Gürcüstanın Kaxeti bölgəsinin Telavi rayonundakı Lopata kəndində “Şərq tərəfdaşlığı” ölkələrinin ərazi əməkdaşlığına dair regional konfrans keçirilmişdir.
Azərbaycanın və Gürcüstanın dövlət strukturlarının, qeyri-hökumət təşkilatlarının, kütləvi informasiya vasitələri nümayəndələrinin qatıldıqları tədbirdə “Şərq tərəfdaşlığı” ölkələrinin ərazi əməkdaşlığı proqramının strategiyası məsələsi müzakirə olunmuşdur.
Toplantını proqramın rəhbəri Aleksey Sakaryev açmışdır. Avropa və Avratlantikaya inteqrasiya məsələləri üzrə Gürcüstanın dövlət nazirinin müavini Məryəm Rekviaşvili Azərbaycan-Gürcüstan münasibətlərinin uğurla davam etdirilməsindən, birgə iqtisadi layihələrin həyata keçirilməsindən və digər aktual məsələlərdən söhbət açmışdır. Nazir müavini bu tədbirin sərhədyanı ərazilərdə əməkdaşlığın inkişafına münbit şərait yaradacağına əmin olduğunu vurğulamış, ölkəsinin bu istiqamətdə əməkdaşlığa hazır olduğunu bildirmişdir.
Azərbaycan Respublikası Prezidenti yanında Qeyri-Hökumət Təşkilatlarına Dövlət Dəstəyi Şurasının təmsilçisi Sahib Məmmədov diqqəti sərhədyanı əməkdaşlığın vacibliyinə, mülki cəmiyyətin bu proseslərdə iştirakının əhəmiyyətinə cəlb etmişdir. O qeyd etmişdir ki, Azərbaycanda xeyli sayda gürcü, Gürcüstanda isə azərbaycanlı yaşayır. Bizim birgə dəyərlərimiz vardır, onların qorunub saxlanmasına, daha da inkişaf etdirilməsinə çalışmalıyıq.
Azərbaycan Respublikası İqtisadiyyat və Sənaye Nazirliyinin beynəlxalq təşkilatlarla əməkdaşlıq şöbəsi müdirinin müavini Ruslan Rüstəmli ölkəmizin regional əməkdaşlığın inkişafına böyük önəm verdiyini vurğulamış, Azərbaycan-Gürcüstan münasibətlərinin bunun daha səmərəli təşkilinə imkan verdiyini qeyd etmişdir.
Sonda “Şərq tərəfdaşlığı” ölkələrinin ərazi əməkdaşlığı proqramının strategiyası” layihəsinin təqdimatı keçirilmişdir.

““El” Hərəkatı Partiyasını yaratdıq”.

Bunu  sözügedən partiyanın Təşkilat Komitəsinin sədri Əflan İbrahimov deyib.

Onun sözlərinə görə, bu gün təsis olunan partiyanın sədri qurultayda müəyyənləşəcək. Komitə sədrinin verdiyi məlumata əsasən, qurultayda 107 nəfər nümayəndə daxil olmaqla 120 nəfər qonaq iştirak edib.

Sabiq dövlət başçılarının təmsil olunduğu Mərkəzə cari ilin noyabrında isə Rumıniyanın sabiq prezidenti (1996-2000) Emil Konstantinesku, Serbiyanın sabiq prezidenti (2004-2012) Boris Tadic, Estoniyanın sabiq prezidenti (2001-2006) Arnold Ruutel, Latviyanın sabiq prezidenti (2007-2011) Valdis Zatlers üzv olublar. Hazırda Mərkəzin sıralarında dünyanın 14 sabiq ölkə başçısı təmsil olunur.

Qeyd edək ki, Nizami Gəncəvi Beynəlxalq Mərkəzi 30 sentyabr 2012-ci il tarixində Gəncə şəhərində Latviya Respublikasının sabiq prezidenti Vaira Vike-Freiberga və İsgəndəriyyə Kitabxanasının direktoru, Dünya Bankının sabiq I vitse-prezidenti İsmail Serageldinin rəhbərliyi ilə dünyanın bir qrup tanınmış ictimai və siyasi xadimləri tərəfindən  yaradılıb. Mərkəzin fəaliyyətinin prioritetini Azərbaycan xalqının dahi şairi Nizami Gəncəvi irsinin dünyada tanınması və təbliği  təşkil edir. Mərkəz tərəfindən görülmüş işlər və həyata keçirilmiş tədbirlər UNESCO tərəfindən yüksək qiymətləndirilərək  türk, yunan, hind, fars və kürd xalqları arasında dialoqun qurulmasında  önəmli rol oynadığı vurğulanılır.

Gürcüstanın nüfuzlu ən uzunömürlü nəşrlərindən olan “Sakartvelos Respublika” (“Gürcüstan Respublikası”) qəzetinin 18 dekabr tarixli nömrəsində “Azərbaycan region və Avropa üçün sabitliyə təminat verən ölkəyə çevrilmişdir” sərlövhəli məqalə dərc olunmuşdur.
Yazıda qeyd edilir ki, Azərbaycanda həyata keçirilən məqsədyönlü siyasət nəticəsində ölkənin beynəlxalq məkanda real güc kimi qəbul olunması, dünyanın aparıcı dövlətləri ilə qarşılıqlı faydalı əməkdaşlığın genişləndirilməsi, nüfuzlu beynəlxalq təşkilatlarda mövqeyinin güclənməsi və başqa məqamlar onun region və Avropa üçün sabitliyin təminatçısına, Şərqlə Qərb arasında etibarlı körpüyə çevrildiyini təsdiq edir.
Sonra oxuculara son 10 ildə Azərbaycanın keçdiyi inkişaf yolu barədə konkret faktlarla ətraflı məlumat verilmişdir. Ölkədə siyasi və iqtisadi islahatların paralel surətdə aparıldığı, demokratiyanın inkişafı, insan hüquqlarının qorunması, azad cəmiyyətin formalaşdırılması istiqamətində həyata keçirilən tədbirlər də gürcü oxucuların diqqətinə çatdırılmışdır.
Ulu öndər Heydər Əliyevin hakimiyyətə qayıdışı ilə ölkə həyatında baş vermiş əsaslı dəyişikliklər, Prezident İlham Əliyevin varisliyə sədaqət nümunəsi sayəsində Azərbaycan-Gürcüstan münasibətlərinin daha da dərinləşdirildiyi qeyd olunur.