İran hakimiyyəti Lurestanda etiraz aksiyalarında toqquşmalar zamanı iki nəfərin öldüyünü təsdiqləyib.

APA-nın məlumatına görə, bu barədə İranın "Press TV"  telekanalı məlumat yayıb.

Telekanal təhlükəsizlik qüvvələrinin "aksiyaçılara atəş açmadığını" qeyd edib.

Qeyd edək ki, bundan öncə "Associated Press" agentliyi Dorud şəhərində aksiya zamanı iki nəfərin öldüyü barədə məlumat yayıb. 

Dekabrın 29-da İranda sosial-iqtisadi problemlərlə əlaqədar başlayan etiraz aksiyaları davam edir.

Dalga tv Oxu.Az-a xəbər verir ki, bu gün etiraz edən şəhərlər sırasında paytaxt Tehran da qoşulub.

Şəhərin İnqilab meydanında etiraz aksiyası başlayıb. Əraziyə təhlükəsizlik qüvvələri gəlib. Daha sonra aksiya Tehran Universitetini də əhatə edib. Etirazçı kütlənin Vəliəsr meydanında toplaşmağa hazırlaşdığı bildirilir. 

İran Ali Milli Təhlükəsizlik Şurasının mətbuat katibi Nəqavi ölkədə iqtisadi problemlərin olduğunu etiraf edib: “Biz bunları həll etməliyik, lakin düşmənlərin bu problemlərdən istifadə etməsinə imkan verməyəcəyik”.

Daxili işlər naziri Rəhman Fəzli isə kiberməkanda etirazlara çağırışların səsləndiyini və bunun qanunsuz olduğunu bəyan edib. O, insanları aksiyalara qoşulmamağa çağırıb.

Dekabrın 29-da kütləvi aksiyanın keçirildiyi Kirmanşahda kütlənin bu gün də meydana toplaşmağa başladığı xəbər verilir. Şəhri-Kord şəhərində isə təhlükəsizlik qüvvələri etirazçıları dağıdıb.

Qeyd edək ki, dekabrın 28-də İranın Məşhəd, Kirmanşah, Həmədan, Qum, İsfahan, Rəşt və digər şəhərlərində etiraz aksiyaları keçirilib. Səbəb ölkədə qiymət artımı olsa da, siyasi şüarlar da səslənib. Prezident Həsən Ruhaninin daxili siyasətinə, eləcə də İranın Yaxın Şərq siyasətinə etiraz bildirilib. Məşhəddə kütlə “Nə Qəzza, nə Livan, mənim həyatım İran!” deyə qışqırıb. Bu şəhərdə 52 nəfər saxlanılıb.

ABŞ-da Nyu-York şəhərinin Bronks bölgəsində güclü yanğın baş verib.

Oxu.Az xəbər verir ki, yanğının söndürülməsinə şəhərin yanğından mühafizə idarəsinin 160-dan çox əməkdaşı cəlb olunub.

Baş verən yanğın nəticəsində arasında uşaqların da olduğu 12 nəfər həlak olub.

Kolumbiyanın Kaukasiya şəhərində gecə klubunda qumbara partlayıb.

Dalga tv  RİA Novosti-yə istinadən xəbər verir ki, insident nəticəsində azı 30 nəfər müxtəlif dərəcəli xəsarətlər alıb.

Yaralılardan 11-in vəziyyəti ağırdır.

Məlumata görə, hadisəni törətməkdə şübhəli bilinən bir kişi və bir qadın saxlanılıb.

Qəzza zolağında və İordan çayının qərb sahilində İsrail güc strukturları ilə fələstinlilər arasında baş verən toqquşmalar nəticəsində yaralananların sayı 303-ə çatıb.

APA-nın xəbərinə görə, bu barədə RİA Novosti agentliyinə yerli tibb xidmətinin nümayəndələri bildiribş

“Bu gün iğtişaşlarda 170 fələstinli yaralanıb, onlardan 50-si güllə yarası alıb, 5 nəfərin vəziyyəti ağır kimi qiymətləndirilir. 100-dən çox insan gözyaşardıcı qazdan zəhərlənib”, deyə Fələstin Səhiyyə nazirliyinin nümayəndəsi Əşrəf əl-Kidra bildirib. 

Qızıl Aypara Cəmiyyətindən verilən məlumatda isə bildirilib ki, gün ərzində 133 fələstinliyə tibbi yardım göstərilib. 

Sankt-Peterburqda ticarət mərkəzində yerləşən mağazaların birində partlayış baş verib.

APA-nın TASS agentliyinə istinadən verdiyi xəbərə görə, hadisə yerinə polis və xilasedicilər cəlb edilib. Ticarət mərkəzində olan insanlar təxliyə olunub.

İlkin məlumata əsasən, insident nəticəsində 10 nəfər xəsarət alıb. Hadisənin təfərrüatları müəyyənləşdirilir.