Hazırda Azərbaycan Silahlı Qüvvələrində zabit, gizir, çavuş və əsgər vəzifələrində təqribən 1000 nəfərə yaxın qadın hərbi qulluqçu xidmət edir. Bunu Trend-in sorğusuna cavab olaraq Müdafiə Nazirliyinin mətbuat xidmətinin rəisi polkovnik Vaqif Dərgahlı bildirib.

V.Dərgahlının sözlərinə görə, qadınlar Silahlı Qüvvələrdə müxtəlif - tədris, tibb, kadr, kargüzarlıq, artilleriya, arxa cəbhə, beynəlxalq hərbi əməkdaşlıq, rabitə, kəşfiyyat və digər sahələrdə hərbi xidmət keçirlər: "Hazırda Silahlı Qüvvələrdə "baş leytenant", "kapitan", "mayor", "polkovnik-leytenant" və "polkovnik" zabit hərbi rütbələrinə kimi yüksələ bilən qadın hərbi qulluqçular xidmət edir".

Onun sözlərinə görə, qadınların hərbi xidmət keçməsi "Hərbi xidmətkeçmə haqqında" Əsasnamə ilə tənzimlənir və könüllü surətdə həyata keçirilir.

Trend-in cəbhə xəttinə ezam olunmuş əməkdaşına cəbhə bölgəsində xidmət edən qadın hərbçilərimizdən biri deyib ki, qadın hərbçilərimiz təkcə arxa cəbhədəki xidməti ilə kifayətlənmək istəmir, ön xətdə, düşmənlə döyüşə can atırlar.

Qeyd edək ki, "Hərbi xidmətkeçmə haqqında" Əsasnamənin 26-cı maddəsinə əsasən Azərbaycan Respublikası vətəndaşları və digər şəxslər aşağıdakı hərbi xidmətlərə könüllü daxil ola və qəbul edilə bilərlər:

- əsgərlərin, matrosların və çavuşların müddətdən artıq həqiqi hərbi xidmətinə - qanunla müəyyənləşdirilmiş müddətli həqiqi hərbi xidməti başa çatdırmış hərbi qulluqçular, 40 yaşınadək hərbi vəzifəlilər (zabitlərdən, gizirlərdən və miçmanlardan başqa), habelə 19 yaşından 40 yaşınadək qadınlar;

- gizirlərin və miçmanların həqiqi hərbi xidmətinə - azı bir il hərbi xidmət keçmiş əsgərlər, matroslar, çavuşlar, 40 yaşınadək hərbi vəzifəlilər (zabitlərdən başqa), habelə 19 yaşından 40 yaşınadək qadınlar;

- zabitlərin həqiqi hərbi xidmətinə - hərbi xidmətdə olmağın son yaş həddinə çatmamış ehtiyatda olan zabitlər, habelə ilk zabit hərbi rütbəsi verilməklə 35 yaşınadək həqiqi hərbi xidmətdə olan hərbi qulluqçular, ehtiyatda olan hərbi vəzifəlilər və qadınlar.

Bakı şəhərində dəhşətli intihar hadisəsi baş verib. Yasamal rayon Polis İdarəsindən APA-ya verilən məlumata görə, hadisə bu gün səhər saat 09.30 radələrində Yeni Yasamal 2, ev 10 ünvanında qeydə alınıb.

Həmin ünvanda yaşayan 1968-ci il təvəllüdlü Kifayət Vəli qızı Abbasova və onun qızı, 1997-ci il təvəllüdlü Yeganə Asəf qızı Fərzəliyeva yaşadıqları binanın 9-cu mərtəbəsindən özlərini ataraq intihar ediblər. Onların intihar etməsinin səbəbləri hələlik məlum deyil.

Polisdən həmçinin bildirilib ki, iki üzvü intihar edən ailənin bir neçə gün əvvəl 14 yaşlı qızları itkin düşüb.

Faktla bağlı Yasamal Rayon Prokurorluğu tərəfindən cinayət işi başlanıb, istintaq gedir.

****

Yasamal rayonunda ana və qızının ölümü ilə nəticələnən faciə barədə bəzi məqamlar da məlum olub. Hüquq-mühafizə orqanlarından ANS PRESS-ə verilən məlumata görə, özünü 9-cu mərtəbədən atan 1997-ci il təvəllüdlü Yeganə Fərzəliyevanı anası xilas etmək istəyib. Lakin qızın anası Kifayət Abbasova balasını xilas edə bilməyib. Nəticədə qadın ya ehtiyatsızlıqdan, yaxud da bilərəkdən 9-cu mərtəbədən yıxılıb.

Hazırda ananın intihar edib-etməməsi məlum olmasa da, qızın nə səbəbdən özünü öldürməsi məlumdur.

Bildirilir ki, qızın kiçik bacısı bir müddət əvvəl evdən yoxa çıxıbmış. Sonradan qız tapılıb. Bu hadisə 17 yaşlı qıza pis təsir edib. Qızın bu səbəbdən də özünü öldürməsi ehtimal edilir.

Faktla bağlı cinayət işi başlanıb, araşdırma aparılır.

Səudiyyə Ərəbistanı Syerra-leone, Liberiya və Qvineyada Ebola xəstəliyinin yayılması ilə bağlı bu ölkələrin vətəndaşlarına Həcc ziyarəti üçün viza verməməyi qərara alıb.

Dalgatv-nin  APA-ya istinadən verdiyi xəbərə görə, Krallığın Səhiyyə Nazirliyinin məlumatına əsasən, ölkənin bütün liman və aeroportlarına cəlb edilən mütəxəssislər ölkəyə daxil olan əcnəbilərdə bu qorxulu xəstəliyin simptomlarını müəyyən etməyə hazırdır.

Səudiyyə Ərəbistanında indiyədək Ebola xəstəliyinə bir yoluxma halı qeydə alınıb. Syerra-Leoneyə səfəri zamanı yoluxan bu şəxs Ciddə şəhərindəki xüsusiləşdirilmiş xəstəxanada ətraf mühitdən tam təcrid edilib.

"Hello" jurnalının apardığı sorğu nəticəsində rus müğənnisi Alsu və həyat yoldaşı, biznesmen Yan Abramov ən modern və gözəl tərzə sahib cütlük seçilib.

Dalgatv-nin  Axşam.az-a istinadən xəbər verir ki, səkkiz ildi, evli olan ikili birlikdə fotosessiya etdirməyə ilk dəfə razılıq verib.

Bakıda Ermənistan nömrəsi ilə maşının peyda olduğu iddia edilir.

“AzerFax” xəbər verir ki, həmin maşını əks etdirən foto Milli.az-da yayılıb.

E 001 KX nömrəli "Range Rover"in dayandığı küçə və ətrafdakı maşınlardan müəyyən etmək olur ki, foto Bakıda lentə alınıb.(21/36)

***
Bakı şəhərində peyda olunan Ermənistan nömrəli maşına aydınlıq gəldi.

Anspress-in məlumatına görə, E 001 KX nömrəli "Range Rover" avtomobilində olan bayrağın guya Ermənistana aid olduğu bildirilirdi. Bayrağın yaxşı görünməməsi ilk baxışdan bunu deməyə əsas verirdi. Ancaq araşdırmalardan sonra məlum oldu ki, həmin bayraq Moldova Respublikasından ayrılaraq özünü "respublika" elan etmiş Dnestryanı bölgəyə aiddir.

Belə baxanda tanınmamış bir respublikaya aid avtomobilin də Azərbaycana gətirilməsi sual doğurur.

Xatırladaq ki, paytaxtı Tiraspol olan Dnestryanı (Dnestryanı Moldov Respublikası) Dnestr çayı yanında yerləşmiş tanınmamış sosialist bölgədir və 1991-ci ildə elan edilib. "Dnestryanı respublika"nın əhalisi 505.000 min nəfərdir.

2004-cü ilə görə əhalinin etnik tərkibi 35% moldovan, 32% rus, 28% ukraynalı və 5% isə digər xalqlardan ibarət olub.

Müğənni Beyonce reper həyat yoldaşı Jay-Z ilə boşanmağa hazırlaşır.

Dalgatv-nin  Qafqazinfo-ya istinadən verdiyi xəbərə görə, boşanma tanınmış cütlüyə bir milyard dollara başa gələcək.

Qeyd edək ki, Beyons və Jay-Z cütlüyünün Blue İvy adlı qızı var.