Rusiya Liberal-Demokratik Partiyasının lideri Vaşinqtonun şəxsi maraqlarına görə Yaxın Şərqdə terrorçulardan istifadə etdiyinə əmin olduğunu bildirib.

RLDP-nın lideri Vladimir Jirinovski ABŞ-ın həqiqətdə İŞİD teror qruplaşmasını məhv etməyə çalışmadığını hesab edir.

"Dalğa TV" ans press-ə istinadən xəbər verir ki, Jirinovski amerikalıların bir ay ərzində Suriyada müharibəni bitirmək imkanına malik olduğunu bildirib.

Siyasətçi bunun üçün amerikalılarda bütün imkanların olduğunu qeyd edərək onların həmçinin ərazi haqqında mükəmməl bilgilərinin olmasını da vurğulayıb.

"Amerikalılar yəqin ki, İŞİD teror qruplaşmasına kömək edirdilər və edirlər. Bu terrorçu qruplaşmanın əsasını ABŞ-ın istifadə etdiyi və İraqdan atılmış iraqlı hərbi qulluqçular təşkil edir. Amerikalılar bütün hakimiyyəti şiələrə veriblər", - deyə Jirinovski bildirib.

Vladimir Jirinovskinin fikrincə, Vaşinqtonda İŞİD terorçu qruplaşmanın obyektlərinin harada yerləşməsi haqqında xəritələr var. Amma ABŞ Rusiya pilotlarına dəqiq koordinatları verməyəcək. Siyasətçi güman edir ki, əksinə amerikalılar səhv məlumatları verə bilərlər. Buna görə Rusiyanın ABŞ-la əməkdaşlıqdan çəkinməsi daha yaxşıdır.
"Amerikalılara neftin qiymətinə təsir etmək üçün İŞİD terorçu qruplaşmasına yiyələnmək sərfəlidir.

Həmçinin Türkiyəyə, İran, Suriyaya təsir etmək və Bəşər Əsədi zəiflətmək üçün. Onlar Yaxın Şərqin dağıdılması üzrə iş görürlər ki, qaçqınlar Avropaya getməyə davam etsinlər. Beləliklə Avropa Birliyi ABŞ-nın əlində qalır”, - deyə Jirinovski bildirib.

Siyasətçi əmindir ki, bununla da Birləşmiş Ştatların planları məhdudlaşmır. O gözləyir ki, nəticədə İŞİD teror qruplaşmasının hazır ordusunu Orta Asiyaya və daha sonra Qərbi Çinə göndərsin.

Ötən gün Fransanın paytaxtı Parisdə UNESCO Baş Konfransının 38-ci sessiyasının Liderlər Forumu keçirilib.

Tədbirdə Azərbaycan prezidenti İlham Əliyev və xanımı, UNESCO-nun xoşməramlı səfiri Mehriban Əliyeva da iştirak ediblər.

Forumda çıxış edən dövlət başçısı əvvəlcə noyabrın 13-də Parisdə baş vermiş dəhşətli terror hadisəsi ilə bağlı Azərbaycan xalqı adından Fransa xalqına başsağlığı verib. Prezident İlham Əliyev keçmişdə çoxsaylı terror hadisələrindən əziyyət çəkən Azərbaycanın terrorizmə qarşı mübarizədəki rolundan danışıb.

Prezident İlham Əliyev qeyd edib ki, Azərbaycan müstəqilliyinin ilk illərində erməni işğalının qurbanı olub: "Bu gün Avropanın qarşılaşdığı miqrasiya böhranı ilə bağlı xəbərlərə baxanda biz anlayırıq ki, bu insanlar evlərini tərk etmək məcburiyyətində qalıblar. Amma eyni zamanda 1991-ci, 1992-ci illəri xatırlayırıq. Həmin vaxt Azərbaycan 1 milyon insanı yerləşdirməli olmuşdu. Bu dünyada ən böyük qaçqın və məcburi köçkün axınlarından biri idi.

Dövlət başçısı Azərbaycan torpaqlarının işğalı nəticəsində tarixi, dini, mədəni abidələrin dağıdıldığını vurğulayıb:"Siz Ermənistan silahlı qüvvələri tərəfindən kütləvi şəkildə dağıdılmış beş yüzdən çox tarixi və memarlıq abidələrinin şəkilləri ilə internet vasitəsi ilə tanış ola bilərsiniz. Siz Bakının mərkəzində Azərbaycan hökuməti tərəfindən qorunan erməni kilsəsini də görə bilərsiniz. Bu multikulturalizmə, dini tolerantlığa yanaşmadakı fərqlilikdir. Bu onu göstərir ki terrorun, dini milliyyəti yoxdur. Buna görə də İslamı terrorizmlə bağlamaq qəbuledilməzdir."

Daha sonra Fransa Prezidenti Fransua Olland çıxış edib. O, Parisdə törədilən son terror aktlarından bəhs edib, Fransanın terrorçulara sərt cavab verəcəyini bildirib. Fransa Prezidenti terrorizmin bəşəri dəyərlərə böyük təhdid olduğunu qeyd edib.

Türkiyədə G20 etirazlarla müşayiət olunur

Türkiyənin Antalya şəhərində keçirilən G 20 zirvəsi zamanı etiraz aksiyası keçirilib.

"Dalğa TV"nin anspress-ə istinadən məlumatına görə, bir qrup tələbə sammitin keçiriləcəyi yerə yürüş etmək istəyib. Tələbələr dünya liderlərinə yazılan məktubu oxuyublar. Daha sonra həmin məktubu liderlərə təqdim etmək üçün sammit bölgəsinə yürüş ediblər.

Polislər etiraz edən qrupun qarşısını alıb. Etirazçılar daha sonra oturaq aksiyaya başlayıblar. 20 dəqiqəyə yaxın davam edən aksiyada 4 nəfər polis tərəfindən saxlanılıb.

"Dalğa TV" xəbər verir ki, "Gürcü Arzusu - Demokratik Gürcüstan" Parisdə həyata keçirilən teror aktı ilə əlaqəli kədər hissini bildirdi.

"Teror aktı zamanı günahsiz insanlar həyatını itirdilər" - bu haqda partiya tərəfindən yayılan bəyanatda bildirilir.

"Bu ağır anlarda bizim dost ölkə Fransa dövlətinə və fransız xalqına həmrəyliyimizi bildiririk. Tələf olan insanların ailələrin kədərinə şərik oluruq. Bu qeyri-insani addım bir daha sülh və təhlükəsizliyi təmin etmək üçün hər bir dövlətin birgə durması və əməkldaşlığının nə dərəcədə vacib olduğunda bizləri bir daha əmin etdi", - deyə baş sağlığı məktbunda qeyd olunub.
Rəsmi məlumata əsasən Parisdə baş verən teror zamanı 128 insan həlak olub, 600 nəfərədək isə yaralı var.

Noyabrın 15-də Türkiyənin Antalya şəhərində "Böyük İyirmilik" ölkələri liderlərinin Sammiti öz işinə başlayıb.

"Dalğa TV" xəbər verir ki, "Böyük İyirmiliyə" (G20) daxil olan ABŞ, Böyük Britaniya, Türkiyə, Yaponiya, Kanada, Almaniya, İtaliya, Rusiya, Avstraliya, Braziliya, Hindistan, Çin, İndoneziya, Meksika, Səudiyyə Ərəbistanı, Cənubi Afrika Respublikası, Argentina, Koreya Respublikası və digər ölkə rəhbərlərinin iştirak etdiyi sammitə Azərbaycan prezidenti İlham Əliyev də iştirak edir.

Sayca onuncu dəfə keçirilən bu Sammitdə Azərbaycan xüsusi dəvətli qonaq statusunda təmsil olunur.

Zirvə görüşünün iştirakçıları birgə foto çəkdiriblər. Bu mərasim öncəsi Azərbaycan prezidenti İlham Əliyev ABŞ prezidenti Barak Obama ilə görüşüb.

Azərbaycanın birinci xanımı, Heydər Əliyev Fondunun prezidenti Mehriban Əliyeva və Fondun vitse-prezidenti Leyla Əliyeva “Biznes-20”/“Qadınlar-20” (“Business-20”/“Women-20”) sessiyasında iştirak ediblər.

ANS PRESS-in məlumatına görə, “Biznes-20”/“Qadınlar-20” (“Business-20”/“Women-20”) sessiyası noyabrın 15-də “Böyük İyirmiliyin” Antalyada keçirilən Sammiti çərçivəsində təşkil olunub.

Tədbirdə əvvəlcə qaçqın qadınların problemlərinə həsr edilən videoçarx nümayiş olundu.

Sessiyada çıxış edənlər bu problemin artıq qlobal xarakter aldığını bildirdilər. Qeyd edildi ki, həlli vacib olan belə problemlərin aradan qaldırılması ilə yanaşı, onların qarşısını almaq da zəruridir.

Azərbaycan prezidenti İlham Əliyevin və Türkiyə prezidenti Rəcəb Tayyib Ərdoğanın ailə üzvləri G20 sammitində

Türkiyə Prezidenti Rəcəb Tayyib Ərdoğanın xanımı Əminə Ərdoğan sessiyada çıxış edərək dedi ki, sammit çərçivəsində təşkil olunan bu tədbir qadınların, xüsusilə qaçqın qadınların problemlərinin həllinə yeni bir baxış gətirəcək. Əminə Ərdoğan terrorçuluğa qarşı mübarizə, Suriyadakı vəziyyət, bu ölkədən olan qaçqınların məsələlərinə də toxundu. Bildirdi ki, dünyanın müxtəlif yerlərində törədilən terror aktlarından ən çox əziyyət çəkən qadınlar və uşaqlardır. Bu problemin indiyədək həllini tapmaması təəssüf doğurur. Türkiyə Prezidentinin xanımı Antalya Sammitini suriyalı və iraqlı qaçqınların problemlərinin həllinə kömək baxımından böyük fürsət kimi dəyərləndirdi.

Sessiyada digər çıxış edənlər milliyyəti və sərhədi olmayan terrorun yaratdığı təhlükələrin aradan qaldırılmasında dünya xalqlarının birgə fəaliyyətlərinin zəruriliyindən danışdılar.

Sonda tədbir iştirakçıları xatirə şəkli çəkdirdilər.