Xərçəng xəstəliyinin yaranma hallarından 40 faizindən çoxu zərərli vərdişlərlə və həyat tərzi ilə əlaqədardır.

 Amerika Onkologiya Cəmiyyətinin bir qrup mütəxəssisi bu qənaətə gəlib.

Aparılan tədqiqatlar nəticəsində məlum olub ki, siqaret çəkmək xərçəng üçün ən böyük riskdir. Onkoloji halların yaranmasının 19 faizi və ölüm hallarının 29 faizi bu vərdişin payına düşür.

Xərçəngin yaranma riskinin 7 faizi, ölüm hallarının 6 faizi isə artıq çəkidəndir.

Bunlardan başqa, spirtli içkilər, ultrabənövşəyi şüaların təsiri və aşağı fiziki fəallıq da bu xəstəliyin riskini artırır.

lbalı ən faydalı giləmeyvələrdən biri sayılır. Həqiqətən bu giləmeyvə çox zəngin kimyəvi tərkibə sahibdir.

Albalı A, C, B qrupu, PP vitaminlər, dəmir, mis, maqnezium minerallar, antosianlar, kumarinlər, bioflavonoidlər, orqanik turşularla zəngindir.  

Saglamolun.az albalının faydalı xüsusiyyətlərini təqdim edir:

1. Albalı artrit və podaqradan əziyyət çəkənlər üçün çox faydalıdır.

2. Tərkibində C vitamini, maqnezium, antosian və kumarinlər olduğuna görə albalı ürək və damarları möhkəmləndirir, damarlarda trombların əmələ gəlməsinin qarşısını alır, ürək tutması, infarkt və insultun riskini azaldır.

3. Albalının tərkibində olan antosian maddələri mədəaltı vəzinin fəaliyyətinə müsbət təsir edir və bu səbəbdən şəkərli diabetdən əziyyət çəkənlərə faydalıdır.

4. Maqnezium və B qrupu vitaminləri ilə zəngin olduğundan albalı  sinir sisteminə müsbət təsir edir, sakitləşdirir, gərginliyi azaldır, yuxunu tənzimləməyə kömək edir.

5. Araşdırmalar göstərib ki, albalı beyinin fəaliyyətini və yaddaşı yaxşılaşdırır və bu səbəbdən yaşlı insanlar üçün çox faydalıdır.

6. Albalı qanın tərkibinə müsbət təsir edir, qanazlığı zamanı kömək edir.

7. Albalı orqanizmdə iltihabları azaldır, görməni yaxşılaşdırır.

Gürcüstanın paytaxtı Tbilisi şəhər Sakrebulosunun (şəhər məclisi) sədri Giorgi Tkemaladze Milli azlıqların koordinasiya şurasının üzvləri ilə görüşüb.

APA-nın yerli bürosunun məlumatına görə, görüşdə Tbilisidə yaşayan azərbaycanlıları narahat edən bir neçə məsələ şəhər rəhbərliyinin diqqətinə çatdırılıb.

Gürcüstanın Azərbaycanlı Fəal Qadınlar Birliyinin sədri Gültəkin Mustafayeva bildirib ki, görüşdə Tbilisidəki Azərbaycan teatrının vəziyyəti ilə bağlı məsələ qaldırılıb: “Teatrla bağlı məsələnin ayrıca görüşdə müzakirə olunması qərara alındı. Bununla yanaşı, Tbilisidə Botanika bağında görkəmli azərbaycanlıların panteonuna aparan yollarda göstərici nişanların quraşdırılması təklif olundu”.

G. Mustafayeva qeyd edib ki, şəhər rəhbərliyinə Tbilisidə Petriaşvili küçəsi 48 ünvanında yaşayan və evlərindən çıxarılma təhlükəsi ilə üzləşmiş beş azərbaycanlı ailənin də vəziyyəti barədə ətraflı məlumat təqdim olunub. 

Tbilisi şəhər Sakrebulosu paytaxtın azərbaycanlı sakinlərini narahat edən məsələləri diqqətdə saxlayacağını bildirib.

Gürcüstanda 4,3 maqnitudalı zəlzələ baş verib.

APA-nın yerli bürosunun İlya İnstitutunun Seysmoloji Monitorinq Mərkəzinə istinadən verdiyi xəbərə görə, yeraltı təkanlar bu gün saat 09:30 radələrində Kutaisi şəhərində 5 kilometr dərinlikdə qeydə alınıb.

Dağıntılar barədə məlumat yoxdur.

Salyanda yük avtomobilinin sürücüsü ehtiyatsızlıqdan bacısını və 4 yaşlı oğlunu vurub.

APA-nın Mil-Muğan bürosunun xəbərinə görə, hadisə Boranıkənd kəndində qeydə alınıb. Boranıkənd sakini, 1997-ci il təvəllüdlü Aslanov Əmrulla Nurulla oğlu idarə etdiyi "KamAZ" markalı yük avtomobili ilə bacısı -1994-cü il təvəllüdlü Məmmədova Günel Nurulla qızını və onun 4 yaşlı övladı - Əli Sahil oğlu Məmmədovu vurub. Uşaq hadisə yerində ölüb, ana isə ağır xəsarətlə xəstəxanaya yerləşdirilib.

Hadisə yerində olan müstəntiqin bildirdiyinə görə,  4 yaşlı Əli Məmmədov həyətdə oynayarkən hərəkətdə olan maşının qabağına çıxıb. Bu zaman uşağı xilas etmək istəyən anası da yük maşınının altında  qalıb.

Faktla bağlı Salyan rayon Polis Şöbəsində araşdırma aparılır.   

Gürcüstanın paytaxtı Tbilisidə Milli Botanika Bağında bir sıra infrastruktur layihələrin icrasına başlanılıb.

APA-nın Gürcüstan bürosunun məlumatına görə, layihələr çərçivəsində bağ ərazisində yerləşən görkəmli azərbaycanlıların panteonuna aparan əsas marşrut yollardan biri bərpa olunacaq.

Tbilisi meri Kaxa Kaladze Botanika bağı ərazisində həyata keçiriləcək layihələrlə tanış olub. Bağda reallaşdırılacaq infrastruktur layihələr "Gürcü Arzusu" partiyasının sədri Bidzina İvanişvilinin rəhbərlik etdiyi "Kartu" fondu tərəfindən maliyyələşdirilir. 

Milli Botanika Bağının direktoru Tamaz Darçidze infrastruktur layihələrinin bir hissəsinin bu ilin sentyabr ayının sonuna yaxın başa çatdırılacağını bildirib. 

Qeyd edək ki, Tbilisidə azərbaycanlıların panteonunda Mirzə Fətəli Axundov, Mirzə Şəfi Vazeh, Fətəli xan Xoyski, Həsən bəy Ağayev və digər görkəmli şəxslər dəfn olunub.