Norveç hakimiyyəti yerli maralların buynuzlarına işıqsaçan  qolluq keçirməyi planlaşdırır.

Hakimiyyət həmin yapışqan işıqsaçanların yardımı ilə maralların avtomobil qəzasında ölməsini azaltmaq istəyir.

Oxşar sınaq 2010-cu ildə həyata keçirilib. Bundan sonra həmin tədbiri tammiqyaslı gerçəkləşdirmək niyyətindədirlər.

Mənbə xatırladıb ki, Norveçdə 200 minə yaxın marala var. Onların on minə yaxının iqtisadi baxımdan qeydiyyata alına bilər.

Skandinaviya ölkələrində sığın və marallar birdən avtomobil yoluna çıxır. Bu isə həm sürücülərin, həm də heyvanların həyatı üçün təhlükə yaradır. 

Fransa, prezident Fransua Hollandın gizli sevgi macərası iddiaları ilə çalxalanır.

Ötən ilin Mart ayında ortaya çıxan dedi-qodular nümayiş olunan fotoşəkillərlə daha da alovlanıb. Jurnalın iddiasına görə Holland tez-tez aktrisa Julie Çox ilə görüşür, hətta cütlük yeni il gecəsini də bərabər keçiriblər.

Sözügedən xəbərin şəxsi həyatna müdaxilə olduğunu bildirən Holland məhkəməyə müraciət edəcək.

Qeyd edək ki, 59 yaşındakı prezidenti, təxminən 8 ildir jurnalist Valerie Trierveiler ilə birlikdədir.

Ötən il Filippində baş vermiş Hayyan qasırğasının fəsadlarının aradan qaldırılması məqsədilə Azərbaycan hökuməti bu ölkəyə 200 min ABŞ dolları məbləğində vəsait ayırıb.

Azərbaycan XİN-in mətbuat xidmətindən APA-ya verilən məlumata görə, bu vəsait BMT-nin Ümumdünya Ərzaq Proqramının Filippində həyata keçirdiyi humanitar yardım proqramları vasitəsilə zərərçəkmiş əhalinin əsas qida ehtiyaclarının ödənməsinə sərf ediləcək.

Xatırladaq ki, Hayyan qasırğası 2013-cü ilin 8 noyabr tarixində baş verib. Təbii fəlakət Filippində minlərlə insanın ölümünə və yüzlərlə evin tamamilə dağılmasına səbəb olub, ölkədə qida, su və digər ilkin ehtiyac məhsullarına kəskin ehtiyac yaranıb.

Yaranmış humanitar böhranın miqyasını nəzərə alaraq, təbii fəlakətin nəticələrinin aradan qaldırılması məqsədilə Filippin hökuməti və BMT beynəlxalq ictimaiyyətə birgə müraciət edib. Bu müraciətə cavab olaraq dünyanın bir çox ölkələri və beynəlxalq təşkilatları ilə yanaşı, Azərbaycan da Filippinə yardım göstərib.

2007-ci il yanvarın 9-da Stiv Cobs San-Fransiskoda ictimaiyyətə birinci “iPhone” “ağıllı” telefonunu təqdim edib.

 “Apple” şirkətinin həmtəsisçisi Cobsun sözlərinə görə, telefon özündə 3 cihazın – "iPod", "inqilabi mobil telefon" və "sıçrayış etmiş internet-smartfon"un funksiyalarını birləşdirmişdi. 2007-ci ildə “Time” jurnalı Stiv Cobsun “biz telefona ikinci həyat verdik” sözlərini təsdiq edərək bu telefonu ilin ixtirası adlandırmışdı.

İranın Şərqi Azərbaycan vilayətində bir nəfər edam edilib. APA-nın HRAZ-a istinadən verdiyi məlumata görə, Abdullah Əcəmlu qətldə günahlandırılaraq dara çəkilib.

Təbriz şəhərinin yaxınlığındakı Seyidabad qəsəbəsindən olan məhbus 19 yaşında olarkən bir kütləvi dava zamanı həbs edilib və həmyerlisini qətlə yetirməkdə ittiham olunaraq edam cəzasına məhkum edilib.

Qərar İran Ali Məhkəməsi tərəfindən təsdiqləndikdən sonra yanvarın 7-də səhər saatlarında Təbriz şəhərinin mərkəzi həbsxanasında icra olunub. A.Əcəmlu 11 il həbs cəzası çəkdikdən sonra 30 yaşında asılıb. Ancaq valideynləri onun qatil olmadığını və qətli başqasının törətdiyini bildirirlər. Onlar həmçinin qətlin A.Əcəmlunun boynuna qoyulduğunu və övladlarının da işgəncələr altında bunu etiraf etmək məcburiyyətində qaldığını söyləyiblər.

20 milyard dollar sərvətlə dünyanın ən zəngin insanları siyahısında olan "Facebook" sosial şəbəkəsinin yaradıcısı Mark Zuckerberq sadə avtomobil istifadə edir.

Gənc milyarder 30 min dollar dəyərində "Volkswagen GTI" markalı avtomobil istifadə edir. Bu sadəliklə yanaşı, bir müddət əvvəl Zukerberg qonşulardan xilas olmaq üçün evinin ətrafındakı evləri 30 milyon dollara satın almaqla gündəmə gəlmişdi.

Foto nümunədir.