İran Prezidenti Həsən Ruhani İranda yaşayan kəlimiləri (yəhudiləri) və dünya yəhudilərini "Roş-Ha-Şana" (yəhudilərin Yeni ili) bayramı münasibətilə təbrik edib. Trend-in məlumatına görə, bu barədə "Asriran" xəbər saytı İran Prezidenti Administrasiyasının mətbuat xidmətinə istinadən məlumat verir.

İran KİV-lərinin məlumatına görə, hazırda bu ölkədə 10 min nəfərdən çox yəhudi yaşayır. Onlar dini azlıq kimi parlamentdə də təmsil olunurlar.

Hər il 4-5 sentyabr tarixində dünya yəhudiləri Roş-Ha-Şana bayramını qeyd edirlər.

Bu gün Litva Prezidenti Dalya Qribauskayte ölkəsində səfərdə olan Aİ-nin xarici əlaqələr və təhlükəsizlik siyasəti üzrə ali nümayəndəsi, Avropa Komissiyası sədrinin müavini Ketrin Eşton ilə görüşmüşdür. Görüşdə “Şərq tərəfdaşlığı” proqramının üzvü olan ölkələrin Vilnüsdə gözlənilən zirvə görüşünə hazırlıq, habelə Avropa İttifaqının xarici və müdafiə siyasətinin digər məsələləri müzakirə edilmişdir.
Litva Prezidenti demişdir: “Litva noyabrda keçiriləcək Vilnüs zirvə görüşünə ciddi və məsuliyyətlə hazırlaşır. Bu, bizim Aİ Şurasında sədrliyimiz çərçivəsində ən mühüm və ən iri tədbirdir. Zirvə görüşü Aİ ilə “Şərq tərəfdaşlığı” ölkələri arasında münasibətlərin inkişafında yeni mərhələnin və yeni imkanların başlanğıcı ola bilər. Bunun üçün Aİ-nin üzvü və tərəfdaşı olan ölkələrin, habelə Avropa İttifaqı strukturlarının yaxından iştirakı və sıx əməkdaşlığı lazımdır.
Ölkə başçısı bildirmişdir ki, Aİ ilə “Şərq tərəfdaşlığı” ölkələrinin siyasi əməkdaşlığı hər iki tərəf üçün faydalıdır. Avropa İttifaqı qonşu Şərq ölkələrində aparılan siyasi, iqtisadi, sosial islahatlara dəstək göstərmək və həmin ölkələrlə əlaqələri möhkəmləndirmək yolu ilə təhlükəsiz qonşuluq mühiti yaradılmasına kömək edir. Sıx əməkdaşlıq Aİ ilə Şərq tərəfdaşları arasında iqtisadi əlaqələrin inkişaf etməsinə, hər iki tərəfə sərmayə yatırılmasının təşviq edilməsinə, insanların yerdəyişməsinin asanlaşdırılmasına şərait yaradacaqdır.
Görüşdə Avropa Şurasının dekabrda nəzərdə tutulan iclasına hazırlıq məsələləri də müzakirə edilmişdir. Litva Prezidentinin mətbuat xidmətindən bildirmişlər ki, iclasda Avropanın təhlükəsizlik və müdafiə siyasəti məsələlərini müzakirə etmək planlaşdırılır.

Moskvada 2 sakin öz mənzilində 250 qanunsuz miqrantı qeydiyyata salması fakti aşkarlanıb.

Bu ilin mayında iyunun 27-ə qədər Starıy Qay, ev 1 ünvanındakı mənzilin sahibi Özbəkistandan 71, Moldovadan 38, Ukraynadan 3, Belorusdan 1, Ermənistandan 4, Tacikistandan isə 6 nəfəri mənzilinə qeydiyyata salıb. Bu mənzildə qeydiyyata düşənlər arasında 17 Azərbaycan vətəndaşı da var. O qeydiyat üçün hər miqrantdan 500- 2 min rubl alıb.

Rokosovvski bulvarı, 144 nömrəli mənzildə də buna bənzər vəziyyət qeydə alınıb. Bu mənzildə ümumilikdə 107 miqrant qeydiyyata salınıb ki, onların da arasında Azərbaycan və Ermənistan vətəndaşları da var.

Türkiyə Respublikasının Prezidenti Abdullah Gül sentyabrın 5-də Türkdilli Ölkələrin Parlament Assambleyasının (TürkPA) baş katibi Ramil Həsənovu diplomatik fəaliyyətinin başa çatması ilə əlaqədar qəbul etmişdir.

TürkPA-nın mətbuat xidmətindən AzərTAc-a bildirmişlər ki, görüşdə Assambleya tərəfindən həyata keçirilən layihələr və gələcək planlar barədə Türkiyə Prezidentinə məlumat verilmişdir.
Görüşdə TürkPA baş katibini müavinin Kürşad Melih Sarıarslan da iştirak etmişdir.

"Doqquz ölkə Suriyada əməliyyatlarda iştirak etməkdən boyun qaçırsa da ABŞ-ın bu ölkəyə zərbə endirmək planını artıq dəstəkləyib".

Bunu jurnalistlərə ABŞ Dövlət Departamentinin nümayəndəsi Cen Psaki deyib.

“Avstraliya, Albaniya, Kosovo, Kanada, Danimarka, Fransa, Polşa, Rumıniya və Türkiyə ABŞ-ın hərbi planlarına açıq və aydın dəstək veriblər”, deyə Psaki qeyd edib.

Onun sözlərinə görə, 80-dən çox ölkə kimyəvi silahın Suriya hakimiyyəti tərəfindən istifadə edildiyi barədə ABŞ-ın dəlilləri ilə razılaşıb və 50-dən çox ölkə analoji mövqeni açıq bildirib. Cen Psaki həmçinin deyib ki, ABŞ həmçinin 30-dan çox beynəlxalq təşkilatın razılığını da almağa müvəffəq olub.

Sankt-Peterburqun Konstantin sarayında keçirilən G20 zirvə görüşünün açılışdan əvvəl Rəcəb Tayyib Ərdoğan və Fransua Ollandla bir araya gəlib.
Hər iki lider sammitdə müzakirəsi gözlənilən Suriya məsələsi barədə fikir mübadiləsi aparıblar. Görüş haqqında ətraflı məlumat verilməsə də, müzakirədən sonra mətbuataaçıqlamasında Baş nazir Ərdoğan Suriya mövzusunda beynəlxalq ictimayyətin məsuliyyətini ifadə edib.
Qeyd edək ki, G20 zirvə görüşündə qlobal iqtisadiyyat və bunun geniş miqyas almasının müzakirəsi nəzərdə tutulsa da, Yaxın Şərq böhranı gündəmə çıxıb. Hətta analitiklər Putinin ABŞ-ın Birləşmiş Millətlər Təşkilatının razılığı olmadan Suriyanı vuracağı halda belə bu ölkəyə silah yardımı edəcəyini bildirirlər. G20 zirvə toplantısınin yaxın tarixin ən gərgin görüşü olacağı da analitiklərin verdikləri şərhlərdə öz əksini tapır.