Bundan başqa, saxlanan şəxslərdən 352 min nağd avro, bank hesabından isə 500 min avro müsadirə edilib. 

“Qar uçqunu” əməliyyatı eyni vaxtda ölkənin bütün ərazisində aparılıb. Əməliyyatda 100-dək polis, iqtisadi cinayətkarlığa qarşı mübarizə xidmətinin 10 əməkdaşı, kinoloqlar öyrədilmiş itlərlə iştirak ediblər.

Əməliyyata ABŞ-ın Narkotiklərlə Mübarizə Agentliyi (DEA) dəstək verib.

Həbs olunanlar arasında Gürcüstan əsilli yunan da olub. O, cinayətkar şəbəkənin rəhbərlərindən biridir. Gürcüstanda narkotik alveri və ölümə sui-qəsd cinayətləri törətdiyinə görə həmin şəxs barəsində “İnterpol” tərəfindən “qırmızı xət”lə axtarış elan edilib. O, Azərbaycanda da aldatma və dələduzluq əməlləri törətməkdə ittiham olunur. 

Təşkilatın daha iki rəhbəri də həbs edilib. Onlardan biri Albaniyadan olan emiqrant, 33 yaşlı yunan, digəri isə 42 yaşlı İspaniya vətəndaşıdır. Saxlanılanlar arasında Venesuela və Ukraynanın 1, Albaniyanın 4 vətəndaşı da var. 

Araşdırmalara 2012-ci ilin noyabrında başlanılıb, Latın Amerikası ölkələrindən (Kolumbiya, Ekvador və Venesuela) Yunanıstana böyük partiyalarla kokain gətirən bir neçə cinayətkar şəbəkə aşkarlanıb. 

Maliyyə qurumlarında şübhə yaratmamaq üçün narkotik satışından əldə olunan vəsait xeyli sayda insanın vasitəsilə az-az olmaqla, müxtəlif hesablara köçürülüb.

Polis bildirib ki, oktyabrın 24-də Salonikidə banan yüklənmiş konteynerdə 119 kq həcmində 108 bağlama aşkarlanıb. 

Onun sözlərinə görə, Günəşdə nisbətən güclü alışmaların olmasına baxmayaraq, yerin maqnit sahəsində böyük təlatümlər gözlənilmir.

N. Cəlilov qeyd edib ki, Günəş alışmaları yerin maqnit sahəsini müəyyən qədər silkələyə bilər: “Günəşdə alışmalar hər gün baş verir. Lakin dünən və bu gün qeydə alınan alışmalar nisbətən güclü olub. Günəşdən kütlə atılırsa, 3-4 gün ərzində yerə çatır.

Hələlik alışma nəticəsində plazmanın atılması, onun yerə tərəf gəlib-gəlmədiyi barədə məlumat yoxdur. Alışmaların yerə təsiri olsa da, bu çox cüzi olacaq. Çünki hər 2 alışma orta gücdə qeydə alınıb. Rusiya geofiziklərinin də yer maqnit sahələrinin təlatümə gələcəkləri haqqında verdiyi proqnozlara əsasən hər şey qaydasındadır”. 

Avstraliyalı elm adamları evkalipt ağaclarının yarpaqlarında qızıl parçaları tapıb.
“Nature Communications” jurnalında dərc olunan məqalədə bildirilir ki, elm adamları evkalipt yarpaqlarında ölçüsü 8 mikrometrə çatan qızıl hissəcikləri təsbit edib. 

Qızılın torpaqdan ağacın kökləri vasitəsi ilə çəkildiyi və suyun köməyi ilə yarpaqlara qədər çatdığı bildirilir. 

Alimlər araşdırmalarını Qərbi Avstraliyanın Freddo bölgəsində intensivləşdirib. Buradakı evkalipt yarpaqlarının qızıl nisbətinin digər bölgələrdəkinə nisbətən 800 dəfə çox olduğu məlum olub. Lakin yarpaqlardan qızıl əldə etməyin çətin olduğunu da vurğulanıb. Çünki, 100 ton evkalipt yarpağından yalnız, 8 qram qızıl əldə etmək mümkündür. 

Azərbaycan parlamentinin deputatları Arif Rəhimzadə, Fəzail Ağamalı və Ərəstun Cavadovun imzaladığı bəyanatda bildirilir ki, Moskvanın Biryulevo rayonunda baş verənlər və Yeqor Şerbakovun qətlində Azərbaycan vətəndaşı Orxan Zeynalovun təqsirləndirilən şəxs kimi saxlanılması Azərbaycanda ciddi narahatlıq yaradıb.

Baş verənlərdən təəssüfləndiyini bildirən və mərhumun ailəsinə, yaxınlarına başsağlığı verən deputatlar hesab edirlər ki, günahkar qanunla cəzalandırılmalıdır: “Bununla belə, KİV-də aparılan kampaniya, Biryulevodakı iğtişaş və talanlar ciddi problemlər yaradır. Rusiyada çoxsaylı Azərbaycan diasporu yaşayır. Onlar Rusiya vətəndaşları kimi zəhmətlə yaşayır, Rusiyanın ictimai-siyasi həyatında fəal iştirak edir, iqtisadiyyatın inkişafına müəyyən töhfələr verirlər”.

Azərbaycan Milli Məclisinin üzvləri hesab edir ki, son hadisələrdə təqsirsizlik prezumpsiyasının pozulması, şübhəli şəxsin təpiklənərək ciddi xəsarətlər alması və bunun telekanallarda göstərilməsi cavabsız qalmamalıdır: “Dövlət orqanları və MDB-nin müvafiq orqanları bu faktlardan ciddi nəticə çıxarmalıdır. Biz Rusiya ilə Azərbaycan arasındakı ənənəvi dostluq əlaqələrini qoruyub saxlamalı, müəyyən qüvvələrin təsiri altında hərəkət edən siyasi baxımdan savadsız adamların bu münasibətlərə təsir etməsinə imkan verməməliyik”.

"Məhəbbət tuneli" adlanan bu yol bir kilometrə yaxın məsafədə əsil gözəllik nümunəsidir.