ANS-in kütləvi şəkildə işdən uzaqlaşdırılan bölgə müxbirlərindən bəzisinə bir ay vaxt verilib.

AzNews.az-a daxil olan məlumatlara görə, işdən çıxarılmaları ilə bağlı xəbərlərin yayılmasından sonra bəzi əməkdaşlarla əlaqə saxlanılıb və onlara yanvarın sonuna qədər işə davam etmək tapşırığı verilib.

Həmin əməkdaşlarla bağlı qərarın ayın sonunda qəbul ediləcəyi və işdən azad edilmənin rəsmən həmin tarixdən hesablanacağı bildirilir. Lakin işdən azad edilən əməkdaşların heç də hamısına yanvarın sonuna qədər zaman verilməyib.

AzNews.az-a açıqlamasında ANS-in Şirvan şəhəri üzrə keçmiş müxbiri Nəriman Hüseynov kanalla əməkdaşlığını dayandırdığını bildirib. O həmçinin operator Fərid Əliyevin də işdən azad edildiyini təsdiqləyib.

Xatırladaq ki, AzNews.az yanvarın 14-də ANS-in Göyçay müxbiri Günel İsayeva, operator Təbriz Hacıyev, Qazax üzrə müxbiri Vasif Abdıyev və operator Rəşad Əlisgəndərli, Cəlilabad bürosunun müxbiri Rəhman Məlikov və 13 ildən çox bu TV-də çalışan operator İlqar Mustafayev, Şirvan şəhəri üzrə müxbiri Nəriman Hüseynov və operator Fərid Əliyev işdən çıxarılması haqqında xəbər yaymışdı.

Rusiyadakı VTİOM sosialoji sorğu mərkəzi ölkə əhalisi arasında maraqlı rəy sorğusu keçirib.

Vətəndaşlara hökumət üzvlərini 5 ballıq sistem üzrə qiymətləndirmələri təklif olunub. Ən yüksək bal müdafiə naziri Sergey Şoyquya verilib - 4,06 bal. Xarici işlər naziri Sergey Lavrov 3,84 bal və səhiyyə naziri Vladimir Puçkova isə 3,48 bal verilib.

İlk onluğa düşənlər bunlardır:

Baş nazirin müavini Dmitri Roqozin - 3,25 bal
İdman naziri Vitali Mutko - 3,22 bal
Baş nazirin müavini Dmitri Kozak 0 3,2 bal
Daxili işlər naziri Vladimir Kolokoltsev - 3,17 bal
Kommunikasiya və nəqliyyat naziri Nikolay Nikiforov - 3,11 bal
Baş nazirin müavini İqor Şuvalov - 3,07
Baş nazirin müavini Aleksandr Xloponin - 3,03 bal

Sorğunun nəticələrinə əsasən, müdafiə naziri Sergey Şoyqu ruslar tərəfindən ən çox sevilən nazir olub.

İranın Mazandaran əyalətinin Babul şəhərində 11 yaşlı haker həbs olunub.

Bu barədə Mazandaran əyalət polisinin kibercinayətlər üzrə idarəsinin rəisi Əhmədrza Rüstəmi deyib.

Onun sözlərinə görə, 11 yaşlı haker bir istifadəçinin şəxsi e-mail ünvanının parolunu əldə edib və həmin şəxsin bank hesabından öz hesabına pul köçürüb.

Həbs olunmuş haker barəsində cinayət işi açılıb.

Yanvarın 10-da Suriyada daha bir azərbaycanlı öldürülüb. Qəribəsi isə odur ki, bu dəfə öldürülən məktəb yaşlı yeniyetmədir.

Belə ki, əslən Naxçıvan Muxtar Respublikasının Şərur rayonundan olan 1999-cu il təvəllüdlü Kərimov Nəcəf Namiq oglu Suriyadakı döyüşlərdə öldürülüb. Bu haqda Teleqraf.com-a Suriyada öldürülən Nəcəf Kərimovun xalası nəvəsi Günel Babayeva bildirib.

Məlumata görə, Kərimovlar 2013-cü ilin yay aylarında ailəliklə Azərbaycanı tərk edib. Ölkəni tərk edərkən valideynlər 16 yaşlı İradə, 14 yaşlı Nəcəf, 10 yaşlı Sara və 5 yaşlı Fatiməni da özləri ilə aparıb.

Suriyada öldürülən 14 yaşlı Nəcəf Kərimov Namiq Kərimovun oğludur. Ailə Bakını tərk etəməzdən əvvəl Dərnəgül qəsəbəsi, Saratov küçəsində, daha sonra Sabuncu rayonunda yaşayıb.

Yeri gəlmişkən, Namiq Kərimovun “Allah yolunda döyüşlərdə” iştirak etmək üçün Suriyaya getdiyi deyilir. O, bu məqsədlə 14 yaşlı oğlunu da döyüşlərə aparıb.

O da qeyd edilir ki, vəfat edən Nəcəf Kərimovun atası Namiq Kərimovun əvəllər üç mağazası olub. Ancaq ailə tam olaraq vəhhabiliyi qəbul etdikdən sonra ailə başçısı mağazaları bağlayıb. O, deyib ki, bu cür fəaliyyətlə məşğul olmaq günahdır.

Məlumata görə, öldürülən Nəcəf Kərimovun anası Nigar Kərimova da vəhhabi təriqətini qəbul etdikdən sonra uşaqlarını təhsildən yayındırıb. Deyilənlərdən belə çıxır ki, Namiq Kərimov Nəcəf Kərimovu məcburi şəkildə Suriyaya döyüşlərə göndərib. Yanvarın 10-da həmin döyüşlərin birində 14 yaşlı yeniyetmə öldürülüb.

ABŞ - da ilk dəfə olaraq quş qripi aşkarlanıb. AzNews.az ABŞ mətbuatına istinadən xəbər verir ki, xəstəliyin simptomları Çindən qayıdan amerikalı qadında müəyyən edilib.

ABŞ Səhiyyə Nazirliyinin məlumatına görə, hadisə ölkə üçün bir ilkdir. Ümumdünya səhiyyə təşkilatının əməkldaşlarının xəbərinə görə təkcə dekabr ayında 648 belə xəstə müəyyən edilib. Xəstələrin çoxu Asiyada qeydə alınıb. 381 fakt öldürücü olub.

Gürcüstanın eks-prezidenti Mixail Saakaşvili postuna vida etsə də sosial şəbəkələrdə yenə də aktivliyi ilə seçilir.
Saakaşvili bu gün səhər facebook hesabında özünün uşaqlıq və hərbi xidmət illərində çəkdirdiyi fotolarını paylaşıb.