Türkiyənin Urfa vilayətinin Suruç rayonunun keçmiş bələdiyyə başçısı və oğlunun avtomobilinə edilmiş silahlı hücum nəticəsində hər ikisi həlak olub.

ANS PRESS-in məlumatına görə, Salih Tekinalp və oğlu Sinan Tekinalpa hücum bu gün yerli vaxtla saat 16-radələrində Urfa-Suruç yolunda baş verib.

Ata-oğul Urfadan şəhərlərinə dönən zaman avtomobil şəxsiyyətləri hələ müəyyən edilməmiş adamlar tərəfindən atəşə tutulub. Ata və oğul açılan atəş nətiəcəsində həlak olduğundan avtomobil idarə etməni itirərək yol kənarındakı maneələrə çırpılıb.

Türkiyə prezidenti Rəcəb Tayyip Ərdoğan Əfqanıstanla strateji əməkdaşlıq haqda razılaşma imzalamaq üçün Kabilə gedib.

ANS PRESS-in məlumatına görə, onun Əfqanıstan prezidenti Əşrəf Qəni Əmədzai və digər yüksək səviyyəli rəsmilərlə görüşü gözlənilir. Bu, son 60 ildə Türkiyə prezidentinin Əfqanıstana ilk səfəri hesab olunur.

Ərdoğan Türkiyə vəsaiti ilə paytaxt Kabilin qərbində inşa olunan yolun açılışına da qatılacaq.

Ərdoğan Kabilə 2005-ci ildə baş nazir olarkən səfər etmişdi. Türkiyə hökuməti 2001-ci ildən Əfqanıstanın hərbi, iqtisadi və tikinti sahəsində mühüm rol oynayır.

400-dək türk əsgəri beynəlxalq koalisiya tərkibində Kabil ətrafında xidmət edir.

Ermənistan hakimiyyəti Azərbaycanın hansı şərtlərini qəbul edərək Avrasiya İqtisadi İttifaqına girməsini şərh etmir. Belə ki, Qazaxıstan prezidenti Nursultan Nazarbayevin Avrasiya İqtisadi İttifaqının Minsk sammitində Ermənistanın Azərbaycanın şərtlərini qəbul etməsinə işarə vuran çıxışını rəsmi Yerevan cavablandırmaqdan imtina edir.
Modern.az saytının erməni KİV-nə istinadən verdiyi məlumata görə Ermənistan Prezident Administrasiyasının rəhbəri Viden Sərkisyan məsələ ilə bağlı ona ünvanlanan sualı susqunluqla qarşılayıb.

Ermənistan prezidenti Serj Sərkisyanın mətbuat katibi Armen Saqatelyan isə ölkənin xarici işlər nazirinin müavini Savarş Köçəryanın açıqlamasında istinad edib. Lakin o Qazaxıstan rəhbərinin açıqlamasına münasibət bildirməkdən belə bəhanə ilə imtina edib: “Başqa ölkə prezidentlərinin bəyanatlarının şərh edilməsi Ermənistan prezidentinin mətbuat katibinin hüquqi səlahiyyətlərinə daxil deyil”.

Xatırladaq ki, Ermənistan XİN başçısının müavini Savarş Köçəryan açıqlamasında Yerevan hökumətinin Avrasiya İttifaqına girmək üçün Azərbaycana getdiyi kompromisdə Dağlıq Qarabağ danışıqları ilə bağlı məsələlərin yer almadığını bildirib.

Qeyd edək ki, bu ilin may ayının 29-da Rusiya, Qazaxıstan, Belarus dövlət başçılarının iştirakı ilə gerçəkləşən Avrasiya İqtisadi İttifaqının təsis konfransında Nursultan Nazarbayev Azərbaycan prezidenti İlham Əliyevin Ermənistanın quruma üzvlüyü üçün şərtlərini özündə ehtiva edən məktubunu oxumuşdu. Məktubda prezident İlham Əliyev Ermənistanın beynəlxalq təşkilatlar tərəfindən tanınan sərhədlər çərçivəsində Avrasiya İqtisadi İttifaqına üzv olması şərtini irəli sürmüşdü.

Həmin tədbirdə iştirak edən Ermənistan prezidenti Serj Sərkisyan və xarici işlər naziri Edvard Nalbandyan isə Azərbaycan prezidentinin bu xatırlatmasını biabırçı susqunluqla qarşılamışdılar.

Avrasiya Birliyinin oktyabrın 10-da Minskdə keçirilən sammitində isə Ermənistanın təşkilata qoşulması haqqında sənəd imzalandı. Sammitdə çıxış edən Qazaxıstan lideri Nursultan Nazarbayev çıxışında bəyan etdi ki, Ermənistanın hansı sərhədlər daxilində Avrasiya Birliyinə üzvlüyünə dair məsələlər ətrafında kompromis əldə olunub. Yəni, Nazarbayevin çıxışından belə anlaşıldı ki, Ermənistanın Dağlıq Qarabağdakı separatçı rejimi Avrasiya İttifaqına qoşmaq istiqamətindəki səyləri fiaskoya uğrayıb.

Azərbaycan və Gürcüstan Müdafiə Nazirlikləri arasında 2015-ci il üçün ikitərəfli əməkdaşlıq planının layihəsi razılaşdırılıb.

ANS PRESS-in Müdafiə Nazirliyinə istinadla verdiyi məlumata görə, Bakı şəhərində Azərbaycan Respublikası Müdafiə Nazirliyi ilə Gürcüstan Müdafiə Nazirliyi arasında ikitərəfli hərbi məsləhətləşmələr keçirilib.

Danışıqlara Azərbaycan tərəfdən Müdafiə Nazirliyi Beynəlxalq Hərbi Əməkdaşlıq İdarəsinin rəisi general-mayor Hüseyn Mahmudov, Gürcüstan tərəfdən isə Müdafiə Nazirliyinin Beynəlxalq Əlaqələr və Avro-Atlantik İnteqrasiya Departamenti İkitərəfli Əməkdaşlıq İdarəsinin rəisi cənab İosif Cikia rəhbərlik ediblər.

Görüşdə iki ölkə arasında hərbi, hərbi-texniki və hərbi-təhsil sahələrində əməkdaşlığın cari vəziyyəti və perspektivləri müzakirə olunub, regional təhlükəsizlik məsələləri barədə fikir mübadiləsi aparılıb.

Müzakirələrin yekunu olaraq "Azərbaycan Respublikasının Müdafiə Nazirliyi və Gürcüstanın Müdafiə Nazirliyi arasında 2015-ci il üçün ikitərəfli əməkdaşlıq Planı"nın layihəsi razılaşdırılıb.

Moskvadakı Bakı Mədəniyyət Mərkəzində 18 Oktyabr - Azərbaycan Respublikasının Dövlət Müstəqilliyi haqqında Konstitusiya Aktının qəbul edildiyi gün qeyd olunub, eyni zamanda “Azərbaycan müstəqilliyinin formalaşmasında və möhkəmləndirilməsində ulu öndər Heydər Əliyevin rolu” layihəsinin bağlanış mərasimi keçirilib.

Diasporla İş üzrə Dövlət Komitəsinin mətbuat xidmətindən APA-ya verilən məlumata görə, Ümumrusiya Azərbaycan Konqresi (ÜAK), Azərbaycan Mədəniyyətinin İnkişafı və İntibahı Fondu, Azərbaycan-Slavyan Gəncləri Assosiasiyası (ASGA) İctimai Birliyinin birgə təşkilatçılığı ilə keçirilən mərasimdə Azərbaycan diaspor təşkilatlarının rəhbərləri, Azərbaycanın Rusiyadakı səfirliyinin təmsilçisi, QHT və media nümayəndələri, Rusiyada təhsil alan tələbələr iştirak ediblər.

Azərbaycan və Rusiya dövlət himnləri ilə başlayan tədbirdə Azərbaycanın Dövlət Müstəqilliyi Gününə həsr olunmuş qısa videoçarx nümayiş etdirilib. ASGA-nın sədri Səbuhi Abbasov Azərbaycanın dövlət müstəqilliyinin qorunması və möhkəmlənməsində Heydər Əliyevin xidmətlərindən bəhs edib. S. Abbasov rəhbərlik etdiyi təşkilatın apardığı sorğunun nəticələri haqqında da məlumat verib. Onun sözlərinə görə, 6 minə yaxın gənc, KİV nümayəndəsi və QHT arasında aparılmış sorğuya əsasən Azərbaycanın Rusiyadakı səfiri Polad Bülbüloğlu “İlin səfiri”, Ümumrusiya Azərbaycan Konqresi isə (ÜAK) “İlin diaspor təşkilatı” seçilib. ÜAK icraçı direktoru İlqar Hacıyev isə Dövlət Müstəqilliyi Günü münasibətilə təbrikini çatdırıb. Daha sonra tədbirdə Azərbaycanın Rusiyadakı səfirliyinin müşaviri Aqşin Əliyev, Rusiya Azərbaycan Gənclər Təşkilatının nümayəndəsi Ramil Rəcəbov, Azərbaycan Mədəniyyətinin İnkişafı və İntibahı Fondunun direktoru Şamil Tağıyev və başqaları çıxış edərək Heydər Əliyevin xidmətlərindən söz açıblar.

Sonda çıxış edən ASGA-nın Rusiya nümayəndəliyinin rəhbəri Toğrul Allahverdiyev ÜAK, ASGA-nın Rusiya nümayəndəliyi və Azərbaycan Mədəniyyətinin İnkişafı və İntibahı Fondunun birgə reallaşdırdığı “Azərbaycan müstəqilliyinin formalaşmasında və möhkəmləndirilməsində ulu öndər Heydər Əliyevin rolu” layihəsinin yekunu haqqında məlumat verib. Tədbirin yekununda layihənin qalibləri mükafatlandırılıb. İlk olaraq Rusiyada reallaşdırılan layihənin digər slavyan ölkələrində də həyata keçirilməsi planlaşdırılır.

Oktyabrın 16-da Azərbaycanın Rusiyadakı səfiri Polad Bülbüloğlu Azərbaycan-Slavyan Gəncləri Assosiasiyası (ASGA) İctimai Birliyinin üzvlərini qəbul edib.

Azərbaycanın Rusiyadakı səfirliyindən APA-ya verilən xəbərə görə, görüşdə ASGA-nın təsisçisi və sədri Səbuhi Abbasov bildirib ki, ASGA tərəfindən həyata keçirilən “Azərbaycanın müstəqilliyinin qazanılmasında və möhkəmləndirilməsində Ulu Öndər Heydər Əliyevin rolu” adlı layihə çərçivəsində Heydər Əliyev irsinin araşdırılması və təbliği istiqamətində görülən işlərdə Azərbaycan Respublikasının diplomatik nümayəndəliklərinin rolunu qeyd edən təşkilat sədri, bununla bağlı azərbaycanlı gənclər, eyni zamanda Azərbaycanın KİV və QHT nümayəndələri arasında sorğu aparıldığını bildirib. O qeyd edib ki, sorğunun nəticələrinə əsasən səfir Polad Bülbüloğlu respondentlər tərəfindən “İlin səfiri” mükafatına layiq görülüb. Daha sonra mükafat səfir Polad Bülbüloğluna təqdim edilib.

Mükafata görə, ASGA-nın üzvlərinə və sorğuda iştirak etmiş hər bir respondentə təşəkkürünü bildirən səfir Polad Bülbüloğlu, mükafatı səfirliyin hər bir diplomatına verilən qiymət kimi dəyərləndirib. Həmçinin Polad Bülbüloğlu prezident İlham Əliyevin rəhbərliyi ilə Azərbaycan-Rusiya münasibətlərinin inkişaf etdiyini bildirib və son dövr ərzində iki ölkə arasında həyata keçirilən yüksək səviyyəli qarşılıqlı səfərləri qeyd edib. Azərbaycanın Rusiyadakı səfiri iki ölkənin ictimai-siyasi həyatında, xalqlarımız arasında ənənəvi dost və qonşuluq münasibətlərinin inkişafında gənclərin rolunu xüsusi vurğulayıb. Bu əlaqələrin daha da möhkəmləndirilməsi üçün gənclərin gələcəkdə də mövcud olan ənənəni davam etdirməli olduqlarını söyləyib. Bu müstəvidə Polad Bülbüloğlu Heydər Əliyev Fondunun Rusiyadakı nümayəndəliyinin rəhbəri Leyla Əliyevanın sədri olduğu Rusiyanın Azərbaycanlı Gənclər Birliyinin (AMOR) fəaliyyəti, onun keçirdiyi tədbirlər haqqında məlumat verib.

Görüşün sonunda səfir Polad Bülbüloğlu ASGA üzvlərinə gələcək fəaliyyətlərində uğurlar arzulayıb.