ABŞ-ın Massaçusets ştatının Kuinsi şəhərində 52 yaşlı seksual manyak Azərbaycan vətəndaşı, bir neçə ildir bu ölkədə yaşayan və işləyən 23 yaşlı qızı xüsusi qəddarlıqla öldürüb və cəsədini oğurlayıb.

ANS PRESS-in məlumatına görə, bu dəhşətli qətl hadisəsi barədə Massaçusetsdə nəşr olunan “The Boston Globe” qəzeti yazır.

Qətl hadisəsi təxminən 3 il əvvəl - 2011-ci il iyulun ortalarında Boston ətrafında yerləşən Kuinsi şəhərində baş verib. Lakin o vaxtdan bəri cinayətin üstü açılmayıb və qızın cəsədi tapılmayıb.

Yalnız indi prokurorluq bu dəhşətli qətl üzrə əsas şübhəli şəxsi müəyyən edib və qətlin 9 yaşlı qızı zorlayaraq öldürdüyünə görə əvvəllər məhkum edilən seksual manyak tərəfindən törədildiyini bildirib.

Qəzet yazır ki, 23 yaşlı Azərbaycan vətəndaşı Evelin Vəlibəyova Kuinsi şəhərində yaşadığı mənzildən yoxa çıxıb. Onun yaşadığı mənzildə dəhşətli qətlin izlərinə rast gəlinib, evdəki xalça və əşyalar büsbütün qan içində olub.

E.Vəlibəyovanın görüntüləri sonuncu dəfə 2011-ci il iyulun ortalarında Kuinsi şəhərinin “North Quincy” metro stansiyasından çıxıb evə gedərkən metronun videomüşahidə kameraları tərəfindən qeydə alınıb. Qızın öldürüldüyü məlum olsa da onun cəsədi indiyədək tapılmayıb və qətlin kim tərəfindən törədildiyi də məlum deyildi.
Yalnız indi prokurorluq bildirir ki, qızın yataq otağından qətlin kim tərəfindən törədildiyini müəyyən etməyə əsas verən dəlil tapılıb.

Bu həftə Norfolk Dairə Prokurorluğundan yayılan rəsmi açıqlamada deyilir ki, qətl üzrə şübhəli şəxs 1986-cı ildə Rod-Aylend ştatının Vunsoket şəhərində 9 yaşlı qızı aldadaraq meşəyə aparan və orada zorlayaraq qəddarlıqla öldürən seksual manyak Con D.Castonqaudur.

C.Castonqau törətdiyi qəddar cinayətə görə 1987-ci ildə 25 il həbsə məhkum edilib, 2006-cı ildə isə şərti azadlığa çıxıb.

Manyakın işinə baxan hakim Mark Volf deyir ki, o, C.Castenqauya 75 il həbs cəzası tələb etmişdi, çünki onun olduqca təhlükəli və hiyləgər adam olduğunu, azadlığa çıxandan sonra yenidən bu cür cinayət törədəcəyini bilirdi.

Lakin məhkəmə heyəti C.Castenqauya minimal cəza - 25 il həbs verib, üstəlik o, məhkumların cəzasının üçdə ikisini çəkəndən sonra şərti azadlığa çıxmaq üçün müraciət etmək hüququndan faydalanaraq 2006-cı ildə həbsxanadan çıxıb.

Prokurorluq rəsmiləri deyirlər ki, seksual manyaka yüngül cəza verilməsinin və onun vaxtından əvvvəl azadlığa çıxmasının nəticələri E.Vəlibəyova üçün ölümcül olub. Belə ki, C.Castenqau azadlığa çıxandan sonra usta işləyib. İstintaq müəyyən edib ki, o, qətldən əvvəl E.Vəlibəyovanın yaşadığı mənzildə təmir işi görüb.

E.Vəlibəyova dostları və ailə üzvləri tərəfindən olduqca ünsiyyətcil, ambisiyalı, çalışqan, Amerika xəyallarını reallaşdırmaq üçün gecə-gündüz çalışan qız kimi xarakterizə edilir.
“Gözəl, qara gözlü, qara saçlı, olduqca xarizmatik və olduqca ağıllı qız idi. O, səkkiz dildə sərbəst danışırdı, ancaq məncə, 10-a yaxın dil bilirdi” - deyə E.Vəlibəyovanın iş yoldaşı və dostu Dunkan Boyd bildirir.

D.Boyd deyir ki, E.Vəlibəyova yoxa çıxmazdan əvvəl C.Castenqaunun onun mənzilində təmir işi apardığını və mənzilin açarını ona verdiyini danışmışdı. Mənzildə qızla tək qalmasından istifadə edən seksual manyak isə onu zorlayıb və qəddarlıqla qətlə yetirib.
Məqalədə bildirilir ki, E.Vəlibəyova yoxa çıxmazdan bir gün əvvəl Azərbaycanda yaşayan anası ilə skype ilə videoəlaqə yaratmağa hazırlaşırdı, ancaq bu, baş tutmayıb.
Azərbaycanlı qızın yoxa çıxdığı haqda onun işlədiyi restoranın işçiləri polisə xəbər veriblər. Qızın həmin gün növbəyə çıxmamasından narahat olan iş yoldaşları polisi bu barədə məlumatlandırıblar. Polis qızın yaşadığı mənzilin qapısının açıq olduğunu, E.Vəlibəyovanın şəxsi əşyalarının, o cümlədən bir sıra mühüm sənədlərinin yoxa çıxdığını, içəridə hər yerdə qan izlər olduğunu müəyyən edib.

D.Boyd deyir ki, polis bütün xəstəxanaları və morqları axtarıb, qızın cəsədini heç yerdə tapmayıb.

“Evelin öz mənzilində öldürülmüşdü və onun cəsədi oğurlanmışdı” - deyə D.Boyd bildirir.
Müstəntiqlər daha sonra qızın bəzi əşyalarını, o cümlədən əl çantasını, pul qabını, mobil telefonunu Dorçester ətrafında tapıblar. Ancaq cəsədin axtarışı heç bir nəticə verməyib. İndi prokurorlar bildirirlər ki, cəsədin tapılmayacağı təıqdirdə C.Castenqauya qətl ittihamı irəli sürmək problemli olacaq.

Məlum olub ki, C.Castenqau şərti azadlığa çıxma şərtlərini pozduğu üçün ötən ilin noyabrında yenidən həbs olunub. Seksual manyak hazırda Nyu-Cersi ştatındakı Fort-Diks həbsxanasında saxlanılır.

E.Vəlibəyovanın işlədiyi restoranın sahibi Kristian Tornton deyir ki, azərbaycanlı qızın bu cür qətlə yetirilməsi və cəsədinin oğurlanması onun həyatını da dəyişdirib.
“Vəlibəyova restoranda işləməklə yanaşı həm də mənim iki uşağıma dayəlik edirdi. O, olduqca gözəl, ağıllı, savadlı və gənc qadın idi. Sadəcə olaraq dəhşətdir, olduqca dəhşətdir. Elə gün olmaz ki, mən onun haqqında düşünməyəm” - deyə K.Tornton bildirir.
Hazırda bu hadisə ilə bağlı vaxtilə 9 yaşlı qızı zorlayıb qətlə yetirmiş manyakın niyə minimal cəzaya məhkum edilməsi, üstəlik vaxtından əvvəl azadlığa buraxılması müzakirə olunur.

ABŞ baş prokurorunun keçmiş köməkçisi Brayan Kelli deyir ki, azyaşlı uşağı oğurlayan və zorlayaraq qətlə yetirən təhlükəli cinayətkarın həbsxanadan buraxılması “tamamilə ağılsızlıq” idi. 

Gürcüstanın sabiq prezidenti Mixail Saakaşviliyə qarşı növbəti ittiham itəli sürülüb.

Dalgatv-nin  “Qruziya online” saytına istinadən verdiyi məlumata görə, Gürcüstan Respublikası Baş Prokurorluğunun yaydığı açıqlamada onun 8,8 milyon lari (təxminən 5 milyon ABŞ dolları) miqdarında dövlət vəsaitini mənimsədiyi iddia olunur.

Bildirilir ki, M. Saakaşvilinin tapşırığı ilə Gürcüstanın Dövlət Xüsusi Mühafizə Xidməti tərəfindən 8,8 milyon lari dövlət vəsaiti aşpazlara, massajçılara, xarici qonaqların qaldığı otellərə, İtaliyada yaxta icarəsinə və digər yerlərə xərclənilib.

Təqsirli bilindiyi halda M. Saakaşvilinin 7-11 il müddətinə həbs cəzasına məhkum edilməsi gözlənilir. Hazırda o, ölkədə yoxdur.

Oxumaq müğənni işidir. Amma bəzən bu sənətin sahibi olmayanlar da insanlar qarşısında öz məharətlərini nümayiş etdirmək qərarına gəlirlər. Hətta prezidentlər də yeri düşəndə siyasi çıxışlarını mahnı ilə əvəzləməyə üstünlük verirlər və onların oxuduqları təkcə dövlət himnləri olmur.

Modern.az saytı prezidentlərlə bağlı növbəti yazıda dövlət başçılarının ifa məharətinə toxunub.

Braziliya prezidenti Dilma Russef ölkəsinin vətəndaşlarının sonsuz kədərinə və həmçinin hiddətinə az da olsa sakitlik gətirmək üçün mahnı oxuyub. Braziliya futbolçularının Almaniya yığmasına ağılasığmaz top fərqi ilə məğlub olduğu məqamda prezident başqa çıxış yolu tapmayıb. Dilma Russef məşhur braziliyalı bəstəkar Paolo Vanzolininin ən populyar mahnılarından birini ifa etməklə məğlubiyyətdən üzüntü küçirən braziliyalılara dəstək olduğunu nümayiş etdirib.

Amerika Birləşmiş Ştatlarının prezidenti Barak Obama seçiciləri ilə gürüşü zamanı tədbirə gələnləri öz ifası ilə təəcübləndirib. Obama çıxışını qəfil kəsərək Ela Qrinanın məşhur “Birlikdə olaq” mahnısını ifa etməyə başlayıb.

Türkiyənin yeni seçilmiş prezidenti Rəcəb Tayyib Ərdoğanın Topkapı sarayında ifa etdiyi mahnı auditoriyanı o qədər təəcübləndirib ki, mahnıya heyranlıqla qulaq asanlar ifanı bəyəndiklərini sürəkli alqışlarla deyil, sükutla ifadə ediblər.

Türkmənistan prezidenti Qurbanqulu Berdiməhəmmədovun müsiqiyə həvəsi arabir onu studiyalarda pult arxasına keçməyə vadar edir. O buradan nəinki sevdiyi mahnıları səsləndirir, yeri gəldikcə özü də oxuyur. Prezidentin repertuarı olduqca zəngindir. Hətta bu repertuarda Rəqsanənin oxuduğu mahnı da özünə yer tapıb.

Qazaxıstan prezidenti Nursultan Nazarbayev seçkilərdə qazandığı qələbədən sonra Qazaxstanın xalq artisti Roza Rımbayeva ilə səhnəni bölüçüb. Nazarbayevin ən çox sevdiyi əyləncələrdən biri milli müsiqilərə qulaq asmaq və arada ifa etməkdir.

Şimali Koreya lideri oxumur. Amma istədiyi adamı oxuda bilir. Öz ad gününü həyat yoldaşı Li Sol Çju ilə birlikdə basketbol oyununu izləməklə keçirən gənc siyasətçini oyundan sonra məşhur basketbolçu, beşqat NBA çempionu Dennis Rodman “Ad günün mübarək” mahnısını ifa etməklə təbrik edib.

SSRİ-nin ilk və sonuncu prezidenti Mixail Qorbaçov da müsiqiyə laqeyd olmayıb. Qorbaçov çox sevdiyi “Maşina vremeni” qrupunun lideri Andrey Makareviç ilə “Qaranlıq gecə” mahnısını ifa edib.

Ukraynanın sabiq prezidenti Viktor Yanukoviç ifa sənətinə peşəkarlıqla yanaşıb. Bu sahədə yeni imic formalaşdırmaq istəyən Yanukoviç tanınmışlara üstünlük verərək səhnəyə İosif Kobzonla birgə çıxmağa qərar verib.

Qarabağlı olsa da bunun səsi yoxdur. Əvvəllər arabir olsa da zəhlətökən zümzümələr edirdi. Azərbaycanlı həmkarı onu bu zümzümələrdən də məhrum edib və tapşırıb ki, oxumaqdansa, Azərbaycan mahnılarına diqqətlə qulaq assın.

Prezidentlərin hansı dildə, hansı janrda oxumasına baxmayaraq arzu edək ki, dövlət başçılarının ifaları bəşəriyyəti sülhə aparsın.

Rusiyanın Saxa respublikasında 4 yaşlı qızcığaz itdikdən 12 gün sonra meşəlik ərazidə sağ tapılıb.

anspress-in məlumatına görə, Karina adlı qızcığaz iyulun 29-da Yakutiyanın Olom kəndindəki evlərinin yaxınlığında öz iti ilə gəzərkən itmişdi. Qızın anası onun atası ilə səyahətə yollandığını zənn edərək onu axtarmayıb və yalnız avqustun 2-də onun itməsi barədə polisə məlumat verilib.

Balaca qızın axtarışına cəlb olunmuş xilasedicilər və axtarış itləri günlərlə yaxınlıqdakı meşəni ələk-vələk edib. İtmiş qızın iti kənddə peyda olduqda xilasedicilər onun ayaq izləri ilə geri qayıdaraq qızı tapıblar.

4 yaşlı Karina otlardan düzəltdiyi yuvanın içində oturarkən tapılıb və onun 12 gün ərzində meşədəki giləmeyvələrlə qidalandığı məlum olub.

Azərbaycan əsilli İran vətəndaşı riyaziyyatçı Məryəm Mirzəxani “Nobel mükafatı”na bərabər tutulan “Filds” beynəlxalq medalını alan ilk qadın olub.

Beynəlxalq Riyaziyyat Birliyi ABŞ-ın Kaliforniya ştatında Stanford universitetində dərs deyən Məryəm Mirzəxanini Filds medalı ilə təltif edib.

"Bu mükafatı almaq mənim üçün böyük şərəfdir. Ümid edirəm gələcəkdə bu mükafatı alan xanımların sayı artacaq", deyə xanım riyaziyyatçı bildirib

Qeyd edək ki, "Filds" medalı 1936-cı ildə Beynəlxalq Riyaziyyat Birliyi tərəfindən təsis olunub. Medal Nobel mükafatı ilə müqayisə edilir. Bu günə qədər "Filds" medalı 56 nəfərə verilib. Lakin Məryəm Mirzəxani mükafatı olan ilk qadındır.

Hərbi Hava Qüvvələri hava hücumundan müdafiə qoşunlarının təlimləri başlayıb. 
Müdafiə Nazirliyinin mətbuat xidmətindən AzNews.az-a verilən məlumata görə, müdafiə naziri general-polkovnik Zakir Həsənovun imzaladığı 2014-cü ilin döyüş hazırlığı planına əsasən avqustun 13-də Hərbi Hava Qüvvələrinin hava hücumundan müdafiə qoşunlarının təlimləri başlayıb.

Təlimlər zamanı qoşunların yüksək döyüş hazırlığı dərəcəsinə gətirilməsi, mühüm dövlət və hərbi obyektlərin, quru qoşunları qruplaşmalarının hücumda və müdafiədə mühafizəsi üzrə hava hücumundan müdafiə qoşunlarının fəaliyyəti və digər məsələlər məşq etdiriləcək.

Təlimlərdə həmçinin aeorodinamik, eləcə də qanadlı və ballistik raketləri imitasiya edən təlim hədəflərinə döyüş atışları həyata keçiriləcək.