Nabrandakı akvaparkda bədbəxt hadisə nəticəsində ciddi xəsarət alan azyaşlı İmran Cəfərzadənin Berlində reabilitasiyadan keçəcəyi "Sharite" adlı ən yaxşı klinika tapılıb.

Cümə axşamı Almaniyadan Bakıya ixtisaslaşmış həkimlərdən ibarət ambulans təyyarə uçacaq. Onlar uşağı 28 gün davam edəcək diaqnostika üçün xəstəxanaya aparacaqlar. Bu dövr ərzində Almaniyada bu sahənin ən yaxşı həkimlərinin bir neçə konsiliumu keçiriləcək. Azərbaycan Prezidenti İlham Əliyevin göstərişi ilə həmin həkimlərlə danışıqlar aparılıb.

Bu dövr ərzində ilkin olaraq 2-3 əməliyyat keçiriləcəyi istisna edilmir. Hazırda uşağın vəziyyəti yaxşılaşır. Uşaq uzun müddət hovuzda qaldığına görə onun ağciyərinə düşən su həkimlər tərəfindən çıxarılıb.

Azərbaycan Prezidenti İlham Əliyevin tapşırığına əsasən, Heydər Əliyev Fondu tərəfindən akvaparkda bədbəxt hadisə nəticəsində ciddi xəsarət alan azyaşlı İmran Cəfərzadəyə zəruri tibbi yardımın göstərilməsi üçün təşkilati məsələlərin icrasına başlanılıb.

İmran Cəfərzadə üzərində əməliyyatın keçirilməsi üçün Heydər Əliyev Fondu bütün xərcləri öz üzərinə götürəcək.

Batumi şəhərinin bulvarında bu gün 16 yaşlı qızın, Mariam Koçalidzenin cəsədi aşkar edilmişdir. Bilərəkdən qətl məcəlləsi üzrə cinayət işi açılıb. Bildirilir ki, qız dünən itib və ailəsi onu bütün gecə axtarıb.
DİN 16 yaşlı qızın ölümündə şübhəli şəxsin təsvirini dərc edib və bu işlə əlaqədar bəyanat yayıb. Biz onu dəyişmədən təqdim edirik:
"Cinayəti törədən şübhəli şəxs dünən axşam saat 7-7:30 radələrində yeni bulvarın sonundan təxminən 100 metr aralığında tünd rəngli bir taksi dayandırdı və hadisə yerindən qaçdı.
Şübhəli qatilin təsviri: 40-45 yaşlı kişi, hündürlüyü 180-185 sm, orta çəkili, orta uzunluqda qara düz saçlı, qara qaşlı, qara kiçik gözlü, başı və üzü usunsov formada, düz və uzunsov burnu, nazik dodaqlı, yumru, azca qabağa çəkilmiş çənəsi, tünd qəhvəyi dərisi, qırıq gürcü dilində danışır, çox hallarda lal təqlid edir.
Əyninə qara rəngli, qısa qollu köynək, üstündən narıncı rəngdə qolsuz yağışlıq, mavi və ya qara dar cins şalvar geyib, qara rəngli gözlük taxır, özü ilə qara rəngli bel çantası və qəhvəyi rəng əl çantası gəzdirir.
Daxili İşlər Nazirliyi taksi sürücüsünü istintaqa yardım etmək üçün dərhal çağırır və Acariyanın   DİN-in  Baş Bölməsinə gəlsin," - DİN-in bəyənatında deyilir.

Emin Ağalarov Nabranda istirahət mərkəzində bir ayağını itirən İmran Cəfərzadənin müalicəsi üçün tələb edilən məbləğı ödəyib. Bu barədə E.Ağalarov öz rəsmi Facebook səhifəsində məlumat verib.

Qeyd edək ki, hadisə Nabrandakı “Holiday Village” akvaparkında baş verib. Hovuzunu təmizləmək üçün nəzərdə tutulmuş sutəmizləyən nasos açıq qalıb. Nəticədə qurğunun yaxınlığında olan 2 yaşlı İmran Cəfərov sutəmizləyənin təzyiqi ilə borunun içinə çəkilib.

Baş verən hadisə nəticəsində I.Cəfərovun həyatını xilas etmək mümkün olsa da, iki onurğa sümüyü sınıb. Eyni zamanda 2 yaşlı körpənin ayaqları tamamilə parçalanıb. İ.Cəfərov sağ ayağını tamamilə, sol ayağını isə topuqdan aşağı itirib.