Hərracların yekunları.

Azərbaycan nefti bahalaşıb.
"Dalğa TV"nin məlumatına görə, ötən gün "AzeriLight" markalı neftin bir barelinin qiyməti 0,31 dollar və ya 0,88% artaraq 35,40 dollar təşkil edib.

Baş nazir Mardinə gedirmiş.

Türkiyənin Baş naziri Əhməd Davudoğlunun kortejinin yolunda partlayış baş verib.

"Dalğa TV" Türkiyə mətbuatına istinadən xəbər verir ki, kortej Mardin istiqamətində hərəkət edirmiş.

Xəbər yenilənir.

“Bizim qaz təchizatı sahəsində Azərbaycanla strateji tərəfdaşlığımıza və münasibətlərimizə heç nə təsir edə bilməz”.

APA-nın Gürcüstan bürosunun məlumatına görə, bu sözləri parlamentdəki “Gürcü Arzusu” fraksiyasının sədri Giya Volski deyib. O bildirib ki, Avropa Xəzər hövzəsindən enerji ehtiyatlarının nəqlində maraqlıdır: “Gürcüstanın qaz bazarında kiçik həcmdə çatışmayan qazı başqa mənbələrdən təmin etməyimiz Azərbaycanla strateji və siyasi münasibətlərimizə zərər vurmaz. Xəzər regionu və hövzəsində Azərbaycan və Gürcüstan açar və həlledici rol oynayır. Buna görə də biz nəinki münasibətlərimizi möhkəmləndirmək istəyirik, siyasi taleyimiz də bizi bu istiqamətə aparır və heç cür aramızda ayrılıq ola bilməz”.

Gürcüstan prezidenti Georgi Marvelaşvili hökuməti Rusiyanın "Qazprom" şirkəti ilə şəffaf danışıqlar aparmağa çağırıb. "APA-Economics" "RİA Novosti" agentliyinə istinadən xəbər verir ki, bu barədə ölkə başçısı parlamentdə hesabat xarakterli çıxışı zamanı bildirib.

"Bir daha ölkə başçısı kimi bildirirəm ki, biz qonşularımıza xoşməramlı münasibətə üstünlük veririk. Bu münasibətlərin təməlində ilk növbədə milli mənafeyimizə, ərazi bütövlüyümüzə göstərilən hörmət dayanmalıdır. Gürcüstan hökumətinin "Qazprom"la apardığı danışıqlar maksimum şəffaf olmalıdır... Qonşu ölkə (Rusiya - red.) ilə münasibətlərimizdə müşahidə olunan yumşaq gücdən xilas olmalıyıq və bunun üçün Qərbdən olan tərəfdaşlarımızla koordinasiya vacibdir. Anlamaq lazımdır ki, "Qazprom"la aparılan danışıqların predmeti yalnız enerji deyil", - deyə prezident bildirib.

Gürcüstanın əsas qaz təchizatçısı Azərbaycandır. Bununla yanaşı, gürcüstanda istehlak olunan qazın 12%-ni Rusiya nəql edir. Söhbət Gürcüstan üzərindən Rusiyadan Ermənistana nəql olunan qaza görə, tranzit haqqından gedir. Gürcüstan hökuməti Rusiya tərəfinin nəql etdiyi qazın həcmini artırmaq üçün "Qazprom"la danışıqlar aparır. Gürcüstan müxalifəti isə buna etiraz edir. Müxalifət bildirir ki, bu, Gürcüstanlın enerji təhlükəsizliyinə təhdiddir.

Erməni millət vəkili Türkiyəyə qarşı hörmətsizlik edib.

"Dalğa TV" Ermənistan KİV-lərinə istinadən xəbər verir ki, deputat Selina Doğan Türkiyənin Diyarbəkir vilayətini "Tiqranakert" kimi təqdim edib.

O, öz feysbuk hesabında Diyarbəkir haqqında yazarkən buranı "Tiqranakert"adlandırıb.

Selina Doğanın bu açıqlaması türkiyəli milliyətçilərin narahatlığına səbəb olub.

Qeyd edək ki, Selina Doğan Türkiyənin Cümhuriyyət Xalq Partiyasının (CHP) millət vəkilidir.

Xatırladaq ki, erməni alimləri Azərbaycanın işğal olunmuş şəhəri Ağdamda yerləşən tarixi Gövürqala şəhərini də dünyaya "Tiqranakert" kimi tanıtdırmağa çalışırlar.

"Bizim XİN bu məsələni ciddi araşdırmalıdır".

Bizi Robert Uolterin "Dağlıq Qarabağda və Azərbaycanın digər işğal olunmuş ərazilərində zorakılığın artması" məruzəsinə AŞPA-da səsvermə zamanı ən çox təəccübləndirən Slovakiyanın mövqeyi oldu.

"Dalğa TV" xəbər verir ki, bu barədə haqqın.az saytına müsahibəsində millət vəkili, AŞPA-dakı Azərbaycan nümayəndə heyətinin üzvü Qənirə Paşayeva deyib.

Q.Paşayevanın sözlərinə görə, həmin ölkənin nümayəndə heyətinin üzvləri nəinki Azərbaycanın haqlı mövqeyini dəstəkləməyiblər, hətta bu məruzənin əleyhinə səs veriblər.

"Hesab edirəm ki, bizim XİN sözügedən ölkənin nümayəndələrini bu məruzənin əleyhinə səs verməyə sövq edən səbəbləri ciddi araşdırmalıdır. Bu ölkənin Azərbaycandakı səfiri XİN-ə çağırılmalı və ona etiraz bildirilməlidir. Bundan savayı, Slovakiyadakı səfirliyimiz bu məsələ ilə məşğul olmalıdır", - millət vəkili belə deyib.

Onun dediklərinə görə, Slovakiyanın Azərbaycan üçün əhəmiyyətli məsələdə bu cür mövqe sərgiləməsi ciddi məsələdir və bu, XİN və Milli Məclis tərəfindən araşdırılmalıdır.