İspaniyanın Madrid şəhərinin Karabançel rayonunda gecə klublarından birinin tavanı çöküb.

Dalga tv-nin "Ria Novosti"yə istinadən verdiyi məlumata görə, hadisə nəticəsində 26 nəfər xəsarət alıb.

Yaralılar xəstəxanaya yerləşdirilib.

Türkiyə ordusu yaxın günlərdə Suriyanın Afrin bölgəsinin PKK terror təşkilatının Suriya qolu PYD/YPG-dən azad edilməsi əməliyyatına başlayacaq.

APA-nın Türkiyənin NTV telekanalına istinadən verdiyi məlumata görə, bunu bu gün Türkiyə prezidenti, hakim Ədalət və İnkişaf Partiyasının (AKP) sədri Rəcəb Tayyib Ərdoğan Tokat rayonunda AKP-nin rayon təşkilatının konfransında bəyan edib.  

R. T. Ərdoğan deyib ki, Türkiyə ordusunun Afrin əməliyyatı zamanı ABŞ və digər müttəfiqlərdən özlərini müttəfiq kimi aparmasını gözləyir: "Biz bölgədə ABŞ-la birlikdə hərəkət edə biləcəyimizi düşünürük. Biz onlardan Türkiyənin qanuni səylərinə dəstək verməyi gözləyirik. Afrin əməliyyatı zamanı onların bölgədəki hərbi qüvvələrinin terrorçularla eyni sırada yer almayacağına ümid edirik. Afrin əməliyyatının da "Fərat qalxanı" əməliyyatı kimi zəfərlə yekunlaşacağına inanıram".  

Bu gün Peruda baş verən zəlzələdən sonra kömür şaxtasında 17 şaxtaçı itkin düşüb.

APA-nın "RİA Novosti" agentliyinə istinadən verdiyi məlumata görə bunu Peru Səhiyyə Nazirliyi açıqlayıb.

Təbii fəlakətin 2 nəfərin ölümünə, 65 nəfərin yaralanmasına yol açdığı da bildirilib.

Bundan öncə Peruda zəlzələ nəticəsində 1 nəfərin öldüyü, 20-ə qədər insanın yaralandığı bildirilmişdi. 

Türkiyə ordusu PYD terrorçularının əlindəki Afrin bölgəsini bombalamağa başlayıb.

Bu gün günorta saatlarından etibarən Türkiyənin Hatay vilayətinin Rehyanlı bölgəsindən Afrinə top atışları atılıb.

Qeyd edək ki, İdlibə girən Türkiyə ordusu aylardı Afrin əməliyyatına hazırlaşır. ABŞ isə Suriyanın şimalında (Türkiyənin cənub sərhədi) PKK/PYD güclərini silahlandırmağa davam edir. Amerikanın PYD/YPG terrorçularından təşkil etdiyi Suriya Demokratiya Qüvvələrini (SDQ) Türkiyənin cənub sərhədlərində yerləşdirməyə başlaması və təlimlər keçməsi Ankaranın hərəkətə keçməsinə səbəb oldu. Son məlumatlara görə, əməliyyat üçün əmr yanvarın 17-də keçiriləcək Milli Təhlükəsizlik Şurasında veriləcək. Lakin bu gün Afrinin bombalanması əməliyyatın tezləşdirilə biləcəyi ehtimalını gücləndirir. Hazırda Afrin Türkiyə ordusu tərəfindən mühasirəyə alınıb.

Mənbə: publika.az

2-ci Dünya Müharibəsi dövründə Almaniyadakı evindən köçmək məcburiyyətində qalan Rudi Şlatner ailəsi 70 il sonra geri qayıdıb.

O, geri qayıdandan sonra 70 il əvvəl evin xüsusi bölməsində atası tərəfindən gizlədilən əşyalara rast gəlib. Təsadüf nəticəsində əşyalarla qarşılaşan Rudi, heyrətini gizlədə bilməyib. Onların arasında ətir, oyuncaq, kitab və digər əşyalar olub.
İndi həmin əşyalar muzeydə sərgilənəcək.

İran-İraq sərhədində 4,3 bal gücündə zəlzələ  baş verib.

APA-nın məlumatına görə, bu barədə Avropa Aralıq dənizi Seysmoloji Mərkəzi məlumat yayıb.

Yerli vaxtı ilə saat 03:33-də qeydə alınan yeraltı təkanların episentri İlam şəhərindən 70 km qərbdə, İraqın Məndəli şəhərindən 15 km cənub-şərqdə, ocağı 2 km dərinlikdə yerləşib.

Bundan əvvəl yanvarın 13-ə keçən gecə eyni ərazidə 4,6 və 3,9 bal gücündə üç zəlzələ qeydə alınıb.

Dağıntı və zərərçəkənlər barədə məlumat daxil olmayıb.