Dalga Televiziyasi İqtisadiyyat
Get Adobe Flash player

Socar Georgia Gas

 

BAKI - TBİLİSİ

Multikulturalizm

Tərəfdaşlar

Ziyarətçi sayğacı

Bu günBu gün4089
DünənDünən4506
Bu həftəBu həftə30007
Bu ayBu ay100000
Bu günə qədərBu günə qədər2516548

Bizi Paylaşın

Video Xəbərlər

 

Təqvim


İqtisadiyyat

Azərbaycan Metanol Şirkəti məhsullarını xarici bazara çıxarmaq üçün Gürcüstanda və Türkiyədə xüsusi terminallar tikir

Bakı Sərgi Mərkəzində təşkil olunmuş XX Beynəlxalq Xəzər neft, qaz, neftayırma və neft kimyası sərgisinin iştirakçılarından biri olan Azərbaycan Metanol Şirkəti (AzMeCo) ilk məhsulunu bazara çıxarmağa hazırlaşır.
Bu barədə AzərTAc-a məlumat verən şirkətin nümayəndəsi Nahid Abbaszadə bildirmişdir ki, zavod gündə 2 min ton metanol istehsal edəcəkdir. İlk vaxtlar müəssisə istehsal gücünün 60 faizi həcmində, bir qədər sonra isə tam həcmdə işləyəcək və bazara ildə 720 min tona qədər metanol çıxaracaqdır.
N.Abbaszadə qeyd etmişdir ki, istehsal olunan məhsulu dünya bazarlarına çıxarmaq üçün Gürcüstan və Türkiyədə xüsusi terminallar tikilir. Terminallar 30 min ton metanol məhsulunun saxlanılması üçün nəzərdə tutulmuşdur. Burada hər ay 60 min tondan artıq məhsulu yükləyib boşaltmaq mümkün olacaqdır.
Şirkət nümayəndəsinin verdiyi məlumata görə, ötən il Londonda keçirilmiş “Xəzər dəhlizi” konfransında (Caspian Corridor Conference) Britaniyanın BP şirkəti ilə metanolun alqı-satqısına və marketinqinə dair niyyət memorandumu imzalanmışdır.

ARDNŞ: Araşdırmalar Azərbaycanda yeni yeraltı qaz anbarının yaradılmasının məqsədəuyğunluğunu təsdiq etdi

Naxçıvan Muxtar Respublikasının (NMR) ehtiyaclarını təmin etmək üçün 200-300 milyon kubmetr saxlama həcmi olan yeraltı qaz anbarı kifayət edəcək. Bunu cümə axşamı jurnalistlərə Azərbaycan Respublikası Dövlət Neft Şirkətinin (ARDNŞ) vitse-prezidenti Xoşbəxt Yusifzadə deyib.

Onun sözlərinə görə, NMR-i qazla təchiz etmək məqsədilə İran "svop" tədarüklərini təmin edir. NMR-i sabit qaz təchizatı ilə təmin etmək üçün duz yatağının əsasında yeraltı qaz anbarının yaradılması barədə qərar qəbul edilib: "Hazırda ARDNŞ NMR-də duz yatağında ilk qiymətləndirmə quyusunda qazma işləri aparır və ilkin nəticələr duzun çökmə qalınlığının iqtisadi cəhətdən məqsədəuyğunluğunu göstərdi".

İlkin məlumata görə, burada duzun çökmə dərinliyi 52 metrdir, halbuki çökmə qalınlığının 40 metr olması artıq yeraltı qaz anbarının yaradılması üçün məqsədəuyğun hesab edilir.

Onun sözlərinə görə, birinci quyunun qazılmasından sonra qaz anbarının həcminin müəyyənləşdirilməsi üçün daha 3-4 quyu qazılacaq.

Saytda Axtarış

Son xəbərlər