Yeni Azərbaycan Partiyasının Siyasi Şurasının üzvü, millət vəkili Aydın Mirzəzadə deputat həmkarı, Şeyxin qardaşı Cavanşır Paşazadənin yas mərasimlərindəki israfçılıq halları ilə bağlı sərt açıqlamasına münasibət bildirib.

Millət vəkili AzNews.az-a açıqlamasında bildirib ki, yas mərasimlərinin neçə keçirilməsi ilə bağlı hələ ki, dövlət səviyyəsində qanun qəbul olunmayıb.

Söhbət Dini Qurumlarla İş üzrə Dövlət Komitəsinin tövsiyələrindən gedir. Deputatın sözlərinə görə, bu tövsiyə ictimaiyyətdə müzakirə olunub və müxtəlif fikirlərə gətirib çıxarıb. Yas mərasimlərinin sadələşdirilmiş şəkildə keçirilməsi ictimai müzakirələrdən gəlinən qənaətdir: “Müzakirələr heç də kimisə yaxınlarına hansısa formada yas mərasimi təşkil etməsinə qadağa qoya bilməz. Deputat həmkarımla razıyam ki, kiminsə yas mərasimi keçirməsi onun şəxsi işidir. Bununla bağlı dövlət heç kimə müdaxilə etmir. Azərbaycan dövləti heç bir zaman bunu qarşısına məqsəd qoymayıb. Söhbət ictimai müzakirələrdən, Azərbaycan cəmiyyətində əksəriyyətin bu məsələyə münasibətin müəyyənləşdirilməsindən gedir. Lakin kimsə öz yaxının yas mərasimini hansı formada keçirməsi onun hüququdur. Hesab edirəm ki, onu nə məsuliyyətə cəlb etmək, nə də qınaq obyekti etmək olar”.

O, İcra Hakimiyyətlərinə bununla bağlı verilən qeyri-rəsmi göstərişə də münasibət bildirib. Deputatın sözlərinə görə, bu, aparılan işlərə mənfi təsir edir: “Biz polis dövlətində yaşamırıq, hüquqi dövlətdə yaşayırıq. Hətta oradan yığılan ərzağın hansısa xeyriyyə məqsədilə istifadəsi belə, düzgün deyil. Yas sahibi nə cür hesab edərsə, yasını da o cür yola verməlidir. Sadəcə, yas mərasimlərinin sadə keçirilməsi arzuolunandır”.

Qeyd edək ki, Millət vəkili Cavanşir Paşazadə hüzr mərasimlərinə qoyulan qadağadan sonra “Təzə Pir” məscidində yenə də təmtəraqlı ehsanların verilməsi faktına sərt reaksiya verib. O, Qafqazinfo-ya açıqlamasında bu cür qadağaların Azərbaycan xalqının ənənələrinə zidd olduğunu və belə söhbətlərə tələbat olmadığını bildirib: “Kim isə kiminsə gəlib qazanını götürür. Bu nə deməkdir? 37-ci ildir, repressiya dövründəyik? Səkkizinci kilometrdə yol boyu restoranlardan qalxan tüstü, kabab iyindən oradan keçmək olmur. Niyə onlara heç kim heç nə demir? Təzə Pirdə ehsan verilməsinə gəlincə özləri bilər. Yaslarda da, toylarda da islahatlar aparmaq lazımdır. Lakin heç kim mənə tapşırıq verə bilməz. Bunu ortaya atan adam dövlətçi ola bilməz”.

Millət vəkili Cavanşir Paşazadə hüzr mərasimlərinə qoyulan qadağadan sonra “Təzə Pir” məscidində yenə də təmtəraqlı ehsanların verilməsi faktına münasibət bildirib.
AzNews.az xəbər verir ki, Milli Məclisin İnsan hüquqları komitəsinin üzvü “Qafqazinfo”ya açıqlamasında bu cür qadağaların Azərbaycan xalqının ənənələrinə zidd olduğunu və belə söhbətlərə tələbat olmadığını bildirib: “Buna qaşınmayan yerdən qan çıxarmaq deyirlər. Azərbaycan xalqını başqa xalqlarla eyni tutmaq olmaz. Biz təkcə rəhmətə gedən yaxınlarımıza deyil, imamlarımız, şəhidlərimiz üçün də ehsanlar veririk. 90-cı illərdə, müharibə dövrlərində Azərbaycanda o qədər çadırlar quruldu. Kimlər üçün verilirdi o ehsanlar? Allah göstərməsin, amma hər kəsin başına gəlir. Mən atam, anam üçün ehsan vermək istəyirəmsə, kimin ixtiyarı var ki mənə qadağa qoysun? Təbii ki, israfçılıq etmək olmaz. “Təzə Pir” məscidinin girişində də yazılır ki, salavat da, dua da, eləcə də çay, çörək də ehsan sayılır. Bütün bunlar deyilə bilər, lakin əmredici formada ola bilməz”.

Millət vəkili bəzi rayonlarda icra nümayəndəliyinin yas mərasimlərinə müdaxilə etməsi ilə bağlı yayılan xəbərlərə etirazını bildirib: “Kim isə kiminsə gəlib qazanını götürür. Bu nə deməkdir? 37-ci ildir, repressiya dövründəyik? Səkkizinci kilometrdə yol boyu restoranlardan qalxan tüstü, kabab iyindən oradan keçmək olmur. Niyə onlara heç kim heç nə demir? Təzə Pirdə ehsan verilməsinə gəlincə özləri bilər. Yaslarda da, toylarda da islahatlar aparmaq lazımdır. Lakin heç kim mənə tapşırıq verə bilməz. Bunu ortaya atan adam dövlətçi ola bilməz”.

C.Paşazadə yeni dərs ilində Sumqayıtda hicablı tələbələrin dərsə buraxılmamasına da toxunub və bildirib ki, dövlətin belə bir qadağası yoxdur. Bu cür qadağa qoyan insanların dövlətçiliklə əlaqəsi ola bilməz: “Bu məsələlərdə mətbuatın da rolu az deyil. Mətbuat bu tip xəbərlərlə bağlı elə mövqe nümayiş etdirir ki, elə bil müxalifət tərəfdarlarıdırlar. Demək istəyirəm ki, bu məsələləri şişirtmək olmaz”.

“16 sentyabr 2014-ci il  tarixində  Azərbaycan Respublikasının Qiymətli Kağızlar üzrə Dövlət Komitəsi tərəfindən “Qarant İnvest” Məhdud Məsuliyyətli Cəmiyyətinə broker fəaliyyəti üçün verilmiş lisenziya dayandırılıb”.
Modern.az saytı xəbər verir ki, bunu Qiymətli Kağızlar üzrə Dövlət Komitəsinin İctimaiyyətlə əlaqələr sektoru bəyan edib.

Rəsmi məlumatda qeyd olunur ki,  hazırda qiymətli kağızlar bazarında 13 broker fəaliyyəti, 13 diler fəaliyyəti və 2 qiymətli kağız sahiblərinin reyestrinin aparılması, 3 depozitar, 1 fond birjası, 2 klirinq və aktivlərin idarə olunması üzrə 2 təşkilatın xüsusi razılıqları (lisenziyalar) qüvvədədir. 

“Qarant İnvest” Məhdud Məsuliyyətli Cəmiyyəti nəqliyyat naziri Ziya Məmmədovun oğlu Anar Məmmədova məxsusdur.

"Qarant İnvest"ə sonuncu dəfə lisenziya  25 noyabr 2011-ci il tarixində 5 illik müddətə verilmişdi.

"Qarant İnvest" Anar Məmmədovun rəhbərlik etdiyi "Qarant Holdinq"in törəmə şirkətlərindən biridir.

ABŞ prezidenti Barak Obama Belçikanın baş naziri Elio di Rupoya mərcdə 2 yeşik pivə uduzub.
Modern.az xarici mətbuata istinadən xəbər verir ki, mərc bu yay Braziliyada keçirilən Dünya Çempionatı zaman iki ölkə yığmalarının 1/8 final mərhələsindəki oyunu ilə bağlı bağlanıb. Hətta oyun öncəsi belçikalı nazir Di Rupo ABŞ prezidentinə tvitter mesajı da atıb: “Ey, Obama mən “qırmızı şeytan”ların sizin yığmanızı məğlub edəcəyini əla Belçika pivəsi ilə mərc edirəm”.

Həmin oyun isə Belçikanın 2:1 hesablı məğlubiyyəti ilə başa çatıb. Sentyabrın 12-də isə ABŞ-ın Belçikadakı səfirliyi Di Rupoya 2 yeşik pivənin çatdırılması ilə bağlı tvitterdə mesaj yerləşdirib.

Hədiyyə ilə yanaşı Belçika baş nazirinə Obamanın məktubu da göndərlib: “Amerikalılar olaraq belçikalılarla hər bir sahədə əməkdaşlıq etməyə hazırıq. Yalnız futbol meydançası istisna təşkil edir. 2018-ci ildə görüşərik”.

Dövlət Dumasına “Vahid Rusiya” partiyasından üzv olan Alina Kabayeva öz arzusu ilə deputat mandatından imtina edib. Modern.az saytı Rusiya mətbuatına istinadən xəbər verir ki, bu barədə Dumanın nizam-intizam komissiyasının sədri Sergey Popov açıqlama verib.
“Deputat ərizə ilə müraciət etdi, biz də müsbət cavab verdik”-deyə Popov deyib. Komitə sədri Alina Kabayevanın sentyabrın 15-də ərizə ilə müraciət etdiyini və başqa işə keçməsi ilə əlaqələndar deputat mandatına xitam verilməsini xahiş etdiyini söyləyib.
Alina Kabayevanın mandatına xitam verilməsi məsələsi sentyabrın 16-da müzakirəyə çıxarılacaq.
Xatırladaq ki, tanınmış gimnast, 2004-cü il Afina Yay Olimpiya Oyuunlarının qalibi Alina Kabayeva daha çox Rusiya prezidenti Vladimir Putinin məşuqəsi olması ilə bağlı yayılan şayiələrlə məşhurdur.

Müğənni İbrahim Tatlısesin maddi vəziyyəti ağırlaşır. 


Dalgatv Türkiyə mediasına istinadən xəbər verir ki, otellərini satışa çıxaran sənətçi, Seyrantəpədəki yaşayış binasını satmaq üçün tikinti şirkətləri ilə görüşüb.

Əməliyyatdan sonra 62 yaşlı sənətçi səsiylə əlaqədar yaşadığı problemlərə görə albom, səhnə və TV layihələrini həyata keçirə bilmir. Maddi problemləri olan Tatlıses ABŞ-da yeni əməliyyata hazırlaşır. İqtisadi baxımdan bahalı olan əməliyyat üçün müğənni Bodrum və Quşadasındakı otellərini də satışa çıxarıb