Avropa Statistika Bürosu bu ilin ilk rübündə Avropa Birliyi ölkələrində sığınacaq axtaran şəxslərə dair məlumatları açıqlayıb.

APA-nın məlumatına görə, bu ilin ilk üç ayında 650 Azərbaycan vətəndaşı sığınacaq üçün AB ölkələrinə müraciət edib. Soydaşlarımızın 44 faizi (285 müraciət) Fransadan 29 faizi (190 müraciət) Almaniyadan, 9 faizi İsveçdən, 8 faizi Belçikadan, 6 faizi Niderlanddan sığınacaq istəyib.

Cənubi Qafqaz ölkələri sırasında AB ölkələrindən ən az sığınacaq istəyən Azərbaycan vətəndaşlarıdır. Qeyd olunan müddətdə 2315 Gürcüstan və 1355 Ermənistan vətəndaşı sığınacaq üçün AB ölkələrinə müraciət edib. Gürcü və ermənilər əsasən Fransa və Almaniyadan sığınacaq istəyir.

“Avrostat”ın məlumatına görə, AB ölkələrindən sığınacaq istəyənlər arasında Rusiya, Pakistan və Serbiya vətəndaşları üstünlük təşkil edir.

Bakıda naməlum kişi intihar edib.

Nəsimi Rayon Polis İdarəsindən APA-ya verilən məlumata görə, hadisə ötən gün Moskva prospektində yerləşən ”Azpetrol” yanacaqdoldurma məntəqəsinin qarşısındakı ağaclıqda qeydə alınıb.

30-35 yaşlı naməlum kişinin meyiti ağacdan asılmış vəziyyətdə tapılıb. Onun intihar etdiyi bildirilir.

Hazırda onun kimliyi araşdırılır.

Bu ilin yanvar-iyul aylarında Azərbaycanda əhalinin gəlirləri əvvəlki ilin eyni dövrü ilə müqayisədə 7,2% artaraq 18,9 mlrd. manata çatıb, onun hər nəfərə düşən həcmi orta hesabla 2 040,8 manat və ya ayda 291,5 manat təşkil edib.

Dövlət Statistika Komitəsindən «APA-Economics»ə verilən məlumata görə, hər nəfərə düşən gəlirlərin artımı istehlak qiymətlərinin bahalaşmasını 3,7 faiz bəndi üstələyərək 5,8% olub.

Bu dövr ərzində gəlirlərin 68,9%-i son istehlaka, 9,3%-i vergilər, sosial sığorta və üzvlük haqlarının, 1,6%-i kreditlər üzrə faizlərin ödənilməsinə, 20,2%-i isə əmanətlərin və kapitalın artırılmasına yönəldilib.

Əhalinin sərəncamında qalan gəlirlər 17,2 mlrd. manat təşkil edərək əvvəlki ilin eyni dövrünə nisbətən 7,2% artıb.