Gürcüstanda naməlum şəxs avtomobil ilə Azərbaycan vətəndaşı Elnur Zeynalovu vuraraq qaçıb.

Hadisə dünən gecə saat 22.00 radələrində Tiflisdə baş verib.

Hadisə şahidlərinin bildirdiyinə görə, sürücü "Volkswagen Golf" markalı avtomobili sürətlə idarə edib və tələbəni vurduqdan sonra maşını saxlamadan hadisə yerindən qaçıb. Tiflis Dövlət Tibb Universitetinin II kurs tələbəsi olan E. Zeynalov dostunun ad günü mərasimindən evə qayıdırmış. Hadisə nəticəsində 1996-cı il təvəllüdlü E. Zeynalov kəllə-beyin travması alıb. Hazırda o, Tiflisin Mərkəzi klinikasındadır.

Polis faktla bağlı araşdırma aparır.

Hindistanda məhkəmə məşhur kinoaktyor Salman Xanı evsiz insanın ölümündə təqsirli bilib. Hakimin qərarına əsasən, Bollivud ulduzu Salman Xan sərxoş halda avtomobili idarə edərkən adam vurmaqda təqsirli bilinərək, 5 il müddətinə həbs cəzası alıb.

Hadisə 2002-ci ilin sentyabrında Mumbay şəhərində baş verib. Həmin vaxt Salman Xanın olduğu avtomobilin vurduğu 5 evsiz insandan biri dünyasını dəyişmişdi.

İrəli sürülən ittihamlara baxmayaraq, aktyor hadisə baş verən zaman sükan arxasında özünün deyil, sürücünün olduğunu iddia edib.

Aktyorun qərardan apellyasiya ərizəsi verəcəyi və bu səbəbdən məhkəmə prosesinin daha bir neçə il də uzanacağı gözlənilir.

Keçmiş futbolçu Devid Bekhem Britaniya şahzadəsinin xaç atası olacaq.

ANS PRESS-in məlumatına görə, bir neçə gün əvvəl doğulmuş Şarlotta Elizabet Diananın valideynləri belə qərar gəliblər. Körpənin xaç suyuna salınma mərasiminin nə vaxt olacağı isə hələlik bəlli deyil.

Bekhemlə şahzadə Uilyamın ailəsi hələ 2011-ci ildə tanış olublar. O zamandan bir-biri ilə ailəvi dostluq edirlər.

Xatırladaq ki, Şarlotta Elizabet Diana mayın 2-də doğulub. Bu, şahzadə Uilyam və Keyt cütlüyünün ikinci övladlarıdır. Onların ilk övladları isə 2013-cü ildə dünyaya gəlib.

Əfqanıstanda kütlənin linc edib öldürdüyü Fərxundəyə görə məhkəmə dörd kişini ölüm hökmünə məhkum edib.

 27 yaşlı qadın Quranı yandırmaqda ittiham edilirdi, lakin sonradan onun bunu etmədiyi aydın olub.

Gənc qadının döyülərək öldürülməsi ittihamı ilə ümumilikdə 49 nəfər məsuliyyətə cəlb olunub. Məhkəmə ölüm hökmünü 4 saatlıq dinləmə nəticəsində çıxarıb. Bundan başqa daha 8 nəfər 16 il müddətinə azadlıqdan məhrum edlib. 18 nəfərin təqsiri sübut olunmayıb.

Fərxundanın kütlə tərəfindən öldürülməsi Kabulda böyük etiraz aksiyalarına səbəb olmuşdu. Bu iş üzrə cinayətin qarşısını ala və asayişi qoruya bilmədiyinə görə 19 polis təqsirləndirilirdi. Onlar barədə hökm bazar günü çıxarılacaq.

Məhkəmə Əfqanıstan dövlət televiziyası ilə birbaşa yayınlanıb

Vitaminlərlə zəngin olan bananı yeyəndən sonra onun qabığını zibil qutusuna atmamaq məsləhət görülür. Çünki lazımsız bildiyimiz banan qabığının faydalılıq əmsalı çox yüksəkdir.

Modern.az bu faydalardan yeddisini təqdim edir:

1. Dişləri ağardır: Stomotoloqların da dediyinə görə, banan qabığının ağardıcı effekti bahalı diş məcunlarından heç də geri qalmır. Banan qabığını sürüşkən iç hissəsini hər səhər dişlərinizə sürtmək sizə ağ dişlər bəxş edəcək.

2. Sızanaqları aradan qaldırır: Hər axşam yatmazdan qabaq üzdəki qızartı olan nöqtələri banan qabığı ilə ovuşdurub səhərə qədər gözləmək lazımdır. Səhər üz qızartılarının azaldığını görəcəksiniz.

3. Qırışları azaldır: Sızanaqlar üçün tətbiq olunan qaydanı qırışlara qarşı da etmək lazımdır. Hər axşam yatmazdan qabaq iki banan qabığı ilə gözün altını, dodaqların ətrafını ovuşdurmaq ən azından yeni qırışların yaranmasının qarşısını alacaq.

4. Ziyilləri müalicə edir: Əvvəlcə ziyil olan yeri banan qabığı ilə ovmaq lazımdır. Daha sonra həmin ziyilin üzərinə bir parça banan qabığı qoyub bintlə sarımaq lazımdır. Xeyrini tezliklə görmək olar.

5. Yanıq göynərtilərini sakitləşdirir: Bədəndə yanıq yerini əvvəlcə çətin də olsa soyuq və təmiz su ilə yaxalayandan sonra banan qabığının ətli ağ tərəfi ilə örtmək lazımdır. Daha sonra həmin banan qabığını bintlə sarımaq vacibdir. Yanıq göynərtiləri sakit olmaqla bərabər, həm də yanıq yerindəki qaşıntı da öləzimiş olur.

6. Gümüş, dəri və metal əşyaları parıldadır: Banan qabığı xüsusi ilə də gümüş həvəskarlarının sevimli köməkçisi olmalıdır. Bananı soyandan sonra gümüş əşyaları, dəri kresloları və mətbəx əşyalarını çox gözəl şəkildə parıldatmaq olar.

7. Ayaqqabıları təmizləyir və parıldadır: Ayaqqabı boyalarının tərkibində olan təmizləyici və parıldadıcı maddələr banan qabığının tərkibində də var. Odur ki, ayaqqabıları təmiz görmək istəyirsinizsə banan qabığından yararlana bilərsiniz.

Hollivudun məşhur simalarından olan Cenifer Lopez yeni sevgilisi Kasper Smartla ailə həyatı qurmağa hazırlaşır.

AzNews.az “Life & Style”a istinadən xəbər verir ki, bu barədə onun rəfiqəsi jurnalistlərə açıqlamasında deyib. Onun sözlərinə görə, cütlük artıq toy hazırlıqlarına başlayıb: “Cenifer əmindir ki, Kasper onun ikinci yarısıdır. O toylarının ideal olması üçün külli miqdarda pul xərcləməyə hazırdır”.

Nəşr iddia edir ki, Lopez bu hazırlıqlara 3 milyon dollar xərcləyəcək və toy bu ilin dekabrında baş tutacaq. Lakin toyun təşkil olunacağı yer hələki açıqlanmır. Cütlüyün iki variant – Havay adaları və Puerto-Riko üzərində düşündükləri deyilir.