BŞ-da təyyarənin yerə düşməsi nəticəsində ən azı iki yaşayış evi dağılıb. APA-nın “İnterfaks”a istinadən verdiyi məlumata görə, hadisə Konnektikut ştatında, İst-Heyven adlı yaşayış məntəqəsində baş verib.

Ölən və yaralananlar haqda məlumat hələlik daxil olmayıb.

İlkin məlumata görə, söhbət yüngül təyyarədən gedir. Təyyarənin hansı səbəbdən qəzaya uğradığı və evlərin üstünə düşdüyü məlum deyil.

Hadisə yerində güclü yanğın baş verib. 

Bu gün Parisdə Eyfel qülləsinə bomba yerləşdirilməsi xəbəri yayılıb. APA-nın “RİA Novosti”yə istinadən verdiyi məlumata görə, bu haqda məlumat polisə daxil olduqdan sonra təxliyə qərarı verilib. Nəticədə qüllədə olan turistlər oradan uzaqlaşdırılıb.

Təxliyə prosesi yerli vaxtla saat 14.00-dan sonra başlayıb. İki saat ərzində Eyfel qülləsinə giriş bağlı olub.

Qeyd edək ki, mütəxəssislər qüllədə bomba tapmayıb. Bundan sonra Eyfel qülləsinin qapıları yenidən qonaqların üzünə açılıb. 

Gürcüstanın Batumi şəhərində açıq əyləncəli futbol məktəblərinin seminarı keçirilib.
AFFA- dan AzərTAc-a bildirmişlər ki, seminarda Azərbaycan, Gürcüstan, Ukrayna, Moldova və İraqda fəaliyyət göstərən açıq əyləncəli futbol məktəblərinin nümayəndələri iştirak etmişlər.
Açıq əyləncəli futbol məktəblərinin rəhbəri Anders Levinsenin sədrliyi ilə keçirilən tədbirdə ölkəmiz layihənin koordinatoru Kərim Ağayev və 10 nəfər təlimatçı ilə təmsil olunmuşdur.

Güclü yağış azərbaycanlıların yığcam yaşadıqları Kvemo Kartli-Borçalı bölgəsindəki Marneuli rayonunun elektrik enerjisi ilə təminatında problem yaratmışdır.
“Enerqo-pro Corcia” şirkətindən verilən məlumata görə, güclü yağış kabel xətlərinə ziyan vurmuş və rayon mərkəzinin bir hissəsinə, həmçinin Qasımlı, Araflı, Ulaşlı, Axılmahmudlu, Seydiqocalı, Quşçu, Yenikənd kəndlərinə elektrik enerjisi verilişi kəsilmişdir.
Hazırda elektrik enerjisi verilişinin bərpa olunması üçün lazımi tədbirlər görüldüyü bildirilir.

Fransanın Şer departamentindəki Şavann kəndinin meri Pol Renoda bildirib ki, onun kəndində qaraçılar peyda olsalar, intihar edəcək.
200 sakini olan kəndin meri məramı barədə polisə və yerli RDB radiostansiyasına məlumat verib.
Polis dərhal merin evinə yollanaraq onu hospitala müayinəyə aparıb, evindəki ovçu tüfəngini müsadirə edib.
Renodanın açıqlamasına rəğmən, Şavanna onlarla qaraçı ailəsi gələrək yerli stadionda məskunlaşıblar.
Merin onlara icazə verdikləri deyilir.
Daha sonra sakinlərin narazılığı başlanıb və mer intiharı ilə bağlı bəyanat verib.
Qaraçılar gedəndən sonra o, sözlərindən imtina etmədiyini deyib.
Fransada 400 minə yaxın qaraçı yaşayır və onların 95 faizi ölkə vətəndaşlığına malikdir.
Ölkəni dolaşan qaraçılar furqonlarda yaşayırlar.
Qanunlara görə, yerli hakimiyyət dairələri onlara dayanacaq üçün yer ayırmalıdır.