Bakıda Pyotr Montinin adını daşıyan pabın üzərində erməni terrorist Andranik Ozanyanın şəklinin aşkarlanması sosial şəbəkədə gərginlik yaşatdı. 

ANS PRESS-in məlumatına görə, sosial şəbəkə istifadəçiləri rəylərində Bakıda həqiqi soyadı Montyan olan və buna görə erməni olduğu ehtimal edilən Montin ləqəbli bolşevikin adına niyə Bakıda market, otel və pab olduğunu anlaya bilmirlər. Pabın üzərində 1918-20-ci illərdə Qərbi Azərbaycanın 200-dən çox müsəlman kəndinin əhalisini məhv etmiş erməni Andranik Ozanyanın şəklinin olması da şəksizdir. Türkiyədən qaçmış Andranik Ozanyan Rusiya ordusunda general-mayor rütbəsinə qədər yüksəlmişdi və pabın üzərindəki məhz onun şəklidir. 

Bakıda Şirvanşahlar dövründən yaşayan ailəyə məxsus çaxır-likor fabrikantının ailəsində doğulmuş və həddindən varlı yaşamış Pyotr Montyan daima həbsxanalarda olduğuna görə heç bir hərbi rütbəsi ola bilməzdi. Montyan həmçinin erməni terrorist Tatevos Amirovla birlikdə varlı müsəlman ailələrini soymaqla məşğul olub. Bu ailələrin övladlarını oğurlayaraq əvəzində pul tələb edirmişlər. 

Bolşevik qruplaşmasının üzvü olmuş Montyan öz yoldaşları tərəfindən öldürülüb. Onu Padla ləqəbli Qəzənfər Musəbəyovun dəstəyi ilə Lavrenti Beriya vurub. Maraqlıdır ki, Bakıda onun abidəsini də məhz Qəzənfər Musabəyov açıb. Həmin vaxt Qəzənfər Musabəyov Mərkəzi İcraiyyə Komitəsinin sədri olub. 

2010-cu ilin aprelində göyərtəsində Polşa prezidenti Lex Kaçinski və bri sıra dövlət xadimlərinin  olduğu təyyarə qəzası ilə bağlı yeni faktlar üzə çıxıb.  

Modern.az Rusiya mətbuatına istinadən xəbər verir ki, polşalı istintaqçıların pilot kabinəsindəki danışıqlarının yeni səs yazısı pilotlara Polşa Hərbi Hava Qüvvələrinin komandanı Anjey Blasikin ciddi təzyiq göstərdiyini üzə çıxarıb. Səs yazısında prezident çevrəsindəki şəxslər duman və pilotların etirazına baxmayraq, Rusiyanın Smolensk şəhərində yerləşən aerodroma eniş edilməsini tələb edirlər.

Yeni fraqmentlər pilotların dəfələrlə kənar şəxslərin pilot kabinəsini tərk etməsini tələb etdiyini, həmin vəzifəli şəxslərin isə etirazlara məhəl qoymayaraq pivə içməkdə davam etmələrini təsdiqləyir. Qəzadan 20 dəqiqə əvvəl kabinədə “məni rahat buraxın” ifadəsinin və bəzi söyüşlərin işlədildiyi səs yazısından aydın olur.  

2010-cu il aprelin 10-da “Tu-154M” təyyarəsinin Smolensk aerodromunun bir neçə metrliyində qəzaya uğraması nəticəsində Polşa prezidenti Lex Kaçinski və həyat yoldaşı daxil olmaqla 96 nəfər həlak olmuşdu. Qəzanın araşdırılması ilə bağlı istintaq həm Polşa, həm də Rusiya prokurorluğu tərəfindən davam etdirilir.    

Belə hədiyyə nə eşidildi, nə də görüldü. Almaniyada eşidənləri heyrətə salan bir hal yaşanıb.

ANS PRESS-in məlumatına görə, Baden-Vürttemberq əyalətində Lörrach şəhərində 21 yaşlı gənc həyatının hədiyyəsini alıb. Ona bu hədiyyəni verən isə küçədən keçən bir qadın olub.

"Bild" qəzetinin məlumatına görə, gəncin qarşısına çıxan qadın "sizə öz maşınımı bağışlaya bilərəm?" deyə sual verib. 53 yaşlı hannoverli qadın xaricə getdiyini, həyatında yeni səhifə açmaq istədiyini deyib.
"Volkswagen Polo" markalı maşınını gəncə bağışlayan qadın bütün sənədləri də ona təqdim edib.

Əlində sənədlər və maşının açarı ilə heyrətə düşən gənc dərhal polisə məlumat verib. Hadisə yerinə gələn polis qadını yoxlayıb onun ağlının başında olduğunu müəyyən edəndən sonra gəncə istəsə hədiyyəni qəbul edə biləcəyini deyib.

Bundan sonra Florian adlı oğlan 10 min avro qiyməti olan hədiyyəni qəbul edib.

Gərgin iş qrafiki ilə diqqət çəkən Türkiyənin baş naziri Əhməd Davudoğlunun əsas qida rasionunu təşkil edən meyvənin adı məlum olub. Modern.az Türkiyə mediasına istinadən xəbər verir ki, gün ərzində müntəzəm olaraq 16 saat çalışan və əksər hallarda müsbət emosiyası ilə diqqət çəkən baş nazir bunun üçün yalnız Malayziya və İndoneziyada yetişən Durian adlı meyvəyə bircludur. Belə ki, baş nazir Malayziyadakı diplomatik fəaliyyəti zamanı bu bitkinin böyük enerji və müalicə əhəmiyyətli olmasını orada kəşf edib. O zamandan bəri durianı özünün əsas qida rasionuna çevirib.

Qeyd edək ki, yalnız Asiyanın bir neçə ölkəsində bitən durian “cənnət-cəhənnəm” meyvəsi kimi də tanınır. O səbəbdən ki, qabığı kaktus kimi tikanlı və pis qoxuludur. Lakin qabığını soyduqdan sonrakı lət hissəsi həm xoş ətirli həm ləzzətli və bol enerjilidir.

Gürcüstandakı bir neçə qeyri-hökumət təşkilatı paytaxt Tbilisidə milli valyutanın rəmzi dəfn mərasimini keçiriblər. Modern.az Gürcüstan KİV-nə istinadən xəbər verir ki, “Larini yad edirik” adlı aksiya keçmiş baş nazir Bidzina İvanişvilinin evinin qarşısında təşkil edilib. “20 yaşlı lari 2 il sürən ağır xəstəlikdən sonra vəfat edib. Biz bura baş nazirin xalqı aldatdığını demək üçün gəlmişik”, - “Apriori” təşkilatının sədri Beso Şengeliya deyib. 
Aksiya iştirakçılarının əllərində tutduqları tabutun içərisinə üzərində İvanişvilinin təsviri olan milli valyuta əskinazları toplayıblar. Larinin rəmzi dəfni zamanı onlar mövcud böhranda hakimiyyəti təqsirkar adlandırırdılar.

2014-cü ilin noyabrından larinin rəsmi kursu ABŞ dollarına qarşı 26,8 faiz ucuzlaşıb. Martın 29-u üçün 1 ABŞ dolları 2,2242 lari təşkil edib.

ABŞ-da PowerBall lotereyasında 1 milyon dollar udan şəxs qeyri-müəyyən səbəblərə görə uduşu almaq üçün müəyyən olunmuş vaxtın sonunadək biletini təqdim edə bilməyib.
Azərtac xəbər verir ki, hazırda bu vəsait Kaliforniya ştatının məktəb təhsili sisteminin büdcəsinə köçürülür.

Qaydalara əsasən, lotereya biletlərini təqdim edərək uduşu götürmək üçün verilən 180 günlük vaxt martın 12-də bitib. Bundan sonra uduşlu biletlər qüvvədən düşmüş sayılır.

Vəziyyət həm də ona görə maraqlıdır ki, Kaliforniya KİV-ləri Los-Anceles şəhərinin super-marketlərinin birində uduşlu bileti alan şəxsin fotoşəklini də yayıblar. Foto super-marketin daxili nəzarət sistemindən götürülüb. Bundan əlavə, satıcılardan birinin sözlərinə görə, gənc oğlan öz uduşu barədə məlumatlı olub. İndi hər kəs 1 milyon dolların arxasınca gəlməyən “xoşbəxt”in başına nə gəldiyi haqda düşünür.

Los Angeles Times qəzeti bu cür halların tez-tez baş verdiyini qeyd edir. Belə ki, keçən maliyyə ilində lotereya uduşlarının sahibləri ümumilikdə onlara çatmalı olan 20 milyon dolları götürməyiblər.

Bu məbləğlər PowerBall lotereyasının ən iri uduşu olan 590,5 milyon dolların yanında kölgədə qalıb. 2013-cü ilin yaz aylarında uduşa düşmüş həmin böyük məbləğ sahibi tərəfindən son sentinə qədər alınıb.