Dalga Televiziyasi Cəmiyyət
Get Adobe Flash player

Socar Georgia Gas

 

BAKI - TBİLİSİ

Multikulturalizm

Tərəfdaşlar

Ziyarətçi sayğacı

Bu günBu gün4101
DünənDünən4506
Bu həftəBu həftə30019
Bu ayBu ay100000
Bu günə qədərBu günə qədər2516560

Bizi Paylaşın

Video Xəbərlər

 

Təqvim


Yaddaşı gücləndirən və evdə yetişdirə biləcəyiniz 6 BİTKİ

Evdə asanlıqla yetişdirə biləcəyiniz bir çox bitki beyinə və yaddaşa müsbət təsir edir. Dalga tv bu bitkilərdən bəzilərinin siyahısını oxucuları ilə bölüşür.

Nanə

Nanənin təkcə qoxusu beyin funksiyasına və zehinə müsbət təsir edir. Evinizdə təzə və quru nanə yarpaqları asa bilərsiniz. İş masasına bir bardaq nanə çayı qoya bilərsiniz. Bundan başqa nanə salat, duzlu yeməklər və şirniyyata da əlavə edilir.

Adaçayı
Adaçayı Altsheymer xəstəliyinin müalicəsində və yaddaşın gücləndirilməsində təsirlidir. Bu bitkini çay kimi dəmləyib gündəlik içmək mümkündür. Otağa quru və ya yaş adaçayı yarpaqları qoyun. Qoxusu yaddaş funksiyalarını inkişaf etdirir.

Sarıkök

Müntəzəm olaraq sarıkök istifadə etmək orqanizmə çox faydalıdır. Məsələn, yüksəlmiş enerji səviyyəsi, sakitçilik və stress səviyəsinə təsir edir. Sarıkökü təzə-tər istifadə etmək lazımdır. Sarıkökü qara istiot ilə qarışdırıb qəbul etmək qana müsbət təsir edir. Bundan başqa yağlı yeməklərlə də istifadə etmək məsləhətdir.

Kəkotu
Kəkotu beyindəki anti oksidan səviyyəsini, omega-3 yağını artırır. Ən xoşladığınız qidalara və yeməklərə kəkotu əlavə edin. Eyni zamanda bitki çayı kimi də dəmləyib içmək, qara çaya əlavə edib içmək də olar.

Zəncəfil
Zəncəfil yaddaş funksiyası və diqqəti inkişaf etdirir. Bundan başqa Parkinson xəstəliyi kimi qocalığa xas xəstəlik risklərini də azaldır. Çay və ya qaynanmış suya zəncəfil əlavə edin. Bundan başqa şorba və şirniyyatda da geniş istifadə edilir.

Lobya
Kifayət qədər lobya qəbul etmək yaşlandıqca ortaya çıxan əqli geriləmənin qarşısını alır. Tam yetişməmiş lobyanı doğrayıb, duzlayıb yemək olar. Quru lobyadan isə şorba, salat və digər yeməklər hazırlamaq mümkündür.

Gürcü cüdoçular federasiya rəhbərinin kabinetini mismarladı

Cüdo üzrə Gürcüstan yığmasının üzvləri federasiya prezidenti David Kevxişvilinin istefasını tələb ediblər və tətilə başlayıblar. 

Cüdoçular Kevxişvili kabinetində olmadığı zaman onun kreslosunu zibilliyə atıblar, qapısına isə mismar vurublar.

"Kevxişvilinin Gürcüstanda cüdonun inkişafına mənfi təsir edən fəaliyyətinə görə onun istefasını tələb edirik. 

Təəssüf  ki, müvafiq dövlət qurumları heç bir reaksiya göstərməyiblər. Biz lazımi nəticə əldə olunmayanadək etirazımızı davam etdirəcəyik", - Gürcüstan yığmasının kapitanı Varlam Liparteliani deyib. 

Cüdoçular federasiya prezidentini cüdonun inkişafı, eləcə də, iri turnirlərdə qələbə qazanmış idmançılara mükafat üçün ayrılmış dövlət vəsaitini mənimsəməkdə ittiham ediblər. 

İdmançıların sözlərinə görə, funksioner təcrübəli məşqçiləri işdən azad edib və onların yerinə öz dostlarını gətirib. 

Kevxişvili bəyan edib ki, istefa vermək niyyətində deyil və idmançıların təzyiqlərinə uymayacaq. 

Aprel ayında Gürcüstanın cüdo yığması IX dəfə komanda hesabında Avropa çempionu olub. 

Ramazan ayının yeddinci gününün – DUASI VƏ TƏQVİMİ

Dalga tv müqəddəs Ramazan ayının 7-ci gününün təqvimi və duasını təqdim edir.

7 ramazan 1439 – 23 may 2018

İmsak: 03:33
İftar: 20:13

7-ci günün duası:

Allahummə əinni fihi əla siyamihi və qiyamih. Və cənnibni fihi min həfəvatihi və asamih. Vərzuqni fihi zikrəkə bidəvaih. Bitəvfiqikə ya hadiyəl-muzillin.

Tərcüməsi:

İlahi, bu ayın orucunu tutmaqda və namazını qılmaqda mənə kömək ol, məni səhvlərdən və günahlardan uzaqlaşdır. Bütün bu ayı Səni zikr etməyi mənə qismət et, Öz köməyin sayəsində, ey azmışları doğru yola Çıxaran Allah!

Qeyd edək ki, Bakı üçün nəzərdə tutulan oruca başlama (imsaq) və orucu açmaq (iftar) vaxtları Qafqaz Müsəlmaları İdarəsinin rəsmi internet saytından götürülüb.

Oruc tutanlar hər ehtimala qarşı imsaq üçün göstərilən vaxtdan 10 – 15 dəqiqə əvvəl yemək, içmək və s. orucu batil edən əməlləri tərk etməlidir. Belə ki, cədvəllərdə olan fərqlilik bu addımı zəruri hala gətirir.

Kafedə partlayışda ölənlərin sayı artıb

Bakıda kafedə partlayış nəticəsində ağır yanıq xəsarətləri alan 44 yaşlı Natiq İbrahimov müalicə aldığı xəstəxanada vəfat edib.

Ə.Əliyev adına Azərbaycan Dövlət Həkimləri Təkmilləşdirmə İnstitutunun (ADHTİ) Plastik və Rekonstruktiv Cərrahiyyə Klinikasının nəzdində fəaliyyət göstərən Yanıq şöbəsinin müdiri Şöhrət Məmmədov məlumat verib.

O bildirib ki, yaralı gecə saat 02:00 radələrində dünyasını dəyişib.

Ş.Məmmədov qeyd edib ki, digər yaralı, 53 yaşlı Şəkər İbrahimovanın vəziyyəti isə ağır olaraq qalır: 

“Hazırda qadının müalicəsi reanimasiya şöbəsində davam etdirilir”.

Qeyd edək ki, mayın 21-də Bakı şəhəri, Binəqədi rayonunda ümumi sahəsi 25 m2 olan (10 m2 hissəsi daşdan, qalan hissəsi taxta konstruksiyalardan ibarət) kafenin içərisində propan qaz balonu partlayıb. Nəticədə tikilinin yanar konstruksiyaları yanıb.

Yanğın yerinin kəşfiyyatı zamanı 1969-cu il təvəllüdlü İbrahimova Gülənaz Rəhim qızı və 1963-cü il təvəllüdlü Saatov Söhrab Yusif oğlunun yanmış meyitləri yanğınsöndürənlər tərəfindən aşkar edilib.

Daha iki nəfər, 1965-ci il təvəllüdlü İbrahimova Şəkər Xosrov qızı və 1974-cü il təvəllüdlü İbrahimov Natiq Zahid oğlu müxtəlif yanıq xəsarətləri ilə xəstəxanaya çatdırılıb.

Gürcüstanda zəlzələ olub

Gürcüstanda 2,9 bal gücündə zəlzələ baş verib.

APA-nın yerli bürosunun İlya İnstitutunun Seysmoloji Monitorinq Mərkəzinə istinadən verdiyi xəbərə görə, yeraltı təkanların episentri Telavi rayonunun Lapanquri kəndindən 14 kilometr şimal-qərbdə qeydə alınıb.
 

Dağıntılar barədə məlumat yoxdur. 

Temperatur 33 dərəcəyədək yüksələcək

Mayın 20-də Bakıda və Abşeron yarımadasında havanın dəyişkən buludlu, yağmursuz olacağı gözlənilir. 

Ekologiya və Təbii Sərvətlər Nazirliyindən verilən məlumata görə, yarımadada havanın temperaturu gecə 15-18, gündüz 26-30 isti, Bakıda gecə 16-18, gündüz 28-30 dərəcə isti olacağı gözlənilir.

Atmosfer təzyiqi 761 mm civə sütunu təşkil edəcək. Nisbi rütubət gecə 60-65 %, gündüz 45-50 % olacaq. 

Abşeron çimərliklərində mülayim cənub istiqamətli külək əsəcək. Dəniz suyunun temperaturu 19-20 dərəcə isti təşkil edəcək. Cənub çimərliklərində (Türkan, Hövsan, Sahil, Şıx) mülayim cənub-şərq istiqamətli külək əsəcək. Dəniz suyunun temperaturu 20-21 dərəcə isti təşkil edəcək.

Naxçıvan Muxtar Respublikasında hava əsasən yağmursuz olacaq. Lakin günün birinci yarısında bəzi yerlərdə şimşək çaxacağı, qısamüddətli yağış yağacağı gözlənilir. Havanın temperaturu gecə 10-15, gündüz 27-32 dərəcə isti təşkil edəcək.

Xankəndi, Şuşa, Xocalı, Xocavənd, Qubadlı, Zəngilan, Laçın, Kəlbəcər, həmçinin Daşkəsən-Gədəbəy rayonlarında gün ərzində bəzi yerlərdə şimşək çaxacağı, qısamüddətli yağış yağacağı gözlənilir. Havanın temperaturu gecə 8-13, gündüz 17-22 dərəcə isti təşkil edəcək.

Qazax, Gəncə, Goranboy, Tərtər, Ağdam, Füzuli, Cəbrayıl rayonlarında əsasən yağmursuz olacaq. Lakin səhər bəzi yerlərdə şimşək çaxacağı, qısamüddətli yağış yağacağı gözlənilir. Havanın temperaturu gecə 13-17, gündüz 27-32 dərəcə isti təşkil edəcək.

Balakən, Zaqatala, Qax, Şəki, Oğuz, Qəbələ, İsmayıllı, Ağsu, Şamaxı, Siyəzən, Şabran, Xızı, Quba, Xaçmaz, Qusar rayonlarında da əsasən yağmursuz olacaq. Lakin gündüz bəzi şərq rayonlarında şimşək çaxacağı, qısamüddətli az yağış yağacağı ehtimalı var. Havanın temperaturu gecə 11-16, gündüz 23-28 dərəcə isti, dağlarda gecə 5-10, gündüz 17-22 dərəcə isti təşkil edəcək.

Mingəçevir, Yevlax, Göyçay, Ağdaş, Kürdəmir, İmişli, Ağcabədi, Beyləqan, Sabirabad, Biləsuvar, Saatlı, Şirvan, Hacıqabul, Salyan, Neftçala rayonlarında hava yağmursuz olacaq. Havanın temperaturu gecə 14-19, gündüz 28-33 dərəcə isti təşkil edəcək

Masallı, Yardımlı, Lerik, Lənkəran, Astara rayonlarında yağmursuz olacaq. Havanın temperaturu gecə 15-18, gündüz 25-30, dağlarda gecə 9-14, gündüz 20-24 isti təşkil edəcək.

Hava xəbərdarlığı - Leysan yağacaq, dolu düşəcək

Azərbaycanda mayın 19-a gözlənilən hava şəraiti açıqlanıb. 

Ekologiya və Təbii Sərvətlər Nazirliyinin Milli Hidrometeorologiya Departamentindən  verilən məlumata görə, sabah Bakıda və Abşeron yarımadasında hava şəraitinin az buludlu olacağı, yağmursuz keçəcəyi gözlənilir. Cənub küləyi əsəcək.

Havanın temperaturunun Abşeron yarımadasında gecə 15-17, gündüz 25-30, Bakıda gecə 15-17, gündüz 27-29 dərəcə isti olacağı gözlənilir.

Atmosfer təzyiqi 763 civə sütunu, nisbi rütubət gecə 60-70, gündüz 45-50 faiz təşkil edəcək.

Abşeron çimərliklərində mayın 19-da şimal çimərliklərində (Sumqayıt, Novxanı, Pirşağı, Nardaran, Bilgəh, Zaqulba) cənub küləyi əsəcək. Dəniz suyunun temperaturu 19-20 dərəcə isti təşkil edəcək.

Cənub çimərliklərində (Türkan, Hövsan, Sahil, Şıx) cənub-şərq küləyi əsəcək. Dəniz suyunun temperaturu 20-21 dərəcə isti təşkil edəcək.

Azərbaycanın rayonlarında sabah hava şəraitinin əsasən yağmursuz keçəcəyi, lakin gündüz saatlarında Böyük və Kiçik Qafqazın bəzi yerlərində şimşək çaxacağı, qısamüddətli yağış yağacağı gözlənilir. Zəif şərq küləyi əsəcək.

Havanın temperaturunun gecə 14-18, gündüz 28-33, dağlarda gecə 8-13, gündüz 15-20 dərəcə isti olacağı gözlənilir.

Tibbi-meteoroloji proqnoza görə, mayın 19-da Abşeron yarımadasında meteoroloji amillərin zəif tərəddüdü meteohəssas insanlar üçün əlverişlidir.

ETSN xəbərdarlıq edir ki, mayın 20-si axşam, 21-də gün ərzində şimal və qərb rayonlarında şimşək çaxacağı, arabir yağış yağacağı gözlənilir. Bəzi yerlərdə yağışın leysan xarakterli olacağı, dolu düşəcəyi ehtimalı var. 

Qubada itkin düşmüş alpinistlərin meyiti tapılıb

Ötən il dekabrın 17-dən Fövqəladə Hallar Nazirliyinin(FHN) peşəkar xilasedicilərindən ibarət dəstələrin və Ekologiya və Təbii Sərvətlər Nazirliyinin əməkdaşlarının iştirakı ilə aparılan və hal-hazıradək davam edən axtarışlar nəticəsində bu gün saat 18:00 radələrində axtarış işlərinin aparıldığı ərazidə alpinistlərə aid çadırın yeri müəyyən edilib və ilkin olaraq iki kişi və bir qadın meyiti aşkar edilib.

Bu barədə APA-ya FHN-dən bildirilib.

Əlavə məlumat veriləcək.

Ramazan ayının təqvimi açıqlandı - CƏDVƏL

Qafqaz Müsəlmanları İdarəsi (QMİ) Ramazan ayının təqvimini açıqlayıb.

Təqvimdə Ramazan ayının namaz vaxtları, o cümlədən imsaq və iftar vaxtları qeyd olunub.

Təqvimdə Ramazan ayının gündəlik duaları yer alıb. Ramazan təqviminə əsasən, ilk Əhya gecəsi Ramazan ayının 18-dən 19-na keçən gecədir. Bu da iyunun 3-nə təsadüf edəcək.

İkinci Əhya gecəsi Ramazan ayının 20-dən 21-nə keçən gecə olacaq ki, bu da iyunun 5-nə təsadüf edir.

Üçüncü Əhya gecəsi iyunun 7-də (Ramazan ayının 22-dən 23-nə keçən gecə), sonuncu Əhya gecəsi isə iyunun 11-də (Ramazan ayının 26-dan 27-nə keçən gecə) olacaq. 

Qeyd edək ki, şəvval ayının 1-i (15 iyun) Fitr bayramıdır.

Gürcüstan ali məktəbinin festivalında Azərbaycan mədəniyyəti təqdim olunub

Gürcüstanın Beynəlxalq Qara dəniz Universitetində ənənəvi Mədəniyyət festivalı keçirilib.
 

APA-nın Gürcüstan bürosunun məlumatına görə, festival çərçivəsində ali məktəbdə təhsil alan xarici tələbələr öz ölkələrinin milli mədəniyyətlərini təqdim ediblər.


Universitetin həyətində Azərbaycan, Türkiyə, ABŞ, Almaniya, Polşa, Çin, İsrail, Yunanıstan,Ukrayna və digər ölkələrin stendlərində milli geyimlər, əl işləri və mətbəx nümunələri sərgilənib.


Azərbaycan stendində çay mədəniyyəti, xalça nümunələri, mis qablar, Bakının görüntülərini əks etdirən fotoşəkillər nümayiş olunub. Tədbirin konsert hissəsində “Ceyran” rəqs ansamblının üzvləri Azərbaycan milli rəqslərini ifa edib.

 

Gürcüstan parlamentində azərbaycanlıların təhsil problemləri müzakirə olunub

Gürcüstanda səfərdə olan Milli Məclisin deputat qrupu qonşu ölkənin parlamentində növbəti görüş keçirib.

APA-nın yerli bürosunun məlumatına görə, nümayəndə heyətinin Gürcüstan parlamentinin Elm, təhsil və mədəniyyət komitəsinin sədri Mariam Caşi ilə görüşündə iki ölkə arasında təhsil sahəsində əməkdaşlıq məsələləri nəzərdən keçirilib.

Azərbaycan-Gürcüstan parlamentlərarası əlaqələr üzrə işçi qrupunun rəhbəri Əflatun Amaşov Gürcüstanda milli azlıqlar üçün olan “"+4" proqramının əhəmiyyətini qeyd edərək, bu proqram sayəsində ali məktəblərdə təhsil alan azərbaycanlı tələbələrin sayının artdığını qeyd edib.

Ə. Amaşov həmçinin Gürcüstan azərbaycanlılarını təhsil sahəsində narahat edən məsələlərə də diqqət çəkib. O, Gürcüstanın Azərbaycan dilli məktəblərində gürcü dilinin tədrisinə diqqətin daha da artırılmasının vacibliyini qeyd edib.

M. Caşi isə öz növbəsində Azərbaycan dövlətinin Gürcüstandakı Azərbaycan dilli məktəblərin dərsliklərlə təminatında göstərdiyi dəstəyə görə təşəkkür edib. Komitə sədri qeyd edib ki, Gürcüstanda etnik azlıqların təhsil aldıqları məktəblərə gənc kadrların cəlb olunması və həmin məktəblərdə tədrisin keyfiyyətinin artırılması istiqamətində bir sıra layihələr həyata keçirilir.

Görüşdə Heydər Əliyev adına Tbilisi Dövlət Azərbaycan Dram Teatrının hazırkı vəziyyəti də nəzərdən keçirilib və mədəniyyət ocağının binası ilə bağlı məsələnin tezliklə birgə səylərlə həll olunacağına ümid ifadə olunub.

Qeyd edək ki, Ə. Amaşovun başçılıq etdiyi deputat qrupuna millət vəkilləri Kamilə Əliyeva, Pərvin Kərimzadə, Naqif Həmzəyev, Rasim Musabəyov və Hikmət Məmmədov daxildir. Nümayəndə heyəti artıq Gürcüstan-Azərbaycan parlamentlərarası dostluq qrupunun rəhbəri Zviad Dzidziquri, Xarici əlaqələr komitəsinin sədri Sofo Katsarava və parlament sədri İrakli Kobaxidze ilə görüşüb.

Siqaret kimi ziyanlı 4 QİDA

Dünya Səhiyyə Təşkilatı siqaret kimi ziyanlı ola biləcək qidaların siyahısını açıqlayıb. Dalga tv bu qidaların siyahısını və ziyanlarını oxucularına təqdim edir.

Xərçəngin qarşısını almaq üçün

Həkimlər bildirir ki, xərçəngin qarşısını almaq və xəstəliyi müalicə etmək üçün şəkər ehtiyacını bəhməz, xurma və əncir kimi qidalarla qarşılamaq lazımdır. Amma ifrata varmaq da olmaz. Bundan başqa tərkibində fruktoza olan qidalardan, palma yağından uzaq durmaq lazımdır. Əti gündəlik almaq, xüsusən də sosis və kolbasa kimi məhsulları nadir hallarda qəbul etmək lazımdır.

Sosis və kolbasa kimi ət məhsulları
Dünya Səhiyyə Təşkilatı bütün kolbasa, sosis kimi işlənmiş ət məhsullarını siqaret ilə eyni səviyyədə birinci kateqoriyada kanserogen elan edib. Bu qidaları hər gün qəbul edəndə xərçəng riski 20% artır.

Palma yağı zəhərdir
Həkimlər palma yağından uzaq durmağın vacibliyini qeyd ediblər:

“Palma yağı xərçəngli siçanlarda yayılmanı 8-10 dəfə artırır və xərçəng şişi çox sürətlə böyüyür”.

Bir maddənin xərçəngə səbəb ola bilməsi üçün müntəzəm olaraq qəbul edilməsi mütləqdir. Hər gün məruz qalanda immunitet sistemi mübarizə apara bilmir və orqanizmi təmizləyə bilmir. Bu səbəbdən heç olmasa həftədə bir dəfə qəbul etmək lazımdır.

Qırmızı ət gündə 100 qram, işlənmiş ətlər isə 50 qram qəbul edilə bilər. Hər gün qəbul etmək isə xərçəng riskini 20% artırır.

Qatıq
Təbii yollarla istehsal edilməyən və işlənmiş bütün qidalardan uzaq durmaq lazımdır. Qatıq qidaların tərkibindəki zəhəri tutaraq mənbələri yeniləyir. Xəmirli qidalardan (işlənmiş) uzaq durmaq lazımdır.

Şəkəri isə menyudan çıxarın. Əvəzində bal, meyvə və bəhməzdən istifadə edin. Amma bu qidalardan ifrat istifadə də ziyandır.

Saytda Axtarış

ახალი ამბები