Dalga Televiziyasi Cəmiyyət
Get Adobe Flash player

Socar Georgia Gas

 

BAKI - TBİLİSİ

Multikulturalizm

Tərəfdaşlar

Ziyarətçi sayğacı

Bu günBu gün1919
DünənDünən3648
Bu həftəBu həftə15074
Bu ayBu ay41764
Bu günə qədərBu günə qədər2890205

Bizi Paylaşın

Video Xəbərlər

 

Təqvim


Məhkəmə Gürcüstan vətəndaşına 290 il həbs cəzası kəsdi

"Məhkəmə Gürcüstan vətəndaşına 290 il həbs cəzası kəsdi".

Bu barədə ekathemirini nəşri məlumat yayır.

Yayılan məlumatda bildirilib ki, İnsan alveri ilə məşqul olan qrupda Gürcüstan vətəndaşıyla yanaşı bir nəfərdə Yunanıstan vətəndaşı olub və 69 illiyinə azadlıqdan məhrum edilib eləcə də Moldova vətəndaşı 36 illiyinə həbs olunub.

Nəşrin yayımladığı məlumata görə, qrupun fəaliyyəti bu ilin aprel ayında İran vətəndaşının öldüyü yol qəzası nəticəsində müəyyənləşdirilib. İşin faylı ilə ortaya çıxır ki, qrupun üzvləri 2016-cı ilin oktyabrından 2017-ci ilin iyununa qədər doqquz insan alveri əməliyyatı ilə məşqul olublar. Onlar, Türkiyədən məcburi köçkünləri Yunanıstana köçürürlərmiş.

Kvemo Kartli bölgə qubernatoru: “Gürcüstan azərbaycanlılarının ictimai-siyasi fəallığı artıb”

alt

“Son illər Gürcüstanın Azərbaycan əsilli vətəndaşları ölkənin ictimai-siyasi həyatında daha fəal rol oynamağa başlayıblar”.

Bu sözləri Kvemo Kartli bölgəsinin qubernatoru Şota Rexviaşvili Gürcüstan Müsəlmanları İdarəsinin illik hesabatına həsr olunan tədbirdə deyib.

O bildirib ki, Gürcüstanda yaşayan azərbaycanlılar, xüsusən də azərbaycanlı gənclər ölkədə baş verən bütün proseslərdə böyük fəallıq nümayiş etdirirlər: “Gürcüstanda deputat olmuş etnik azərbaycanlı Pərixanım Sofiyevanın adını qeyd etmək istərdim. O, müsəlman dünyasında deputat seçilən ilk qadındır. Bu, onu göstərir ki, Gürcüstanda yaşayan azərbaycanlılar tarixən ölkənin ictimai-siyasi həyatında yüksək fəallıqları ilə seçiliblər. Azərbaycanlı gənclərin Gürcüstanda çox fəal olması təqdirəlayiq haldır. Əlbəttə ki, cəmiyyətin bütün sahələrində daha fəal olmaq üçün dövlət dilinin öyrənilməsi əsas vacib şərtlərdən biridir”.

Ş.Rexviaşvili Gürcüstanda milli azlıqların hüquqlarının tam qorunduğunu bildirib: “Gürcüstan hər zaman dini və etnik müxtəlifliyi ilə seçilib. Ölkədə müxtəlif din və millətlərin nümayəndələri tarix boyu sülh, qarşılıqlı hörmət və anlaşma şəraitində yaşayıblar. Gürcüstanda bu ənənə yaşamaqdadır və gələcəkdə daha da möhkəmləndiriləcək”.

DGK: Gürcüstandan idxal edilən və tərkibində zərərli orqanizmlər aşkarlanan 26 ton kartof tezliklə geri qaytarılacaq

Noyabrın 10-da bəzi kütləvi informasiya vasitələrində yayılan məlumatda Gürcüstandan idxal edilən 26042 kq kartofun tərkibində zərərli orqanizmlərin aşkarlandığı, bu ölkənin Maliyyə Nazirliyi istinadən ölkəmizin müvafiq qurumlarının məhsulun geri qaytarılmasına qərar verdiyi bildirilir, lakin kartofun geri qaytarılmadığı və guya "yoxa çıxdığına" eyham vurulur.

Dövlət Gömrük Komitəsi Mətbuat və İctimaiyyətlə Əlaqələr İdarəsidən "Report"a verilən məlumata görə, DGK bildirir ki, Gürcüstanda ölkəmizə idxal olunan kartof yükünə tətbiq edilən gömrük nəzarəti zamanı məhsulda zərərverici orqanizmlərin olmasına dair şübhələr yaranıb.

Buna görə də müvafiq gömrük qurumları Qida Təhlükəsizliyi Agentliyinə müraciət edib. Agentliyin məhsuldan götürdüyü nümunələr üzərində aparılan laborator müayinələr nəticəsində kartofda gövdə nematodu aşkar olunub. Müayinələrin nəticəsinə görə məhsulun geri qaytarılmasına qərar verilib. Lakin gömrük orqanlarından asılı olmayan səbəblər üzündən-bayram və istirahət günləri ilə əlaqədar məhsulu idxal edən şirkətin bank əməliyyatlarında sənədləşmə işləri yubandığından və malın təkrar ixracı üçün lazım olan müvafiq sənədləri gömrük orqanlarına təqdim edə bilmədiyindən məhsulun geri göndərilməsi gecikib.

Dövlət Gömrük Komitəsi bildirir ki, Qida Təhlükəsizliyi Agentliyi tərəfindən tərkibində gövdə nematodu aşkarlanan 26042 kq kartof hazırda gömrük nəzarəti altındadır və sərbəst dövriyyəyə buraxılmayıb. Qısa zaman ərzində müvafiq sənədləşmə işləri başa çatdırılaraq məhsulun geri göndərilməsi təmin olunacaq.

Bundan əvvəl AQTA Gürcüstandan Azərbaycana gətirilən 26 ton zərərli kartofu geri qaytardığı bildirilib.

Xalq artisti Amaliya Pənahova vəfat edib

Azərbaycanın xalq artisti Amaliya Pənahova vəfat edib.

Mədəniyyət Nazirliyindən "Report"a verilən məlumata görə, o, noyabrın 8-də 73 yaşında dünyasını dəyişib.

Qeyd edək ki, Amaliya Əliş qızı Pənahova 1945-ci ilin iyunun 15-də Gəncə şəhərində anadan olub. 1966-cı ildə M.A.Əliyev adına Azərbaycan Dövlət Teatr İnstitutunun Dram və kino aktyorluğu ixtisasını bitirib. 1964-cü ildən bu günədək teatr və kino sahəsində beş yüzdən artıq obraz yaradıb. 1968-ci və 1972-ci illərdə Azərbaycan Lenin Komsomolu və Azərbaycan SSR Dövlət mükafatı laureatı fəxri adlarına layiq görülüb. Teatr və kino sənətinin inkişafındakı böyük xidmətlərinə görə ona 1974-cü ildə Respublikanın əməkdar artisti, 1985-ci ildə isə Azərbaycan SSR-in xalq artisti fəxri adı verilib. 1982-ci ildə ilin aktrisası elan edilib, 1998-ci ildə isə türk dünyasının birinci kino festivalında türk dünyasının altı populyar aktyoru sırasında adı qeyd olunub.

Aktrisa həmçinin bacarıqlı rejissor kimi də özünü sınayıb. Sənət fəaliyyəti dövründə 12 tele və teatr tamaşasına quruluş verib ki, bunların çoxu lentə alınıb, hazırda televiziyanın Qızıl fondunda saxlanılır. Bunlardan İ. Əfəndiyevin "Mənim günahım", M. Muradın "Təkan", M. Qurbanovun "Sənsiz", O. Altunbayın "Tomris", A. Məmmədovun "Dəli Domrul" və s. xüsusi qeyd etmək olar. 1992-ci ildə Bakı Bələdiyyə Teatrını yaradıb və bu teatra orta və yaşlı nəsillə yanaşı, gənc istedadlı aktyorları da cəlb edib və onların yaradıcılıq qabiliyyətinin inkişafı üçün hər cür lazımi şərait yaradıb. Azərbaycan Dövlət Mədəniyyət və İncəsənət Universitetinə dərs demək üçün dəvət olunub və universitetin professoru olub. Prezident təqaüdçüsü olub. 

2000-2005-ci illərdə Azərbaycan Respublikası Milli Məclisinin deputatı, sosial-siyasət daimi komissiyasının üzvü, MDB Parlamentlərarası Mədəniyyət, İnformasiya, Turizm, İdman daimi Komissiyasının sədri, İtaliya-Azərbaycan Parlamentlərin işçi qrupunun sədri olub. 2013-cü ildə "Obrazın yaranma prosesində aktyor yaradıcılığında ikinci planın təcəssüm vasitələri" mövzusunda doktorluq işini müdafiə edərək sənətşünaslıq elmləri doktoru elmi adını alıb. 17 iyun 2015-ci ildə Azərbaycan mədəniyyətinin inkişafında böyük xidmətlərinə görə "Azərbaycan Respublikası Prezidentinin fəxri diplomu" ilə təltif edilib.

Gürcüstandan Azərbaycana gələn Türkiyə vətəndaşından narkotik vasitə götürülüb

 Dövlət Gömrük Komitəsinin (DGK) Qərb Ərazi Baş Gömrük İdarəsinin Əməliyyat və Təhqiqat İdarəsinə daxil olmuş məlumat əsasında, idarənin "Mazımçay" gömrük postunda Gürcüstandan Azərbaycana gələn Türkiyə vətəndaşına məxsus "Mercedes-Benz" markalı avtomobil saxlanılıb.

Komitədən “Report”a verilən məlumata görə, yoxlamadan öncə vətəndaş üzərində gömrük nəzarətindən gizlədilmiş və ya gömrük orqanına bəyan edilməmiş hər hansı predmetin, o cümlədən narkotik vasitələrin olmadığını bildirsə də, baxış zamanı onun əynindəki qolsuz dəri gödəkçənin cibində, üzəri yapışqanlı lentlə bağlanmış kağız bükülüdə, təxmini çəkisi 10 qram olan narkotik vasitə - marixuana aşkarlanıb.

Faktla bağla araşdırma aparılır.

Tbilisidə sərnişin mikroavtobusu aşıb, xəsarət alanlar var

Gürcüstanın paytaxtı Tbilisi şəhərindəki Lilo bazarı yaxınlığında iki minik maşını və iki sərnişin mikroavtobusunun iştirakı ilə yol qəzası baş verib.

“Report”un Gürcüstan bürosunun verdiyi xəbərə görə, sərnişin mikroavtobusunun birinin aşması nəticəsində 6 nəfər xəsarət alıb.

Yaralılar xəstəxanaya yerləşdirilib. Onların vəziyyəti orta-ağır olaraq qiymətləndirilir.

Faktla bağlı cinayət işi açılıb. 

Gürcüstanda bazarda güclü yanğın olub

Gürcüstanın Rustavi şəhərində “İstanbul” adlı bazarda güclü yanğın baş verib.

“Report”un Gürcüstan bürosu xəbər verir ki, gecə saat 01:29 radələrində qeydə alnan yanğının söndürülməsinə 18 yanğınsöndürən maşın cəlb olunub.

Yanğını səhər saat 09:00-da tam söndürmək mümkün olub. Yanğın nəticəsində 1000 kv. metrə yaxın sahə yanıb.

Hadisə zamanı bazar gözətçisi yüngül xəsarət alıb və o, xəstəxanaya yerləşdirilib.

Yanğının baş vermə səbəbləri hələlik məlum deyil. Satıcılar bazarda yanğının qəsdən törədildiyini iddia edirlər. Onlar insidentin dərhal araşdırılmasını tələb edirlər.

Obyektdə 85 ticarətçinin çalışdığı bildirilir. Yanğın nəticəsində onların bazardakı malları tamamilə yanıb.

Hazırda hadisə yerində ekspert-kriminalistlər iş aparırlar.

Tanışlarına qarşı yarım milyonluq dələduzluq edən şəxs məhkəmə zalında həbs olunub

Bu gün Bakı Ağır Cinayətlər Məhkəməsində dələduzluqda təqsirləndirilən Bəhruz Muradov, Sehran Məmmədov və Abbas Rəsullunun cinayət işi üzrə məhkəmə iclası başa çatıb.

"Report"un xəbərinə görə, hakim Əfqan Hacıyevin sədrliyi ilə keçirilən prosesdə hökm oxunub.

Məhkəmənin hökmü ilə B.Muradov 9 il və S.Məmmədov 7 il müddətinə azadlıqdan məhrum edilib. Ev dustaqlığında olan S.Məmmədov məhkəmə zalından həbs olunub, A.Rəsullunun barəsində isə şərti cəza verilib.

İttiham aktına əsasən, B.Muradov İlkin Tağıyevi, Orxan Süleymanlını, Ruslan Babayevi və daha bir neçə nəfər tanışını Çindən Dubaya, Türkiyəyə və digər Avropa ölkələrinə mobil telefonlar, elektrik- avadanlığının ticarəti ilə məşğul olduğuna, yaxşı pul qazandığına inandırıb. O, bu ticarətə maya qoyacaqları təqdirdə əldə olunan gəlirdən onlara da yaxşı gəlir verəcəyini vəd edib. Bu minvalla O.Süleymanlının 205 min dollarını, İ.Tağıyevin isə 112 min manat pulunu ələ keçirib.

B.Muradov növbəti dələduzluğa isə S.Məmmədov və A.Rəsullu ilə birgə edib.

Belə ki, o, həmin şəxslərlə əlbir olaraq Emil Əliyevin 148 min manat, Ruslan Babayev və Mübariz Babayevin 177 min manat pulunu alıb.

İş üzrə zərərçəkmiş şəxslərin sayı cəmi 12 nəfərdir.

Son 9 ayda Azərbaycanda 497 nəfərin İİV-ə yoluxması aşkarlanıb

Son 9 ayda Azərbaycanda 497 nəfərin İİV-ə yoluxması aşkarlanıb.

Bu barədə "Report"a Narkomanlığa və Narkotik Vasitələrin Qanunsuz Dövriyyəsinə Qarşı Mübarizə üzrə Dövlət Komissiyasının İşçi Qrupundan bildirilib.

Səhiyyə Nazirliyinin QİÇS-lə Mübarizə Mərkəzinin məlumatına əsasən, onlardan 482-i (96,9%) Azərbaycan vətəndaşı, 15-i (3,1%) isə əcnəbilərdir: "Ümumilikdə, Azərbaycanda ilk dəfə İİV infeksiyasının aşkar olunmuş 1987-ci ildən 2018-ci il oktyabrın 1-dək Respublika QİÇS-lə Mübarizə Mərkəzində İİV infeksiyası təsdiq olunmuş 7249 nəfər qeydiyyata götürülüb. Onlardan 7014-ü (96,8%) Azərbaycan vətəndaşı, 235-i (3,2%) isə əcnəbidir. İİV-ə yoluxmuş insanların 5271-i (72,7%) kişi, 1978-ü (27,3%) qadındır.

"İİV-ə yoluxması təsdiq olunmuş 7249 nəfərdən 3144-də (43,4%) İİV-ə yoluxma inyeksion narkotik istifadəsi nəticəsində baş verib, onlardan 2262 (72%) nəfər dispanser qeydiyyatındadır. Oktyabrın 1-nə ART-yə cəlb olunmuş İİV-li xəstələrin ümumi sayı 4757 nəfər təşkil edib. Onların da 1901 nəfəri İNİ olub. Bu ilin 9 ay ərzində isə ART-yə cəlb olunan 550 pasiyentdən 96 nəfərində İNİ aşkar edilib

Tovuzda yol qəzası nəticəsində yaralananların adları məlum olub

Tovuz rayonunda mikroavtobusun qəzaya uğraması nəticəsində xəsarət alan şəxslərin kimlikləri məlum olub.

Bunlar sərnişinlər - Tovuz rayonunun Düz Cırdaxan kənd sakinləri, 2002-ci il təvəllüdlü Nərmin Seymur qızı Mustafayeva, 1956-cı il təvəllüdlü Elman Əsgər oğlu Hümbətov, 1990-cı il təvəllüdlü Elşən Sultanov və 1961-ci il təvəllüdlü Həqiqət Məhəmməd qızı Süleymanovadır. Hazırda müxtəlif dərəcəli bədən xəsarətləri alan yaralıların xəstəxanada müalicəsi davam etdirilir.

Qeyd edək ki, qəza nəticəsində "VAZ-2107" markalı avtomobilin sürücüsü də xəsarət alıb.

Faktla bağlı araşdırma aparılır.

Azərbaycanda ən aktiv sürüşmə zonaları açıqlandı

Paytaxta bəzi yerlərdə sürüşmə sahələri aktivləşib.

Bunu Ekologiya və Təbii Sərvətlər Nazirliyinin Milli Geoloji Kəşfiyyat Xidmətinin Geoloji planlama ekspedisiyasının rəisi Əziz Qaralov jurnalistlərə açıqlamasında bildirib.

Onun sözlərinə görə, Zığ, Masazır Zəli gölü, "At yalı" qəsəbəsindəki sürüşmə sahəsində aktivlik müşahidə olunur:

“Şamaxı, İsmayıllı rayonlarındakı sürüşmə sahələrində də aktivlik var. Şamaxının Muğanlı kəndində, İsmayıllı yolunda və Bakı-Şamaxı-Yevlax yolunun 132-ci kilometrliyində gərginlik var, müəyyən yerlərdə uçqun tipli sürüşmələr var”.

Əziz Qaralov qeyd edib ki, İsmayıllı rayonunun Lahıc inzibati ərazisinə daxil olan Qoydan kəndində iki ay öncə sürüşmə olub:

"Hazırda aktiv fazadadır, sürüşmə kütləsi yaşayış evlərinin divarlarına çatıb. Lerikdə, Yardımlıda, Lerik yolunun bir neçə kilometrliyində uçqun tipli çökmə-sürüşmə hadisəsi baş verib".

Bakı metrosunda sərnişin öldü

Ötən gün səhər saat 06:30 radələrində Bakı metrosunda sərnişinin halı pisləşib. 

Bunu açıqlamasında “Bakı Metropoliteni” QSC-nin mətbuat xidməti və ictimaiyyətlə əlaqələr şöbəsinin rəisi Bəxtiyar Məmmədov bildirib. 

Qurum rəsmisi qeyd edib ki, təcili yardım maşını gələnə qədər vətəndaş dünyasını dəyişib:

"Onun 1954-cü il təvəllüdlü Gürcüstan vətəndaşı Təhməz Qurbanov olduğu məlum olub".

Faktla bağlı araşdırma aparılır.

Saytda Axtarış

ახალი ამბები