Paytaxt Mexikoda meksikalı kişi altı uşağını və həyat yoldaşını öldürüb, sonra intihar edib.
APA-nın RİA Novosti agentliyinə istinadən verdiyi məlumata görə, ilkin ehtimala əsasən, kişi evə gələrək ailəni qonaq otağına toplayıb və zəhər içməyə məcbur edib, sonra isə özünü asıb.

Digər versiyaya görə, uşaqlar boğulmuş vəziyyətdə tapılıb, həyat yoldaşının üzərində isə çoxsaylı bədən xəsarəti qeydə alınıb. Uşaqlardan 4-ü oğlan, 2-si isə qızdır.

Hadisəni səbəbləri məlum deyil. Faktla bağlı Mexiko ştatının prokurorluğu araşdırma aparır.

Yeni il gecəsi ölkəmizdə səhnəyə çıxması üçün təşkilatçılar tərəfindən yüksək məbləğdə qonorar alan meqastar Tarkan qazandıqlarını anası üçün xərcləyir.

ANS PRESS-in məlumatına görə, Tarkan aldığı əmlaklarla anası Neşe Tevetoğlunu zəngin edib.

Uzun illər Almaniyada yaşadıqları üçün Tarkan üç ay əvvəl ailəsinə daha bir jest etmək qərarına gəlib. Bunun üçün Köln şəhərində villa alan Tarkan, villanın sənədini də anasına verib.

Bir neçə il əvvəl İstanbul Ataşəhərdə anasına iki ev alan Tarkan, bu danışmaz əmlaklara yenilərini əlavə edib.

Meqastar anası Neşe Tevetoğluna Tarabyada bir ev, Antalya-Larada isə bağçalı villa hədiyyə edib.

Gürcüstan Müsəlmanları İdarəsinin (GMİ) təşkilatçılığı ilə Tiflisdə "Dinlərdə qadın haqları" mövzusunda konfrans keçirilib. APA-nın Gürcüstan bürosunun məlumatına görə, tədbirdə GMİ şeyxi Ramin İgidov, GMİ-nin müftisi Beqlyar Kamanidze, GMİ-nin Şərqi Gürcüstan müftisi Yasin Əliyev, Dini məsələlər üzrə Dövlət Agentliyinin rəhbəri Zaza Vaşadze, Barışıq və Vətəndaş Bərabərliyi məsələləri üzrə dövlət naziri Paata Zakareişvili, Kvemo Kartli bölgəsinin qubernatoru Paata Xizanaşvili, Türkiyənin Gürcüstandakı səfirliyinin dini məsələlər üzrə məsləhətçisi Nəbi Gümüş, İranın Gürcüstanda fəaliyyət göstərən Əl-Mustafa Universitetinin rektoru Davud Qəşəmli, Gürcüstan-Azərbaycan Qadınlar İttifaqının sədri Leyla Süleymanova, Azərbaycanlıların Mədəniyyət Mərkəzinin Gənclər şöbəsinin müdiri Nərgiz Əliyeva, Əl-Mustafa Universitetinin nümayəndəsi Elnarə Cəfərli çıxış edərək qadına zorakılığa qarşı fikirlər səsləndiriblər. Konfransda İslam və Qurani-Kərimdə zorakılığa aid ayələr olmadığı, əksinə İslamın barış, məhəbbət, dostluğu və sevgini təbliğ etdiyi bildirilib. Çıxışçılar mənəvi dəyərlərin qorunub saxlanmasını, istər İslam, istərsə də xristianlıq və pravoslav dinlərinin eyni dəyər daşıdığı qeyd ediblər.

Gürcüstanın Barışıq və Vətəndaş Bərabərliyi məsələləri üzrə dövlət naziri Paata Zakareişvili çıxışında GMİ-yə bu konfransı təşkil etdiyinə görə təşəkkürünü bildirib. Onun sözlərinə görə, müasir zamanda insanlar dini həlledici amil kimi görürlər. Dövlət naziri zorakılığa qarşı mübarizədə maarifləndirmə təbliğatının daha da gücləndirilməsinin vacibliyini qeyd edib.

Avstraliyanın Kerns şəhərində 8 uşağı qətlə yetirən ana həbs olunub. APA-nın “Associated Press”ə istinadən yaydığı xəbərə görə, bu barədə Kerns polis dedektivi, müfəttiş Bruno Asnikar açıqlama verib. O, boynundan və sinəsindən yaralı olaraq xəstəxanaya aparılan 37 yaşındakı qadının ayıq və aydın bir şəkildə polisə ifadə verdiyini deyib. "37 yaşındakı qadın dünən gecə həbs olundu və hazırda Kerns Beys xəstəxanasında polis nəzarəti altındadır" , - deyə müfəttiş söyləyib. O, cinayətlə əlaqədar polisin artıq axtarışı dayandırdığını əlavə edib.

Kerns polisi ölən uşaqların 7-sinin qardaş-bacı olduğunu, digər uşağın isə saxlanılan ananın qardaşı oğlu olduğunu təsdiqləyərək, qanlı cinayət törədilən evdə bıçaq və başqa cinayət alətlərinin də aşkarlandığını açqılayıb. Polis ananın niyə öz uşaqlarını öldürməsi ilə bağlı məlumat verməyib.

Ölüm haqqdır. Bəzilərinin ölümləri o qədər qəribə olub ki, illər ötsə belə onlar yaddan çıxmayacaq.

Bəzi insanlar başına düşən inək səbəbindən, bəziləri isə şorbanı iynə vasitəsi ilə bədəninə vurarkən ölüb. 

Belə ölümlərdən biri 1993-cü ildə baş verib. Ofis şüşəsinin qırılmaz olduğunu sübut etmək istəyən Qarri Qoy var gücü ilə şüşəyə toxunub. Nəticədə şüşə qırılıb və adam 10-cu mərtəbədən aşağı düşərək ölüb.

Bir gün atasının məzarını ziyarət etmək üçün qəbiristanlığa gələn Markus Qarvey isə bir məzar daşında öz adını görüb. Bu hadisədən kədərlənən şəxs infarkt keçirib və dünyasını dəyişib.

Türkiyənən Adana şəhərində 18 yaşlı qız özünü güllələyib.

ANS PRESS-in məlumatına görə, qızın intihar etməsinə səbəb atasının onu evdə zəncirləməsi olub.

Belə ki, 18 yaşlı S.Y. atası və anası evdə olmadığı vaxt sevgilisini evə çağırıb. Onlar tək olduqları vaxt qızın atası pul kisəsini unutduğu üçün işdən evə qayıdıb. Qapını açan ata qızını yad oğlanla birlikdə tutub.

Qızın sevgilisi evdən qaçıb. Qəzəblənən ata qızını döyüb. O, qıza cəza olaraq evdən çıxmamağı tapşırıb.

“Bir daha məktəbə getməyəcəksən. Mənim icazəm olmadan evdən çıxmayacaqsan”, - deyən ata bidirib.

Kişi işə gedən zaman qızını evdə 9 metrlik zəncirlə bağlayırmış.

Ev dustaqlığından bezən gənc qız atasının silahını götürərək özünü güllələyib. Hadisə qızın anası bazara gedən zaman baş verib.

Ana evə qayıdıb qapını açanda qızını yerdə qan içində tapıb.

Həkim çağırılıb. Müəyyən edilib ki, S.Y. tapança ilə sinəsindən bir dəfə atəş açıb.

Qızı ağır vəziyyətdə xəstəxanaya yerləşdiriblər.

Ata ifadə vermək üçün polis şöbəsinə çağırılıb.