Ümumi Suriya üzrə vəziyyətin normallaşması Rusiya və Türkiyə üçün prioritet məsələdir və bu bütün regionun xeyrinə olacaq.

APA-nın “RİA Novosti”yə istinadən verdiyi xəbərə görə, bunu Rusiyanın baş naziri Dmitri Medvedev türkiyəli həmkarı Binəli Yıldırımla görüşündən sonra bildirib.   

O, Suriyada vəziyyətin çox gərgin olaraq qaldığını qeyd edib: “Bununla belə, Rusiyanın mövqeyi ondan ibarətdir ki, Suriya böhranının nizamlanması və ölkənin gələcəyinin müəyyənləşməsi, ilk növbədə, ölkədaxili dialoq əsasında baş verməlidir”.      

“Bütün bunlar suriyalıların özlərinin nəzərdə tutduqları və hazırladıqları prosedurların daxilində baş verməlidir”, - deyə Medvedev qeyd edib.   

Rusiya prezidenti Vladimir Putin Türkiyənin Baş naziri Binəli Yıldırımı Kremldə qəbul etdi.

AzNews.az xəbər verir ki, Kremlin mətbuat xidmətinin yaydığı məlumata görə, görüş zamanı rus-türk əməkdaşlığının ticari-iqtisadi sferada inkişaf etdirilməsi müzakirə edilib. 

Görüş zamanı Putin hər iki ölkə arasındakı münasibələrin müxtəlif sahələrdə bərpa olunmasından məmnunluq ifadə edib. Rusiya prezidenti hesab edir ki, Binəli Yıldırımın səfəri növbəti sammitdə Türkiyə prezidenti ilə yüksək səviyyəli görüşü üçün əsas rol oynayacaq.

Almaniya kansleri Angela Merkel doqquzuncu dəfə Xristian-Demokratik İttifaqı (XDİ) partiyasının sədri seçilib. 

AzNews.az The Huffington Post nəşrinə istinadən xəbər verir ki, Essen şəhərində partiyası tərəfində şərəfinə təşkil olunmuş gecədə Merkel 77 dəqiqəlik nitq söyləyib. Nitqinin sonunda xanım siyasətçini partiya tərəfdaşları 11 dəqiqə dayanmadan alqışlayıb.

Bu 11 dəqiqə ərzində səhnədə qalan Merkel baş əyib, minətdarlıq əlaməti olaraq əlini qaldırıb, səhnədə gəzişib, hətta bir neçə dəfə stula da əyləşib. Amma bütün bu jestlər alqışları dayandıra bilməyib.

Rusiya ilə viza rejiminin ləğv olunması Ankaranın ən böyük gözləntisidir. “Report” RİA Novostiyə istinadən xəbər verir ki, bu barədə Moskvaya işgüzar səfərindən qabaq Türkiyənin baş naziri Binəli Yıldırın bildirib.

"Bu, Şimali Kipr və Azərbaycana olan ənənəvi səfərlərdən sonra xaricə ilk səfərimdir. Biz Rusiya baş naziri Dmitriy Medvedevlə, prezident Vladimir Putinlə və Federasiya Şurasının rəhbəri Valentin Matvienko ilə görüşlər keçirəcik. Moskvadan sonra Kazan şəhərini ziyarət edəcik və Tatarstan prezidenti Rüstəm Minnixanovla görüşəcik. Görüşlərdə iki ölkə arasında viza rejiminin ləğv edilməsi ən böyük gözləntimizdir”, - Binəli Yıldırım Ankara aeroportunda jurnalistlərə bildirib.

Azərbaycanın işğal altındakı Dağlıq Qarabağ bölgəsində bir neçə erməni əsgər yaralanıb.

“Qafqazinfo” Modern.az-a istinadən xəbər verir ki, onların işğalçı ordunun nəzarəti altındakı Xocavənd rayonunda güllə yarası aldıqları bildirilir. Ermənistan Müdafiə Nazirliyi Mərkəzi Hərbi Klinik Hospitalının direktoru Aram Asaturyan bildirib ki, yaralanmış əsgərlərdən ikisinin vəziyyəti ağırdır, onların həyati təhlükəsi var.

Məlumata görə, ağır yaralanmış hərbçilər 24 yaşlı Xadjik Badalyan və 19 yaşlı Karapet Mikaelyandır. Onlardan biri qarın nahiyəsisindən və sağ budundan qəlpə yaraları alıb. Digərinin başından yaralandığı söylənilir. Erməni hərbçilərin hansı şəraitdə yaralandığı barədə hələ ki rəsmi məlumat açıqlanmasa da, sosial şəbəkələrdə hadisənin Azərbaycan tərəfinin açdığı atəş nəticəsində baş verdiyi bildirilir.

Hər iki hərbçinin Xankəndindəki hospitaldan Yerevandakı hərbi xəstəxanaya aparıldığı qeyd olunur. Daha bir erməni əsgərin isə Xankəndi hospitalında olduğu bildirilir. Ermənistan tərəfi hələ ki yaralı sayının neçə nəfər olduğunu rəsmən açıqlamayıb.

Ermənistanın bəzi informasiya saytları isə ölkə rəhbərliyinə daxil olan bir sıra rəsmilərin Qarabağdakı situasiya ilə bağlı təşvişə düşdükləri barədə xəbərlər yayıblar. Ermənistan Müdafiə Nazirliyinin mətbuat katibi Artsrun Ovannisyan özünün Facebook səhifəsində Azərbaycanla təmas xəttində atışmanın ara-sıra davam etdiyini bildirsə də, situasiyanın təhlükəli olmadığını vurğulayıb. "Hazırda əməliyyat və taktiki vəziyyət sabitdir”, -deyə o bildirib. Artsrun Ovannisyan qeyd edib ki, Qarabağdakı işğalçı ordu vəziyyəti nəzarət altında saxlayır. O, medianı dezinformasiya və yoxlanılmamış məlumat yaymaqdan çəkinməyə çağırıb.

Ermənistan prezidentin sözçüsü David Babayan da mediaya Qarabağdakı vəziyyətlə bağlı açıqlama verib. O, təmas xəttində qeyri-adi heç bir şeyin baş vermədiyini bildirərək, Azərbaycan tərəfini atəşkəsi pozmaqda ittiham edib. O, Qarabağdakı erməni ordusunun vəziyyətə nəzarət etdiyini söyləməyi də unutmayıb: "Hazırda hər iki tərəfdən cavab atəşləri açılır. Amma vəziyyət o həddə çatmayıb ki, biz apreldə olduğu kimi yeni müharibənin başlandığı barədə həyəcan siqnalı verək. Vəziyyət aprel müharibəsindən sonrakı situasiyadan fərqlənmir, dəyişməyib".

Mixail Saakaşvili və onun bir neçə yüz tərəfdarı Kiyevin mərkəzində, Vyaçeslav Çernovolun abidəsi yaxınlığında aksiya keçirir.

APA-nın “RİA Novosti” agentliyinə istinadən verdiyi məlumata görə,  “Hazırkı Radanın son qışı!” şüarı ilə keçirilən aksiyada keçirilən aksiyada Ukraynada yeni Seçki Məcəlləsi əsasında, yeni tərkibdə Mərkəzi Seçki Komissiyası vasitəsi ilə təcili növbədənkənar parlament seçkilərinin keçirilməsi tələb edilir.

Aksiyaçılar deputat toxunulmazlığının da ləğv edilməsini istəyirlər. M. Saakaşvili aksiyada çıxışında deyib ki, Ukraynanı böyük dövlətə çevirməyin yolunu bilir və birlikdə bu arzunu həyata keçirəcəklər: “Biz qalib gələcəyik və Ukraynanın zənginliklərini və ölkənin potensialına inamı xalqa qaytaracağıq. Biz tək yeni siyasi qüvvə yox, həm də yeni siyasi sinif yaradacağıq”.

Qeyd edək ki, Ukraynanın sabiq prezidenti M. Saakaşvili noyabrın əvvəlində bu ilin mayında təyin edildiyi Odessa qubernatoru vəzifəsindən istefa verib. M. Saakaşvili Ukrayna prezidenti də daxil olmaqla, ölkə rəhbərliyini korrupsiyada, şəxsi mənfəətlər güdməkdə ittiham edib. Qanunverici orqan olan Ali Radaya yeni seçkilərin keçirilməsi və hökumətin dəyişməsini qarşıya məqsəd qoyan M. Saakaşvili yeni siyasi hərəkat yaratdığını da bəyan edib.