16 yaşından aşağı 78 uşağa 2 ildən 5 ilədək həbs cəzası verilib.

AzNews.az xəbər verir ki, bu qərar Misirin şimalında yerləşən İskəndəriyə şəhər cəza məhkəməsi tərəfindən verilib.

Uşaqların vəkili Əhməd əl-Gamri deyib ki, onlar "Müsəlman Qardaşları” təşkilatına üzv olduqlarına görə həbs ediliblər.

Gamri uşaqların hamısının bu ilin yanvar-may aylarında nəzarətə alındığını bildirib.

Hindistanda şirniyyat istehsalı ilə məşğul olan ata qızının toyunda ona 400 min avro (təxminən 389 min manat) dəyərində zinət hədiyyə edib.

ANS PRESS-in məlumatına görə, 400 min avroya alınan zinət əşyalarını taxan qız, sözün əsl mənasında, qızıla bürünüb.

Lakin toyda diqqəti çəkən tək gəlinin üzərindəkilər olmayıb. Gəlinin atası da boynundakı qızıllarla gəlin qədər diqqəti cəlb edib. Toyda ləl-cəvahirat təhlükəsizliyini təmin etmək üçün Hindistanın Tirupati şəhərində xeyli polis səfərbər edilib.

Qeyd edək ki, dünyanın ən kasıb ölkələrindən biri olan Hindistanda baş verən bu hadisə bir çox insanların qınağına səbəb olub.

Hindistan cəmiyyətini “şərəf ölümü” adlandırılan cinayət ayağa qaldırıb. Modern.az xarici KİV-ə istinadən xəbər verir ki, ərlə arvad digər sosial qrupdan olan oğlanla nikaha girən 21 yaşlı qızlarından intiqam aldıqların etiraf edib. Dehli universitetinin tələbəsi Bxavna Yadavı valideynləri nikah bağlanandan üç gün sonra boğublar.

Polisdən verilən məlumata görə, qıza divan tutulmasında dayısı da iştirak edib. Bxavnanın qohumları onun digər sosial təbəqəni təmsil edən 24 yaşlı proqramçı sevgilisi Abxişeka Setaya ərə getməsindən məmnun qalmayıblar. Set Pəncab ştatından olub, Yadav isə Radjastxanada böyüyüb.

Qızın valideynləri oğlanın başqa təbəqəyə mənsub olduğunu bildiklərindən evliliyə razılıq verməyiblər, sevgililər isə gizli hikaha giriblər. Bunun səhəri günü, noyabrın 13-də Bxavna valideynlərinə atdığı addım haqda məlumat verib. Djaqmohan və Savitri Yadav cütlüyü bundan sonra qızla söhbət etmək üçün görüş təyin ediblər. Noyabrın 16-da gecə onlar qızı döydükdən sonra boğublar.

Bununla kifayətlənməyən valideynlər onun meyitini Dehlidən Alvar kəndsinə gətirərk yandırlıblar. Abxişekanın sözlərinə görə, yarım il əvvəl Bxavnanın valideynlərinə gələcək ərini göstərərək söhbət edib. Ancaq onlar dərhal qızın seçiminə düşməncəsinə yanaşıblar. “Sən - pəncəblisən və bizdən uzaq durmalısan. Sizin əlaqənizdən hen nə alınmayacaq”, - qızın valideynləri deyiblər.
Valideynlərinin öldürdüyü qız paytaxt universiteti nəzdindəki Venkateswara kollecində sanskrit ədəbiyyatını öyrənirdi.
Modern.az

Son dövrlər incəsənət dünyası milyon dollarlıq alışlarla gündəmə gəlir. Bu dəfə qadın bir sənətçinin satılan ən bahalı əsəri gündəmdədir.

Dalgatv Marja-ya istinadən xəbər verir ki, hərrac evi “Sotheby’s”, Georgia O’Keeffe-nin əfsanəvi rəsm əsəri “Jimson Weed/White Flower No. 1”i 44, 4 milyon dollara satıb.

Bu, bir hərracda qadın bir sənətçinin əsərinə verilən ən yüksək rəqəmdir. Daha əvvəl bu sahədəki rekord, digər bir hərrac evi “Christie’s”in 2014-cü ilin May ayında satdığı Joan Mitchellin “Başlıqsız” adlı əsəri idi.

O’Keeffe’nin çiçək mövzusunda olan əsərləri bütün dünyada tanınır.

Bu gün Qafqaz Müsəlmanları İdarəsinin (QMİ) sədri, Şeyxülislam Allahşükür Paşazadə Gürcüstanın diaspora məsələləri üzrə dövlət naziri Gela Dumbadzeni qəbul edib.

QMİ-dən APA-ya verilən xəbərə görə, görüşdə Şeyx Azərbaycanla Gürcüstanın dostluq və səmimiyyət əsasında qurulan münasibətlərinin getdikcə daha da inkişaf etdiyini bildirib və bu işdə iki ölkənin dövlət başçılarının, eləcə də Ümumgürcüstan Patriarx-Katolikosu II İliyanın xüsusi xidmətlərini vurğulayıb.

Onun sözlərinə görə, qonşu ölkədə yaşayan azərbaycanlılar Gürcüstan Respublikasının vətəndaşları olaraq Gürcüstana xidmət etdikləri kimi, Azərbaycanda yaşayan gürcülər də eyni dərəcədə vətənləri Azərbaycana xidmət etməlidirlər: “Yalnız bu yolla iki dövlət arasında olan qardaşlıq və mehriban qonşuluq münasibətlərinin daha dərin və davamlı olmasını təmin etmək olar”.

Gürcüstanın diaspora məsələləri üzrə dövlət naziri Gela Dumbadze öz növbəsində səmimi qəbula görə A.Paşazadəyə minnətdarlığını bildirib. Nazir qeyd edib ki, Gürcüstanda yaşayan azərbaycanlıları ölkə ictimaiyyəti namuslu, zəhmətkeş, eləcə də layiqli insanlar kimi görür və tanıyır.

Görüş zamanı iki ölkə arasındakı qarşılıqlı münasibətlər və maraq doğuran digər məsələlər ətrafında fikir mübadiləsi aparılıb.

Görüşdə QMİ sədrinin birinci müavini, müfti Hacı Salman Musayev, QMİ sədrinin müavini, Bakı İslam Universitetinin rektoru Hacı Sabir Həsənli, QMİ-nin Nəşriyyat şöbəsinin müdiri Zülfüqar Fərzəliyev, Gürcüstanın Azərbaycandakı səfiri Teymuraz Şaraşenidze və başqaları iştirak ediblər.

Məşhur supermodel Sindi Kroftun 13 yaşlı qızı ilk dəfə olaraq ən məşhur jurnallardan olan “Teen Vogue”ya çəkilib.

ANS PRESS-in məlumatına görə, Sindi Kroftun qızı Kayya Qerber ilk dəfə olaraq dəb çəkilişində iştirak edib. Kayya çoxdandır ki, anası Sindi Krofla birgə müxtəlif tədbirlərdə iştirak edir.

Qeyd edək ki, Kayya hələ 10 yaşı olanda ilk müqaviləsini “Versace” markası ilə bağlayıb və “Young Versace”ın reklam kampaniyasında çəkilib.