Gürcüstan paytaxtında Avropa İttifaqının “Şərq tərəfdaşlığı” proqramının iştirakçısı olan ölkələrin XİN rəhbərlərinin qeyri-rəsmi toplantısı çərçivəsində Azərbaycan və Gürcüstan xarici işlər nazirləri Elmar Məmmədyarov və Georgi Kvirikaşvili arasında ikitərəfli görüş keçirilib.

APA-nın Gürcüstan bürosunun məlumatına görə, görüşdə Azərbaycan-Gürcüstan münasibətlərinin inkişaf perspektivləri, “Şərq tərəfdaşlığı” proqramı çərçivəsində əməkdaşlıq, regionda və dünyada baş verən proseslər müzakirə edilib. Nazirlər bütün sahələrdə əlaqələrin daha da inkişafını vacib sayıblar.

Qeyd edək ki, E. Məmmədyarov “Şərq tərəfdaşlığı” proqramının iştirakçısı olan ölkələrin geniş formatda 6-cı qeyri-rəsmi görüşündə iştirak edəcək. Tədbirə Aİ tərəfdən Avropa Qonşuluq Siyasəti və genişlənmə üzrə komissar Yohannes Han, sağlamlıq və ərzaq təhlükəsizliyi komissarı Vytenis Andriukaitis və Aİ Xarici Siyasət İdarəsinin sədr müavini Helqa Şmidt qatılacaq.

Bu gün Nardaranda baş verən məlum silahlı insidentdən sonra bir qrup radikal dindar sosial şəbəkədə təhdidedici paylaşımlar edib.

"Dalğa TV" qafqazinfo-a xəbər verir ki, Qabil Həmidov adlı Nardaran sakini Hacı Talehin aparıldığı polis bölməsinə qumbara atacaqlarını bildirib. Q.Həmidovun təhdid dolu statuslarını olduğu kimi təqdim edirik:

"Kənddə atdığımız qumbaradan birini də Hacı olan polis bölməsinə atacağıq! Bu dəfə rəis qarısıq hamısını öldürəcəyik, insaAllah!

Avtomat və güllədən boluq, bu qan yerdə qalmayacaq"

Rəsmi şəxslər ilə bir sıra görüşlər planlaşdırılır.

Gürcüstanın Daxili işlər naziri Georgi Mqebrişvilinin noyabrın 26-da başlayan Azərbaycan səfərinin gedişatında Bakı və Tbilisi ikitərəfli əməkdaşlığının möhkəmləndirilməsini müzakirə edəcəklər.

"Dalğa Tv" xəbər verir ki, bu barədə Trend-ə Gürcüstanın Bakıdakı səfirliyindən bildiriblər.

Səfər zamanı Gürcüstan DİN rəhbəri Azərbaycanın bir sıra rəsmi şəxsləri ilə görüşlər keçirəcək. Görüşlərdə iki ölkənin əməkdaşlığının gələcəkdə möhkəmləndirilməsi məsələləri müzakirə ediləcək.

Rusiyaya məxsus SU-24 bombardmaçı təyyarənin Türkiyə qırıcısı tərəfindən vurulmasından sonra Türkiyə Silahlı Qüvvələrinin Baş Qərargahı Suriya ilə sərhəddə uçuşlar həyata keçirən hərbi təyyarələrin sayını artırıb.

ANS PRESS-in məlumatına görə, Baş Qərargahdan verilən açıqlamada bildirilir ki, Suriya sərhədində uçuşlar həyata keçirən Türkiyə Hava Qüvvələrinə məxsus F16 qırıcılarının sayı 18 ədədə çatdırılıb.

Bundan başqa, Türkiyə Silahlı Qüvvələrinin Baş Qərargahı bütün quru və hava qoşun birliklərinə döyüşə hazırlıq əmri verib. “CNN Türk”ün məlumatına görə, bütün qoşun növlərində hazırlıq ən yüksək səviyyəyə çatdırılıb.

“Anadolu” agentliyi isə hərbi mənbələrinə istinadən məlumat yayıb ki, Türkiyə Silahlı Qüvvələri ölkənin qərb bölgəsindəki hərbi birləşmələrə məxsus 20 tankı Suriya ilə sərhədə göndərib.

“Ölkənin qərb regionlarında dislokasiya olunmuş 20 tank dəmiryolla ölkənin cənubundakı Qaziantep şəhərinə aparılıb. Həmin hərbi texnika buradan da hərbçilərin və polis qüvvələrin müşayiəti ilə Suriya sərhədinə yola salınıb” - deyə xəbərdə bildirilir.

Türkiyənin sərhədə aparılan ağır texnikası

Rusiya rəhbərliyi “Su-24” hərbi təyyarəsinin vurulmasından sonra Suriyadakı hərbi bazasına "S-400" zenit-raket kompleksi göndərməyi qərara alıb.

Rusiyanın müdafiə naziri Sergey Şoyqu bildirib ki, hava hücumundan müdafiə sistemləri "Hmeymim" hərbi hava bazasına göndəriləcək.

Rusiya prezidenti Vladimir Putin "S-400" zenit-raket sistemləri ilə yanaşı "S-300" raketlərinin də Suriyaya göndəriləcəyini bəyan edib. Bu açıqlamadan qısa müddət sonra isə prezidentin mətbuat katibi Dmitri Peskov bildirib ki, Rusiya Suriyada hərbi əməliyyatları davam etdirəcək.

Məlumat üçün bildirək ki, "S-400" raketləri 480 kilometr məsafədən hədəfə dəqiq zərbə vura bilir.

S-400 zenit-raket sistemləri

Putin ölkəsinin "Su-24" hadisəsinə ciddi şəkildə yanaşacağını bildirib. O bildirib ki, Rusiya bütün vasitələrini təhlükəsizliyin qorunması üçün səfərbər edəcək.

“Bizim Suriyada yerləşən hərbi bazamıza "S-300" havadan müdafiə kompleksi yerləşdiriləcək. Ümid edirəm ki, görülən bu və digər tədbirlər bizim uçuşların təhlükəsizliyini təmin edəcək”, deyə Putin bildirib.

"Bu, arxadan vurulan zərbədir".

Rusiya prezidenti Vladimir Putin Suriyada Su-24 təyyarəsinin vurulmasını terrorçuları dəstəkləyənlərin Rusiyaya arxadan vurduğu zərbə adlandırıb.

Onun sözlərinə görə, Su-24 Suriya ərazisində Türkiyə qırıcısından buraxılmış "hava-hava" tipli raketlə vurulub, prezident Putin İordaniya kralı II Abdulla ilə görüşdə bildirib, Oxu.Az RİA Novosti-yə istinadən xəbər verir.

Rusiya liderinin sözlərinə görə, rusiyalı pilotlar heç bir halda Türkiyəni təhdid etməyiblər.

"Rusiya Türkiyəyə təkcə qonşu yox, həm də dost ölkə kimi yanaşırdı. Bunun kimə lazım olduğunu bilmirəm, lakin bizə lazım deyildi", - deyə, Rusiya dövlətinin başçısı bildirib.

Onun sözlərinə görə, Rusiya Suriyada təyyarəsinin başına gələnləri təhlil edəcək:

"Rusiyanın ABŞ ilə bu cür insidentlərdən qaçmaq barədə saziş bağlamasına baxmayaraq, Türkiyə bizim təyyarəmizə zərbə endirdi. Suriyada Rusiya təyyarəsi ilə bağlı faciə Moskva və Ankaranın münasibətləri üçün ciddi nəticələrə səbəb olacaq", - deyə, Putin bildirib.

Bakı şəhər sakini, II qrup əlilin Əmək və Əhalinin Sosial Müdafiəsi Nazirliyinin 5 saylı Tibbi Sosial Ekspert Komissiyasının (TSEK) sədrinin qanunsuz əməlləri barədə şikayəti Baş prokuror yanında Korrupsiyaya qarşı Mübarizə Baş İdarəsində araşdırılıb.

Baş Prokurorluğun mətbuat xidmətindən verilən məlumata görə, istintaq-əməliyyat tədbirləri nəticəsində 2015-ci ilin iyun ayından 5 saylı TSEK-in sədri vəzifəsində işləyən Fəsad Mustafayev "Tibbi-sosial ekspert komissiyaları haqqında", "Əlilliyin müəyyən olunması meyarlarına dair"; Əsasnamələrə və Tibbi-Sosial Ekspertiza Mərkəzinin Nizamnaməsinə əsasən mərkəzin fəaliyyətinə ümumi nəzarətin həyata keçirilməsinə, əlillik dərəcələrinin, müddəti və səbəbinin, şəxsin həyat fəaliyyətinin məhdudlaşması dərəcəsindən asılı olaraq I, II və III qrup əlilliyin təyin olunmasına və sair səlahiyyətlərə malik vəzifəli şəxs olmaqla xidməti səlahiyyətlərinin icrası ilə əlaqədar görmə qabiliyyətini itirmiş II qrup əlil olan Bakı şəhər sakininin əlillik dərəcəsinin təsdiq edilməsi üçün təkrar müayinənin və əlillik dərəcəsi üzrə təyinatın aparılmasına görə 2015-ci ilin noyabr ayında 1500 manat istəyərək, razılaşdırılmış 1200 manat pulu görmə qabiliyyəti həddən artıq zəif olduğuna köməklik etməsi məqsədi ilə qohumu ilə birgə gəlmiş şikayətçidən noyabrın 23-də xidməti otağında alarkən Baş prokuror yanında Korrupsiyaya qarşı Mübarizə Baş İdarəsinin əməkdaşları tərəfindən cinayət başında yaxalanıb.

F.Mustafayevin üzərində, xidməti otağı və avtomobilində həyata keçirilmiş baxış, axtarış və götürmə istintaq hərəkətləri zamanı cinayət işi üzrə sübut əhəmiyyətinə malik bir sıra sənədlər aşkar edilərək maddi sübut qismində götürülüb. Fakta görə Cinayət Məcəlləsinin 311.1-ci (rüşvət alma) maddəsi ilə cinayət işi başlanılıb. F.Mustafayev təqsirləndirilən şəxs qismində cəlb edilərək ona Cinayət Məcəlləsinin qeyd edilən maddəsi ilə ittiham elan olunmaqla barəsində məhkəmənin qərarı ilə həbs qətimkan tədbiri seçilib.

Hazırda cinayət işi üzrə istintaq-əməliyyat tədbirləri davam etdirilir.