Dalga Televiziyasi İdman
Get Adobe Flash player

Socar Georgia Gas

 

BAKI - TBİLİSİ

Multikulturalizm

Tərəfdaşlar

Ziyarətçi sayğacı

Bu günBu gün1919
DünənDünən3648
Bu həftəBu həftə15074
Bu ayBu ay41764
Bu günə qədərBu günə qədər2890205

Bizi Paylaşın

Video Xəbərlər

 

Təqvim


İdman

"Formula-1" üzrə 2017-ci il mövsümünün ilk mərhələsi başa çatıb

Bakı. 26 mart. REPORT.AZ/ "Formula-1" üzrə 2017-ci il mövsümünün ilk mərhələsinə yekun vurulub.

"Dalga tv"nin məlumatına görə, Melburn şəhərində təşkil olunmuş Avstraliya Qran-Prisində "Ferrari"nin almaniyalı pilotu Sebastyan Fettel qalib olub.

Sonrakı iki yeri "Mersedes" pilotları - britaniyalı Lüis Hemilton və finlandiyalı Valteri Bottas tutub.

Yürüş 57 dövrədən ibarət olub. Fettel 1 saat 24 dəqiqə 11,672 saniyə nəticə göstərib. Hemilton ondan 9,975 saniyə, Bottas isə 11,250 saniyə geri qalıb. 7 pilot, o cümlədən ötən il Bakıda keçirilmiş Avropa Qran Prisinin səfiri Fernando Alonso finişə çata bilməyib. "Maklaren Honda"nın ispaniyalı pilotu 50-ci dövrədən sonra dayanıb.

İlk mərhələdən sonra Fettel 25, Hemilton 18, Bottas 15 xala malikdir. Avtomobillərin mübarizəsində isə "Ferrari" 37 xalla 1-ci,"Mercedes" 33 xalla 2-ci, "Red Bull" isə 10 xalla 3-cüdür.

Mövsümün ikinci mərhələsi - Çin Qran Prisi aprelin 9-da Şanxayda keçiriləcək.

Azərbaycan millisinin Almaniya ilə oyun üçün heyəti müəyyənləşib

Futbol üzrə Azərbaycan milli komandasının Almaniya yığması ilə keçirəcəyi 2018-ci il dünya çempionatının seçmə qrup matçı üçün heyəti müəyyənləşib.

"Dalga tv"nin məlumatına görə, bu barədə millinin baş məşqçisi Robert Prosineçki oyunöncəsi mətbuat konfransında açıqlama verib.

Xorvatiyalı mütəxəssis ilk dəqiqələrdən Kamran Ağayev - Məhəmməd Mirzəbəyov, Rəşad Sadıqov, Bədavi Hüseynov, Pavel Paşayev, Cavid Hüseynov, Qara Qarayev, Rahid Əmirquliyev, Əfran İsmayılov, Dmitri Nazarov və Ramil Şeydayev "11-liy"inə güvənəcəyini bildirib.

Tofiq Bəhramov adına Respublika stadionunda keçiriləcək Azərbaycan - Almaniya matçı saat 20:00-da başlanacaq.

Messiyə El-Klassikoya üç gün qalmış hökm oxunacaq

Aprelin 20-də, El-Klassikoya üç gün qalmış “Barselona” və Argentina yığmasının hücumçusu Lionel Messiyə hökm oxunacaq.

Dalga tv Report-a xəbər verir ki, futbolçunu 21 ay müddətinə həbs cəzası gözləyir.

Həmçinin, həbsin cərimə ilə əvəzlənəcəyi gözlənilir.

2016-cı ilin yayında argentinalı 4,1 milyon dollar məbləğində vergidən yayınmaqda ittiham olunub.

Azərbaycan – Almaniya oyununa satışda üç min bilet qalıb

Futbol üzrə dünya çempionatının seçmə mərhələsi çərçivəsində martın 26-da Tofiq Bəhramov adına Respublika Stadionunda keçiriləcək Azərbaycan – Almaniya oyununa satışda üç min bilet qalıb.

Dalga tv  AFFA-ya istinadla xəbər verir ki, biletləri “28 Mall”, “Park Bulvar” ticarət mərkəzləri, “Bakcell” Müştəri Xidmətləri Mərkəzi (metronun Sahil stansiyasının yaxınlığı), “Bakcell Arena”nın və Tofiq Bəhramov adına Respublika Stadionunun kassalarından əldə etmək mümkündür. Həmçinin biletlərin online satışı www.tickets.affa.az saytında da həyata keçirilir.

Xatırladaq ki, Azərbaycan-Almaniya oyunu martın 26-da saat 20:00-da başlayacaq.

Çempionlar Liqasında dəyişiklik - 24 klub birbaşa qrupda

UEFA 2018/19 mövsümündə Çempionlar Liqasında iştirak edəcək klublarla yeni bağlı məlumat yayıb.

“Dalga tv” xəbər verir ki, qitənin ən nüfuzlu klub turnirində 2018/19 mövsümündən etibarən reytinq siyahısının ilk 4 pilləsində olan ölkə qrup mərhələsində 4 klubla təmsil olunacaq.

Əmsallar cədvəlində 5-6-cı yerləri turan 2 ölkənin 2 komandası yarışa birbaşa qrup mərhələsindən qoşulacaq. Bu ölkələrin daha 1 təmsilçisi isə qrup mərhələsinə düşmək üçün 2 mərhələ adlamalıdı.

Reytinqdə 7, 8, 9, 10-cu olan ölkənin 1 klubu qrup mərhələsində iştirak edəcəyi halda, 1 klub da yarışa seçmə mərhələdən başlayacaq. 

Cədvəldə 11 və 12-cı yeri tutan ölkələrin çempionları isə yarışa sonuncu təsnifat mərhələsindən qoşulacaqlar. 

Bununla da 2018/19 mövsümündən etibarən 24 klub ÇL-də mübarizəyə birbaşa qrup mərhələsindən start verəcək.

Bakı-2017 İslam Həmrəyliyi Oyunlarına 50 gün qaldı

Bakı-2017 İslam Həmrəyliyi Oyunlarına 50 gün qalmasını qeyd etmək məqsədlə bu gün Bakı bulvarında “Grassroots” proqramı çərçivəsində tədbir keçirilib.

Dalga tv-nin məlumatına görə, tədbirdə əvvəlcə Bakı-2017-nin idmançı səfirlərinin iştirakı ilə insanları idmana cəlb etmək məqsədilə açıq havada idman sessiyası olub.

Sonra tədbir çərçivəsində keçirilən viktorinalarda qalib gələn iştirakçılar hədiyyələr qazanıb.

Tədbir iştirakçıların böyük marağına səbəb olub.

Bakı-2017-nin ulduz səfiri Tünzalə Ağayeva istedadlı könüllülərə dəstək məqsədilə keçirilən bu layihəyə görə çox sevindiyini deyib və hər kəsi idmançılara dəstək olmağa çağırıb.

Bakı-2017-nin idmançı səfiri Rəsul Çunayev isə “Grassroots” proqramı çərçivəsində gənclərin idmana cəlbi məqsədilə həyata keçirilən layihələrdə iştirak etdiyini bildirib: “Bu gün artıq “İslam Həmrəyliyi Oyunlarına 50 gün qaldı” tədbirini qeyd edirik, yəni Oyunlara az qalıb. Ümidvaram ki, ölkəmizə böyük uğurlar qazandıracağıq. Hər kəsi biz idmançılara dəstək olmağa çağırırıq”.

Avropa Liqasında bütün 1/4 finalçılar bəlli olub

UEFA Avropa Liqasında 1/8 finalın cavab oyunları keçirilib. Apasport.az saytının məlumatına görə, baş tutan qarşılaşmalardan sonra 1/4 finala yüksələn bütün komandaların adlarına aydınlıq gəlib.

8 oyundan 3-ü saat 22:00-da start götürüb ki, bu matçlarda “Beşiktaş” “Olimpiakos”u, “Krasnodar” “Selta”nı, “Genk” isə “Gent”i qəbul edib.

Yunanıstandan sərfəli nəticə ilə dönən İstanbul təmsilçisi möhtəşəm qələbə ilə 1/4 finala adlayıb. Hətta matçın gedişində 10 nəfərlə qalmaq da "Beşiktaş"a mane olmayıb.

“Selta” isə Rusiyada 2 cavabsız qola sevinib.

“Genk” – “Gent” cütlüyündə isə bərabərlik meydan sahiblərinin növbəti mərhələyə yüksəlməsinə mane ola bilməyib.

Saat 00:05-də start götürən oyunlarda isə azarkeşlər gərgin rəqabətə şahidlik ediblər. "Mançester Yunayted" doğma meydanda "Rostov"u tək qolla keçib.

"Ayaks" da qələbə qazananlardan olub - 2:0.

"Lion" "Roma"ya 1:2 hesabı ilə uduzsa da, doğma meydandakı qələbə fransızları üstün edib.

Almaniya derbisini isə "Şalke" qazanıb. Doğma meydanda 1:1 ilə razılaşan helzenkirhenlilər səfərdə əldəetdiyi 2:2-lik heç-heçə ilə 1/4 finala çıxıb.

UEFA Avropa Liqası

1/8 final, cavab görüşləri

16 mart

“Beşiktaş” (Türkiyə) – “Olimpiakos” (Yunanıstan) - 4:1

Qollar: Abubakar, 10, Babel, 22, 75, Cenk, 84 - Elyunussi, 31

 İlk oyun - 1:1

“Krasnodar” (Rusiya) – “Selta” (İspaniya) - 0:2

Qollar: Mallo, 52, Aspas, 80

İlk oyun - 1:2

“Genk” (Belçika) – “Gent” (Belçika) - 1:1

Qol: Kastanye, 20 - Verstraet, 84

İlk oyun - 5:2

“Borussiya” (Mönhenqladbax, Almaniya) – “Şalke” (Almaniya) - 2:2

Qollar: Kristensen, 26, Dahud, 45+2 - Qoreçka, 54, Bantelab, 68

İlk oyun - 1:1

“Anderlext” (Belçika) – APOEL (Kipr) - 1:0

Qol: Açemponq, 65

İlk oyun - 1:0

“Ayaks” (Hollandiya) – “Kopenhagen” (Danimarka) - 2:0

Qollar: Traore, 23, Dolberq, 45+3

İlk oyun - 1:2

“Roma” (İtaliya) – “Lion” (Fransa) - 2:1

Qollar: Strutman, 18, Tusart, 68 - Diaxabi, 16

İlk oyun - 2:4

“Mançester Yunayted” (İngiltərə) – “Rostov” (Rusiya) - 1:0

Qol: Mata, 70

İlk oyun - 1:1

İslamiada ilə bağlı diplomatik brifinq keçirilib

İslam Həmrəyliyi Oyunları Əməliyyat Komitəsi və Azərbaycan Xarici İşlər Nazirliyinin birgə əməkdaşlığı ilə “Boulevard Hotel”də 60 ölkədən Azərbaycanda akkreditə olunmuş 100-dən çox diplomatik nümayəndəliklərin rəhbərləri üçün diplomatik brifinq təşkil edilib. Bakı-2017-dən apasport.az saytına verilən məlumata görə, brifinqdə diplomatik nümayəndəliklərə oyunların təhlükəsizlik və akkreditasiya sahələrinə dair yeniliklər barədə məlumat verilib.

Bununla yanaşı, diplomatlar gələcəkdə ölkəmizdə keçiriləcək idman yarışları haqqında da məlumatlandırılıblar.

IV İslam Həmrəyliyi Oyunlarında gerçəkləşəcək son yeniliklər haqda danışan Bakı-2017-nin Əməliyyat Komitəsinin protokol şöbəsinin direktoru Pol Foster bildirib ki, yarışa beynəlxalq aləmdə böyük həvəs və maraq olacaq: “Bu oyunlara marağın yaranmasında, onun təbliğatında sizin də əməyiniz və dəstəyinizə ehtiyac var. Yarışla bağlı məlumatların sizə geniş şəkildə çatdırılması çox böyük önəm daşıyır”.

Azərbaycan Milli Olimpiya Komitəsinin Beynəlxalq Əlaqələr şöbəsinin rəhbəri Könül Nurullayeva milli olimpiya komitələrinin İslam Oyunlarında oynadığı rollar barədə danışarkən qeyd edib ki, IV İslam Həmrəyliyi oyunları zamanı ölkəmizə təşrif buyuracaq hər bir idmançı ədalətli oyun nümayiş etdirib, bir-birinə hörmət və dəstək göstərəcək: “İnanıram ki, biz bir ailə kimi bütün komandaları dəstəkləyəcəyik və hər birinə qələbə qazanmaları üçün uğurlar arzu edəcəyik”. 

AFFA “Qəbələ” ilə bağlı qərarında dəyişiklik etdi

Bu gün AFFA-nın Apellyasiya Arbitraj Tribunalının iclası keçirilib. "Dalga tv" xәbәr verir ki, aparılmış müzakirələrdən sonra aşağıdakı qərarlar qəbul edilib.

1. AFFA-nın İntizam Komitəsinin “Qəbələ” İK-nın rəsmi şəxsləri Zaur Əzizov, Səbuhi Səfiyarlı, Səməd Nəsibov və Səbuhi Qarayev barəsində çıxardığı 29 saylı, 02 mart 2017-ci il tarixli qərar qüvvədə saxlanılsın.

2. 2016/2017 futbol mövsümü çərçivəsində XXV Topaz Premyer Liqasının XX turunun 28 fevral 2017-ci il tarixində keçirilən “Kəpəz” – “Qəbələ” oyunu zamanı qeydə alınan qayda pozuntusuna dair “Qəbələ” İK-nın futbolçusu Nika Kvekveskiri barədə AFFA-nın İntizam Komitəsinin qəbul etdiyi 02 mart 2017-ci il tarixli qərar qismən dəyişdirilsin. Barəsində intizam tədbiri kimi 6 aylıq sınaq müddəti təyin olunmaqla, futbolçu verilmiş 3 oyunluq cəzanın qalan müddətini çəkməkdən şərti olaraq azad olunsun. 6 aylıq sınaq müddəti ərzində futbolçu Nika Kvekveskiri analoji hərəkətlərə yol verəcəyi təqdirdə, ona təyin olunmuş intizam tədbiri hazırkı azad olunmuş cəzaya əlavə olunsun.

3. 2016/2017 futbol mövsümü çərçivəsində XXV Topaz Premyer Liqasının XX turunun 28 fevral 2017-ci il tarixində keçirilən “Kəpəz” – “Qəbələ” oyununun birinci hissəsindən sonra qeydə alınan qayda pozuntusuna dair “Qəbələ” İK-nın həkimi Namiq Hüseynov barədə AFFA-nın İntizam Komitəsinin qəbul etdiyi 02 mart 2017-ci il tarixli qərar qismən dəyişdirilsin. Barəsində intizam tədbiri kimi 6 aylıq sınaq müddəti təyin olunmaqla, həkim verilmiş 5 oyunluq cəzanın qalan müddətini çəkməkdən şərti olaraq azad olunsun. 6 aylıq sınaq müddəti ərzində həkim Namiq Hüseynov analoji hərəkətlərə yol verəcəyi təqdirdə, ona təyin olunmuş intizam tədbiri hazırkı azad olunmuş cəzaya əlavə olunsun.

4. AFFA-nın Hakim-İnspektorlar Komitəsinə bu oyunun təşkili zamanı baş vermiş pozuntu hallarının araşdırılması barədə AFFA-nın Apellyasiya Arbitraj Tribunalına dərhal məlumat verməsi tapşırılsın və gələcəkdə bu cür halların baş verməməsi təmin edilsin.

Azərbaycan idmançısı Rusiyada keçirilən yarışda qalib gəlib

alt

Rusiyada MMA üzrə keçirilən “Fights Night Global 59” əlbəyaxa döyüşündə Azərbaycan idmançısı qalib gəlib. APA-nın Moskva müxbirinin verdiyi məlumata görə, Moskva vilayətinin Ximki şəhərində yerləşən arenada keçirilən döyüşdə rinqə çıxan azərbaycanlı idmançı, Qəbələ İdman Klubunun üzvü, MMA üzrə dünya və Asiya çempionu Nəriman Abbasov rusiyalı rəqibi Artur Zaynukovla qarşılaşıb.

Üç raundan ibarət görüşdə Qəbələ İdman klubunun üzvü Nəriman Abbasov rinqdə rusiyalı idmançını tam xal üstünlüyü ilə məğlub edərək yarışın qalibi olub.

Nəriman Abbasov APA-nın Moskva müxbirinə açıqlamasında döyüşün çox ağır keçdiyini bildirib: "Bu görüş mənim üçün çox önəmli idi. Tam xal üstünlüyü ilə qələbə qazandım. Bu görüşdə qələbə qazanmağım mənim bundan sonra titullu görüşlərdə iştirakıma yol açdı. İlk öncə məşqçim, Şəhriyar Abbasova, komandamızın kapitanı Bəxtiyar Abbasova təşəkkürümü bildirmək istəyirəm".

N. Abbasov Qəbələ İdman Klubunun prezidenti Tale Heydərova onlara verdiyi dəstəyə görə təşəkkürünü bildirib.

Gürcüstanın Azərbaycan çempionatındakı oyunlarının vaxtı bəlli oldu

alt

Qadın voleybolçular arasında Azərbaycan Super Liqasında çıxış edən Gürcüstan millisinin Bakıya növbəti səfərinin tarixi açıqlanıb.

Qafqazinfo” xəbər verir ki, çempionatda keçirdiyi 8 matçda cəmi 1 set qazanan qonşu ölkə təmsilçisi fevralın 24-də paytaxtımızda olacaq.

Həmin gündən başlayaraq təxirə salınan 4 oyununu keçirəcək gürcülər ardından yenidən vətənlərinə qayıdacaqlar.

Oyunların təqvimini təqdim edirik:

24 fevral
17:00. “Telekom” – Gürcüstan
Gənclik” Olimpiya Kompleksi

25 fevral
17:00. “Azərreyl” – Gürcüstan
“Azərreyl” Voleybol Mərkəzi

26 fevral
17:00. “Azəryol” – Gürcüstan
“Azərreyl” Voleybol Mərkəzi

27 fevral
12:00. “Lokomotiv” – Gürcüstan
“Azərreyl” Voleybol Mərkəzi

 

Zeynəblə evlənən ərəb şeyxi səfir oldu - Bakıya gəlir

alt

Bu il Azərbaycanda keçiriləcək “Bakı 2017 İslam Həmrəyliyi Oyunları”nın xarici ölkələr üzrə səfirlərindən daha biri bəlli olub.

Qafqazinfo” xəbər verir ki, şeyx Səid Əl Məktum 4-cü İslam Həmrəylik Oyunlarının fəxri səfiri seçilib. Bu barədə şeyxin azərbaycanlı xanımı, tanınmış bədii gimnast, beynəlxalq dərəcəli idman ustası Zeynəb Cavadlı öz feysbuk hesabında yazıb.

O, qeyd edib ki, şeyx bu proqrama töhvə verəcəyi üçün xoşbəxtdi və sözügedən tədbirlərin gənclərin gələcək fəaliyyətində vacib mərhələ olacağına inanır.

Qeyd edək ki, Zeynəb Cavadlı Səid Əl-Məktumun sayca üçüncü həyat yoldaşıdır. Onun ilk arvadı şeyxə Suhailadır. Şeyx ikinci arvadı, əslən azərbaycanlı olan Əliyeva Natalya Müslüm qızı ilə Minskdə keçirilən yarışlar zamanı restoranlardan birində tanış olub. Bir zamanlar ofisiant kimi çalışan Natalya şeyxlə evlilikdən sonra adın dəyişərək Ayşə edib və İslam dinini qəbul edib. Səidin üçüncü arvadı isə Zeynəbdir. Şeyxin bu üç evlilikdən 9 övladı var. Hazırda Səid Əl Məktumun bütün arvadlarının ailələri onlarla birlikdə Dubayda ayrı-ayrı imarətlərdə yaşayır.

Saytda Axtarış

Son xəbərlər