Dalga Televiziyasi İdman
Get Adobe Flash player

Socar Georgia Gas

 

BAKI - TBİLİSİ

Multikulturalizm

Tərəfdaşlar

Ziyarətçi sayğacı

Bu günBu gün3676
DünənDünən4506
Bu həftəBu həftə29594
Bu ayBu ay100000
Bu günə qədərBu günə qədər2516135

Bizi Paylaşın

Video Xəbərlər

 

Təqvim


İdman

Azərbaycan və Gürcüstan parlamentlərinin gənclər və idman komitələri əməkdaşlıq edəcək

Tbilisidə Gürcüstan və Azərbaycan parlamentlərinin gənclər və idman komitələri arasında əməkdaşlıq haqqında Memorandum imzalanıb.

APA-nın Gürcüstan bürosunun məlumatına görə, sənədi komitə sədrləri Mixeil Kavelaşvili və Fuad Muradov imzalayıb.

F. Muradov komitələr arasında əməkdaşlıq memorandumunun imzalanmasını əhəmiyyətli adlandırıb: "Bu sənədin imzalanması ilə komitələr arasında əməkdaşlıq daha sıx olacaq". 

M.Kavelaşvili öz növbəsində Gürcüstanın Azərbaycanla bütün sahələrdə əməkdaşlığa böyük önəm verdiyini vurğulayıb: "Memorandum parlament komitələri arasında əməkdaşlığın daha da möhkəmlənməsinə töhfə verəcək".

Gürcüstanın raqbi komandası Belçikalı rəqiblərini 47:0 hesabla məğlub etdi

Gürcüstanın raqbi komandası Belçikalı rəqiblərini 47:0 hesabla məğlub etdi.
 
Gürcüstan və Belçika raqbi komandaları arasında görüş bugün Kutaisidə "Aia Arenada" keçirildi.
 
Qeyd edək ki, Belçikalı rəqibləri ilə gürcü komandası indiyə qədər üç dəfə oynayıb və üç dəfə qalib olmuşdu.

Putin idmançılardan üzr istədi

Rusiya prezidenti Vladimir Putin ölkənin 2018-ci il Olimpiya Oyunları ərəfəsində idmançıların dopinq qalmaqalında maraqlarını qoruya bilmədiyi üçün onlardan üzr istəyib.

Dalga tv-nin Oxu.Az-a istinadən məlumatına görə, Rusiya lideri bu barədə Phençan Olimpiadasının rusiyalı idmançı-iştirakçıları ilə görüşdə deyib.

"Sizi qoruya bilmədiyimiz üçün bizi bağışlayın", - Putin deyib.

O qeyd edib ki, Rusiya həmişə təmiz idmanın tərəfdarı olub. 

Putin həmçinin Olimpiya Oyunlarına yollanan rusiyalı idmançılara uğurlar arzulayıb.

"Mən sizə arzu edirəm ki, heç nəyi fikirləşmədən yalnız idman mübarizəsinə diqqətinizi yönəldəsiz. Sizi sevən və qələbənizə inanan minlərlə insan, milyonlarla azarkeş Oyunları izləyəcək".

Gürcüstanlı idmançı ilk dəfə sumo üzrə Tokio turnirinin qalibi olub

Gürcüstanlı idmançı Toçinoşin ilk dəfə sumo üzrə Tokio turnirinin qalibi olub.

Dalga tv xəbər verir ki, əsl adı Levan Qorqadze olan bu 30 yaşlı idmançı 15 gün davam edən böyük dəbilqə turnirinin 14-cü günündə 13-cü qələbəsini qazanıb. Onun ən yaxın rəqibi üç dəfə məğlub olub.

Bununla gürcüstanlı idmançı ilk dəfə Tokioda təşkil olunan turnirin qalibi adını qazanıb.

Küveytdə futbol oyununda tribuna çökdü: 40 yaralı

Küveytdə keçirilən futbol qarşılaşmasında faciə baş verib.

Oxu.Az xəbər verir ki, Oman və Birləşmiş Ərəb Əmirlikləri (BƏƏ) milliləri arasında keçirilən Körfəz Kubokunun final oyununun sonunda tribuna çöküb. Nəticədə 40 azarkeş yaralanıb.

Küveyt baş nazirinin köməkçisi Enes Saleh xəstəxanalara yatırılan yaralıların vəziyyətinin yaxşı olduğunu bildirib.

Qeyd edək ki, 90 dəqiqəsi qolsuz başa çatan oyunda Oman penalti vuruşları ilə 5:4 qalib gələrək Körfəz Kubokunu ikinci dəfə muzeyinə götürüb.

 

Azərbaycan-Gürcüstan matçının yeri dəqiqləşib

Millimizin Gürcüstanla yoldaşlıq matçını hansı stadionda keçirəcəyi müəyyənləşib. Apasport.az apsny.ge saytına istinadən xəbər verir ki, qarşılaşma Antalyanın “Mardan” İdman Kompleksinin stadionunda keçiriləcək.

Arena 7428 tamaşaçı tutumuna malikdi. Yığmamızın yeni baş məşqçi Qurban Qurbanovun rəhbərliyi altında çıxacağı ilk oyun fevralın 2-də keçiriləcək. Bu görüş Millətlər Liqasına hazırlıq xarakteri daşıyır.

Millimiz sabiq çalışdırıcı Robert Prosineçkinin rəhbərliyi altında çıxdığı ilk, amma qeyri-rəsmi xarakter daşıyan “Şaxtyor”la oyunu da məhz “Mardan” stadionunda keçirmişdi. 

Azərbaycan millisi Gürcüstanla yoxlama matçı keçirəcək

Futbol üzrə Azərbaycan milli komandasının növbəti rəqibi müəyyənləşib. Apasport.az saytının məlumatına görə, 2018-ci ildəki yoxlama oyunları üçün ilk rəqib bəllidi.

Bu, qonşu Gürcüstan yığmasıdı. Qurban Qurbanovun baş məşqçisi olduğu komanda qonşularımızla təlim-məşq toplanışı çərçivəsində qarşılaşacaq.

Türkiyənin Antalya şəhərində təşkil olunacaq hazırlıq prosesində keçiriləcək matç 2018-ci il fevralın 2-də baş tutacaq.

Qeyd edək ki, bu matç Qurbanovun millinin baş məşqçisi postunda debütü olacaq.

“Qarabağ” Çempionlar Liqasında son oyunda uduzdu

Azərbaycanın “Qarabağ” klubu Çempionlar Liqasının qrup mərhələsində son oyununu keçirib.

Oxu.Az-ın xəbərinə görə, səfərdə “Roma”nın qonağı olan Ağdam təmsilçisi minimal hesabla məğlub olub.

Matçda yeganə qolu 53-cü dəqiqədə Diyeqo Perotti vurub. 

C qrupunda keçirilən paralel qarşılaşmada “Çelsi” və “Atletiko” 1:1 hesablı bərabərliyə qalıblar.

Bu nəticələrdən sonra hərəyə 11 xal toplayan “Roma” və “Çelsi” müvafiq olaraq birinci və ikinci yerlərdən 1/8 final mərhələsinə vəsiqə qazanıblar. Yeddi xalla qrupda üçüncü olan “Atletiko” mübarizəni Avropa Liqasında davam etdirəcək. 

Qarabağ isə iki xalla C qrupunda sonuncu olub.

Çempionlar Liqası: “Qarabağ” "Çelsi"yə böyük hesabla məğlub olub

“Qarabağ” üçün avrokubok mövsümünün bu il bitəcəyi rəsmiləşib. Apasport.az saytının məlumatına görə, Çempionlar Liqasının qrup mərhələsində mübarizə aparan Azərbaycan çempionu növbəti raunda yüksələ bilməyib.

“Çelsi”ylə ev oyununda 0:4 hesabı ilə uduzan Qurban Qurbanovun yetirmələri Çempionlar Liqasının 1/8 finalına vəsiqə verən ilk iki yerə şansını itirsə də, Avropa Liqası şansını saxlamışdı. Qrup üçüncülüyü və qitənin ikinci dərəcəli klub turnirinin 1/16 final mərhələsi şansı isə C qrupunun digər oyunundan asılı idi.

“Qarabağ”ın 2018-ci ilin fevralında yenidən avrokubok həyəcanı yaşatmaq ehtimalının üstündən isə “Atletiko” xətt çəkib. Öz meydanında “Roma”nı 2:0 hesabı ilə üstələyən madridlilər ilk “üçlük”də yerini təmin edib.

Çempionlar Liqasında qalacaq “Çelsi”nin 11 xalı varsa, ikinci vəsiqə üçün savaşı son turadək davam etdirəcək “Roma”nın 8, “Atletiko”nun 6 xalı var. 2 xala malik “Qarabağ” isə “üçlük” şansını itirib. Ağdam klubu son turdan asılı olmayaraq qrup sonuncusu olacaq.

Bir sözlə, VI turun “Roma” ilə görüşü həm “Qarabağ”, həm Azərbaycan klubları üçün mövsümün son avrokubok matçı olacaq. Bizim üçün formal xarakterli matç İtaliya klubu üçün önəm daşıyacaq. Çünki “Atletiko” ilə sonuncu turun qiyabi mübarizəsində qələbə Çempionlar Liqası dəyərində olacaq.

"Qarabağ" və "Çelsi"-nin start heyətləri açıqlanıb

Bakı Olimpiya Stadionunda Çempionlar Liqasının qrup mərhələsinin V tur matçında üz-üzə gələcək "Qarabağ" və "Çelsi" komandalarının start heyətləri açıqlanıb.

Dalga tv Oxu.Az-a istinadən xəbər verir ki, ilk "11-lik"də bu futbolçular yer alıblar:

"Qarabağ": 13.İbrahim Şehiç, 2.Qara Qarayev, 5.Maksim Medvedev, 8.Miçel, 9.Dino Ndlovu, 11.Mahir Mədətov, 14.Rəşad Sadıqov (K), 20.Riçard Almeyda, 25.Ansi Aqolli, 52.Yakub Jezniçak, 77.Donald Gerryer

Ehtiyat oyunçular: 1.Anton Kanibolotski, 7.Rahid Əmirquliyev, 22.Əfran İsmayılov, 32.Elvin Yunuszadə, 91.Coşqun Diniyev, 99.Dani Kintana

Baş məşqçi: Qurban Qurbanov

"Çelsi": 13.Tibo Kurtua, 2.Antonio Rüdiger, 3.Markos Alonso, 4.Sesk Fabreqas, 7.N'Qolo Kante, 10.Eden Azar, 11.Pedro Rodriges, 21.Davide Zappakosta, 22.Villian, 28.Sezar Aspilikueta (K), 30.David Luis

Ehtiyat oyunçular: 1.Villi Kabalyero, 6.Denni Drinkouter, 9.Alvaro Morata, 14.Tiemue Bakayoko, 24.Harri Keyhill, 27.Andreas Kristensen, 66.Dyucon Sterlinq

Baş məşqçi: Antonio Konte

Qeyd edək ki, matç saat 21:00-da başlanacaq.

"Qarabağ"la işimiz çətin olacaq - Konte

“Qarabağ” güclü komandadır və sabah bizi çətin oyun gözləyir. Lakin qələbə qazanıb növbəti mərhələyə vəsiqəni təmin etməyə çalışacağıq.

Dalga tv axar.az-a istinadən xəbər verir ki, bu sözləri UEFA Çempionlar Liqasının qrup mərhələsinin beşinci turu çərçivəsində Bakıda “Qarabağ”ın qonağı olan “Çelsi” klubunun baş məşqçisi Antonio Konte mətbuat konfransında deyib.

İtaliyalı mütəxəssis bildirib: “Sabahkı oyunda diqqətli olmalıyıq. Bizim üçün çox vacib görüşdür. İlk oyunda böyük hesablı qələbəmizdə bəxtimizin gətirdiyini deyə bilərəm. “Qarabağ” Avropanın ən güclü komandalarından olan “Atletiko Madrid” ilə heç-heçə etdi. “Roma” isə Bakıda çətin qələbə qazandı. Azərbaycanda futbolun səviyyəsi getdikcə yüksəlir. Sabah bizi çətin oyun gözləyir. “Qarabağ” ilə oyundan sonra bizi uzun səfər və Premyer Liqada “Liverpul” ilə qarşılaşma gözləyir. Komanda üçün həmişə düzgün qərarlar verməyə çalışıram. Komandamız ən azı iki sistemdə oynamağı bacarmalıdır. Stadiona hansı düzülüşdə çıxmağımız oynadığımız komandalara görə dəyişir. Komandada zədəli oyunçularımız var. Şadam ki, Edin Hazzard artıq zədəsini sağaldıb”.

“Çelsi” komandasının qapıçısı Tibo Kurtua isə oyunlar barədə danışaraq deyib: “Biz tam olaraq sabahkı oyuna köklənmişik. İlk matçda böyük hesabla qalib gəlsək də, sabah bizim üçün çətin olacaq. “Qarabağ” klubu “Roma” və “Atletiko”ya qarşı yaxşı oyun göstərdi. Rəqibimizə hörmətlə yanaşırıq. Oyundan üç xalla ayrılmaq istəyirik. Amma rəqibin “Atletiko” ilə oyununa nəzər yetirəndə kifayət qədər güclü olduğunu görürük. İlk olaraq, növbəti mərhələyə vəsiqəni təmin etmək üçün qələbə qazanmalıyıq. “Qarabağ”ın hücum xətti çox təhlükəlidir. Komanda əlverişli şanslardan maksimum yararlanmağa çalışacaqdır”.

“Çelsi”nin Bakıya gəlişi avrokuboklar tarixində ən uzunmüddətli səfəri oldu

Çempionlar Liqasının qrup mərhələsi çərçivəsində sabah “Qarabağ”la qarşılaşacaq “Çelsi” artıq Bakıdadır.

Dalga tv APA-ya istinadən xəbər verir ki, klubun paytaxtımıza səfəri “zadəganlar”ın tarixinə düşüb. Bu barədə məlumat klubun rəsmi saytına yerləşdirilib.

Belə ki, komandanı gətirən təyyarə Londondan bura 3975 km məsafəni 6 saata qət edib. Bununla, Bakı “Çelsi”nin avrokuboklar tarixində ən uzunmüddətli səfərinə çevrilib. Buna qədər rekord 2001-ci ildə Təl-Əvivə olan səfər idi.

İngiltərə təmsilçisinin tarixi ərzində ən uzunmüddətli 10 səfəri:

1. Bakı, Azərbaycan – 3975 km

“Qarabağ”. Çempionlar Liqası, 2017-ci il, noyabr

2. Təl-Əviv, İsrail – 3560 km

“Hapoel”. UEFA Kuboku. 2001-ci il, oktyabr

“Makkabi”, Çempionlar Liqası, 2015-ci il, noyabr

3. Nikosiya, Kipr – 3221 km

APOEL. Çempionlar Liqası, 2009-cu il, sentyabr

4. Donetsk, Ukrayna – 2724 km

“Şaxtyor”, Çempionlar Liqası, 2012-ci il, oktyabr

5. Moskva, Rusiya – 2503 km

MOİK. Çempionlar Liqası, 2004-cü il, noyabr

“Mançester Yunayted”. Çempionlar Liqasının finalı, 2008-ci il, may

“Spartak” (Moskva). Çempionlar Liqası, 2010-cu il, oktyabr

“Rubin”. Avropa Liqası, 2013-cü il, aprel

6. İstanbul, Türkiyə – 2486 km

“Qalatasaray”. Çempionlar Liqası, 1999-cu il, oktyabr; 2014-cü il, fevral

“Fənərbaxça”. Çempionlar Liqası, 2008-ci il, aprel

7. Afina, Yunanıstan – 2394 km

“Real”. Kuboklar Kuboku, 1971-ci il, may

“Olimpiakos”. Çempionlar Liqası, 2008-ci il, fevral

8. Tromse, Norveç – 2250 km

“Tromse”. Kuboklar Kukobu, 1997-ci il, oktyabr

9. Saloniki, Yunanıstan – 2139 km

“Aris”. Kuboklar Kuboku, 1970-ci il, sentyabr

10. Kiyev, Ukrayna – 2136 km

“Dinamo”. Çempionlar Liqası, 2015-ci il, oktyabr

Qeyd edək ki, Bakı Olimpiya Stadionunda keçiriləcək “Qarabağ” – “Çelsi” görüşü saat 21:00-da başlayacaq.

Saytda Axtarış

Son xəbərlər