Rusiyanın ABŞ-dakı səfirliyinin binası qarşısında etiraz aksiyası ke çirilib.

"Dalğa TV" xarici KİV-ə istinadən xəbər verir ki, aksiya iştirak çıları əllərində Suriya və ABŞ-ın bayraqlarını, ingilis və ərəb dillərində şüarlar yazılan plakatları tutublar.

Etiraz çılar Rusiyanın Suriyadakı fəaliyyətinin əleyhinə olduqlarını deyiblər, "Suriyalılara u çuşa qadağan edilən zona lazımdır!", "Rusiya, Suriyadan təcili çıx!" şüarları səsləndiriblər.

Gürcüstanda NATOhəftəsi keçiriləcək.

APA-nın Gürcüstan bürosunun məlumatına görə, bu barədə Gürcüstanın Avrointeqrasiya məsələləri üzrə dövlət nazirliyinin aparatı məlumat yayıb.

Məlumata görə, oktyabrın 25-də Gürcüstanda NATO həftəsinin açılışı olacaq və noyabrın 7-8-nə kimi davam edəcək. NATO həftəsi tədbirlərində NATO-nun baş katibinin Cənubi Qafqaz və Mərkəzi Asiya üzrə xüsusi nümayəndəsi Ceyms Appaturayın iştirakı gözlənilir.

Qeyd edək ki, Gürcüstan  2016-cı ilin iyul ayında Varşavada baş tutacaq NATO Sammitinə fəal hazırlaşır.  Son zamanlar hökumət nümayındələriAvropa İttifaqı və ABŞ-a səfərlər zamanı siyasi tərəfdaşları razı salmağa çalışır ki,  Gürcüstan NATO üzvlüyünə hazırdır.

Gürcüstanın Avrointeqrasiya məsələləri üzrə dövlət nazirliyinin aparatı bildirib ki, NATO həftəsi ilə bağlı digər detallar bir az sonra mətbuatda yayımlanacaq.

Qeyd edək ki, oktyabrın 27-də azərbaycanlıların kompakt yaşadığı Marneulidə də NATO həftəsi tədbirləri keçiriləcək və Gürcüstanın rəsmi nümayəndələri bu tədbirlərin keçirilməsində fəal iştirak edəcəklər.

Oktyabrın 8-də Azərbaycanın Gürcüstandakı səfirliyində Gürcüstanda səfərdə olan Azərbaycanın təhsil naziri Mikayıl Cabbarov ilə azərbaycanlı icmasının nümayəndələri ilə görüş keçirilib.

APA-nın Gürcüstan bürosunun məlumatına görə, görüşü Azərbaycanın Gürcüstandakı səfiri Azər Hüseyn açaraq Azərbaycanın təhsil nazirinin Gürcüstana səfərini yüksək qiymətləndirib və keçirilən görüşlərin səmərəli olduğunu bildirib. Sonra nazir Mikayıl Cabbarov azərbaycanlı icmasının nümayəndələri qarşısında çıxış edib. Nazir görüşə gəldikləri üçün Azərbaycan icmasının üzvlərinə minnətdarlığını bildirib.

Mikayıl Cabbarov çıxışında Azərbaycan və Gürcüstanda təhsil sahəsində bir sıra layihələrin həyata keçirildiyini qeyd edib: "Son 10 il ərzində Gürcüstanın ali məktəblərində azərbaycanlı tələbələrin sayı onlarla artıb. Bu, böyük uğurdur və tələbələrimizin sayı dəfələrlə çox ola bilər. Gürcüstan təhsil nazirliyinin həyata keçirdiyi 1+4 proqramı etnik icmalara da şamil olunur. Nazirliklə bizim məqsədlərimiz üst-üsə düşür."

Nazir icma üzvləri ilə görüşündə Azərbaycanda təhsilin vəziyyəti və bu sahədə görülən işlərdən danışıb. O, Azərbaycanda 4.500 təhsil müəssisəsinin 3 mindən çoxunun yenidən tikildiyini və əsaslı şəkildə təmir olunduğunu bildirib və bu məktəblərdə 1 mln 300 min şagird təhsil aldığını, gələcəkdə şagirdlərin sayının daha da artacağını qeyd edib."

Görüşdə Gürcüstanda fəaliyyət göstərən azərbaycandilli məktəblərin vəziyyəti və kadr çatışmazlığı məsələləri ən aktual müzakirə mövzusu olub. Nazir Azərbaycanda müəllim peşəsinə marağın çoxaldığını və Gürcüstanın təhsil nazirinin də bu fikirdə olduğunu bildirib: "Hər iki dövlətin eyni maraqları üst-üstə düşən maraqlardır. Biz nazirlə bir sıra aktual məsələlər haqqında müzakirə aparmışıq. İlk növbədə azərbaycandilli məktəblərdə müəllim çatışmazlığı və müəllimin dərs demə keyfiyyəti bizi çox maraqlandırıb."

Tədbirdə nazir azərbaycandilli məktəblərdə müəllimlərin ixtisas artırma sahəsində təkmilləşdirmə kursları üçün mütəxəssislər göndərilməyinə razı olduğunu bildirib.

Nazir ilə görüşdə Azərbaycanlıların Mədəniyyət Mərkəzinin sədri Fazil Həsənov, "Qeyrət" Xalq Hərəkatının sədri Əlibala Əsgərov, "Qarapapaqlar" jurnalının baş redaktoru Akif Xansultanlı müxtəlif təkliflər irəli sürüblər. Tədbirdə Azərbaycan və Gürcüstan hökumətinin səyi nəticəsində kadr siyasətinin həll edilməsinin mümkün olduğu bildirilib. Tədbirdə Gürcüstanda milli musiqimizin təbliği, yaşadılması və qorunması ilə bağlı incəsənət gimnaziyasının yaradılması təklif edilib.

Tədbirdə nazirə Ermənistanla sərhəddə yerləşən Sadaxlı kənd orta məktəbinin 110 illik yubileyi keçiriləcəyi bildirilib və nazir bu yubileyə dəvət edilib.

Nazir Mikayıl Cabbarov ona ünvanlanan sualları cavablandırıb.

Tədbirdə Gürcüstanın baş nazirinin köməkçisi Savalan Mirzəyev, Gürcüstan parlamentinin indiki və sabiq azərbaycanlı deputatları, səfirlik əməkdaşları, Gürcüstan barış və vətəndaş məsələləri üzrə dövlət nazirliyinin Kvemo Kartli üzrə müşaviri Zaur Darğallı, QHT rəhbərləri və jurnalistlər, məktəb direktorları iştirak ediblər.

NATO-nun baş katibi Yens Stoltenberq Gürcüstan-NATO komissiyasının iclası başlamazdan əvvəl yenidən Rusiyanı Abxaziya və Cənubi Osetiyanın "müstəqilliyinin" tanınmasını ləğv etməyə çağırıb .

"Gürcüstanın təhlükəsizliyini möhkəmləndirmək çox vacibdir. Gürcüstan sərhədlərinin dünya tərəfindən tanıdıldığı suveren dövlətdir. Onun öz gələcəyini, təhlükəsizliyin təmin olunması üçün tədbirləri müəyyən etmək hüququ var", deyə NATO-nun baş katibi qeyd edib.

Onun sözlərinə görə, Rusiya indiyədək Gürcüstanın sərhədlərini pozmaqda davam edir. "NATO Rusiyanı Abxaziya və Cənubi Osetiyanın "müstəqilliyinin" tanınmasını ləğv etməyə çağırır", deyə baş katib bildirib.

"NATO Uelsdəki sammit zamanı Gürcüstana böyük yardım paketinin ayıracağını vəd etmişdi və biz sözümüzə əməl edirik", deyə baş katib bildirib və Gürcüstanın da öz öhdəliklərinə əməl edərək islahatlar layihəsini davam etdiyini bildirib. Yens Stoltenberq Gürcüstan-NATO əməkdaşlığının möhkəmləndirilməsini dəstəkləməkdə davam edəcəyini bildirib.

Hollandiyanın Haaqa şəhərində yerləşən Beynəlxalq Cinayət Məhkəməsi 2008-ci ildə Cənubi Osetiyada baş verən müharibə ilə bağlı araşdırmalara başlayıb.

"Dalğa TV" Rusiya KİV-nə istinadən xəbər verir ki, Rusiya tərəfinin təqdim etdiyi sənədlər əsasında Cənubi Osetiya ərazisində hərbi cinayətlərin törədildiyi və bu cinayətlərdə hazırda Ukraynanın Odessa vilayətinin qubernatoru səlahiyyətlərini icra edən eks-prezident Mixail Saakaşvilinin əsas müttəhim ola biləcəyi deyilir.

Xüsusi komissiya Rusiya tərəfinin təqdim etdiyi sənədlərə əsasında bununla bağlı qərar çıxaracaq.

ATƏT-in monitorinq komissiyasının keçmiş sədr müavini Elene Tevdoradze isə Haaqa məhkəməsinə təqdim edilən sənədlərin Mixail Saakaşvilinin həbsinə yol aça biləcəyini deyib. Onun sözlərinə görə, hərbi cinayət iddiaları sübut olunarsa, keçmiş Gürcüstan prezidentini 30 ildən ömürlük həbs cəzasına qədər cəzası gözləyir.

Bundan öncə, Gürcüstan hökuməti Saakaşvilini ölkə vətəndaşlıqdan məhrum etmişdi.

Bu il noyabrın 1-də keçiriləcək Milli Məclisə seçkilərdə deputatlığa namizədliyi qeydə alınanların seçkiqabağı təşviqatının aparılmasına başlanılıb.

"Dalğa TV"nin xəbərinə görə, təşviqatı qeydə alınmış namizədlər, onların səlahiyyətli nümayəndələri və vəkil edilmiş şəxsləri, namizədi qeydə alınmış siyasi partiyalar, siyasi patiyaların blokları, onların səlahiyyətli nümayəndələri və vəkil edilmiş şəxsləri apara bilərlər.

V çağırış Azərbaycan Milli Məclisinə seçkilərin hazırlanıb keçirilməsi üzrə əsas hərəkət və tədbirlərin Təqvim Planına əsasən, seçkiqabağı təşviqat səsvermə gününə 23 gün qalmış - 9 oktyabrda başlanır və səsvermənin başlanmasına 24 saat qalmış - 31 oktyabr saat 08:00-da dayandırılır.

Qeyd edək ki, indiyədək 1 233 nəfərin deputatlığa namizədliyi qeydə alınıb.