"Bakı özünəməxsus imperiya "forpostu" idi".

Bakıda anadan olmuş şahmat üzrə 13-cü dünya çempionu Harri Kasparov chess-news.ru nəşrinin suallarını cavablandırarkən, Azərbaycana olan münasibətindən danışıb.

"Mən 1990-cı ilin yanvar ayında Bakını tərk etməli oldum. Həmişə demişəm ki, paytaxtı Moskva olan ölkədə doğulmuşam, və SSRİ dağılandan sonra, paytaxtı Moskva olan ölkədə yaşamağa davam edirəm. Mənim üçün rus dili, rus mədəniyyəti və rus təhsili həmişə əsas olub.

Bizim ailədə müxtəlif millətlərin nümayəndələri var, Bakı digər respublikaların paytaxtından rus mədəniyyətinin təsirinin çox böyük olması ilə fərqlənirdi. Bu ölkənin cənubunda yerləşən özünəməxsus imperiya "forpostu"idi.

Baxmayaraq ki, mənim pasportumda doğulduğum yer kimi Bakı göstərilib, mənim indiki Azərbaycanla heç bir əlaqəm yoxdur və ola da bilməz".

Bu gün 2015-ci ilin ən yaxşı futbolçusunun adı açıqlan.

Qızıl top" mükafatının yeni sahibi İsveçrənin Sürix şəhərində keçiriləcək tədbirdə bəlli olub. Mükafata "Qızıl top"un 4 qat (2009, 2010, 2011, 2012) qalibi Lionel Messi, "Barselona"nın digər üzvü Neymar və 3 dəfə (2008, 2013, 2014) bu titula layiq görülmüş Madrid "Real"ının futbolçusu Kriştianu Ronaldo namizəd idi. Nəticədə ispaniyanın "Barselona" klubunun və Argentina milli komandasının üzvü Lionel Messi 5-ci dəfə "Qızıl top" mükafatına layiq görülüb. Səsvermədə yığma komandaların baş məşqçiləri və kapitanları, həmçinin jurnalistlər iştirak ediblər.

"Qalatasaray" futbol klubu qış transfer pəncərəsində ilk keçidini rəsmiləşdirib.

"Dalğa TV"nin klubun rəsmi saytına istinadən məlumatına görə, İstanbul təmsilçisi "Kasımpaşa"nın futbolçusu Ryan Donku heyətinə cəlb edib.

Hollandiyalı müdafiəçi ilə 2.5 illik müqavilə imzalanıb.

Qeyd edək ki, bu transfer üçün “Qalatasaray” “Kasımpaşa”ya 2.5 milyon avro təzminat ödəyib.

"Böyük qardaşım Ramzan Kadırova çox minnətdaram".

Məşhur azərbaycanlı K-1 döyüşçüsü Zabit Səmədov dünən Çeçenistanın paytaxtı Qroznı şəhərində "Qroznoy bitı 13" çərçivəsində döyüşdə əzəli rəqibi Polşa əsilli avstraliyalı Pol Slavinskiyə qalib gəlib.

Üç raundun nəticəsinə görə bütün hakimlər qələbəni Çeçnistanın "Axmat" klubunu təmsil edən həmyerlimizə veriblər.
Döyüş daha tez başa çata bilərdi, belə ki, Zabit üç dəfə rəqibini nokdauna göndərdi, lakin Slavinski sona qədər dözə bildi.

Beləliklə, 8 il sonra Zabit Slavinskidən revanş aldı. Xatırladaq ki, həmyerlimiz 2007-ci ildə Amsterdamda keçirilən döyüşdə texniki nokautla məğlub olmuşdur.
Zabit Səmədovun hesabında 86 döyüşdə 76 qələbə var.

Döyüşdən sonra Səmədov deyib: "Mənə azərkeşlik edən hər kəsə təşəkkürümü bildirirəm, həmyerlilərimə təşəkkür edirəm. Böyük qardaşım Ramzan Kadırova, mənim üçün belə bayram və revanş almağıma şərəait yaratdığı üçün çox minnətdaram".

Qiymətlər elan olundu.

Gələn il Bakıda keçiriləcək Formula 1 yarışına biletlərin qiymətləri açıqlanıb.

"Dalğa TV" xəbər verir ki, yarışda oturaq yerlər 8 tribunadadır.

Abşeron tribunasında 3 gün ərzində yarışları izləmək hüququ verən biletin qiyməti 620 AZN (A, B, C, D, E kateqoriyaları yerlərdə) təşkil edir. Bu tribunalarda imtiyazlı, yəni endirimlə əldə olunacaq biletlərin qiyməti isə 495 AZN bərabərdir.

Digər yerlər üzrə biletlərin qiymətlərini təqdim edirik:

İçəri Şəhər və Azneft tribunalarında qiymətlər 440 AZN (imtiyazlı 310)

Muğam və Sahil tribunaları - 370 AZN (259 AZN)

Qız Qalası və Filarmoniya tribunaları - 305 AZN (199 AZN)

Bulvar və Xəzər tribunaları - 210 AZN (125 AZN)

Bundan başqa, yarışı izləmək üçün ayaqüstü zonalar da təklif olunur.

Ayaq üstü zonaya keçid üçün biletlərin qiymətlər 95 AZN-dir.

Yarışı izləmək üçün ən ucuz bilet isə 19 AZN-ə satılacaq. Bu bilet yalnız ayaqüstü zonaya və yalnız cümə günü yarışı izləməyə imkan verəcək

Almaniya və Niderland arasında baş tutmalı olan yoldaşlıq oyunu ləğv olunub.

"Dalğa TV" qafqazinfo-ya istinadən xəbər verir ki, oyun Hannovarda keçirilməli idi. Bir neçə saat əvvəl Qərb mətbuatı oyunun keçiriləcəyi stadionda naməlum çamadan tapıldığını yazıb. Bununla bağlı araşdırmalara başlanılıb, amma həmin qutudan hər hansı təhlükəli partlayıcının tapılıb-tapılmadığı məlum deyil. Polis qüvvələri stadiona bütün giriş-çıxışları bağlayıblar.

Oyunun hansı günə qədər təxirə salınacağı da açıqlanmır.

Digər bir versiyaya görə isə, matç sadəcə olaraq Parisdə baş vermiş terror hadisəsindən sonra, təhlükəsizlik tədbirləri baxımdan ləğv edilib.

Qeyd edək ki, sözügedən oyunu Almaniya kansleri Angela Merkel və ölkənin digər rəsmi şəxsləri izləyəcəkdi.