Nigeriyada qeyri-adi aksiya keçirilib. Zamafara əyalətinin paytaxtı Qusauda qadınlar ər tapmamaqdan şikayət ediblər. Xüsusilə dullar ər çatışmazlığından şikayətlənən qadınlar yürüş təşkil ediblər.

Dullar dərnəyinin rəhbəri Suveyba İsa "Anadolu" agentliyinə açıqlamasında 8 min qadının ailə qurmaqda kömək etmələri məqsədilə onlara müraciət etdiyini deyib.Onlara arasında 5380 boşanmış, 2200 dul, 1200 yetim və 80 subay var.

"Qadınlıq qürurum var. Amma bu etirazımızı hökumətə çatdırmağın bir yoludur. Ana ola biləcək bu qədər qadının subay qalması ayıb deyil?".

Mütəxəssislər Nigeriyada həyat şərtlərinin çətinləşdiyini və bunun üçündə kişilərin evlənməkdən qaçdığını, bu vəziyyətin isə öz növbəsində "ər çatışmazlığı"na yol açdığını deyirlər.

İran prezidenti Həsən Ruhaninin BMT-nin Baş Assambleyasında iştirakı zamanı Amerika prezidenti Barak Obama ilə telefon danışığı ölkədə birmənalı qarşılanmayıb. Tehran hava limanında Ruhaninin müxalifləri və tərəfdarları toplaşaraq onun əleyhinə və lehinə şüarlar səsləndiriblər. “Mehr” agentliyinin məlumatına görə, prezidentin müxaliflərindən biri Ruhaniyə tərəf ayaqqabı atıb. Agentlik aksiyada iştirak edən müxaliflərin sayının 100 nəfər olduğunu bildirib. Onlar Ruhaninin kortejinin keçdiyi yolun ortasında namaz qılmağa başlayıb və prezidentin kortejinin hərəkətini dayandırmağa çalışıblar. Bu səbəbdən prezidentin hərəkəti yubanıb. Müxaliflərin qarşısında Ruhaninin tərəfdarları toplaşaraq prezidentə dəstək nümayiş etdiriblər. Onlar prezidentin qarşısında qurbanlar kəsərək, müxtəlif şüarlar səsləndiriblər.

Xatırladaq ki, Ruhani Nyu-Yorka BMT Baş Assambleyasının toplantısında iştirak etmək üçün səfər etmişdi. O, səfər çərçivəsində ABŞ prezidenti Barak Obama ilə telefonla danışıb. Bu, İranda baş verən islam inqilabından keçən 34 il ərzində iki ölkənin prezidentləri arasında ilk birbaşa təmas olub.

BMT Baş Məclisinin 68-ci sessiyası çərçivəsində GUAM-ABŞ Xarici İşlər Nazirləri Şurasının növbəti iclası (GUAM-ABŞ formatında 25-ci görüş) olmuşdur.

ABŞ-ın nümayəndə heyətinə dövlət katibinin Avropa və Avrasiya işləri üzrə köməkçisi Viktoriya Nuland başçılıq etmişdir.
Tərəflər müxtəlif formatlarda, hər şeydən əvvəl nazirlər səviyyəsində GUAM-ABŞ dialoqunun əhəmiyyətini və qarşılıqlı faydasını qeyd etmişlər. Bununla əlaqədar, beynəlxalq və regional əməkdaşlıq, eləcə də GUAM-ABŞ formatında proqram və layihələrin gələcək implementasiyası məsələlərinin geniş spektri üzrə fikir mübadiləsinə xüsusi diqqət göstərilmişdir.
GUAM-ın Xarici İşlər Nazirləri Şurası təşkilatın nizamnamə vəzifələri və məqsədlərinin həyata keçirilməsində göstərdiyi davamlı dəstəyə görə ABŞ hökumətinə təşəkkürünü bildirmişdir.
Görüşün sonunda GUAM-ABŞ Birgə Bəyanatı qəbul edilmişdir.

Diskləri milyonlarla satan italiyalı müğənni Rozario Selaminin cəsədi Moldovanın paytaxtı Kişinyovdakı parklardan birində asılmış vəziyyətdə tapılıb. Polisin məlumatına görə, cəsədi parkn yanından keçən təsadüfi şəxs görüb.

İlkin müayinə zamanı cəsədin üzərində heç bir zorakılıq əlaməti aşkar edilməyib. Buna görə də hadisənin intihar olduğu güman edilir.

R.Selami Kişinyovda 1997-ci ildən yaşayıb. 2011-ci ildə o, Moldova vətəndaşlığı alıb. 2012-ci ildə bisnesi iflas edən müğənni banklardan aldğı külli miqdarda krediti qaytara bilməyib.

Qeyd edək ki, o, musiqi aləmində Saro Salemi adı ilə tanınıb və kasetləri, diskləri milyonlarla satılıb.