ki, partlayışlar seçkiqabağı mitinqlər zamanı baş verib.

Həlak olanlar arasında Bəlucistan əyalətindən deputatlığa namizəd Nəvabzadə Sirac Raisəni də var.

İranda benzindaşıyan maşın avtobusa çırpıldı: Ölənlər var

İranın Senendec şəhərində benzindaşıyan maşının avtobusla toqquşması nəticəsində azı 27 nəfər həlak olub. 

Qəza nəticəsində benzindaşıyan maşının və avtobusun yandığı bildirilib. 

Şahidlərin sözlərinə görə, benzindaşıyan maşın sərnişinləri götürmək üçün dayanmış avtobusa çırpılıb.

Pakistanda partlayış: Ölənlər var

Pakistanın Pişəvər şəhərində baş verən terakt zamanı azı 20 nəfər həlak olub. 

Bununla bağlı “Geo News” məlumat yayıb. 

Partlayış iyulun 10 axşam saatlarında Hayber-Paxtunxva bölgəsinin ərazisində baş verib. Hadisə zamanı terrorçu-kamikadzə özünü partladıb. Məlumatlara görə, partlayış nəticəsində 62 nəfər yaralanıb. Onlardan bəzilərinin vəziyyəti ağırdır. 

Ölənlər arasında "Avami milli partiyası"nın lideri Harun Əhməd Bilur və oğlu da var. 

Terror aktını hələlik heç bir qruplaşma üzərinə götürməyib.

Türkiyədə 61 dərəcə isti qeydə alındı

Türkiyədə iyulun gəlişi ilə artan temperatur Şanlıurfa əyalətinin Sivərək rayonunda açıq havada 61 dərəcəyə çatıb.

Yüksək temperatur 12:00-17:00 aralığında qeydə alınıb.

Mütəxəssislər bu saatlarda çölə çıxmamaqla bağlı əhaliyə xəbərdarlıq edib.

Kölgədə isə temperatur 55 dərəcə civarında olub.

 

Qəzzada toqquşma: 2 ölü, 415 yaralı

Qəzza zolağında İsraillə sərhəddə baş vermiş toqquşmalarda iki fələstinli həlak olub, 415 nəfər yaralanıb.

Bu haqda Qəzzanın səhiyyə nazirliyi məlumat yayıb.

Qurbanlardan biri 13 yaşlı yeniyetmədir. İsrail hərbçilərinin etirazçıları geri çəkmək üçün gözyaşardıcı qaz və döyüş güllələrindən istifadə etdiyi bildirilir.

Qeyd edək ki, fələstinlilərin “Böyük qayıdış marşı” adlı etiraz aksiyası artıq üçüncü aydır ki, davam edir.

Etirazçılar fələstinli qaçqınların doğma torpaqlarına buraxılmalarını tələb edir.

Nigeriyada qanlı toqquşma — 86 ölü

Nigeriyada Berom xalqının fermerləri ilə Fulani xalqının maldarları arasında qanlı toqquşma olub.

Fermerlər maldarlara hücum edərək 5 nəfəri öldürüblər. Bundan sonra isə qarşı tərəfin cavabı olub. Fulanilərin hücumunda isə ölü sayı artıb.

Bölgə uzun illərdir torpaq üstündə toqquşan bu iki qrupun qalnı münaqişəsinə şahid olur. Toqquşmalardan sonra Plate əyalətinin üç bölgəsində küçəyə çıxma qadağası tətbiq edilib.

Əyalətin polis komisarı Undie Adie toqquşmalardan sonra kəndlərə baş çəkdiklərini və 86 nəfərin öldüyünü, 6 nəfərin yaralandığını müəyyən etdiklərini bildirib.

 

Toqquşmalarda 50 ev və 15 motosiklet və iki maşın da yandırılıb.

Ərdoğan seçkilərdə qalib gəldi

Türkiyədə keçirilən prezident seçkilərində Rəcəb Tayyip Ərdoğan qalib gəldi.

Türkiyənin Mərkəzi Seçki Komissiyasının sədri Sədi Güvən bu barədə məlumat verib. Məlumata əsasən, bülletenlərin 99.2%-i artıq sayılıb. Nəticələrə əsasən, Ərdoğan 52.55% səslə qalib gəlib. 

Bundan başqa parlament seçkilərində də altı partiyanın 10 faizlik səddi keçdiyi də bildirilir. 1999-cu ildən bu yana ilk dəfə 5 partiya parlamentdə təmsil olunacaq.

Türkiyədə prezident seçkilərində bülletenlərin 43 faizi hesablanıb, Ərdoğan liderdir

Türkiyədə keçirilən prezident seçkilərində bülletenlərin 42 faizi hesablanıb.

APA-nın "Anadolu" agentliyinə istinadən verdiyi xəbərə görə, ilk yeri səslərin 56,98%-ni toplayan Türkiyənin hazırkı prezidenti Rəcəb Tayyib Ərdoğan  tutur. İkinci yerdə Cümhuriyyət Xalq Partiyasının (CHP) namizədi Məhərrəm İncə (28,31%), üçüncü isə İyi Partiyanın sədri Meral Akşenerdi (07,45%).

Namizədlərdən heç biri 50%-dən artıq səs toplaya bilməsə, birinci turda ən çox səs toplayan iki namizəd iyulun 8-də  keçiriləcək ikinci turda mübarizə aparacaq.

Türkiyədə seçkilər başa çatıb: ilkin nəticələr

Türkiyədə keçirilən prezident seçkilərində bülletenlərin 42 faizi hesablanıb.

ilk yeri səslərin 56,98%-ni toplayan Türkiyənin hazırkı prezidenti Rəcəb Tayyib Ərdoğan  tutur.

İkinci yerdə Cümhuriyyət Xalq Partiyasının (CHP) namizədi Məhərrəm İncə (28,31%), üçüncü isə İyi Partiyanın sədri Meral Akşenerdi (07,45%).

Türkiyədə növbədənkənar prezident və parlament seçkilərində səsvermə başa çatıb

Bu gün Türkiyədə keçirilən növbədənkənar prezident və parlament seçkilərində səsvermə başa çatıb.

APA-nın məlumatına görə, yerli vaxtla saat 8-də başlayan seçkilər saat 17-də başa çatıb.

Seçkilərin ilk nəticələrinin yeri vaxtla saat 19.00-dan sonra açıqlanması gözlənilir. 

Prezident seçkilərinə Türkiyənin hazırkı prezidenti Rəcəb Tayyib Ərdoğan, Cümhuriyyət Xalq Partiyasının (CHP) namizədi Məhərrəm İncə, İyi Partiyanın sədri Meral Akşener, Səadət Partiyasının sədri Təməl Karamollaoğlu, Vətən Partiyasının sədri Doğu Perinçək və Xalqların Demokratik Partiyasının (HDP) həbsdə olan namizədi Səlahəddin Dəmirtaş qatılıblar.

R. T. Ərdoğanın namizədliyini sədri olduğu hakim Ədalət və İnkişaf Partiyası (AKP), Milliyətçi Hərəkat Partiyası (MHP), Böyük Birlik Partiyası (BBP) və Hüda-Par dəstəkləyir.

Prezident seçkilərinin birinci turunda namizədlərdən hər hansı biri qalib gəlmək üçün seçicilərin 50%-dən artıq səs toplamalıdır. Namizədlərdən heç biri 50%-dən artıq səs toplamasa, birinci turda ən çox səs toplayan iki namizəd iyulun 8-də  keçiriləcək ikinci turda yarışacaq.

Parlament seçkilərində mübarizə aparacaq siyasi partiyalar isə AKP, MHP, BBP, CHP, İYİ Partiya, Səadət Partiyası, Demokratik Partiya, Xalqların Demokratik Partiyası, Müstəqil Türkiyə Partiyası, Müstəqil Mübarizə - HÜDA Partiyası,  Vətən Partiyasıdır. AKP və MHP parlament seçkilərinə birgə blokda – “Cümhur ittifaqın”da qatılacaq. BBP namizədləri isə "Cümhur ittifaqın"da AKP namizədləri qismində yer alıb. CHP, İyi Partiya, Səadət Partiyası və Demokratik Partiya isə parlament seçkilərinə “Millət ittifaqı"nda qatılıb.

Saytda Axtarış

ახალი ამბები