Oktyabrın 15-də Cenevrədə İranla “altılıq” ölkələri arasında başlamış növbəti nüvə müzakirələrinin ilkin mərhələsi başa çatıb. APA-nın İRİB-ə istinadən məlumatına görə, BMT-nin Avropadakı ofisində keçirilən danışıqlar oktyabrın 16-da davam etdiriləcək. İranın xarici işlər naziri Məhəmməd Cavad Zərifin rəhbərlik etdiyi nümayəndə heyətinə onun müavinləri Seyid Abbas Əraqçı və Məcid Təxti Rəvançı, həmçinin nazirlikdən Həmin Bəidinejad və Davud Məhəmmədiyə, eyni zamanda İranın Atom Enerjisi Agentliyindən Məhəmməd Əmiri daxildir. Görüş İranla “altılıq” ölkələrinin xarici işlər nazirlərinin müavinləri səviyyəsində keçirilib. Bu baxımdan müzakirələrdə İran nümayəndə heyətinə nazir müavini Seyid Abbas Əraqçı rəhbərlik edib. M. Zərif yalnız İranın “altılıq” ölkələrinə təqdim etdiyi planı açıqlayıb.

A.Əraqçı görüşdən sonra jurnalistlərə açıqlamasında tərəflər arasında müzakirələrin müsbət keçdiyini bildirib.

Onun sözlərinə görə, yeni təklifdə məqsəd İranın dincməqsədli nüvə enerjisindən faydalanmaq və qarşı tərəfə rəsmi Tahranın nüvə fəaliyyətlərinin sülhməqsədli olduğuna dair zəmanət verməkdir.

A. Əraqçı həmçinin deyib ki, təklifdə əsas hədəf İranın haqları və nüvə fəaliyyətlərinin sülhməqsədli olduğuna dair zəmanətdir: “Rəsmi Tehran dinc məqsədlər üçün nüvə enerjisindən faydalanmaq, bu sahədə iş və araşdırma aparmaq haqlarının tanınması, Atom Enerjisi üzrə Beynəlxalq Agentliyin (AEBA) yoxlamalarından yararlanmaq, İranın haqlarının yerinə yetirilməsi üçün beynəlxalq əməkdaşlığın edilməsi, birtərəfli və çoxtərəfli sanksiyaların tamamilə qaldırılması və ortaq narahatlıqlarla bağlı əməkdaşlıq etmək surəti ilə bu hədəfə çatıla biləcəyini düşünür”.

Bu gün Şimali Qafqaz əyalət hərbi məhkəməsi "Qafqaz Əmirliyi" terrorçu qruplaşmasının liderlərindən biri, "Maqas" ləqəbli Əli Təziyevin işinə baxıb. Məhkəmə "Maqas"a ən ağır cəzanı kəsib. O, ömrünün qalan hissəsini dəmir barmaqlıqlar arasında keçirəcək.

Rusiya Federal Miqraiya Xidməti ölkə ərazisinə 400 min əcnəbinin girişini qadağan etmək niyyətindədir.

Oktyabarın 14-də bu haqda qurumun başçısı Konstantin Romodanovski məlumat verib.

«275 əcənibyə ölkəyə giriş yasaqlansa da, cari ilin əvvəlində Rusiyaya gələn xarici vətəndaşlarını axını 10 faiz artıb. Biz bu rəqəmi 400 minə çatdırmaq niyyətindəyik.Rusiya qanunlarına və mentalitetinə hörmət etmək lazımdır»-deyə, qurum başçısı bildirib.

Bu ilin ilk 9 ayınd Rusiyaya MDB ölkələrindən Rusiyaya 1,5 milyon mühacirət edib, onların bir milyonuna işləmək üçün icazə verilib.

Onun sözlərinə görə, miqratnlar daha çox Moskva və vilayətinə, Sankt-Peterburqa daha axın edir.

Yenidən böyük Türkiyə inşa etmək istəyirik.

Bu barədə Türkiyənin Baş naziri Rəcəb Tayyib Ərdoğan bildirib.

Ərdoğanın sözlərinə görə, hazırda ölkədə bütün sahələr üzrə əhəmiyyətli islahatlar aparılır. O, həmçinin əlavə edib ki, demokratikləşdirmə üzrə tədbirlər paketi ölkənin inkişafına istiqamətlənən daha bir addımdır.

BMT-nin Ərzaq və Kənd Təsərrüfatı Təşkilatı (FAO) Ümumdünya Ərzaq Gününün builki mövzusunu “Ərzaq təhlükəsizliyi və qidalanma üçün davamlı ərzaq sistemləri” seçib. BMT-nin hesablamalarına görə, bu gün dünyada 870 mln. insan aclıqdan əziyyət çəkir.

FAO-nun Azərbaycandakı nümayəndəsi Təranə Bəşirovanın “APA-Economics”ə verdiyi məlumata görə, təşkilatın İtaliyanın paytaxtı Romada keçirilən tədbirində Avropa və Mərkəzi Asiya, Orta Asiya, Cənubi Qafqaz regionuna dair proqnozlar da açıqlanıb. Belə ki, qarşıdakı illərdə 3 subregion – Şərqi Avropa (Ukrayna), Cənubi Qafqaz və Mərkəzi Asiya istehsal səviyyəsi potensialdan xeyli aşağı olacaq.

Tədbirdə Orta Asiya və Qafqaz ölkələrində kifayət qədər qidalanmamaq riskinin müşahidə olunduğu qeyd edilib. Kifayət qədər qidalanmayan əhalinin faiz nisbəti 26%, yoxsulluq səviyyəsi isə Dünya Bankının hesablamalarına görə 30-70% təşkil edir.