Facebook yeniliyə hazırlaşır. Bu dəfə sosial şəbəkənin yeni proqramı vasitəsi ilə anonim şəkildə ünsiyyət həyata keçirmək mümkün olacaq. Yenilik mobil telefonlar üçün tədbiq ediləcək. Bu funksiya müxtəlif adlarla ünsiyyət qurmağa şərait yaradacaq.
Funksiyanın yaxın gələcəkdə istifadəyə veriləcəyi gözlənilir.

Bu funksiyanın hazırlanmasına səbəb bir müddət öncə ABŞ-da cinsi azlıqları təmsil edədn LGBT nümayəndələrinin uydurma adları ilə açdıqları səhifələrinin bağlanması olub. Bu hadisədən sonra sosial şəbəkə rəhbərliyi istifadəçilərdən üzr istəyib.

Yeni funksiyanın tədbiqindən sonra şəbəkə istifadəçilərinin müxtəlif adlarla dostları ilə necə ünsiyyət quracağı, yeni dostlar əlavə edəcəyi haqqında şirkət təmsilçiləri hələ açıqlama verməyib.

Qeyd edək ki, bu şirkət tərəfindən istifadəçilərin təhlükəsizliyinin qorunması üçün atılan ilk addım deyil.

Fransa, ABŞ, İspaniya, İtaliya, Türkiyə dünya turistlərinin ən çox sevdikləri istirahət məkanlarından biridir. Bu ölkələrə ildə milyonlarla turist üz tutur. Belə ölkələrdə məşhur məkanları gəzmək üçün minlərlə dollar pul xərclənilir. Lakin dünyada turistlərin diqqətini cəlb tməyə və daha ucuz başa gələ biləcək minlərlə yeni gizli məkan var.

Ağ qumlu çimərliklər, mavi sular, fərqli mədəni kolorit, möhtəşəm mənzərə...

BMT-nin turizm idarəsi ən yaxşı halda bir necə min turistin diqqətini çəkən 10 məkanın siyahısını hazırlayıb. 

Palau (Sakit okean)
Palau respublikası ada dövlətdir. Fillipin dənizindəki bu dövlət 328 adadan ibarətdir. Ada mərcan rifləri, batan gəmi qalıqları, sualtı mağaralarla zəngindir. Bu mağaralarda sualtı gəzintini sevənlər tropik balıqlar, nəhəng molyuskalar tapa bilərlər. Quruda isə eqzotik quşlar, orxideyalar, timsahlar, dostcanlı yerli xalq insanı valeh edir.

 Moldova 
Şərqi Avropada yerləşən bu ölkə Rumıniya ilə Ukrayna arasındadır. Əslində bura iqtisadi cəhətdən o qədərdə güclü inkişaf etmiş region deyil. Amma mədəni-tarixi baxımdan çox zəngindir. Lakin bu gözəl ölkəni ötən il cəmi 96 min turist ziyarət edib.

Şərqi Timor
Timor adasının şərq hissəsini tutan eyniadlı dövlətdir. Keçmiş Portuqaliya müstəmləkəsi olan bu adada günəş,dəniz, dağlar turistlərin vazkeçilməzlərindən ola bilər.

İngiltərə
Mərcan lifli məkanlarda turistlər fərqli hisslər keçirə bilərlər.

Kiribati (Sakit okean)
Kribati resbublikası 33 kişik adadan ibarətdir ki, onların 20-i kəşf edilməyib. 1979-cu ildə Britaniya müstəmləkəsindən azad edilib.

Rusiyada yaşayan azərbaycanlı iş adamı Araz Ağalarov və müğənni-bəstəkar Emin rəhbərlik etdikləri alış-veriş mərkəzinin 2 yaşını təmtəraqlı şəkildə keçiriblər.
AzNews.az axşam.az-a istinadən xəbər verir ki, həmin gün eyni zamanda “Muz tv”nin də yaranmasının ildönümü qeyd olunub. Rusiya şou-biznesinin tanınmış simalarının qatıldığı gecədə təşkilatçılar qonaqlar üçün bir çox sürprizlər hazırlayıblar.

Gecəyə Lera Kudryavseva və Andrey Razıqrayev aparıcılıq edib. Maraqlı anların yaşandığı mərasimdə nostalji məkan, əyləncəli parti, fotosessiya kimi hissələr olub.

Qaraçöpün (Saqareco rayonu) azərbaycanlıların kompakt yaşadığı Qazılar kəndində 21 yaşlı gənc öldürülüb.

APA-nın Gürcüstan bürosunun məlumatına görə, Qazılar kənd sakini Ülfüqar Quliyev bir ailənin üzvləri tərəfindən döyülüb və hadisə yerində ölüb.

Gürcüstan Daxili İşlər Nazirliyinin hadisə ilə bağlı yaydığı məlumatda bildirilib ki, faktla bağlı Gürcüstan CM-nin 108-ci maddəsinə əsasən qəsdən adam öldürmə faktı ilə cinayət işi qaldırılıb: "Hazırda qızın atası, 1972-ci il təvəllüdlü Novruz Kərimov saxlanılıb. İstintaq müəyyən edib ki, öldürülən 21 yaşlı Ülfüqar Quliyev gecə gizlincə həddi-buluğa yetməyən qızı evlənmək üçün qaçırmaq istəyi ilə Novruz Kərimovun evinə gəlib. Nəticədə o, möhkəm döyülüb və xəstəxanaya aparılarkən aldığı ciddi xəsarətlərdən dünyasını dəyişib. Gəncin ölümündən bir neçə dəqiqə sonra Kaxeti bölgəsinin hüquq-mühafizə orqanlarının əməkdaşları tərəfindən saxlanılan Novruz Kərimov günahını boynuna alıb”.

Gürcüstan mətbuatının məlumatına görə, ölüm hadisəsi iki gəncin bir-birinə sevgisinin faciə ilə bitməsinə səbəb olub: “Qazılar kəndinin gənc sakinləri bir-birini seviblər. Lakin qızın atası bu sevgiyə mane olub. Qız oğlana mesaj yazıb ki, gəl məni apar. Oğlan gecə radələrində sevdiyi qızın evinin qarşısına gəlib və maşınında onu gözləyib. Atasının evdə olmamasından istifadə edən qız tez gələrək oğlanın maşınına minib. Onlar maşını işə salan anda qızın atası onları görüb və balta ilə maşının şüşələrini sındırıb. Daha sonra oğlanı ailə üzvləri ilə birlikdə saxlayıb, əl-qolunu və ayağını bağlayaraq evə gətiriblər. Sonra oğlanı qızın ata-anası və iki qardaşı möhkəm döyüblər. Gecə yarısından səhər saat 5:00-dək döyülən oğlan ona verilən işgəncələrdən ölüb”.

Hadisənin Qazılar kəndində baş verdiyini adının çəkilməyini istəməyən sakin də təsdiqləyib. Lakin o, APA-ya açıqlamasında hadisənin Gürcüstan mətbuatında yazıldığı kimi olmadığını deyib: "Hadisə oktyabrın 3-dən 4-nə keçən gecə baş verib. Qaçırılan qızın - Nərgizin heç telefonu olmayıb və o, oğlana mesaj da yazmayıb. Amma Ülfüqar Quliyevin ailəsi 7-8 dəfə Nərgiz üçün elçi gəlib. Qızın atası Novruz Kərimov qızının azyaşlı olduğunu deyərək, elçilərə razılıq verməyib. Bundan sonra Ülfüqar Quliyev və onun adamları oktyabrın 3-dən 4-nə keçən gecə saat 2.00 radələrində Novruz Kərimovun evinə giriblər. Onlar qapıbir qoşudur. Gecə Novruz Kərimov yatan otağın qapısını arxadan bağladıqdan sonra 14 yaşlı Nərgizi yatağından götürüb maşına gətiriblər və qız ayılaraq qışqırıb. Səsə ata-anası və qardaşları oyanıb. Novruz Kərimov arxadan bağlanan qapını güclə açaraq maşına tərəf qaçıb. Bu vaxt maşın işə düşməyib. Kərimov əlinə gecə vaxtı nə keçibsə, maşına atıb və maşında olanlar qaçıblar. Yalnız Nərgizi qaçırmaq istəyən oğlan - Ülfüqar Quliyev qalıb. Novruz Kərimov daşla və yaxud başqa bir şeylə onun qulağının dibinə vurub. Oğlan özündən gedib. Onu tutub əl-qolunu bağladıqdan sonra evə gətiriblər. Sonra Novruz Kərimov təcili yardıma və polisə zəng vurub, özü isə polisə təslim olub. Xəstəxanaya aparılarkən yolda oğlan ölüb".

Qaçırılan qızın dayısı Qafqaz Kərimov APA-ya açıqlamasında hadisə barədə ətraflı məlumat verib: "Nərgiz mənim bacım qızıdır, 14 yaşı var. 3-cü sinfə qədər məktəbə gedib, lakin sonra oxumayıb. Onun telefonu da olmayıb. Hara gedibsə, anası ilə gedib. Biz tərəflər - Qaraçöp eli çöl adamıyıq, mal-qara saxlayırıq. Bizdə qızlar böyüyən kimi məktəbə getmirlər. Hadisə ilə bağlı bildirim ki, 5-6 ay bundan əvvəl Ülfüqar Quliyevin anası Nərgizə elçi düşüb. Lakin qızın ailəsinin razılığı olmayıb. Bu yaxınlarda qıza başqa bir oğlanın ailəsi elçi gəlib. Ülfüqar bunu eşidəndə elə hesab edib ki, Nərgizi həmin oğlana verəcəklər. Buna görə də plan qurublar ki, qızı qaçırsınlar. Ülfüqarla birlikdə 5 oğlan Novruz Kərimovun evinin giriş-çıxışını və kimin hansı otaqda yatdığını dəqiq öyrəndikdən sonra gecə bacımın evinə gəliblər. Maşını bir tərəfdə saxlayaraq, divardan aşmaqla darvazanı açıblar. Sonra işıqları söndürüblər. Qızı qaçıran gənclərdə məlumat olub ki, qızın atası həmin gün evdə olmayacaq. Lakin Novruz Kərimov axşam evə qayıdıb və yatıb. Bunu bilməyən gənclər Nərgizin yatdığı otağa girib, onun ağzını tutub və yorğana bükərək maşına gətiriblər. Nərgiz bir dəfə qışqıra bilib. Ata-ana və 15-16 yaşlı iki qardaşı yuxudan oyanaraq Nərgizə köməyə qaçıblar. Ana maşının qarşısına keçib ki, sürüb qaçmasınlar. Ata qızı qaçırmaq istəyən Ülfüqarı tutub, maşında olan 5 nəfərdən üçü qaçıb. Novruz oğlanları ilə birgə Ülfüqarı evə gətirib və evdə döyüb. Sonra təcili yardıma və polisə zəng vurub. Bildiyimə görə, Ülfüqar Quliyev təcili yardımla xəstəxanaya yola salınanda sağ olub. Mən bundan başqa heç nə bilmirəm".

Rusiya Federasiyasının Samara şəhərində 33 yaşlı Azərbaycan vətəndaşı güllələnib. APA-nın Rusiya bürosunun məlumatına görə, hadisə sentyabrın 27-də baş verib. Adı açıqlanmayan 33 yaşlı Azərbaycan vətəndaşı yaşadığı evdə - Buyanova küçəsi 106 ünvanında güllələnib. Onu dərhal yaxınlıqda yerləşən xəstəxanaya çatdırıblar.

Hüquq-mühafizə orqanlarının keçirdiyi əməliyyat-axtarış tədbirləri nəticəsində Azərbaycan vətəndaşını odlu silahdan atəş açaraq yaralayan şəxs saxlanılıb. Onun 56 yaşlı ikinci qrup əlil, əvvəllər məhkumluq həyatı yaşamış biri olduğu bildirilib. Aparılan araşdırmalar zamanı məlum olub ki, hadisə baş verməzdən əvvəl hər iki şəxs evdə oturub yeyib-içirmişlər. Sonra onların arasında mübahisə düşüb. Nəticədə ikinci qrup əlil Azərbaycan vətəndaşını odlu silahdan atəş açaraq yaralayıb.

Faktla bağlı cinayət işi açılıb, araşdırma aparılır.

Türkiyəli müğənni Kutsi 5 aylıq hamilə həyat yoldaşı Sinəm Bayraktutarı tərk edib.

ANS TV-nin məlumatına görə, müğənni qanuni həyat yoldaşını keçmiş sevgilisi, “Huzur sokağı” serialında tanış olduğu Feyza Çıpana görə ataraq onun yanına dönüb.

Bu Kutsinin həyat yoldaşına vurduğu ilk xəyanət zərbəsi deyil. Daha əvvəl də xanımına aktrisa ilə xəyanət edən Kutsi sonradan peşman olduğunu söyləmiş və ailəsinin yanına geri dönmüşdü. Lakin hamilə Sinəm Bayraktutar ötən gün evə gedərkən qarşılaşdığı mənzərədən şoka düşüb. O, ərinin bütün əşyalarını yığaraq sevgilisinin yanına qayıtdığını görüb.

Bu xəyanətdən dərin sarsıntı keçirən Sinəm qəzetə açıqlama verib. “Kutsi doğulacaq körpəsini və qızımızı tərk edib sevgilisinə döndü. Məni çətin vəziyyətdə qoydu, üstəlik borc içində idik. Daha dayana bilmirəm. Uşaqlarıma özüm baxacam. Kutsini də, Feyzanı da Allaha tapşırıram. Qoy gedib xoşbəxt olsunlar” deyib.

Qeyd edək ki, müğənninin Ceylin adlı bir qızı var.