Tbilisi Metropoliteninin əməkdaşları bu günə elan etdikləri tətili təxirə salıblar.
 

APA-nın Gürcüstan bürosunun məlumatına görə, "Birlik 2013" müstəqil həmkarlar ittifaqından bildirilib ki, Tbilisi Nəqliyyyat Şirkətinə metro işçilərinin maaşlarının artırılması tələbinin yerinə yetirilməsi üçün 30 gün vaxt verilib.

Müddətin bitməsindən sonra metropoliten rəhbərliyi və Tbilisi meriyası tələbi yerinə yetirməsə, metro işçiləri tətilə başlayacaq.
 

Qeyd edək ki, Tbilisi metropoliteninin əməkdaşları əmək haqlarının 45%-dək artırılmasını tələb edirlər. Tbilisi meriyası onların bu tələbini yerinə yetirməkdən imtina edib. Tbilisi metrosu hər gün təxminən 290 min sərnişinə xidmət göstərir.

Goranboy rayonunda ağır yol qəzası nəticəsində ölənlərin sayı 3 nəfərə çatıb.

 Ağdam rayon sakini, 1960-cı il təvəllüdlü  Quliyev Füzuli Şura oğlu həkimlərin səylərinə baxmayaraq xəstəxanada keçinib.

Qeyd edək ki, bundan əvvəl F.Quliyevin həyat yoldaşı, 1963-cü il təvəllüdlü Quliyeva Cəmilə Sovet qızı tibbi yardıma baxmayaraq Goranboy rayon Mərkəzi Xəstəxanasında dünyasını dəyişib.

Xatırladaq ki, bu gün Goranboy rayonunda,  Xan Qərvənd kəndinə gedən yolda "Niva" və "Toyota Land Cruiser"markalı minik avtomobilləri toqquşub.

Gürcüstanın paytaxtı Tbilisinin mərkəzində, Filarmoniya binasının yaxınlığında azərbaycanlı, gürcü və erməni gənclərinin sülh çağırışlı aksiyası keçirilib.

APA-nın Gürcüstan bürosunun məlumatına görə, "Gənclər sülh hökm sürən Qafqaz naminə" şüarı altında keçirilmiş aksiyada müxtəlif ali məktəblərin tələbələri və gənclər təşkilatlarının üzvləri iştirak edib.

Aksiya iştirakçıları əllərində 3 dildə "Gənclər Qafqazda sülh istəyir!", "Sülh və gələcək naminə", "Azərbaycan və Ermənistan gəncləri Qafqazda sülh istəyir", "Yeni nəsil sülhü seçir!" şüarları tutaraq bölgədə müharibə əleyhinə olduqlarını nümayiş etdiriblər.

Aksiyaya Qafqaz məsələləri üzrə ekspert Mamuka Areşidze də dəstək olub.

Gürcüstanın Borjomi rayonunun Sakire kəndi yaxınlığında baş vemiş meşə yanğını lokallaşdırılıb.

APA-nın Gürcüstan bürosunun məlumatına görə, bu barədə Samtsxe Cavaxeti bölgəsinin meşə xidmətindən bildirilib. Qeyd olunub ki, yanğının aradan qaldırılması üzrə işlər davam etdirilir və axşam saatlarına qədər yanğın tam söndürüləcək.

Gürcüstanın Daxili İşlər Nazirliyi fakt üzrə istintaqa başlayıb.

Qeyd edək ki, Sakire kəndi yaxınlığında meşədə yanğın ötən gün axşam saatlarından başlayıb. Relyefin çətinliyindən yanğınsöndürənlərin yanğın ocaqlarına yaxınlaşması mümkün olmayıb. Yanğının baş verdiyi sahənin təxminən 5-6 min min kv. metr təşkil etdiyi bildirilib.

Mayın 1-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, yağmursuz keçəcəyi gözlənilir. Şimal-qərb küləyi əsəcək, gündüz cənub-şərq küləyi ilə əvəzlənəcək.

Ekologiya və Təbii Sərvətlər Nazirliyinin Milli Hidrometeorologiya Departamentindən  bildirilib ki, havanın temperaturunun Abşeron yarımadasında gecə 10-13, gündüz 18-23,  Bakıda gecə 10-12, gündüz 20-22 dərəcə isti olacağı gözlənilir.

Atmosfer təzyiqi normadan yüksək - 768 mm civə sütunu, nisbi rütubət gecə 70-80, gündüz 45-55 faiz təşkil edəcək.

Azərbaycanın rayonlarında hava şəraitinin yağmursuz keçəcəyi gözlənilir. Gecə və səhər bəzi yerlərdə duman olacaq. Şərq küləyi əsəcək.

Havanın temperaturunun gecə 8-13, gündüz 21-26, dağlarda gecə 3-8, gündüz 11-16 dərəcə isti olacağı gözlənilir.

Ətsiz yeməklər və ya şorbalar bişirəndə həmin xörəyin içinə, adətən, mağazalarda satılan hazır ət bulyonları alıb qatırıq.

Bu bulyonlar yeməklərimizə ətir və dad qatsa da, sağlamlıq baxımından zərərlidir. Ailem.az bir çox xəstəliyə səbəb olduğu deyilən ət və toyuq bulyonlarının sağlamlığa zərərini sadalayır.

Ət bulyonlarının səbəb olduğu xəstəliklər arasında parkinson, epilepsiya, köklük və alzheimer kimi əhəmiyyətli sağlamlıq problemləri var. Ət və toyuq bulyonlarının bu qədər çox zərərli olmasının səbəbi isə tərkibində yer alan mono sodium qluatamat (MSG) maddəsidir.

MSG nədir?

MSG ləzzət artırıcı təsiri olan bir məhsuldur. Çin duzu olaraq bilinən bu məhsul çox istifadə edildiyi təqdirdə sinir hüceyrələrinə zərər verir, qaraciyəri zədələyir.

MSG həmçinin aşağıda sadalanan sağlamlıq problemlərinə yol açır:

- Sinir hüceyrələrinə zərər verir

- Yağ yığıntısı ilə birlikdə köklük, qaraciyər zədəsi, diabet, insulin artımı kimi sağlamlıq problemlərinə səbəb olur.

- Epilepsiya (sara) xəstəliyinə səbəb olur.

- Mərkəzi sinir sisteminə zərər verərək alzheimer, parkinson, huntinqton xəstəliklərinin yaranmasına səbəb olur.

Hamiləlikdə zərərlidir

Tərkibində MSG olan məhsullar arasında çips, ət bulyonları, dondurma, hazır şorba və rəngli yoqurtlar yer alır. Bu məhsulların, xüsusilə, hamiləlik dövründə istifadəsi çox təhlükəlidir. Hamiləlkdə bu məhsuldan istifadənin ən böyük zərəri plasentanı keçərək, birbaşa uşağa zərər verməsidir.