Dalga Televiziyasi Dünya
Get Adobe Flash player

BAKI - TBİLİSİ

Multikulturalizm

Tərəfdaşlar

Ziyarətçi sayğacı

Bu günBu gün1140
DünənDünən1295
Bu həftəBu həftə2435
Bu ayBu ay38225
Bu günə qədərBu günə qədər3183566

Bizi Paylaşın

Video Xəbərlər

 

Təqvim


Dünya

Anasını bıçaqlayıb, intihar etdi

alt

Moskva sakini anasına 10 bıçaq zərbəsi vurduqdan sonra özünü 10-cu mərtəbədən yerə atıb.

Rusiya KİV-ə istinadən xəbərinə görə, hadisə Bestujev küçəsindəki evlərdən birində baş verib.

Moskva polisindən bildiriblər ki, gənc oğlan hadisə yerində keçinib, 47 yaşlı qadın isə ağır vəziyyətdə xəstəxanaya yerləşdirilib.

İran və Ermənistan prezidentləri görüşdülər

alt

Bu gün Ermənistan Prezidenti Serj Sarkisyan Tehranda İranın yeni seçilmiş Prezidenti Həsən Ruhani ilə görüşüb.

Iki ölkənin liderləri ikitərəfli və çoxtərəfli məsələlərin geniş spektrini müzakirə ediblər.

Tərəflər qeyd ediblər ki, Ermənistan-İran münasibətlərinin gündəliyi bir sıra iri layihələrin həyata keçirilməsinin təsdiqidir. Prezidentlər ənənəvi əməkdaşlığı daha yüksək mərhələyə çıxartmağın vacibliyini vurğulayıblar.

İki ölkənin lideri regional problemlərə, o cümlədən Dağlıq Qarabağ münaqişəsinin nizamlanması üzrə danışıqların indiki mərhələsinə toxunublar.

Xarici işlər naziri İran prezidentilə görüşdü

Türkiyənin xarici işlər naziri Əhməd Davudoğlu Tehranda İran Prezidenti Həsən Ruhanilə görüşüb. 

Görüş zamanı Davudoğlu və Ruhani ikitərəfli əməkdaşlıq məsələlərini və regional problemləri müzakirə ediblər.

Davudoğlunun iranlı həmkarı Əli Əkbər Salehilə görüşəcəyi də gözlənilir.

72 yaşlı kişi casusluqda ittiham olundu

alt

Yunanıstanın Xios adasında 72 yaşlı Almaniya vətəndaşı casusluqda şübhəli bilinərək, həbs olunub.

O, adadakı hərbi obyektlərin fotosunu çəkərkən tutulub.

Onun yaşadığı evdə axtarış aparılan zaman çeşidli elektron vasitələri, cib telefonu və s. aşkarlanaraq, götürülüb.

Ona qarşı casusluq maddəsi irəli sürülüb. Bu cinayətə görə ən yüksək cəza 20 il azadlıqdan məhrum olmaqdır.

Bu əcnəbi son 4 ili adada yaşayıb.

Gürcüstanda yeni dərs ili sentyabrın 16-da başlayacaqdır

Gürcüstanın məktəblərində yeni dərs ili sentyabrın 16-da başlayacaqdır.
Bu barədə jurnalistlərə ölkənin təhsil və elm naziri Tamara Sanikidze məlumat vermişdir.

Prezidenti söyən jurnalist işdən qovuldu

altABŞ prezidenti Barak Obamaya söyən jurnalist işdən qovulub.

Yerli qəzetlərdən birinin redaktoru olan Drev Conson Obama haqqında sərt fikirlər irəli sürüb. B.Obama onun yaşadığı şəhəri ziyarət etməyə getdikdən sonra “Chattanooga Times Free Press” adlı qəzetin redaktoru öz yazısında bu sözləri yazıb:

“Sizin iş planınız bizə lazım deyil. Siyasətiniz bizim şəhərimizə lazım olan qədər zərər verdi. İndi çıxın gedin”. Bundan başqa təhqir edici ifadələr və söyüşlər yazan redaktor qəzet çap olunduğu gün işdən qovulub. Daha sonra isə sosial şəbəkədəki hesabında bu fikirlərini paylaşıb: “Həyatımı sərbəstliyi və azad mətbuatı qorumağa həsr etmişəm. Həyatımın sonuna qədər yolumdan dönməyəcəyəm”

Ermənistan sərhədində öldürülən çoban haqqında yeni məlumatlar

altQarsın Arpaçay rayonunda Türkiyə-Ermənistan sərhədini təsadüfən keçdiyi üçün erməni əsgərləri tərəfindən qətlə yetirilən çobanın qardaşı Ramazan Ülkər, vurulduğu zaman böyük qardaşının üstündə silah olmadığını bildirib.

Böyük qardaşı Mustafa Ülkərlə heyvanları otarmaq üçün Ermənistan sərhəddində olan yaylaya getdiklərini söyləyən Ramazan Ülkər, erməni əsgərlərinin onlara “dur” xəbərdarlığını etmədiklərini deyib:

“Otun içində uzanmış əsgər birdən ayağa qalxaraq arxadan qardaşıma atəş açdı. Mustafa yerə yıxıldı və mən ona tərəf getmək istədim, ancaq əsgər məni uzaqlaşdırmaq üçün havaya bir güllə atdı. Atəş səslərindən sonra daha bir neçə əsgər gəldi. Bir neçə dəqiqədən sonra isə rabitə ilə hadisə ilə bağlı öz komandirlərinə məlumat verdilər”.

Öldürülən çobanın əmisi oğlu Vahid Ülkər də hadisəni eşidən kimi sərhəd bölgəsinə getdiyini və türk zabitlərinin orada olduğunu bildirib. Onun sözlərinə görə, erməni zabiti, onlara Mustafanın yaralandığını, əsgərlərindən birinin əmisi oğlunun açdığı atəş nətisində həlak oluğunu dedi: “Ancaq bunların hamısı yalandı. Səhər tezdən isə bizə cəsədini təhvil verdilər. Yalan danışdılar və heç bir müdaxilə etmədən səhərə qədər hadisə yerində saxlamışdılar. Əmim oğlunu arxadan, həm də qəsdən güllələmişdilər”.

Mərhumun digər qohumu Gürbüz Ülkər isə hadisənin dəqiq araşdırılması üçün hüquq-mühafizə və prokurorluq orqanlarına müraciət edəcəklərini deyib:

"Hadisə ilə əlaqədar cinayət işinin qaldırılması üçün əlimizdə olan faktları və iddiaları ortaya qoyacağıq. Dövlətimiz də inşallah bu məsələdə bizə üzərinə düşən dəstəyi göstərəcək”.

Mustafa Ülkərin qohumları, onun özünə aid evinin olmadığını, həyat yoldaşı və iki uşağı ilə əmisinin yanında qaldığını bildiriblər.

“Çobanın üstündən yalnız bıçaq çıxdı”

Ordu generalına sui- qəsd törədildi - İraqda

alt

İraqda terrorçular general-leytenant Əbdüləmir əl Zaidiyə uğursuz sui-qəsd törədiblər.

Partlayıcı qurğunun işə salınması nəticəsində generalı müşayiət edən 9 hərbçi həlak olub. 

İnsident Bağdadın şimalındakı Diyala əyalətində “Əl Qaidə” terrorçularına qarşı həyata keçirilən əməliyyat zamanı baş verib. Hadisənin təfərrüatları barədə məlumat verilmir. 

Yaponiya silkələndi

alt

Yaponiyanın Meteoroloji İdarəsindən verilən məlumata görə, ölkənin şimalında 6 bal gücündə zəlzələ olub. Dağıntı olmayıb və sunami təhlükəsi də yoxdur.

Məlumata görə, zəlzələ Yaponiyanın nüvə stasiyalarına da zərər vurmayıb.

ABŞ prezidentindən “Twitter“ sürprizi - FOTO

alt

ABŞ prezidenti Barak Obama ötən gün sosial şəbəkədə qeyri-adi fotoşəklini paylaşıb. 

Obamanın şəxsi “Twitter” səhifəsində ABŞ prezidentinin qucağında kiçik körpə ilə Oval ofisdə çəkilmiş şəkli paylaşılıb. Şəklin altında isə “sabahınız xeyir” (Good morning) yazılıb. 

Qeyd edək ki, körpə barədə məlumat verilməsə də, bu mesaja minlərlə istifadəçi “aqibətiniz xeyir”, – deyə cavab yazıb.

alt

Ermənistanda 189,7 min nəfər əlil qeydiyyatdadır

alt

2013-cü ilin 1 iyun tarixində Ermənistanda 189,7 min nəfər əlil qeydiyyata alınıb. 

Bu barədə Ermənistanın Milli Statistika İdarəsi məlumat yayıb. Bu da ötən illə müqayisədə 7 min nəfər çoxdur.

Ömürlük əlillərin sayı daha yüksək templərlə artıb. Bu il ömürlük əlillərin sayı 123 min nəfərə çatıb. Ötən il isə həmin rəqəm 112,8 min nəfər idi.

Suriya- Türkiyə sərhədində ölüm

alt

Suriya-Türkiyə sərhəddindıə insident baş verib. CNN Türk-ə istinadla verdiyi məlumata görə, Suriya tərəfdə baş verən atışma ölümlə nəticələnib. 

Hadisə Şanlıurfanın Ceylanpınar rayonunda baş verib. Suriya tərəfindən başlayan atışmada atılan güllələrdən biri Türkiyə ərazisinə keçərək küçədə gəzən 45 yaşlı Ramazan Zeybelə dəyib. 

Sinəsindən yaralanan kişi həyatını itirib. Qeyd edək ki, son bir ayda Ceylanpınarda 4 nəfər həyatını itirib. 

Saytda Axtarış

Son xəbərlər