Prezident İlham Əliyev və “Bakı 2015” birinci Avropa Oyunları Təşkilat Komitəsinin sədri Mehriban Əliyeva Bakı Olimpiya Stadionunda həyata keçirilən işlərin gedişi ilə tanış olublar.

ANS PRESS-in məlumatına görə, Azərbaycan Respublikası Dövlət Neft Şirkətinin prezidenti Rövnəq Abdullayev prezident İlham Əliyevə burada görülən işlər barədə ətraflı məlumat verib.

Təməli 2011-ci ilin iyununda qoyulan stadionunun inşası sürətlə və yüksək keyfiyyətlə davam etdirilir. Stadionda indiyədək layihə çərçivəsində nəzərdə tutulan inşaat işlərinin əsas hissəsi başa çatıb. Tikintidə ən müasir avadanlıqdan və inşaat materiallarından istifadə olunur.

Sonra İlham Əliyevə və Azərbaycanın birinci xanımına Bakı Olimpiya Stadionunun interyerində həyata keçirilən və görüləcək işlərlə bağlı məlumat verilib. Bildirilib ki, stadionun interyerində də son tamamlama işləri aparılır. Buraya gələn qonaqların rahatlığı üçün hər cür şərait yaradılıb. Bu gün dünyada idman ölkəsi kimi tanınan, idmana, Olimpiya hərəkatına dəstəyi dövlət siyasətinin əsas istiqamətlərindən biri seçən Azərbaycan ilk Avropa Oyunlarına sürətlə hazırlaşır. Birinci Avropa Oyunlarına hazırlıqla bağlı işlər yüksək səviyyədə həyata keçirilir. Müxtəlif idman yarışlarının keçirilməsi üçün nəzərdə tutulan Bakı Olimpiya Stadionunun inşasında da işlər sürətlə davam etdirilir.

Müasir arxitektura üslubu, xüsusi gözəlliyi ilə seçiləcək, 68 minə yaxın tamaşaçı yerinə malik Bakı Olimpiya Stadionu bu tipli idman qurğuları sırasında özünəməxsus yer tutacaq. Beynəlxalq standartlara tam cavab verəcək stadionda müxtəlif funksiyalı tribunalar, qaçış zolağı və digər infrastruktur yaradılır. Təxminən 50 hektar ərazidə tikilən stadion 6 mərtəbədən ibarət olacaq. Əsas və köməkçi stadionlardan, həmçinin mexaniki binadan ibarət olacaq stadionda VVIP, VİP, CIP, media, habelə əlil tamaşaçı bölmələri nəzərdə tutulub. Stadionun sahəsinə 4, tribunalara isə 26 qapıdan giriş olacaq. Olimpiya normativlərinə əsasən insanların stadiona daha çox piyada və ictimai nəqliyyatla gəlməsi nəzərdə tutulub ki, bunun üçün də ərazidə 3 min 100 yerlik avtomobil parkı inşa edilir.

Stadionun ətrafında ümumilikdə 82 min kvadratmetrlik yaşıllıq sahəsi salınır. Stadionun layihəsi iqtisadi səmərəliliyi, müasirliyi, funksional baxımdan əlverişliliyi, paytaxtın memarlığına və irəli sürülən texniki şərtlərə maksimum uyğunluğu ilə seçilir.

Bakı Olimpiya Stadionunda tikinti işlərinin gedişi ilə tanış olan Prezident İlham Əliyev müvafiq tapşırıq və tövsiyələrini verib.

Bakının "İnter" klubunun baş məşqçisi Kaxaber Sxadadze futbol üzrə Gürcüstan yığmasının baş məşqçisi təyin edilib.

ANS PRESS Trend-ə istinadən xəbər verir ki, K.Sxadadze ilə müqaviləni bu gün Gürcüstan Futbol Federasiyasının prezidenti Zviad Siçinava imzalayıb.

Müqavilə hələlik millinin iki oyunu - Malta ilə yoldaşlıq oyunu və Avro-2016 çərçivəsində Almaniya ilə oyun üçün nəzərdə tutulub.

2015-ci il iyunun 1-dən K.Sxadadze ilə iki il müddətinə yeni müqavilə rəsmiləşdiriləcək.

Həmin tarixdən gürcü məşqçi "İnter"i tərk edəcək.

Qeyd edək ki, "İnter" rəhbərliyi K.Sxadadzenin iki oyunluq müqavilə imzalamasına rəsmi razılığını verib.

Sərbəst və yunan-Roma güləşi üzrə böyüklər arasında Azərbaycan çempionatı başa çatıb.

Azərbaycan Güləş Federasiyasından Trend-ə verilən məlumata görə, çempionatın son günündə yunan-Roma güləşi üzrə 75, 80, 85, 98 və 130 kq çəki dərəcələrində 70 pəhləvan mübarizə aparıb.

75 kq

Final - Samran Nəsibov - Niyaməddin İbrahimov 0:9
Bürünc medal görüşü - Şəmistan Quluzadə - Nicat Sadıqov 4:1
Bürünc medal görüşü - Əmrah Mazanov - Hacımurad Bağmanov 5:2

80 kq

Final - Rafiq Hüseynov - Elvin Mürsəliyev 2:2*
Bürünc medal görüşü - Emil Həmidov - Fuad Əliyev 0:4
Bürünc medal görüşü - Məhəmmədəli Məhəmmədəliyev - Emin Əhmədov 7:5

85 kq

Final - İslam Abbasov - Şəhriyar Məmmədov 5:0
Bürünc medal görüşü - Anar Rəsulzadə - Tural Daşdəmirov 0:5
Bürünc medal görüşü - Orxan Qətranov - Soltan İsmayılov 0:5

98 kq

Final - Türmən Eyyubov - Zamir Məhəmmədov 1:0
Bürünc medal görüşü - Əli Həsənov - Namik Kamilov 2:0
Bürünc medal görüşü - Rüfət Hüseynov - Saman Təhmasibi +:- (zədə)

130 kq

Final - Valera Rodriqes - Sabah Şəriəti 0:5
Bürünc medal görüşü - Rza Abdullazadə - Səbuhi Hümbətov 6:3
Bürünc medal görüşü - Hacımurad Çöpsiyev - Qoşa Davitadze 2:4

Çəki dərəcələri üzrə ilk 3 yeri tutmuş idmançılar federasiya tərəfindən müvafiq diplom, medal və pul mükafatı ilə təltif olunub, həmin güləşçilər ölkə yığma komandasının heyətinə cəlb ediləcək və tam dəst idman geyimi ilə təmin olunublar.

Türkiyədə futbolçu hakimin burunu sındırıb.

ANS PRESS-in məlumatına görə, hadisə həvəskarlar liqasında baş verib.

"Çankırı Karatekinspor"un kapitanı Ramazan Koç "Kızılırmakspor"la oyunda baş hakim Birkan Kanat tərəfindən meydandan qovulub. Ramazan Koçla Birkan Kanatın yolları bu günlərdə başqa bir oyunda yenidən kəsişib. Birkan Kanat bu oyunda hakimlik etməyib. Sadəcə hakim yoldaşının oyununu izləyib.

Onu meydançada görən Ramazan Koç ədalət təmsilçisini döyməyə başlayıb. Nəticədə Birkan Kanatın burnu qırılıb və gözlərinin altı qaralıb.

Sakaryada birinci həvəskar liqasında oynanan matçda qırmızı kartla oyundan atılan futbolçu soyunub-geyinmə otağından aldığı bıçaqla sahəyə girmək istəyəndə saxlanılıb. Modern.az Türkiyə KİV-nə istinadən xəbər verir ki, Akyazı Kuzuluk sintetik meydançasında Pazarköy Təhsil İdman klubu ilə Kuzulukspor qarşılaşıb. Matçın 80-ci dəqiqəsində matçın hakimi Yunus Yıldırım Pazarköy Eğitimsporlu Yavuz Qırğı ilə Kuzuluksporlu Həmzə Sarıya qırmızı kart göstərərək meydançadan qovub. Matçın son dəqiqələrində qırmızı kart görməsinə hirslənən Kuzuluksporlu Həmzə Sarı, soyunub-geyinmə otağına getdikdən sonra oradan götürdüyü bıçaqla sahəyə girmək istəyib. Əlində bıçaqla meydançanın girişinə qədər gələn üzərində forma olan futbolçunu sahə içərisindəki asayişə nəzarət edənlər son anda görərək mane olub.

Möhkəm tutduğu bıçaqla yaxalanan futbolçu daha sonra ağıran jandarmlar tərəfindən saxlanılıb. Pazarköy Eğitimsporlu futbolçu, eyni zamanda vəkil da olan Yavuz Qırğı Həmzə Sarıdan şikayətçi olub. Sarı bu səbəbdən ifadəsi alınmaq üçün jandarm polis bölməsinə aparılıb. Pazarköy Eğitimsporlu rəhbərlər daha sonra şikayətdən imtina edib.

İngiltərə yığma komandasının keçmiş kapitanı Devid Bekhem avtomobil qəzasına düşüb.

APA-nın “İnterfaks”-a istinadən verdiyi xəbərə görə, “Mançester Yunayted” və “Real” komandalarının sabiq hücumçusu “Arsenal” futbol klubunun U-15 komandasında çıxış edən Bruklinlə birlikdə avtomobildə hərəkət edərkən yol qəzasına uğrayıb. Qəzanın təfərrüatları açıqlanmır. Bəzi məlumatlara görə, qəza nəticəsinə 37 yaşlı Bekhem çiynindən yüngül zədə alıb, oğlu isə heç bir xəsarət almayıb.