Prezident İlham Əliyev Avropa İttifaqının Cənubi Qafqaz üzrə xüsusi nümayəndəsi Herbert Salberin başçılıq etdiyi nümayəndə heyətini qəbul edib.

"Dalğa TV"-nin AzərTAc-a istinadən məlumatına görə, Herbert Salber ölkəmizə səfərinin Avropa İttifaqı ilə Azərbaycan arasındakı əlaqələrin hazırkı mərhələsində bəzi məsələlərin və eləcə də regiondakı münaqişənin müzakirəsi üçün yaxşı imkan yaradacağını bildirib.
Avropa İttifaqının Cənubi Qafqaz üzrə xüsusi nümayəndəsinin Azərbaycana son səfərindən ötən dövr ərzində regionda və eləcə də dünyada bir çox hadisələrin baş verdiyini qeyd edən dövlətimizin başçısı bu məsələlərlə bağlı fikir mübadiləsi aparılmasının vacibliyini qeyd edib. Ermənistan-Azərbaycan, Dağlıq Qarabağ münaqişəsinə toxunan Prezident İlham Əliyev bildirib ki, münaqişənin həlli regional sabitlik üçün ən əhəmiyyətli amillərdən biridir. Dövlətimizin başçısı qeyd etdi ki, Ermənistan tərəfinin məqsədi danışıqlar prosesini uzatmaq və mövcud status-kvonu saxlamaqdan ibarətdir. Prezident İlham Əliyev status-kvonun uzun müddət davam etməsinin qəbuledilməz olduğunu və bu məsələnin ATƏT-in Minsk qrupunun həmsədr ölkələrinin prezidentləri tərəfindən də dəfələrlə bəyan edildiyini vurğulayıb.
Təmas xəttində baş verən hadisələrə toxunan Prezident İlham Əliyev Ermənistan tərəfinin Azərbaycanı təxribata çəkdiyini vurğulayıb. Belə halların Ermənistan tərəfinin taktikası olduğunu qeyd edən dövlətimizin başçısı beynəlxalq vasitəçilərin də bu məsələyə tam ciddiliyi ilə yanaşmadıqlarını deyib.
Azərbaycan-Avropa İttifaqı əlaqələrinə toxunan Prezident İlham Əliyev Avropa İttifaqının bəzi dairələrinin ölkəmizlə bağlı qərəzli mövqeyinin yolverilməz olduğunu bildirib.

"Fransa Dağlıq Qarabağ münaqişəsinin tərəfləri olan Azərbaycan və Ermənistanı bundan sonra sərhəddə və təmas xəttində hadisə törətməməyə çağırır".

"Dalğa TV" Ermənistan KİV-inə istinadən xəbər verir ki, bunu Fransa prezidenti Fransua Olland BMT Baş Assambleyasının sessiyasındakı çıxışından sonra keçirdiyi mətbuat konfransında Azərbaycan-Ermənistan qoşunlarının təmas xəttində baş verənlərə m ünasibət bildirərkən deyib.

O vurğulayıb ki, Fransa ATƏT-in Minsk qrupunun həmsədri kimi, Dağlıq Qarabağ m ünaqişəsinin dinc yolla həllində maraqlıdır: "Ona görə də biz maraqlı tərəfləri sərhəddə və təmas xəttində hadisə törətməməyə çağırırıq. Biz vasitəçilik səylərimizi g ücləndirməkdə davam edirik. Bildiyiniz kimi, mən həm Ermənistana, həm də Azərbaycana m ünaqişənin uzunm üddətli həlli yolunu tapa biləcəyimizə çağırmaq üç ün getmişdim".

ABŞ Prezidenti Barak Obama Azərbaycan Prezidentiİlham Əliyevə təbrik məktubu göndərib.

"Dalğa TV" xəbər verir ki, B.Obama Azərbaycan Prezidentini Qurban bayramı münasibətilə təbrik edib.

Təbrik məktubunda deyilir: "Hörmətli cənab Prezident,

Amerika və dünya müsəlmanlarının Qurban bayramını qeyd etdiyi bir vaxtda Mişel və mən Sizə ən səmimi təbriklərimizi yetiririk. Biz vacib əməl olan Həcc ziyarətini uğurla başa vurmuş üç milyon müsəlman zəvvarla birgə minlərlə ABŞ vətəndaşını da təbrik edirik.

Həcc ziyarəti müxtəlif mənşə və ənənələrə malik insanların ortaq bəşəri dəyərləri bölüşmək üçün bir araya gəlməsini nümayiş etdirir.

Qurban bayramı həm sevinc və şənlik, həm də xeyriyyəçilik və mərhəmət, dua və dərin düşüncə bayramıdır. Birləşmiş Ştatlardan və dünyanın hər yerindən milyonlarla müsəlmanın İbrahim peyğəmbərin oğlunu qurban verməyə hazır olmasını yad etməklə ehtiyacı olanlara humanitar yardım göstərmələri məni ruhlandırır.

Dünyada iztirabların heç biri Birma, Nigeriya, İraq və Suriyada münaqişədən qaçan, ağlasığmaz qəddarlıq və məhrumiyyətlərə düçar olan günahsız kişi, qadın və uşaqların üzləşdikləri qədər açıq-aşkar deyil.

Biz bu durumda olan qonşularına qayğı göstərmək üçün əlindən gələni əsirgəməyən xalqları təqdir etməliyik.

Bu cür mərhəmət əməlləri bütün məzhəblərdən olan insanların ortaq mənşə və dəyərlərini önə çəkir. Bu, mənim Prezident kimi tanış olduğum və dəyərləndirdiyim dünya ictimaiyyətinin əsl simasını – mərhəməti, müxtəlifliyi və əməkdaşlığı təcəssüm etdirir.

Amerika xalqı adından dünyanın hər yerindəki müsəlman icmalarına Qurban bayramı təbriklərimizi çatdırırıq.

Qurban bayramınız mübarək və Həcc ziyarətləriniz qəbul olsun".

ABŞ-ın CNN telekanalının xəbərlərinin aparıcısı Eşli Banfild birbaşa efirdə Rusiya prezidentini indiki dövlət başçısı Vladimir Putinin sələfi olan Boris Yeltsin adlandırıb.

"Dalğa TV" xarici KİV-ə istinadən bildirir ki, Banfild bu yanlışlığı Putin BMT-nin Baş Assambleyasındakı çıxışını başa vurandan sonra edib.

Ancaq aparıcı tez səhvini başa düşüb gülümsəyərək tamaşaçılardan üzr istəyib: Oy, bağışlayın məni! Mən 20 il geriyə qayıtmışam”.
O, bundan sonra Putinin BMT-nin Baş Assambleyasındakı çıxışından danışmağa başlayıb və Rusiyanın indiki dövlət başçısının adını səhv salmayıb.

Nyu-Yorkda dünən baş tutan, Suriya və Ukraynadakı durumun əsas müzakirə mövzusu olduğu BMT Baş Assambleyasının növbəti sessiyasında ABŞ və Rusiya prezidentlərinin görüşü günə damğasını vurub.

Dalğa TV xəbər verir ki, Baş Assambleyadakı çıxışlarından sonra hər iki lider Ban Ki Munun dövlət başçıları şərəfinə verdiyi yeməkdə bir araya gəliblər.
İki ildir rəsmi formatda görüş keçirməyən, rəsmi görüşlərdə sadəcə ayaqüstü görüşən Obama və Putin qədəh toqquşduraraq tarixi görüntüyə imza atıblar.
Görüşdə diqqət çəkən məqam isə Obamanın Putinlə söhbət əsnasında gülməsi, ikincinin isə heç bir halda ciddiyyətini pozmaması olub.

Putin həmkarı ilə görüşün təəccüb doğuracaq qədər açıq keçdiyini etiraf edib:

Mənə elə gəlir ki, amerikalı həmkarım da bir çox məsələlərdə, o cümlədən Ukraynadakı situasiyanın nizamlanması, Suriya və Yaxın Şərq problemlərində öz mövqelərini kifayət qədər açıq şəkildə ortaya qoydular. Qəribə olsa da, bizim çoxlu üst-üstə düşən fikirlərimiz var. Lakin fikir ayrılıqları da mövcuddur. Mənim fikrimcə, ortaq problemlər üzərində birgə işləmək imkanı var”.

"Rusiya ilə dialoq seçim mövzusu deyil, vacibdir, lakin buna vaxt lazımdır".

"Dalğa TV" "RİA Novosti"yə istinadən xəbər verir ki, bunu Gürcüstan prezidenti Georgi Marqvelaşvili ABŞ-a səfəri zamanı bildirib.

"Rusiya ilə dialoq seçim mövzusu deyil, bu bizim xoşumuza gəlsə də, gəlməsə də, vacibdir. Lakin belə danışıqlar üçün vaxt yetişməlidir. Rusiya rəhbərliyi və daxili siyasi diskurs elə bir məqama diqqəti yönəltməlidir ki, biz orada ortaq bir maraq görək" - G.Marqvelaşvili Nyu-Yorkda gürcü diasporunun nümayəndələri ilə görüşdə deyib.

Qeyd edək ki, Gürcüstan prezidenti hazırda ABŞ-da işgüzar səfərdədir. O, Nyu-York və Vaşinqtonda müxtəlif tədbirlərdə iştirak edəcək.