Bakının Dərnəgül kimi tanınan ərazisində restoranda baş verən yanğının söndürülməsi davam edir.

Yanğın "Nanəli" adlı restoranda başlayıb. Hazırda yanğın nəzarət altına alınıb. Bildirilir ki, yanğın vaxtı ölən və xəsarət alan yoxdur. Amma restoranın 1-ci və ikinci mərtəbəsinə maddi ziyan dəyib.

Hadisə yerinə fövqəladə hallar nazirinin müavini, general-leytenant Etibar Mirzəyev baş çəkib.

https://youtu.be/Cjv_x21nruw

Venera planetində günlərin uzunluğunun səbəbi açıqlanıb.

"Nature Geoscience" jurnalında dərc edilən məqaləyə əsasən, Venera planetinin atmosferindəki nəhəng dalğa bunun səbəbidir.

"Akatsuki" zondu tərəfindən bu kəşfə imza atılıb. Məlum olub ki, dalğa müntəzəm olaraq planetə təsir edir və onu dayandırır.

Venera Yer planeti ilə demək olar ki, eyni ölçüyə və kimyəvi tərkibə malik olsa da, Günəş Sisteminin qeyri-adi planetlərindən biridir. Onun atmosferi çox istidir və planetdən 60 dəfə tez dövr edir. Bu isə saatda 500 km sürətlə hərəkət edən küləklərin yaranmasına səbəb olur. Bu planetdə bir gün 240, 224 sutka davam edir.

Alimlər uzun müddətdir ki, Veneranın öz oxu ətrafında bu qədər ləng dövr etməsinin səbəbini araşdırırdılar. Alimlər ehtimal edirlər ki, qədim dövrdə planet asteroidlə toqquşub və ləngimənin səbəbi budur. Asteroid planetin oxunu çevirib və əks istiqamətdə dövr etməyə məcbur edir.

Amma alim Tomas Navarronun fikrinə görə, bu ideya peyklərdən alınan məlumatlara ziddiyət təşkil edir. Peyklərin müşahidəsi sübut edir ki, naməlum fenomen planeti “dayandırır” və sutkanın uzunluğu hər Venera günü 6-7 dəqiqə uzanır. Bir çox alim isə düşünür ki, bunun əsas səbəbi asteroid yox, atmosferdir. Atmosferin hərəkəti və planetin üst səthi ilə təması Veneranı dayandırır. Bu isə günün uzunluğuna səbəb olur.

Navarro və həmkarları peyklərin əldə etdiyi məlumatları incələyəndə planetin başqa bir sirrini də açıblar. Məlum olub ki, nəhəng dalğanın uzunluğu 10 min km-dir. Yer atmosferində bu tip dalğalar əsasən uzun və hündür dağ silsilələrində yaranırlar və uzun müddət qalmırlar. Venerada iri dağlar yoxdur.

Yaranan dalğa isə itmək niyyətində deyil. Alimlər onun necə yarandığını öyrənməyə başlayıblar.

Bu tapmacanı tapmaq üçün Navarro və komandası planet atmosferinin xüsusi kompüter modelini hazırlayıblar. Məlum olub ki, bu dalğalar gün ərzində Veneranın 4 regionunda yarana bilər. Bu ərazilərdə hündür olmayan dağ silsilələri var. Bu dalğalar gündüz yaranır və bir neçə Yer sutkasından sonra gecə yoxa çıxır.

Qızarmış qidalar

Bütün işlənmiş qidalar, kimyəvi maddələr, qatqı maddələri, süni dadlandırıcılar və qoruyucular bura daxildir. Bunlar həm uşaqlarda, həm də böyüklərdə ciddi beyin zədələrinə yol açır.

Dondurma

Aparılan bir çox araşdırma zamanı doymuş yağ və şəkərlə zəngin qidaların bilik və söz bacarıqlarını azaltdığını ortaya qoyub. Mütəxəssislər dondurma yemək yerinə təzə meyvə ilə hazırlanan soyuq qatıqların istifadəsini məsləhət görür.

Şiirin qazlı içkilər

Bu içkilər beyinin 1 nömrəli düşməni sayılır. Şəkərlə olduqca zəngin olan belə içkilər damarlarda iltihabın yaranması riskini artırır ki, bu daateroskleruzun əsas səbəbidir. Ateroskleroz zamanı damarlarda piyə oxşar maddə xolesterin yığılır, damarlar daralır, kövrək olur, tez partlayır. Bütün bunlar isə nəticədə insultun riskini artırır.

Konserv balıqlar

Amerika Ürək Dərnəyi ürək sağlamlığı üçün həftədə 2 dəfə ton balığı istifadəsini tövsiyə edir. Ancaq konserv qutuda satılan ton balıqları sağlamlığa fayda yerinə, zərər verir. Konserv ton balıqlarının içərisində olan ağır metallar beyin sağlamlığına mənfi mənada təsir edir.

Fast food

Yaxın zamanda Montreal Universitetində aparılan bir araşdırma fast food məhsullarının beynin kimyasını dəyişdirdiyini ortaya qoyub. Bu da depressiyaya yol açır.

Gürcüstanın Azərbaycanlı İş Adamları Birliyi (AZEBİ) Ramazan bayramı münasibətilə azərbaycanlıların kompakt yaşadığı Marneuli rayonunda xeyriyyə aksiyası təşkil edib.

APA-nın Gürcüstan bürosunun məlumatına görə, AZEBİ-yə üzv olan şirkətlərin adından Marneulidə yaşayan aztəminatlı ailələrə ərzaq sovqatları paylanılıb.

Xeyriyyə aksiyası Marneuli rayonu və onun kəndlərində yaşayan ümumilikdə 100 ailəni əhatə edib.

Heydər Əliyev Fondu Gürcüstanda azərbaycanlıların sıx yaşadığı Qarabani rayonunun bələdiyyəsinə təcilli tibbi yardım maşını hədiyyə edib.

APA-nın Gürcüstan bürosunun məlumatına görə, bütün lazımı avadanlıqlarla təchiz olunmuş müasir təcili tibbi yardım maşını rayon rəhbərliyinə Diasporla İş üzrə Dövlət Komitəsinin sədri Fuad Muradov tərəfindən təqdim olunub.

Tədbirdə çıxış edən F. Muradov Azərbaycanın Gürcüstanla münasibətlərin möhkəmləndirilməsinə böyük önəm verdiyini bildirib.

Qardabani rayonunun rəhbəri Ramaz Budaqaşvili təcili tibbi yardım maşınına görə minnətdarlığını bildirib. O qeyd edib ki, rayonun bu cür təcili tibbi yardım maşınına böyük ehtiyacı olub. 

Qeyd edək ki, Heydər Əliyev Fondu Gürcüstana iki təcili tibbi yardın maşını hədiyyə edib. Onlardan biri ötən gün azərbaycanlıların kompakt məskunlaşdığı Bolnisi rayonunun rəhbərliyinə təqdim olunub.

Gürcüstanın Rustavi şəhər məhkəməsi Marneuli insidentində adı hallanan azərbaycanlı deputat Azər Süleymanovla bağlı qərar qəbul edib.

APA-nın Gürcüstan bürosunun məlumatına görə, deputat 4 min lari məbləğində cərimə olunub.

A. Süleymanova qarşı zorakılıq üzrə ittiham irəli sürülüb.

Məhkəmə qərarı ilə Marneuli insidentində adı keçən Ramin Allahverdiyev və Marneuli rayon başçısı Temur Abazovun qohumu da hər biri 4 min lari məbləğində cərimə olunub.