Ata öz yeni doğulan qızını diri-diri basdırıb. Tükürpədici hadisə Kamboçada yaşanıb. Kişi yeni doğulan və hələ adı belə qoyulmayan qızını xəstəxanadan qaçıraraq diri-diri dəfn edib.

Polisin məlumatına görə, uşaq dövşan dodaq xəstəliyindən əziyyət çəkib. Məhz buna görə atası Konq Sok onu istəməyib. O, uşağı qaçıraraq xəstəxananın yanındakı məbədin həyətinda basdırıb.

Lakin buddist rahiblər hadisəni görüblər. Onlar dərhal uşağı torpağın altından çıxarıblar. Körpə yenidən xəstəxanaya çatdırılıb. Onun həyati təhlükəsi olmadığı bildirilir.

Səddam Hüseynin Küveyt ərazisində yerləşən tank və top məzarlığı tapılıb.

1991-ci ildə Körfəz müharibəsi zamanı Küveyt ərazisində müharibə aparan İraq ordusunun tankları müharibə bitdikdən sonra da elə buradaca qalıb. Bunun səbəbi hələ də heç kimə məlum deyil. Qeyd edək ki, aşkar olunan bu qəbiristanlığa gəlmək istəyənlərin sayı gündən-günə artır. Amma maraqlı olan odur ki, bu tanklara maksimum 20 dəqiqə baxmaq olar. Çünki həmin ərazidə temperatur 50 dərəcəyə çatır. Bundan başqa metalın da qızdığını nəzərə alsaq, orada durmaq müşkül məsələyə çevrilir. Son günlərdə aşkarlanan bu məzarlığın fotolarını təqdim edirik.

ADA Universitetində təhsil alan Azərbaycan prezidenti İlham Əliyevin oğlu Heydər Əliyev dərsləri barədə jurnalistlərə müsahibə verib.

Dalgatv  SalamNews-a istinadən xəbər verir ki, o, hər səhər saat 7:30-da yuxudan durmağın bir qədər çətin olduğunu deyib: "Təzə-təzə universitetə daxil olanda çox maraqlı olmuşdu. Çünki məktəblə fərqi çox böyükdür. Xeyli vaxtdır burada oxuyuram. Dərslər maraqlıdır. Məktəbdən daha çox maraqlıdır, oxumaq istəyirəm. Mən imtahan verib, bura daxil olanda ingilis dilini bilirdim. Dedim ki, burada oxuyub biliyimi daha da möhkəmlətmək istəyirəm. Bu, məndə deyəsən alındı və indi ingilis dilini daha yüksək səviyyədə bilirəm."

Gələcəkdə daha maraqlı dərslərin olacağını deyən H.Əliyev bir neçə xarici ölkələrdə olduğunu söyləyib: "Burada təhsil sistemi xaricdəki təhsilə bənzəyir və heç bir fərqi yoxdur. Orta məktəbdə bir qədər fərqli idi. Amma burada elə bil xaricdə oxuyuram. Praktik olaraq fərq yoxdur. Burada heç kim özünü ağır hiss etmir. Dərsə gələndə kiminsə özünü pis hiss etdiyini görməmişəm. Hər kəs normal gəlir dərsə. Boş vaxtlarım olanda, dərslərdən sonra burada qalıram. Dostlarımla gəzirəm, yemək yeyirəm, sonra da evə gedirəm. Dincəlirəm, dərslərə hazırlaşıram."

Prezidentin oğlu qiymətləri ilə bağlı verilən suala səmimi cavab verib: "Qiymətlərim yaxşıdır. Razıyam, amma əla deyil. Gələcəkdə yüksəldəcəm. Atam dərslərimlə hər gün maraqlanır. Hər gecə məndən soruşur, dərslərin necə keçib, dostlarınla necə gəzmisən? Hara getmisən? Dərslərin ağırdır? Çətindir? O da mənə çox yaxşı təsir edir. Çünki məni fikirləşir."(13.14)

“Titanik” gəmisindən göndərilən məktub 150 min dollara auksiona çıxarılır.

AzNews.az-ın İngiltərə mediasına istinadən verdiyi məlumata görə, bu gün “Titanik” gəmisinin qadın sərnişinin məktubu Böyük Britaniyada təşkil olunacaq auksionda 150 min dollara satıla bilər. Məlumatda bildirilib ki, məktub gəmi batmazdan bir neçə saat öncə “Titanik”in xanım sərnişini Ester Xart tərəfindən yazılıb. O, məktubunu Londonda yaşayan anasına yazıbmiş. Məktub isə qəzadan sonra Ester Xartın ölən həyat yoldaşının paltosunun cibindən tapılıbmış. Çünki isinmək üçün o paltonu xanımına vermişdi.

Xatırladaq ki, Ester Xart və onun yeddi yaşlı qızı qəzadan sağ qala bilən azsaylı sərnişinlərdən olublar.

Türkiyəli teleaparıcı, bir çox layihənin rəhbəri Acun Ilıcalı, keçən il satın aldığı "TV8" kanalında yeni müsabiqə proqramı hazırlayır.

Teleaparıcı artıq bununla bağlı braziliyalı model Adriana Lima ilə danışıqlara başlayıb.

Dalgatv-nin  Axşam.az-a istinadən verdiyi xəbərə görə, Acun Ilıcalı ilə görüşən Adriana Lima və meneceri müqaviləni imzalamağa razılıq veriblər.
Supermodel ingilis dilində aparıcılıq edəcək. Proqramın dublyaj olunacağına, yoxsa subtitrlərlə yayımlanacağına hələ qərar verilməyib. Ancaq Adriana Lima artıq türk dilini öyrənməyə başlayıb.

Layihənin formatı isə müsabiqədi. Amma bu dəfə gənc modelyerlər yarışacaqlar. Qalib modelyerin libaslarını ilk dəfə Adriana Lima geyinəcək.

İtmiş Malayziyaya məxsus Boeinq barədə yeni müəmmalı xəbər yayılıb.

Dalgatv KXR - in "Sinxua" agentliyinin yaydığı xəbərə istinadən bildirir ki, Çin hərbi - dəniz xidməti Hind okeanının cənubunda siqnal impulsları tutublar. Bu siqnalların itmiş təyyarəyə dəxli olub - olmaması hələ ki, dəqiqləşdirilməyib. Amma tutulan radiodalgaların tezlik göstəricilərinə görə, Çin mütəxəssisləri bu siqnalların məhz axtarılan Boeinqin qara qutularından gəldiyiunə əmin olduqlarını bildiriblər.
Xatırladaq ki, Kuala - lampurdan Pekinə uçan avialayner 8 mart gecəsi radarların ekranından yoxa çıxıb.
O vaxtdan təqribən bir ay keçsə də, 26 dövlətin axtarmasına baxmayaraq təyarədən hələ də soraq əldə edilməyib.