Böyük Britaniyanın Uels bölgəsində olan fırtınalardan sonra dənizin çəkilməsi nəticəsində beş min illik meşə qalıqları üzə çıxıb.

Dalgatv-nin Radikal-a istinadən verdiyi xəbərə görə, arxeoloqlar Borth qəsəbəsinin sahilində meydana çıxan və Tunc Dövrünə aid olduğu düşünülən meşənin, Galler əfsanelərindəki itkin şəhər Cantrer Gwaelodla əlaqəli ola biləcəyini açıqlayıblar.

Rüşvət və qaçaqmalçılıq əməliyyatında həbs olunan Rza Zarrab xəstəxanaya yerləşdirilib.

“Qafqazinfo” Türkiyə mətbuatına istinadən xəbər verir ki, Metris həbsxanasında yatan Zərrab böyrəküstü nahiyəsində yaranan şişlərin müayinəsi üçün Şişli Etfal Təhsil və Araşdırma Xəstəxanasına aparılıb. Zərrab həbsxanada olduğu müddətdə şişin böyüdüyünü və təcili olaraq müalicəyə başlanması haqda həbsxana həkiminə müraciət etdiyi iddia edilir. İş adamının xəstəxanada nə qədər qalacağı hələ ki, bəlli deyil.

18 fevral günün fotosu kimi malayziyalı rəssam Vins Lounun qələmi kağızdan ayırmadan çəkdiyi portreti təqdim edirik.

Qeyd edək ki, bu əsər 43.9 milyon dollara satılıb.

Qədim mayalıların təqviminə görə, 2012-ci ildə dünyanın sonu olmalıydı. Fəqət, bu təxmin gerçəkləşmədi. İndi növbə vikinqlərin təqviminə çatıb.

Milli.Az Daily Mail-ə istinadən bildirir ki, qədim vikinqlərin törəmələri bu il 30-cu dəfə keçiriləcək Yorvik Vikinq Festivalına axışırlar. İngiltərənin Yorkşir qraflığındakı Raqnarök qəsəbəsində təşkil edilmiş festivala yığışanlar sidq-ürəkdən inanırlar ki, fevralın 22-də "Raqnarök", yəni dünyanın sonu olacaq.

Həmin gün qiyamət və məhşərin olacağına, Günəşin və Ayın tutulacağına inananların dediklərinə görə, şər tanrısı Loki zəncirlənmiş oğlu, canavar Fenriri azad edəcək.

Kökləri yerin ən dərin qatlarına qədər uzanan Dünya Ağacını yeraltı əjdaha Nidhoqq gəmirməyə başlayacaq və qurudacaq. Nəhəng Jormungand ilanı dənizdən çıxacaq, yer yarılacaq, Hel tanrısının qorxunc məxluqları üzə çıxacaqlar.

Vikinq mifologiyasına görə, fevralın 22-də dünyanın sonunun çatacağını tanrılar tanrısı Odinin məzardan çağırdığı ölü öncəgörən Velva deyib.
Vikinqlərin "Vaftrudnirin kəlamları", "Böyük Edda" və "Balaca Edda" dastanlarında vurğulanır ki, Raqnarökdən əvvəlki 3 ildə Yer üzündə Fimbulvinter adlı çox soyuq qış ayları yaşanacaq.

Ranqarök günü nəhəng canavar Fenrir Günəşi udacaq, daha sonra alovlu qılıncı olan nəhəng Surt yeraltı dünyanın tanrısı Hel və məkrli alov tanrısı Loki, habelə qarlı nəhənglər olan qrimtursenlər və yotunlarla birləşərək insanlara divan tutacaqlar.

Onlara içi ölülər dolu gəmi ilə Hölheymdən gələn şər ruhlar da qatılacaqlar, Naqlfar qoşunu yaradacaqlar.

Muspelheymin oğullarının qoşunları Bivröst körpüsündən çaparaq keçəcəklər və həmin körpü də dağılacaq.

Tanrılar tanrısı Odin böyük Qyallarhorn buynuzunu çalaraq Heymdalldakı tanrıları və mühafizləri çağıracaq, mimira ilə məsləhətləşəndən sonra Vikridr çölündə döyüşə yollanacaq.

Fenrirlə döyüşən Odini nəhəng canavar öldürəcək. Lakin Odinin oğlu Vidar canavarı öldürəcək. Tor isə Yormunqand ilanı ilə döyüşərək onu məhv edəcək, amma özü də zəhərdən öləcək.

Freyr tanrısı Surtla döyüşəcək və həlak olacaq. Heymdall Loki ilə, Tyur köpək Harm ilə qarşılaşacaq.

Xeyrin Şərə qalib gələ bilmədiyini görən nəhəng Surt alovları toplayaraq yerə yollayacaq, insanlar məhv olacaqlar.

Lakin çox az sayda adam sağ qalacaq və onlar Asqardın mərkəzindəki İdavollda məskunlaşacaqlar.

Yeni bəşəriyyətin baniləri Liv və Livtrasir olacaqlar.

Təbii, bütün bunlar mifologiyadır və reallıqla əlaqəsi olan təxminlər sayıla bilməz.

Belqradda Serbiya ilə Azərbaycan arasında müdafiə sahəsində əməkdaşlıq haqqında saziş imzalanıb.

Dalgatv-nin APA-ya istinadən verdiyi məlumata görə, saziş Serbiya müdafiə naziri Neboyş Rodiçin azərbaycanlı həmkarı Zakir Həsənovla görüşü zamanı imzalanıb.

N.Rodiç bildirib ki, bu saziş Serbiya və Azərbaycana hərbi-iqtisadi, hərbi-tibbi və hərbi təhsil sahələrində əməkdaşlığı dərinləşdirmək üçün hüquqi əsas yaradır.

Qafqaz Müsəlmanları İdarəsinin (QMİ) sədri, şeyxülislam Allahşükür Paşazadə regiondakı müsəlmanlar adından dünya dini liderlərinə, parlamentlərə, beynəlxalq təşkilatlara və İnsan Hüquqları üzrə Avropa Məhkəməsinə rəsmi müraciət ünvanlayıb.

Dalgatv-nin  APA-ya istinadən verdiyi xəbərə görə, müraciət müraciətdə bildirilir: “Milyonlarla azərbaycanlının iradə və hisslərini ifadə edərək Azərbaycanın Xocalı şəhərində törədilmiş soyqırımın 22-ci ildönümü ərəfəsində dinindən, dilindən, irqindən və milli mənsubiyyətindən asılı olmayaraq bütün dünya ictimaiyyətinə müraciət edirik. Əminik ki, ümumbəşəri dəyərlərə zidd olan zorakılıq, təcavüz, qətliam kimi cinayət əməllərinə heç bir cəmiyyət, heç bir din haqq qazandırmır. Tarixi gerçəklik ondan ibarətdir ki, 1992-ci il fevralın 25-dən 26-na keçən gecə minlərlə dinc, silahsız, müdafiəsiz Xocalı sakini erməni qəsbkarlarının qəfil və amansız basqınına məruz qalıb, 613 nəfər xüsusi qəddarlıqla qətlə yetirilib, qocalara, uşaqlara, hamilə qadınlara belə rəhm olunmayıb. Nəticə etibarilə 150 nəfər də itkin düşüb, 1275 nəfər əsir götürülərək ağır işgəncələrə məruz qalıb, şəhid edilənlərin cəsədləri üzərində ağlasığmaz təhqiramiz hərəkətlər törədilib. Zaman-zaman Azərbaycan xalqına qarşı etnik təmizləmə, fiziki və maddi-mənəvi terror gerçəkləşdirən erməni ekstremistləri ərazimizin 20 faizini işğal edərək, bir milyondan artıq azərbaycanlını doğma yurdlarından didərgin salıb, qəsb etdikləri Qarabağ torpaqlarında vandalizm aktları həyata keçirərək tarixi, dini və mədəniyyət abidələrimizi xarabalığa çeviriblər. Təəssüflər olsun ki, onlar törətdikləri cinayətlərə görə hələ də layiqli cəza almamış, Birləşmiş Millətlər Təşkilatının Təhlükəsizlik Şurasının 4 məlum qətnaməsinə belə məhəl qoymayıblar. Xocalıda həyata keçirdikləri məqsədyönlü soyqırımı aktı isə onların törətdikləri vəhşiliklərin kulminasiya nöqtəsidir. Azərbaycan illərdir Xocalı soyqırımı faktının lazımi səviyyədə siyasi, hüquqi qiymətini alması, beynəlxalq miqyasda qınaq obyektinə çevrilməsi ilə bağlı müraciətlər edir. Ümidlərimizi artıran məqam isə bundan ibarətdir ki, artıq dünyanın bir sıra dövlətləri və beynəlxalq təşkilatları Xocalı soyqırımı həqiqətlərini tanıyıb və tanımaqdadır. Bu gün geniş vüsət alan “Xocalıya ədalət” kampaniyası Azərbaycan həqiqətlərinin beynəlxalq səviyyədə yayılmasında, qəsbkarın əsl simasının açılmasında, haqqın və tarixi ədalətin bərpasında önəmli rol oynayır. Qafqaz Müsəlmanları İdarəsi dünya ictimaiyyətini erməni ekstremistlərinin məkrli təbliğatına uymamağa, özgə torpaqlarına göz dikən təcavüzkar dövlətin törətdiyi insan əxlaqına, beynəlxalq hüquqa zidd qanlı qırğını - Xocalı soyqırımı faktını öz adı ilə çağırmağa və pisləməyə səsləyir. Belə ki, bütün səmavi dinlərin müqəddəs kitablarında, o cümlədən “Qurani-Kərim”də bir günahsız insanın qətlə yetirilməsinin günahı bəşəriyyətin məhvinin günahına bərabər tutulur. Biz, din xadimləri olaraq, bütün dünya xalqlarına sülh, səadət, əmin-amanlıq və rifah diləyirik. Hər birimizin Rəbbimiz qarşısında, bəşəriyyət qarşısında vicdan naminə müqəddəs borcumuz ədalətin bərqərar olmasına nail olmaqdır. Odur ki, üzümüzü bir daha dünyanın dini liderlərinə, parlamentlərinə, beynəlxalq təşkilatlara, o cümlədən, İnsan Hüquqları üzrə Avropa Məhkəməsinə tutaraq, onları Azərbaycan xalqına qarşı erməni ekstremistlərinin təcavüzünə və vəhşiliklərinə prinsipial siyasi, hüquqi qiymət verməyə, Xocalıda törədilən cinayəti insanlığa qarşı soyqırımı aktı kimi tanımağa çağırırıq. Qoy Uca Yaradan hamımıza savab əməllərdə, düzgünü yanlışdan seçməkdə və ədalətli olmaqda yardımçı olsun! Amin!”