Türkiyə ordusu Suriyanın şimalındaki Afrin bölgəsində "Zeytun budağı" əməliyyatı başlayandan sonra gün ərzində 700 sakin sözügedən ərazini tərk edir.

 Bu barədə rusiyalı general-mayor Yuri Yevtuşenko keçirdiyi mətbuat konfransında bildirib. Onun sözlərinə görə, bu da Suriyada vəziyyəti daha da gərginləşdirib.

"İstərdim bildirim ki, "Zeytun budağı" əməliyyatı başlayandan sonra gün ərzində 700 sakin Afrin ərazisini tərk edir. Sakinlər Suriyanın Hələb, İdlib və digər regionlarına axın edirlər. Burada da vəziyyət daha da gərginləşir", - deyə Yuri Yevtuşenko bildirib.

Qeyd edək ki, yanvarın 20-dən Türkiyə Afrində "Zeytun budağı" əməliyyatına başlayıb. Terrorçuların mövqelərinə havadan zərbələr endirilib. Eyni zamanda Suriyanın müxalifətdən olan "Azad Suriya ordusu" qruplaşması bazar günü ölkənin şimalında yerləşən Afrin rayonunda genişmiqyaslı əməliyyatlara başlayıb. Türkiyə Baş Qərargahı Afrin bölgəsində "Zeytun budağı" əməliyyatı başladığını, hərbi əməliyyatda məqsədin bölgənin PKK terror təşkilatının Suriya qolu PYD/YPG, İŞİD və digər terror təşkilatlarından təmizləmək olduğunu bəyan edib.

Əməliyyata ilk öncə Türkiyə Hərbi Hava Qüvvələrinin 72 ədəd " F-16" təyyarəsi cəlb edilib. Türkiyə hərbçiləri "Azad Suriya ordusu" müxalifət birləşmələrilə birgə Suriyada məskunlaşan PKK, PYD və YPG terror təşkilatının silahlılarının məkanlarına zərbələr endiriblər.

Verilən məlumatlara görə, əməliyyatın ilk günü Türkiyə döyüşçüləri Afrinin 3.5 kilometrliyinə qədər irəliləyiblər. Hələlik terrorçular onlara güclü müqavimət göstərə bilməyiblər. Əməliyyatlar zamanı terrorçular çox sayda canlı qüvvə itiriblər.

ABŞ prezidenti Donald Tramp ifrat sağ görüşlü bir ingilis qruplaşmanın videolarını Tvitter səhifəsində paylaşdığı üçün üzr istəyib.

  Davosda ingilis mətbuatına müsahibə verən Tramp qrup haqqında bir məlumatı olmadığını bildirib: "Tanıya biləcəyiniz ən irqçi olmayan insan mənəm. Bu videoları paylaşmağım qruplaşmanı dəstəklədiyim mənasına gəlmir".

Tramp 2017-ci ildə ifrat sağ görüşlü "Britain First" qrupunun İslam əleyhinə videolarını səhifəsində paylaşmışdı. Bu səbəbdən üzr istəyib.

Davosda məsələyə toxunan Tramp deyib: "Mənə irqçi insan olduqlarını söyləsəydiniz, üzr istəyərdim".

"Good Morning Britain" verilişinə müsahibəsində Tramp aparıcının "bu videoları paylaşdığınız üçün İngiltərədə sərt reaksiyalara səbəb oldunuz"-sualına Tramp "Əlbəttə ki, belə insanların olduğunu bilmirdim. Onlar haqqında heç nə bilmirdim. Bəzi yerlərdə oxuduğumdan başqa indi də onlar haqqında heç nə bilmirəm"-deyə cavab verib.

Cənubi Koreyanın Miryanq şəhərindəki bir xəstəxanada yanğın baş verib.

Dalga tv xəbər verir ki, insident nəticəsində ən azı 41 nəfər həlak olub. 77 nəfər isə xəsarət alıb.

Rəsmilərin verdiyi xəbərə əsasən, qulluğa ehtiyacı olan yaşlıların qaldığı  "Sejong" xəstəxanasının təcili yardım bölməsində başlayan yanğın bütün binanı bürüyüb. Bu səbəbdən ölü sayının artacağı bildirilir.

Yanğının səbəbləri bilinmir. İnsident birinci mərtəbədə başlayıb. Yanğın vaxtı binada 100-dən çox xəstə olub. Yanğınsöndürənlər 1 saat 40 dəqiqə mübarizədən sonra yanğını ram edə biliblər.

Qırğızıstanın paytaxtı Bişkek şəhərində anomal soyuqlar davam edir.

Dalga tv xəbər verir ki, yanvar ayında soyuqlar 15 nəfərin ölümünə səbəb olub.

Həftənin çərşənbə günü Qırğızıstanın fövqəladə hallar xidməti ölkənin bütün ərazisində havaların kəskin soyuyacağı barədə xəbərdarlıq edib.

 Sinoptiklərin məlumatına əsasən, 26 yanvar tarixindən dağ rayonlarında tempratur mənfi 45 dərəcəyə qədər enəcək.

Avropada yaşayan 32 yaşlı Maykl Şeridan dişləri ağrıdığı üçün 10 il ancaq yumşaq qidalar qəbul edib.

Dalga tv xəbər verir ki, qazlı içkilərə düşkünlüyü bu ağrılara səbəb olub. Gündə 6 litr qazlı su içən Mayklın dişləri çürük-çürük olub. Qazlı suya olan sevgisi səbəbindən onun 27 dişi birdən çürüyüb.

Nəhayət, ağrılardan bezən Maykl stomatoloqa müraciət edir. Həkim onun 7 dişini birdən çəkərək implant diş taxır. Bu əməliyyat 50 min avroya başa gəlir.

Yaponiyanın "D&T Farm" şirkəti Okayama şəhərindəki dükana xüsusi növ banan ixrac edir.

Dalga tv xəbər verir ki, bu bananlar digərlərindən daha şirindir və qabığını da yemək mümkündür. Amma ən maraqlı fakt odur ki, tropik bitki çox soyuq tempraturda becərilir.

Şirkət banana "Monqey" növü adını verib. Monqey sözü yapon dilindən tərcümədə qeyri-adi deməkdir. Belə meyvə becərmək fikri texniki məsələlər üzrə menecer Setszuo Tanakinin ağlına gəlib. Amma sonradan bu fikirdən bir layihə alınıb.

Qabığı yeyilən bananın kollarını mənfi 60 dərəcədə əkirlər. Bir müddət sonra dondurub başqa şəraitə köçürürlər. Sonra isə, adi banan kimi yetişdirirlər. Tempratur dəyişikliyi səbəbindən boyları tez artır və qabıqları nazik olur.

Qeyd edək ki, banan qabığı orqanizm üçün çox faydalıdır.