Gürcüstanın paytaxtı Tbilisi şəhərində 12-14 noyabr tarixlərində "Elcom Caucasus 2013" beynəlxalq sərgisi keçiriləcək.Bu barədə Azərbaycanda İxracın və İnvestisiyaların Təşviqi Fondunun (AZPROMO) rəsmi saytında yerləşdirilən məlumatda bildirilir.

Məlumatda bildirilir ki, sərgi energetika, kommunikasiya və bərpa olunan enerji mənbələri və digər sahələri əhatə edir.

Sərgi haqqında ətraflı məlumatları AZPROMO-nun Gürcüstan nümayəndəliyindən əldə etmək olar.

Bu sözləri Gürcüstanın xarici işlər naziri Maya Pancikidze Nyu Yorkda keçirilən Xəzər Forumunda çıxışında deyib. O bildirib ki, Gürcüstan Bakı-Tiflis-Ceyhan və Bakı-Tiflis-Ərzurum  layihələri üzrə öhdəliklərini uğurla yerinə yetirərək etibarlı tranzit tərəfdaşı olduğunu sübuta yetirib.

Nazir Gürcüstanın bundan sonra da Avropaya enerji nəqlinin diversifikasiyasını təmin edəcək alternativ enerji layihələrində iştiraka hazır olduğunu vurğulayıb: “Cənub dəhlizi layihəsi Qafqaz bölgəsini Avropa Birliyinə daha da yaxınlaşdıracaq. Mən əminəm ki, Türkmənistan və Qazaxıstandakı tərəfdaşlarımız da bu prosesə cəlb olunaraq Cənub dəhlizinin stabilliyi və dayanıqlılığını gücləndirəcəklər”.

Rəsmi Tehran Suriya hökumətini dəstəkləməkdə davam edəcək, İranın birinci vitse-prezidenti Eşaq Cahangiri Suriyanın baş naziri Vael əl-Həlqi ilə telefon danışığında deyib.

Cahangirinin sözlərinə görə, Tehran həmçinin Suriya ilə siyasi və iqtisadi əlaqələri də genişləndirmək niyyətindədir.

Suriyanın baş naziri öz növbəsində iki ölkəni daha sıx əməkdaşlığa çağırıb.

"Dostların, xüsusilə İranın dəstəyi ilə, Suriya xalqı və hökuməti indiki böhran arxada qoyacaq və qalib olacaq," - əl-Həlqi deyib

Qafqaz Müsəlmanları İdarəsi (QMİ) son vaxtlar Səudiyyə Ərəbistanında yayılan virusla bağlı Həcc ziyarətinə gedən azərbaycanlı zəvvarlar üçün xüsusi hazırlıqlara başlayıb.

QMİ-dən APA-ya verilən məlumata görə, zəvvarlardan ibarət bütün səfər qruplarına həmin viruslar üzrə ixtisaslaşmış həkim heyəti cəlb ediləcək. Hər qrup üzrə iki həkim təyin olunacaq. Virusun təhlükəliliyi nəzərə alınaraq QMİ yaşlı və orqanizmi zəif olan zəvvarların səfərlərini təxirə salmağı da tövsiyə edir.

Öz növbəsində Səudiyyə Ərəbistanının Səhiyyə Nazirliyi Həcc ziyarəti ilə bağlı müsəlman ölkələrinə xəbərdarlıq göndərib. Xəbərdarlıqda bildirilir ki, son zamanlar ölkədə təhlükəli virus yayılıb və bu virusdan artıq onlarla insan dünyasını dəyişib. Tənəffüs yolları sindromu (MERS-CoV) olan yoluxucu virusun Yaxın Şərqi bürüyə biləcəyi və böyük faciələrə səbəb olacağı xəbərdar olunub. Nazirlik yaşlı zəvvarları və səhhətində xroniki xəstəliklər olan insanları Həcc ziyarətini təxirə salmağa da çağırıb. Səudiyyə Ərəbistanı rəsmiləri həmçinin zəvvarların gigiyena qaydalarına əməl etməsini, öskürərkən ağızlarını bağlamasını və insanların çox olduğu yerlərdə qoruyucu maskalardan istifadə etməsini məsləhət görüblər.

Qeyd edək ki, bu il Həcc ziyarəti oktyabrın 3-dən başlayacaq. Zəvvarların yola salınması oktyabrın 8-dək davam edəcək. Azərbaycanda Həcc ziyarəti Suriyada baş verən hadisələrlə əlaqədar ancaq təyyarə ilə həyata keçirilir. Zəvvarlarımızın Həcc ziyarətinə aparılmasını Fransanın “France Air” aviaşirkəti təşkil edir. Zəvvarlar 80 qrupa bölünüb, hər qrupda 45-55 nəfər olacaq. Oktyabrın 3-də bir reys, qalan günlər isə hər gün 3 reys təşkil olunacaq. Ümumilikdə bu il Azərbaycandan 3600 zəvvarın Həccə getməsi nəzərdə tutulub. Azərbaycanda Həcc ziyarəti ilə bağlı sənədlərin qəbulu fevralın 1-dən başlayıb və mayın 30-da başa çatıb. Sənədlər ziyarəti təşkil edən yeganə qurum olan QMİ-də qəbul olunub. Ziyarət bu il də iki variantda təşkil olunur. Nisbətən zəif şəraitli, gündə iki dəfə yemək verilən hotellərdə qalan zəvvarlar üçün ümumi ziyarət xərci 3250 manat, daha yaxşı şəraitli və yeməkləri daha çeşidli olan hotellərdə qalmaq (VİP ziyarət) istəyən zəvvarlar üçün ümumi xərc 4100 manatdır.

İranda yerli vətəndaşlara ibrət məqsədilə həyata keçirilən və kütləvi informasiya vasitələrində öz əksini tapan açıq edamlar 8 yaşlı uşağın ölümünə səbəb olub.

APA-nın “Radiozəmanə”yə istinadən məlumatına görə, belə bir hadisə İranın Kirmanşah vilayətinin Cavanrud şəhərinin Kəlaş Luləm kəndində qeydə alınıb. Belə ki, Rauf Mustafayi öz həmyaşıdları ilə edam səhnəsinin necə icra edildiyi ilə bağlı oyun oynadığı zaman ehtiyatsızlıqdan özünü öldürüb.

Məlumata görə, R.Mustafayi ilə eyni yaşda olan həmkəndlisi Mehran Yusifi ondan edam səhnəsinin icrasını təkrar nümayiş etdirməsini istəyib və nəticədə belə faciəvi hadisə baş verib.

Qeyd edək ki, İranda əhalinin gözü qarşısında icra olunan edamların icrasını müşahidə etməyə heç bir məhdudiyyət qoyulmayıb.