Rusiya qoşunları Abxaziya və Tsxinval bölgəsində olduqları müddətdə  Rusiya ilə diplomatik əlaqələrin bərpası barədə söhbət belə gedə bilməz. Bu barədə dekabrın 21-də “Rustavi-2” telekanalının efirində Gürcüstan XİN rəhbəri Maya Pancikidze bəyan edib.

“Ərazilərimizin 20 faizi işğal altında olduğu şəraitdə Rusiya ilə diplomatik əlaqələrin bərpası mümkünsüzdür və Rusiyada da bu barədə bilirlər”, deyə Pancikidze vurğulayıb.

Rusiya ilə vizasız rejimin mümkünlüyünə toxunan Gürcüstan XİN rəhbəri hesab edir ki, bu “Gürcüstanın son bir ildə apardığı siyasət nəticəsində mümkün olub”. Bununla belə, Maya Pancikidze qeyd edib ki, Gürcüstan ərazi bütövlüyü məsələsində heç bir güzəştə getməyəcək.  

“Müsavat Partiyasının 8 il üzvü olmuşam. Siyasətə Müsavatla gəldiyimi inkar etmirəm. Başqanın müşaviri olmuşam. Bu qərarı təsadüfən vermədim. Cəmiyyətin maraqları daha vacibdir. Önəmli olan partiyalar deyil, Azərbaycandır. Bəzi dostlarımız bu istefanı Milli Şurada sədr aparatına təyinatla bağlamağa cəhd etdilər. Belə deyil”.

Bunu “Yeni Müsavat”a Müsavat Partiyasından istefa vermiş Yeganə Hacıyeva deyib.

Müsavat başqanının keçmiş müşaviri partiyadan gedəcəyi barədə 3 həftə əvvəl partiya yoldaşlarına söylədiyini də bildirib: “Bəzi üzvlərin arzuladıqlarını reallıq kimi qərara vermək istəyi anlaşılandır. Müsavatın bəzi funksionerlərinin partiyadan gedişimə verdiyi reaksiyalar məyusedici idi. Onlar bilirdilər ki, partiyadan gedəcəm. Buna bir günün içində qərar verməmişdim ki?! Amma çoxluq yazışmalarda qərarıma hörmətlə yanaşdıqlarını bildirdilər. O ki qaldı Müsavatın Milli Şuradan gedişinə, partiyanın bu birlik daxilində fəaliyyəti uğurlu olub. Bu qurumun uğurlarında Müsavatın danılmaz payı var.

Dünənə qədər partiya daxilində olan biri kimi deyirəm - sıravi üzvlərin əksəriyyəti Müsavatın Milli Şuradan çıxmasının əleyhinədirlər. Həbsdə olan Tofiq Yaqublu, Yadigar Sadıqov da Milli Şuradan getməyin əleyhinədirlər. Əgər bu baş verəcəksə partiya daxilində və cəmiyyətdə xəyal qırıqlığı yaşanacaq. Partiyaya qarşı güvən krizi yaşanacaq”.

Müsavat başqanı ilə istefasından əvvəl söhbət etdiyini deyən Y. Hacıyeva “bu qərarı verməyə təşviq ola biləcək bir söhbətimiz olmuşdu. Mənə fikirlərimi azad bildirmək üçün azad siyasətçi olmağım xatırladılmışdı. Bu barədə fikirləşəcəyimi bildirmişdim. Qərarımı da bu danışıqlardan 4 həftə sonra vermişəm. Yəni, ekspromt qərar deyildi” deyib.

«Türkiyə-İran əlaqələri çox yaxşı və qardaşlıq münasibətləri çərçivəsindədir». APA-nın «Mehr» xəbər agentliyinə istinadən verdiyi məlumata görə, bunu Türkiyənin xarici işlər naziri Əhməd Davudoğlu bildirib.

Onun sözlərinə görə, Türkiyə İranla əlaqələrini daha da gücləndirəcək.

Ə.Davudoğlu dekabrın 18-də Pakistanda keçirilən «D-8» ölkələri Nazirlər Şurasının XVI toplantısı çərçivəsində iranlı həmkarı Məhəmməd Cavad Zəriflə görüşünə də toxunub: «Biz bütün mövzuları müzakirə etdik. Xüsusilə də ikitərəfli əlaqələr, bölgənin vəziyyəti, Suriya böhranı başda olmaqla İslam dünyasındakı problemlər, qlobal məsələlər, Türkiyə rəsmilərinin İrana səfərləri və İran prezidentinin Türkiyəyə həyata keçirəcəyi səfəri haqqında fikir mübadiləsi apardıq».

Bu arada Türkiyənin xarici işlər naziri Ə.Davudoğlu ilə ABŞ dövlət katibi Con Kerri arasında telefon danışığı olub. Tərəflər müxtəlif məsələlərlə yanaşı, İranla «altılıq» ölkələri arasında keçirilən nüvə müzakirələri ilə bağlı da fikir mübadiləsi aparıblar.

Gürcüstanın kütləvi informasiya vasitələri - “Rezonansi”, “Axali taoba” (“Yeni nəsil”), “Sakartvelos Respublika” (“Gürcüstan Respublikası”) qəzetləri “Şahdəniz-2” layihəsinin yekun investisiya qərarının imzalanması barədə geniş yazılar dərc etmişlər. Televiziya kanallarında da bu mövzuya ətraflı yer verilmişdir.
“Rezonansi” qəzetinin 18 dekabr tarixli nömrəsində dərc edilmiş “Gürcüstan “Şahdəniz”in genişləndirilməsindən nə qazanacaqdır” sərlövhəli məqalədə Gürcüstanın Baş naziri İrakli Qaribaşvilinin “Şahdəniz-2” layihəsi ilə bağlı fikirləri yer almışdır. Baş nazirin sözlərinə görə, layihəyə dair yekun investisiya qərarının imzalanması Avropa üçün həlledici əhəmiyyətə malikdir. Onun fikrincə, bu layihə yaxın gələcəkdə Avropanın energetika xəritəsini bütünlüklə dəyişə bilər.
Gürcüstanın layihədən götürəcəyi fayda barədə sualı cavablandıran İ.Qaribaşvili demişdir: 5 il ərzində təxminən 700 milyon dollar həcmində sərmayə yatırımı, 2-3 min iş yeri qazanacağıq, boru kəmərinin ötürücülük qabiliyyəti 16 milyard kubmetrədək artacaq və bunun 5 faizi Gürcüstana qalacaqdır.