Yəmənin Ədən şəhərində terrorçu- kamikadzelər tərəfindən iki avtomobil partladılıb. APA-nın "Reuters"ə istinadən verdiyi xəbərə görə, terakt nəticəsində onlarla insan yaralanıb.

Məlumata görə, antiterror qüvvələrin şəhər ərazisində yerləşən düşərgəsi terrorçuların hədəfi olub.  

Somalinin paytaxtı Moqadişo şəhərində törədilən iki partlayış nəticəsində 38 nəfər ölüb, 20 nəfər yaralanıb.  

APA-nın "RİA Novosti"yə istinadən verdiyi xəbərə görə, mina quraşdırılmış iki avtomobil insanların  sıx cəmləşdiyi ərazidə partladılıb. Məlumata görə, avtomobillərdən biri prezident sarayı yaxınlığında, digəri isə otelin qarşısında partladılıb. Partlayışlardan sonra hadisə yerində atəş səsləri eşidilib.

"Əş Şəbab" qruplaşması terror aktına görə məsuliyyəti öz üzərinə götürüb.

Somalinin paytaxtı Moqadişoda törədilən iki partlayış nəticəsində 18 nəfər ölüb.

APA-nın məlumatına görə, bu barədə Reuters agentliyinə tibbi mənbələrdən bildirilib.

Məlumata əsasən, indiyədək 18 nəfər öldüyü, 20 nəfərin yaralandığı təsdiqlənib.

Fevralın 22-də Xocalı soyqırımının 26-cı ildönümü ilə əlaqədar Berlində Almaniya Bundestaqının nəzdində fəaliyyət göstərən mötəbər "Alman Parlament Cəmiyyəti"ndə "Cənubi Qafqazda təhlükəsizlik və stabillik: Azərbaycan-Almaniya əməkdaşlığının perspektivləri" mövzusunda altıncı simpozium keçirilib.

Azərbaycanın AFR-dəki səfirliyinin mətbuat xidmətindən APA-ya verilən məlumata görə, simpozium səfirliyinin, Alman-Azərbaycan Forumunun və Alman-Atlantik Cəmiyyətinin birgə təşkilatçılığı və ARDNŞ-in Almaniya nümayəndəliyinin dəstəyi ilə keçirilib.

Tədbir iştirakçılarını salamlayan Alman-Azərbaycan Forumunun sədri Hanns-Eberhard Şleyer tədbirin 26 il öncə baş vermiş Xocalı şəhəri və onun ətrafında azərbaycanlı əhaliyə qarşı törədilmiş qətliamın qurbanlarına həsr edildiyini bildirib. Şleyer öz çıxışı çərçivəsində həm də Almaniya-Azərbaycan münasibətlərinin aktual durumuna nəzər salmış və carı ilin fevralında Alman iqtisadiyyatının Şərq komitəsinin xətti ilə alman iş adamlarının Azərbaycana baş tutmuş səfərini simpozium iştirakçılarının diqqətinə çatdırıb.

Səfir Ramin Həsənov çıxışında Ermənistanın Azərbaycana qarşı törətdiyi hərbi təcavüz və Xocalı  soyqırımının mahiyyəti, həmçinin bu münaqişənin mümkün həlli yolları haqda simpozium iştirakçılarını məlumatlandırıb. Səfir ölkəmizin həyata keçirdiyi regional və qlobal əhəmiyyəti layihələr nəticəsində  regional gücə çevrildiyini, məhz bu layihələrin regional inkişafa və stabilliyə böyük töhfə verdiyini, lakin Ermənistanın həyata keçirdiyi işğalçı siyasətin regionuna inkişafına böyük maneə olduğunu vurğulayıb.  Ramin Həsənov  həmçinin Almaniya-Azərbaycan münasibətlərinin bütün sahələrdə inkişaf etdiyini və Ermənistan-Azərbaycan Dağlıq Qarabağ münaqişəsinin həlli məqsədi ilə Almaniyanın daha aktiv olacağına ümid etdiyini bildirib.

Almaniya Xarici İşlər Nazirliyinin Şərqi Avropa, Qafqaz və Mərkəzi Asiya üzrə müvəkkili, Səfir Andreas Peşke öz çıxışında Xocalı faciəsinin insanların yaddaşında dərin izlər buraxdığını, bu faciənin münaqişə dövründə baş vermiş ən ağrılı hadisə olduğunu, regional əməkdaşlığın Qafqaz regionunda sülh və əmin-amanlığın bərpa olunması üçün mühüm rol oynadığını, bunun üçün münaqişə tərəfləri arasında qarşılıqlı etimadın yaradılmasının vacib olduğunu vurğulayıb. Peşke həmçinin Almaniya-Azərbaycan münasibətlərinin bütün sahələr üzrə ardıcıl şəkildə inkişaf etdiyini, siyasi, iqtisadi, mədəni, elm və təhsil sahələrində ölkələrarası əməkdaşlığın dinamik inkişaf etdiyini, 2017-ci ilin dekabr ayında  Bakıda Goethe-İnsitutunun təntənəli açılışının olduğunu bildirib. Peşke Azərbaycanın həyata keçirdiyi uğurlu layihələr nəticəsində regionun nəqliyyat dəhlizinə çevrildiyini demiş, ölkəmizi regionda Almaniyanın ən mühüm tərəfdaşı adlandırıb.

Daha sonra tədbir panellər çərçivəsində təşkil edilən müzakirələr formasında davam edib.

Pakistanın şimalında dağlar arasındakı dərələrdə gizlənmiş kəndin sakinləri Bandeşi dilində danışıblar.

Dalga tv Sonxerber.az-a istinadən xəbər verir ki, zaman keçdikcə kəndə yeni insanlar gəlib və onlar başqa dillərdə danışmağa başlayıblar.
Demək olar ki, yox olmaq üzrə olan bu dili sadəcə 3 nəfər danışa bilir.

İndoneziyada yaşayan 14 yaşındakı uşaq iki ildir, yumurtladığını iddia edib. Uşağın atası isə oğlunun yumurtalarının ağının olmadığını deyir

İndoneziyada Akmal adlı bir uşaq həkimlərin önündə yumurtlayıb. Atası ilə birlikdə məhz bu səbəbdən xəstəxanaya gedən uşaq son 2 ildə 20 dəfə yumurtladığını deyib.

Uşaq hər dəfə halı pisləşəndə həkimə gedirmiş və həkimlərin yanında da 2 dəfə yumurtlayırmış. Həkimlər isə bunun tibbi cəhətdən mümkünsüz olduğunu, yumurtaların uşağın bağırsağına qəsdlə qoyulduğunu bildiriblər.

Lakin uşağın atası bu iddiaların doğru olmadığını deyib. Yerli mətbuat da Akmal və atasını dəstəklədikdən sonra, həkimlər məsələnin araşdırılacağını bildiriblər.