"Gələn il Bakıda keçiriləcək "Formula-1" Avropa Qran-Prisinin keçiriləcəyi dəqiq tarix məlum olub. Yarışma gələn ilin iyun ayının 19-da baş tutacaq".

Bunu jurnalistlərlə görüşündə Bakıda keçiriləcək "Formula-1" Avropa Qran-Pri yarışlarını təşkil edəcək "Baku Grand Prix" şirkətinin marketinq və kommunikasiya şöbəsinin müdiri Nigar Arpadarai deyib.

Onun sözlərinə görə, bu yarışma futbol üzrə dünya çempionatı və olimpiya oyunlarından sonra üçüncü ən ciddi idman tədbiridir: ""Formula-1" Avropa Qran-Pri yarışları dünyanın 187 ölkəsində yayımlanır, 500 milyondan artıq aidutoriyası var".

Paytaxtın mərkəzi küçələrində baş tutacaq yarışmanın ölkəmizin qarşısında böyük imkanlar açacağını deyən N.Arpadarai bildirib ki, bu tədbir ölkəmizə turist axınını gücləndirəcək: "Bakı şəhərinin yolları "Trasslar qrupu"na aid olduğu üçün bu tədbir şəhərin mərkəzi küçələrində təşkil ediləcək. "Formula-1"ə hazırlıq çərçivəsində yollarda təmir işləri aparılacaq, yol örtükləri yenilənəcək. Bu da yeni iş yerlərinin açılmasına səbəb olacaq. "Hökumət evi"nin qarşısında "Formula-1" şəhərciyi tikiləcək. Tamaşaçı tribunaları gecələr qurulacaq ki, əhalinin gediş-gəlişinə mane olmasın. Tikinti işləri gələn il aparılacaq və bu zaman hava şəraiti nəzərə alınacaq. Bu mötəbər idman tədbiri ölkəmizin beynəlxalq miqyasda əldə etdiyi növbəti ciddi uğurlardan biri olacaq".

Voleybol Superliqası noyabrın 6-da start götürür.

Noyabrın 6-da qadınlar arasında voleybol üzrə növbəti Azərbaycan çempionatı başlayacaq.

"Dalğa TV" xəbər verir ki, bu dəfə çempionatda müsabiqədən kənar əsaslarda Gürcüstanın "Tbilisi" komandası çıxış edəcək.

Superliqada həmçinin "Lokomotiv", "Telekom", "Azərreyl", "Azəryol" və Azərbaycanın gənclərdən ibarət yığma komandası çıxış edəcək.

Noyabrın 6-da:

"Tbilisi" - Azərbaycanın gənclərdən ibarət yığması

"Lokomotiv" - Azərbaycanın gənclərdən ibarət yığması

"Lokomotiv" - "Telekom"

"Azərreyl" - "Azəryol" komandaları görüşəcəklər.

Gürcüstan çempionatının II liqasında "Baxmaro" və "Sulori" komandaları arasında keçirilmiş futbol matçı zamanı kütləvi insident baş verib.

"Dalğa TV"nin məlumatına görə, oyun başa çatdıqdan sonra "Sulori" azarkeşləri meydançaya girərək, hakimləri söyüşlə və fiziki üsulla təhqir ediblər.

Klub nümayəndələri isə hakimlər və paltardəyişmə otaqlarına soxulublar.

Baş vermiş hadisə ilə əlaqədar Gürcüstan Futbol Federasiyasının (GFF) yeni prezidenti Levan Kobiaşvili İmereti Regional Futbol Federasiyasında olub. Regional federasiya rəsmiləri ilə görüşdə L.Kobiaşvili insidenti müzakirə edərək tərəflərin arqumentlərini dinləyib. O, insident iştirakçılarının sərt cəzalandırılmasının vacibliyini bildirib.

Qeyd edək ki, Levan Kobiaşvili oktyabrın 5-də GFF prezidenti seçilib. O, yeni vəzifədə Zviad Siçinavanı əvəzləyib.

Makedoniyanın Skopye şəhərində keçirilən şahmat üzrə klublar arasında Avropa Kubokunda III turun oyunları keçirilib.

"Dalğa TV"nin məlumatına görə, "Odlar Yurdu" meydan sahiblərinin "Alkaloid" klubu ilə üz-üzə gəlib və turnirdə ilk dəfə məğlubiyyətə üzülüb. SOCAR-Azərbaycan isə Rusiyanın "Universitet-Beloreçensk" klubuyla qarşılaşmada ardıcıl üçüncü qələbəsini qazanıb.

III tur

SOCAR (Azərbaycan) - "Universitet-Beloreçensk" (Rusiya) - 4,5:1,5

Veselin Topalov (2813) - Boris Gelfand (2741) - 0,5:0,5

Aniş Qiri (2798) - Vladimir Malaxov (2694) - 0,5:0,5

Fabiano Karuana (2796) - Baadur Jobava (2683) - 1:0

Maykl Adams (2742) - Sergey Rublevski (2702) - 1:0

Teymur Rəcəbov (2738) - Yevgeni Alekseyev (2642) - 1:0

Şəhriyar Məmmədyarov - Konstantin Landa (2626) - 0,5:0,5


"Odlar Yurdu" (Azərbaycan) - "Alkaloid" (Makedoniya) - 2:3

Emil Sutovski (2635) - Vasili İvançuk (2726) - 0.5:0.5

Vasif Durarbəyli (2618) - Yevgeni Tomaşevski (2758) - 0,5:0.5

Ülvi Bacarani (2546) - Dmitri Yakovenko (2748) - 0,5:0.5

Vüqar Rəsulov (2505) - Dmitriy Andreykin (2720) - 0:1

Nicat Abasov (2517) - Yuri Krivoruçko (2710) - 0,5:0,5

Qədir Hüseynov (2634) - Yanqyi Yu (2721) - 0,5:0,5

Turnir cədvəli: 1-6. SOCAR (Azərbaycan), "Novıy Bor" (Çexiya), "Siberiya" (Rusiya), "Alkaloid" (Makedoniya), SŞM (Rusiya), "Obiettivo" (İtaliya) - 6 xal,
9. "Odlar Yurdu" (Azərbaycan) - 4 xal.

FIFA cari ilin yekunlarına görə dünyanın ən yaxşı futbol məşqçisi adına namizədlərin siyahısını açıqlayıb.

AZƏRTAC FIFA-nın rəsmi saytına istinadla xəbər verir ki, ali futbol qurumunun siyahısında Massimiliano Alleqri (“Yuventus”), Karlo Ançelotti (“Real”), Loran Blan (PSJ), Unai Emeri (“Sevilya”), Xosep Qvardiola (“Bavariya”), Luis Enrike (“Barselona”), Joze Mourinyo (“Çelsi”), Xorxe Sampaoli (Çili yığmasının baş məşqçisi), Dieqo Simeone (“Atletiko”) və Arsen Venqer (“Arsenal”) yer alıblar.

İlin ən yaxşı məşqçisinin adı gələn il yanvarın 11-də Sürixdə elan olunacaq.

Türkiyə yığması futbol üzrə Avro-2016-nın təsnifat mərhələsi çərçivəsində keçirdiyi son oyunda İslandiyanı məğlub edib (1:0) və ən yaxşı qrup üçüncüsü kimi turnirin final mərhələsinə vəsiqə qazanıb.

"Dalğa TV" xəbər verir ki, bu yolda türklərin əsas rəqibi son tura qədər Macarıstan yığması olub.

Yekunda Türkiyə öz qrupunda 18 xal, Macarıstan isə 16 xal toplayıb. Macarlar play-off mərhələsində mübarizəni davam etdirəcəklər.

Türkiyə son qrup oyununda İslandiya millisini qəbul edib. Dramatik keçən oyunda qolu 89-cu dəqiqədə Səlcuq İnan cərimə zərbəsindən vurub.

Avro-2016. "A" qrupu.

Türkiyə-İslandiya - 1:0

Qol: Səlcuk İnan, 89 (1:0)