Ermənistan prezidenti Serj Sərkisyanın başçılıq etdiyi nümayəndə heyəti sentyabrın 2-də Azərbaycan ərazisinə - işğal olunmuş Dağlıq Qarabağa səfər edəcək. Çağırılmamış "qonağın" səfərində məqsəd qondarma “Dağlıq Qarabağ Respublikası”nın müstəqilliyinin 23-cü ildönümü ilə bağlı tədbirlərdə iştirak etməkdir. Modern.az saytı Ermənistan mətbuatına istinadən xəbər verir ki, nümayəndə heyətinin tərkibində nazirlər və diaspor erməniləri də olacaq. Məlumatda qeyd olunur ki, sentyabrın 2-də Xankəndidə separatçıların hərbi paradı və Şuşa şəhərində Geoloji Muzeyin açılışı nəzərdə tutulub.

Bundan bir gün öncə - sentyabrın 1-də Qarabağa Ermənistan parlamentinin bütün fraksiyalarını təmsil edən deputat qrupu səfər edəcək.

Xatırladaq ki, 1991-ci il sentyabrın 2-də Qarabağ separatçıları Azərbaycandan ayrıldıqlarını, qanunsuz olaraq öz müstəqilliklərini elan ediblər.

Türkiyənin yenicə seçilmiş 12-ci prezidenti Rəcəb Tayyib Ərdoğanın dövlət başçısı qismində ilk xarici səfərinin tarxini rəsmən élan oluunub. Ərdoğan prezident İlham Əliyevin dəvəti ilə 2-3 sentyabr 2014-cü il tarixində Azərbaycan Respublikasında rəsmi səfərdə olacaq.

Modern.az saytı xəbər verir ki, bu barədə məlumatı Türkiyənin Prezident Administrasiyası bəyan edib.
Rəsmi məlumata görə, prezidentlərin görüşü zamanı Azərbaycan-Türkiyə arasındakı münasibətlərin müxtəlif aspektləri, iki ölkə arasındakı əməkdaşlıq, həmçinin Türkiyə ilə Azərbaycanın müştərək mənfəətlərini əks etdirən beynəlxalq və regional hadisələrin müzakirəsi gözlənilir.

Bundan başqa, bildirilir ki, Ərdoğanın səfəri hər iki ölkənin ortaq mənfəətlərinin inkişafı baxımından böyük bir fürsət olacaq.

Ukrayna prezidenti Pyotr Poroşenko Brüsseldə keçirdiyi mətbuat konfransında bəyan edib ki, Donbasdakı vəziyyətlə bağlı sülh planı gələn həftə hazır olacaq.

Dalgatv-nin  APA-ya istindən verdiyi xəbərə görə, o bildirib ki, sülh planı sentyabrın 1-də Ukrayna üzrə təmas qrupunun görüşündə Ukrayna, Rusiya və ATƏT nümayəndələri ilə birgə müzakirə ediləcək

“Ümid edirəm ki, görüşdə atəşkəs məsələsi müzakirəyə çıxarılacaq”, deyə Ukrayna prezidenti vurğulayıb.

Bundan əvvəl Rusiya prezidenti Vladimir Putin təmas qrupunun Ukrayna, Rusiya, Ukraynanın şərq regionu və ATƏT nümayəndələrinin iştirakı ilə məsləhətləşmələrin Minskdə keçirilməsinin vacibliyini qeyd edib.

“Heç kim münaqişənin eskalasiyasında maraqlı deyil və Dağlıq Qarabağ münaqişəsinin hərbi yolla həlli yoxdur”.

Modern.az saytının xəbərinə görə bunu Turan İnformasiya Agentliyinə müsahibəsində ATƏT-in ABŞ-dan olan həmsədri Ceyms Uorlik deyib. O bildirib ki, ATƏT-in Minsk Qrupu sülhün saxlanılmasına çalışır. Amerikalı diplomat qeyd edib ki, iyul ayının 31-dən başlaya və avqust ayının əvvəllərinə qədər davam edən cəbhə xəttindəki gərgin vəziyyət sülh prosesinə əngəldir

“Cəbhə xəttindəki münaqişə zamanı onlarla insanın ölməsi bizi sülhün nailiyyətinə gedən yolda geriyə salır. Həll yollarını tapmaq üçün işləmək və danışıqlar stolu arxasında səyləri ikiqat artırmaq lazımdır. Bunun üçün isə atəşkəs rejiminə əməl etmək ilkin şərtdir”.

Həmsədr Azərbaycan və Ermənistan prezidentlərinin yaxın zamanlrda növbəti görüşünün baş tutacağını da istisna etməyib:

“Prezidentlər NATO-nun Uelsdə keçiriləcək sammitində və ya BMT Baş Assambleyasının iclasında görüşə bilər”,-deyə C. Uorlik bildirib.

Qeyd edək ki, NATO-nun sammiti sentyabr ayının 4-5-də Uelsin paytaxtı Kardifdə keçiriləcək.

Rusiya təlaş içindədir ; NATO Rusiya sərhədlərində çevik qüvvələr yerləşdirəcək, yoxsa ...; “Şər imperiyası” yenidən dirçəlməyə can atır; ölkəmizdəki QHT repressiyaları ilə Rusiyanın hansı əlaqəsi var...

Bəlkə də ciddi heç nə baş verməyəcək. Bəlkə də NATO üzvləri uçan boşqablardan, yad planetlilərdən danışıb sonra da birgə şəkil çəkdirəcək və evlərinə dağılışacaqlar. Amma Rusiya təlaş içindədir. Bu ölkədə fikirləşirlər ki, görən NATO Ukraynaya, Moldovaya və Gürcüstana hansı statusu verəcək? Burada hələ də təlaş içindədirlər ki, NATO Rusiya sərhədlərində çevik qüvvələr yerləşdirəcək, yoxsa bu da bir söz-söhbətdir?
Bəli, Rusiya təlaş içindədir, sentyabrın 4-5-də Uelssdə toplaşacaq NATO bosları isə çox danışmağı sevmirlər. Hələlik yalnız çevik qüvvələrlə bağlı nəsə deyilir. NATO rəhbərləri bu qüvvələrin yerləşdirilməsini onunla əsaslandırırlar ki, İkinci Dünya müharibəsindən sonra Rusiya ilk dövlət oldu ki, başqa bir dövlətin ərazisini zorla özünə birləşdirdi...
Üç ölkəyə veriləcək statusa gədikdə isə belə bildirirlər ki, Moldova, Ukrayna və Gürcüstanla “Gücləndirilmiş əməkdaşlıq” sazişi imzalanacaq.

Halbuki bir az əvvəl deyirdilər ki, bu üç ölkəyə tam üzvlük yolunda sonuncu mərhələ olan “Üzvlük planı” təqdim ediləcək...

Düzdür, soyuq müharibə bitəndən sonra ilk dəfədir ki, NATO yenidən Rusiyanı əsl rəqib kimi qiymətləndirməyə başlayıb...

“Rusiya Avropada güc yolu ilə hüquq qurmağa çalışır. Rusiya Avropada hüququn güclü tərəfdə olmasını göstərmək istəyir”.

Modern.az saytı xarici KİV-ə istinadla xəbər verir ki, belə bəyanatla ABŞ prezidenti Barak Obama çıxış edib. Onun sözlərinə görə çoxlarının buna görə narahatlığını anlayır.

O, Rusiya prezidenti Vladimir Putini də ittiham edib.
"Avropaya baxanda Rusiya prezidenti qərarların qəbulunda geridə qalır. Həmçinin özünün qonşularının müstəqilliyinə və ərazi bütövlüyünə qəsd edir. O kimin daha güclü və üstün hüquqlara malik olması ilə bağlı iddiaları sübut etməyə çalışır.”,-deyə Ağ Ev rəhbəri söyləyib.