Dalga Televiziyasi İdman
Get Adobe Flash player

Socar Georgia Gas

 

BAKI - TBİLİSİ

Multikulturalizm

Tərəfdaşlar

Ziyarətçi sayğacı

Bu günBu gün123
DünənDünən635
Bu həftəBu həftə2919
Bu ayBu ay23071
Bu günə qədərBu günə qədər2779013

Bizi Paylaşın

Video Xəbərlər

 

Təqvim


İdman

Futzal üzrə Azərbaycan yığması Albaniyanı darmadağın edib

Futzal üzrə Avropa çempionatının Bakıda keçirilən əsas seçmə mərhələsinin "B" qrupunda bu gün 2-ci turun qarşılaşmaları oynanılıb.

Dalga tv Report-a istinadan xəbər verir ki, Azərbaycan milli komandası Albaniya yığması ilə üz-üzə gəlib.

Görüş meydan sahiblərinin böyükhesablı qələbəsi ilə yekunlaşıb - 5:0. Bununla da ardıcıl ikinci qələbəsini qazanan Biro Jadenin baş məşqçisi olduğu komanda 6 xalla vahid liderə çevrilib. Azərbaycan millisi ilk turda da Bosniya və Herseqovinanın qapısından 5 top keçirmişdi - 5:4.

Qrupda 2-ci turun digər oyununda Macarıstan Bosniya və Herseqovinaya qalib gələ bilməyib - 2:2. Bu isə o deməkdir ki, aprelin 11-də Macarıstanla qarşılaşmada Azərbaycan yığmasını heç-heçə də qane edəcək. Bu halda meydan sahibləri qrup qalibi kimi birbaşa 2018-ci ildə Sloveniyada keçiriləcək Avropa çempionatının final mərhələsinə yüksələcəklər.

Avropa çempionatı, əsas seçmə mərhələ
"B" Qrupu
18:30. Azərbaycan - Albaniya - 5:0

Qollar: Everton Kardozo, 3. Eduardo, 26. Vassura, 27. Namiq Məmmədkərimov, 35. Xətai Bağırov, 36

IV İslam Həmrəyliyi Oyunlarında Azərbaycan yığmalarının rəqibləri bəlli olub

Bakıda keçiriləcək IV İslam Həmrəyliyi Oyunlarının proqramına daxil olan komanda idman növləri üzrə püşkatma olub. Apasport.az saytının məlumatına görə, yarışda iştirak edəcək idmançılarımızın rəqibləri bəllidir.

Su polosu (kişilər): İran, Türkiyə, Səudiyyə Ərəbistanı, Azərbaycan, İndoneziya

Voleybol (qadınlar): Azərbaycan, Türkiyə, Kamerun, Qırğızıstan, Tacikistan

Voleybol (kişilər)

A qrupu: Azərbaycan, Türkiyə, Türkmənistan, Pakistan, Fələstin

B qrupu: İran, Qətər, Əlcəzair, Səudiyyə Ərəbistanı, Mərakeş

Basketbol 3x3 (qadınlar)

A qrupu: Türkmənistan, Azərbaycan, Əlcəzair, Mali, Əfqanıstan

B qrupu: İndoneziya, Türkiyə, Suriya, Fələstin, Pakistan

Basketbol 3x3 (kişilər)

A qrupu: Türkiyə, Azərbaycan, Türkmənistan, Səudiyyə Ərəbistanı, Pakistan

B qrupu: İndoneziya, Qətər, Fil Dişi Sahili, Mali, İndoneziya

Həndbol (qadınlar): Özbəkistan, Kamerun, Fil Dişi Sahili, Türkiyə, Azərbaycan

Həndbol (kişilər)

A qrupu: Əlcəzair, Səudiyyə Ərəbistanı, Pakistan, Azərbaycan

B qrupu: Türkiyə, Mərakeş, İraq, Əfqanıstan

UEFA Azərbaycana 1 milyon avro əlavə vəsait ayıracaq

UEFA ona üzv olan bütün milli assosiasiyaların hər birinə 1 milyon avro əlavə vəsait ayıracaq.

Dalga tv  Report-a istinadən xəbər verir ki, bu barədə Finlandiyanın paytaxtı Helsinkidə keçirilən Konqresdə UEFA-nın prezidenti Aleksandr Çeferin açıqlama verib.

“Biz hər bir assosiasiyaya cari tsikl üçün əlavə olaraq, 1 milyon avro ayırmağı qərara aldıq. Belə ödənişlər UEFA-nın yaxşı maliyyə nəticələri və uğurlu turnirlər sayəsində mümkün oldu” deyə sloveniyalı funksioner bildirib.

Qeyd edək ki, UEFA-nın tərkibinə 55 milli assosiasiya, o cümlədən AFFA daxildir.

İbrahimoviç “Mançester Yunayted”i məğlubiyyətdən xilas etdi

İngiltərə Premyer Liqasında 30-cu tura start verilib.

Dalga tv xəbər verir ki, “Old Trafford” stadionunda keçirilən oyunda məğlub olan “qırmızı şeytanlar”ı Zlatan İbrahimoviç artırma dəqiqələrdə penaltidən vurduğu qolla xilas edə bilib. 

“Mançester Yunayted” 1 - 1 “Everton”

Azərbaycan prezidenti: “İslam Həmrəyliyi Oyunları ilə bağlı bütün hazırlıq işləri görülüb”

Azərbaycan prezidenti İlham Əliyev İslam Həmrəyliyi İdman Federasiyasının (İHİF) prezidenti şahzadə Abdullah bin Mosaad bin Əbdüləzizi qəbul edib.

APA-nın məlumatına görə, IV İslam Həmrəyliyi Oyunlarının Azərbaycanda uğurla keçiriləcəyinə əminliyini ifadə edən İHİF-in prezidenti şahzadə Abdullah bin Mosaad bin Əbdüləziz bu böyük idman tədbirində 3000-dən artıq idmançının iştirakının önəmini vurğulayıb.

Prezident İlham Əliyev İslam Həmrəyliyi İdman Federasiyasının prezidenti şahzadə Abdullah bin Mosaad bin Əbdüləzizə IV İslam Həmrəyliyi Oyunları ilə bağlı verdiyi dəstəyə görə təşəkkürünü bildirib. Dövlət başçısı IV İslam Həmrəyliyi Oyunları ilə bağlı bütün hazırlıq işlərinin görüldüyünü, Azərbaycanın qardaş ölkələrdən çoxsaylı idmançıları qəbul etməyə hazır olduğunu məmnunluqla qeyd edib.

Şahzadə Abdullah bin Mosaad bin Əbdüləziz son vaxtlar Səudiyyə Ərəbistanından Azərbaycana səfər edən turistlərin sayının artdığını məmnunluqla qeyd edib və ölkəmizdə turizmin inkişafı üçün bütün lazımi imkanların mövcud olduğunu bildirib.

Prezident İlham Əliyev Səudiyyə Ərəbistanından Azərbaycana səfər edən turistlərin sayının bir neçə dəfə artdığını vurğulayaraq, bunun ölkələrimiz arasında əlaqələrin gücləndirilməsi işinə töhfə verdiyini deyib.

Şahzadə Abdullah bin Mosaad bin Əbdüləziz Azərbaycan ilə münasibətlərin ölkəsi üçün mühüm əhəmiyyət daşıdığını deyib və qeyd edib ki, Azərbaycana hər zaman səfər edərkən Səudiyyə Ərəbistanının rəhbərliyi ona Azərbaycanın çox əhəmiyyətli ölkə olduğunu bildirir və respublikamızla əlaqələri daha da inkişaf etdirmək barədə tapşırıq verir.

“İnter” və “Sumqayıt”dan qələbə, “Qəbələ” xal itirdi, “Qarabağ” uzaqlaşdı

Bu gün Azərbaycan Premyer Liqasında XXIV tur baş tutub.

Dalga tv apasport.az-a istinadən xəbər verir ki, turun bütün oyunları eyni gündə keçirilib.

Günə Sumqayıtda start verilib. Yerli komanda “Neftçi”ni qəbul edib. Meydan sahibləri 2:0 hesablı qələbə ilə həm də rəqibini turnir cədvəlində arxada qoyub.

Bu görüşün startından yarım saat sonra isə “İnter” - AZAL oyunu başlayıb. Matç “təyyarəçilər” üçün faciəvi sonluqla nəticələnib. Belə ki, 1:2 hesabı ilə uduzan “təyyarəçilər” sona 4 tur qalmış Premyer Liqa ilə vidalaşıblar.

“Qarabağ” Bakıda “Kəpəz”i, “Qəbələ” isə doğma meydanda “Zirə”ni qəbul edib.

Son iki matçda qələbə qazanan Şahin Diniyevin yetirmələri lider qarşısında hesabı açsalar da, sonradan özündə güc tapan ağdamlılar qalib gəlməyi bacarıblar. Dino Ndlovu və Miçel komandasına qələbə qazandırıb - 2:1.

Roman Qriqorçukun yetirmələri isə qəsəbə klubu qarşısında xal itiribləb. Oyunda hesabı "qırmızı-qaralar" açsalar da, qonaqlar bərabərlik qolunu vuraraq səfərdən bir xalla dönüblər. 

Tiflisdən medalsız qayıdırıq

Bu gün cüdo üzrə Tiflis Qran-Prisi başa çatıb.

Dalga tv apasport.az-a istinadən xəbər verir ki, yarışın son günündə 5 azərbaycan idmançısı tatami üzərinə çıxıb.

Kişilər

90 kq

Əbdülhəqq Rəsullu yarışa 1/16 final mərhələsindən start verib. Cüdoçumuzun ilk rəqibi Peter Jilka olub. Əbdülhəqq bu sınağı keçə bilməyərək, turnirlə vidalaşıb.

Bu çəkidə yarışan digər təmsilçimiz Firudin Dadaşov isə turnirə 1/8 finaldan başlayıb. O, da rusiyalı Mixail İqolnikovla ilk görüşündən məğlub ayrılıb.

100 kq

 

Zelim Kotsoyev Qran-Priyə 1/8 finaldan gürcü idmançı Laşa Taveluri ilə başlayıb. İlk rəqibini geridə qoyan idmançımız 1/4 finalda Martin Paçeklə qarşılaşıb. İsveçliyə uduzan Zelim çıxışını təsəlliverici görüşlərdə davam etdirəcək. Onun "bürünc" yolundakı ilk rəqibi braziliyalı Lusiano Korrea olub. Qalib gələn təmsilçimiz medal almaq üçün yenə braziliyalı ilə mübarizə aparmalı olub. Həmyerlisindən fərqli olaraq Rafael Buzakarini idmançımıza şans verməyib.

Cəlil Şükürov 1/16 finalda Matey Hajasa qalib gəlsə də, növbəti mərhələdə rus Kazbek Zankişiyevlə bacarmayıb və turnirlə vidalaşıb.

Qadınlar

78 kq

Qadınların yarışındakı son təmsilçimiz Günel Həsənli tunirə 1/16 finaldan start verib. O elə ilk görüşündəcə rusiyalı Aleksandra Babinçevaya məğlub olub və yarışı başa vurub.

Beləliklə, Tiflis Qran-Prisi cüdoçularımız üçün medalsız başa çatıb.

Futbol üzrə Azərbaycan Premyer Liqasında XXIV tura start verilib

 Futbol üzrə Azərbaycan Premyer Liqasında XXIV tura start verilib.

"Dalga tv"nin məlumatına görə, açılış oyununda "Sumqayıt" "Neftçi"ni qəbul edib. Görüş meydan sahiblərinin qələbəsi ilə yekunlaşıb - 2:0. Qolları 60-cı dəqiqədə Bəxtiyar Həsənalızadə, 63-cü dəqiqədə isə Amil Yunanov vurub.

Bu qələbə sayəsində "Sumqayıt" xallarını 28-ə çatdıraraq, "Neftçi"ni keçib və 5-ci pilləyə yüksəlib. Flaqman isə 26 xalla 6-cı pilləyə enib.

“Neftçi” yubileyində “Qarabağ”a məğlub olub

“Qarabağ” komandası futbol üzrə Azərbaycan Kubokunun ilk yarımfinal matçında “Neftçi”ni məğlub edib.

Dalga tv Xəzər TV-yə istinadən məlumat verir ki, Ağdam klubu rəqibini iki cavabsız qolla üstələyib.

“Neftçi”nin 80 illik yubileyi ilə bağlı təşkil edilən tədbirlərə təsadüf edən matçda Azərbaycan Kubokunun son qalibi olan “Qarabağ” ilk hissədə əcnəbi futbolçularının vurduğu qollarla qələbə qazanıb – 2:0. Qurban Qurbanovun rəhbərlik etdiyi komandanın heyətində Muarem Muaremlə Dino Ndlovu fərqləniblər.

“Neftçi” “Qarabağ”la oyuna 200-ə yaxın veteran futbolçusunu dəvət edib

“Neftçi” futbol klubu 80 illik yubileyi ilə bağlı silsilə tədbirlərini Azərbaycan kubokunun yarımfinal mərhələsinin ilk oyunu çərçivəsində “Qarabağ”la görüşdə də həyata keçirəcək.

Klubdan Dalga tv-yə verilən məlumata görə, martın 30-da baş tutacaq matçı “Neftçi”nin formasını geyinmiş ümumilikdə 200-dək veteran futbolçu da izləyəcək. 

Onlar arasında hazırda ölkədə yaşayanlarla yanaşı, xaricdən dəvət olunmuş 10-a yaxın veteran futbolçu da olacaq.

Dəvətlilər sırasında 1966-cı ilin bürünc medalçısı Nikolay Boqdanov, Olimpiya çempionu İqor Ponomaryov, “ağ-qaralar”ın heyətində ən çox oyun keçirmiş futbolçulardan biri Nikolay Smolnikov, 1971-ci ildə SSRİ çempionatında 33 ən yaxşı futbolçu sırasına düşmüş Vitali Şevçenko kimi əfsanəvi simalar da var. Veteran futbolçular oyundan əvvəl Bakıdakı restoranlardan birində bir araya gələcəklər. Tədbir media üçün qapalı olacaq.

Qeyd edək ki, saat 19:30-da başlanacaq “Neftçi” – “Qarabağ” matçından öncə keçiriləcək tədbirin bədii hissəsində azarkeşlər “Bakcell Arena”da maraqlı görüntülərə şahidlik edəcəklər. 

Messi hakimi təhqir etdiyi üçün oyundan kənarlaşdırıla bilər

Argentina yığmasının hücumçusu Lionel Messi FİFA tərəfindən oyundan kənarlaşdırıla bilər. 

Dalga tv xəbər verir ki, bu barədə “Marca” məlumat yayıb. 

Daha öncə Messinin Dünya çempionatının seçmə turunda Argentina və Çili yığmaları arasında matçda (1:0) hakimlərdən birini təhqir etdiyi barədə məlumat yayılmışdı. FİFA-dan həmçinin bildirilib ki, hadisədən sonra Argentina Futbol Assosiasiyasına (AFA) hadisəni araşdırmaq üçün müraciət edildiyi deyilib.

AFA bildirib ki, bu iddia üçün əsas görmürlər. O zaman FİFA bu oyunda hakimlik edən Braziliya hakimlər briqadasına müraciət edib. Onların hamısı Messidən təhqiramiz sözlər eşitdiklərini söyləyiblər.   

Bununla yanaşı, FİFA futbolçunun yolverilməz davranışı hakimlər tərəfindən təsdiqlənməsə belə, təşkilatın futbolçunu oyundan kənarlaşdırma hüququ olmasına dair AFA-ya xəbərdarlıq etmişdi.   

DÇ-2018-in seçmə mərhələsi: Azərbaycan - Almanya 1:4

Azərbaycan millisi bu gün DÇ-2018-in seçmə mərhələsi çərçivəsində növbəti matçına çıxıb.

Apasport.az saytının məlumatına görə, komandamızın rəqibi yer aldığımız C qrupunun lideri Almaniya yığması olub.

İlk 4 görüşdə rəqiblərinə heç bir şans verməyən Bundestim Bakıda da 3 xalı rahat qazanıb. 4:1 hesabı ilə məğlub olan yığmamızın yeganə təsəlli tapdığı məqam isə Nazarovun qolu olub. Belə ki, cari seçmə mərhələdə qapısında qol görməyən Yoahim Lövün komandası ilk dəfə millimizlə oyunda məyus olub.

DÇ-2018-in seçmə mərhələsi

C qrupu

26 mart

Azərbaycan – Almaniya - 1:4

Qollar: Nazarov, 31 - Şürrle, 19,81 Müller, 36, Qomez, 45.

Saytda Axtarış

Son xəbərlər