Avronest Parlament Assambleyasına (PA) üzv ölkələrin nümayəndə heyətləri Gürcüstan parlamentinin sədri İrakli Kobaxidze ilə görüşüblər.

APA-nın yerli bürosunun məlumatına görə, Gürcüstan parlamentində keçirilmiş görüşdə Azərbaycan nümayəndə heyətinin rəhbəri, Milli Məclisin Gənclər və idman komitəsinin sədri Fuad Muradov da iştirak edib.

F.Muradov bildirib ki, görüşdə Avronest PA-nın komitə iclasında müzakirə olunacaq məsələlər ətrafında fikir mübadiləsi aparılıb: "Bu məsələlərə Avropada enerji, inteqrasiya, Avropa İttifaqının "Şərq tərəfdaşlığı" ölkələri üçün sərmayə və sosial yönümlü layihələr, qaçqın və məcburi köçkünlər, miqrasiya məsələləri daxildir".

Millət vəkili qeyd edib ki, komitə iclasında Azərbyaycan nümayəndə heyətinin üzvü, millət vəkili Muxtar Babayev enerji efketivliyi barədə məruzə ilə çıxış edəcək.

Qeyd edək ki, 12-13 fevral tarixində Tbilisidə Avronest PA-nın Siyasi məsələlər, insan hüquqları və demokratiya üzrə komitəsinin iclası keçirilir. F.Muradovun başçılıq etdiyi nümayəndə heyətinə millət vəkilləri  Rövşən Rzayev, Rauf Əliyev, Məlahət İbrahimqızı, Sədaqət Vəliyeva, Muxtar Babayev daxildir. Toplantı çərçivəsində sabah Milli Məclisin və Gürcüstan parlamentinin gənclər və idman komitələrinin sədrləri arasında görüş keçiriləcək. Komitələr arasında əməkdaşlıq haqqında memorandumun imzalanması nəzərdə tutulub.

Ermənistan silahlı qüvvələrinin bölmələri cəbhənin müxtəlif istiqamətlərində sutka ərzində atəşkəs rejimini 131 dəfə pozub.

Bu barədə  Müdafiə Nazirliyinin mətbuat xidmətindən məlumat verilib.

Ermənistan Respublikası Noyemberyan rayonunun Şavarşavan, Voskevan kəndlərində və adsız yüksəkliklərdə, İcevan rayonunun Berkaber, Paravakar, Ayqeovit kəndlərində və adsız yüksəkliklərdə yerləşən mövqelərdən Qazax rayonunun Kəmərli, Fərəhli, Quşçu Ayrım, Qızılhacılı, Bala Cəfərli kəndlərində və adsız yüksəkliklərdə, Berd rayonunun Mosesqex, Çinari kəndlərində və adsız yüksəkliklərdə yerləşən mövqelərdən Tovuz rayonunun Əlibəyli, Ağdam, Koxanəbi, Muncuqlu, Qaralar kəndlərində və adsız yüksəkliklərdə, Krasnoselsk rayonu ərazisindəki adsız yüksəkliklərdə yerləşən mövqelərdən Gədəbəy rayonunun Göyəli, Zamanlı kəndlərində və adsız yüksəkliklərdə yerləşən mövqelərimiz atəşə tutulub.

Tərtər rayonunun işğal altında olan Çiləbürt, Ağdam rayonunun Şıxlar, Baş Qərvənd, Cəvahirli, Qaraqaşlı, Novruzlu, Yusifcanlı, Mərzili, Xocavənd rayonunun Kuropatkino, Füzuli rayonunun Aşağı Veysəlli, Qobu Dilağarda, Qərvənd, Qaraxanbəyli, Qorqan, Kürdlər, Horadiz, Cəbrayıl rayonunun Nüzgar və Mehdili kəndləri yaxınlığında, həmçinin Göygöl, Goranboy, Tərtər, Ağdam, Xocavənd, Füzuli və Cəbrayıl rayonları ərazisindəki adsız yüksəkliklərdə yerləşən mövqelərdən də ordumuzun mövqeləri atəşə tutulub.

Türkiyə ordusunun PKK, PYD, YPG və İŞİD-ə qarşı əməliyyat keçirdiyi Suriyanın Afrin şəhərində gün ərzində 3 türk hərbçisi şəhid olub, daha 5 nəfəri isə yaralanıb. APA-nın xəbərinə görə, bu barədə Türkiyə SH Baş Qərargahının məlumatında bildirilir.   

Bundan əvvəl Baş Qərargah 1141 terrorçunun məhv edildiyini, Türkiyə ordusunun isə ümumilikdə 21 şəhid verdiyini bildirmişdi. Əməliyyat dövründə 70-dək hərbçi yaralanıb. 

"Gürcüstan vasitəsilə Xəzər regionundan neft və qazın Avropaya nəql olunması potensialı daha böyükdür".
 

APA-nın yerli bürosunun məlumatına görə, bunu Gürcüstanın baş naziri Giorgi Kvirikaşvili hökumətin iclasında deyib. O bildirib ki, Brüsseldə keçirilmiş Aİ-Gürcüstan Assosiasiya Şurasının iclasında Gürcüstanın energetika sahəsindəki əhəmiyyətli roluna da toxunulub:  "Hesab edirik ki, bizi bu istiqamət üzrə yeni maraqlı layihələr gözləyir. Yalnız hökumətin deyil, əhalinin də bununla bağlı motivasiya olunması çox vacibdir. Çünki bu layihələr Gürcüstana rifah və vətəndaşlara əhəmiyyətli nəticələr gətirəcək".

Gürcüstanın Acarıstan Muxtar Respublikasının Kobuleti şəhərində mədrəsəyə qarşı davam edən diskriminasiya ilə bağlı Avropa İnsan Haqları Məhkəməsinə müraciət olunub.

APA-nın Gürcüstan bürosunun məlumatına görə, məhkəməyə müraciət "Gürcü-müsəlman münasibətləri" təşkilatı və 7 müsəlman vətəndaşın adından İnsan Haqları üzrə Maarifləndirmə və Monitorinq Mərkəzi (EMC) və Avropa İnsan Haqları Mərkəzi (EHRAC) tərəfindən təqdim edilib. Müraciət artıq Avropa İnsan Haqları Məhkəməsində qeydiyyata alınıb.

Sənəddə qeyd olunub ki, 2014-cü ildən Kobuletidə yerli əhalinin etirazı və diskriminativ təqibinə görə mədrəsənin açılmasına icazə verilmir. Müraciət müəllifləri iddia edir ki, bununla din və təhsil azadlığı kobud formada pozulur.
 

Qeyd edək ki, 2014-cü ilin sentyabrında Kobuletidə  müsəlman gənclərin təhsil alacağı mədrəsənin açılmasına etiraz edən şəxslər mədrəsənin yerləşəcəyi binanın qapısına donuz başı asıb. 2016-cı ildə insidentlə bağlı Batumi şəhər məhkəməsinin qəbul etdiyi qərara əsasən, təqsirli bilinən 3 şəxs vurduqları mənəvi ziyana görə simvolik olaraq 1 lari məbləğində cərimələnib. Məhkəmənin qərarı yerli müsəlman sakinlərin etirazına səbəb olub.  

Acarıstan Muxtar Respublikası əhalisinin təqribən 30%-ni müsəlmanlar təşkil edir. 

Ermənistan silahlı qüvvələrinin bölmələri cəbhənin müxtəlif istiqamətlərində iriçaplı pulemyotlardan da istifadə etməklə sutka ərzində atəşkəs rejimini 121 dəfə pozub.

Ermənistan Respublikası Noyemberyan rayonunun Şavarşavan, Voskevan kəndlərində və adsız yüksəkliklərdə yerləşən mövqelərdən Qazax rayonunun Kəmərli, Fərəhli və Quşçu Ayrım kəndlərində, Berd rayonunun Mosesqex, Çinari kəndlərində və adsız yüksəkliklərdə yerləşən mövqelərdən Tovuz rayonunun Ağdam kəndində və adsız yüksəkliklərdə, Krasnoselsk rayonu ərazisindəki adsız yüksəkliklərdə yerləşən mövqelərdən Gədəbəy rayonunun Göyəli kəndində və adsız yüksəkliklərdə yerləşən mövqelərimiz atəşə tutulub.